November 25, 2024
4 mins read

በተለያዩ የሀገሪቱ አካባቢዎች መምህራን ከደሞዝ ክፍያ ጋር በተያያዘ አድማ ላይ ናቸው

Conservation education AWF Ethiopiaዋዜማ- በአማራ ክልል ሰሜን ወሎ ዞን፣ በደቡብ ኢትዮጵያ ክልል ጎፋ ዞን እንዲሁም በማዕከላዊ ኢትዮጵያ ክልል ሀዲያ ዞን፣ የጥቅምት ወር ደምወዝ አልተከፈለንም ያሉ መምህራን፣ የሥራ ማቆም አድማ ማድረጋቸውን ለዋዜማ ተናግረዋል።

በሰሜን ወሎ ዞን ራያ ቆቦ ወረዳ ስር ባሉ በርካታ አንደኛና ሁለተኛ ደረጃ ትምህርት ቤቶች የጥቅምምት ወር ደምወዝ አልተከፈለንም ያሉ መምህራን ሥራ ማቆማቸውንና ተማሪዎቻቸውን መበተናቸውን ዋዜማ ሰምታለች።

ለአብነትም በወረዳው መንደፈራ፣ ዞብል፣ አረቋቲ፣ አዲስ ቅኝ፣ ቀዩ ዳሪያና ጎለሻን በመሳሰሉ አንደኛና ሁለተኛ ደረጃ ትምህርት ቤቶች ያሉ መምህራን የጥቅምት ወር ደምወዝ እንዳልተከፈላቸው ዋዜማ ተረድታለች።

ከከተማ ራቅ ባሉ ገጠራማ አካባቢዎች ያሉ ትምህርት ቤቶች ደግሞ ካለው የጸጥታ ችግር አንጻር ትምህርት ካቆሙ ቆይተዋል ሲሉ መምህራኑ አስረድተዋል።

ዋዜማ ያነጋገረቻቸው መምህራን እንዳሉት ከአንድ ወር በፊት በወረዳው ቀዩ ዳሪያ አንደኛ ደረጃ ትምህርት ቤት ላይ የድሮን ጥቃት መፈጸሙንና ትምህርት ቤቱ መውደሙን አስታውሰዋል።

በዚሁ ምክንያት የድሮን ጥቃቱ ተማሪዎች በትምህርት ላይ እያሉ ዳግም ቢፈጸም ኃላፊነት የሚወስድ አካል የለም በሚል ስጋት መምህራን ተማሪዎቻቸውን መበተናቸው የተነገረ ሲሆን፣ መንግሥት በበኩሉ ትምህርት እስካልጀመራችሁ ድረስ ደምወዝ አልከፍልም ማለቱን መምህራኑ አስረድተዋል።

በሌላ በኩል በአካባቢው ታጥቀው የሚንቀሳቀሱ አካላት መምህራኑ ወደ ትምህርት ቤት ሄደው እንዳያስተምሩ የተለያዩ ዛቻና ማስፈራሪያዎችን እንደሚያደርሱባቸው ያስረዱ ሲሆን በመንግሥት በኩል ደግሞ ወደ ሥራ እንድንገባ ከፍተኛ ጫና ይደረግብናል ብለዋል።

በተመሳሳይ በደቡብ ኢትዮጵያ ክልል ጎፋ ዞን ኡባ ደብረ ፀሐይ ወረዳ ያሉ መምህራን የጥቅምት ወር ደምወዝ እንዳልተከፈላቸው ያስረዱ ሲሆን፣ ደምወዝ ይከፈለን ብለው የጠየቁ በርካታ ርዕሳነ መምህራንና መምህራን ለእስር መዳረጋቸውን ተናግረዋል።

በማዕከላዊ ኢትዮጵያ ክልል ሀዲያ ዞን ጊምቢቹ ከተማ አስተዳደር የሚገኙ መምህራንም በተመሳሳይ የጥቅምት ወር ደመወዝ  እስካሁን እንዳልተከፈላቸው በዚህም ምክንያት ማስተማር ማቆማቸውንና ተማሪዎቻቸውን መበተናቸውን አስረድተዋል።

በደቡብ ምዕራብ ኢትዮጵያ ክልል ከፋ ዞን ጎባ ወረዳ እንዲሁ መምህራን ለልማት በሚል ሰበብ በየጊዜው የወር ደመወዛቸው እየተቆረጠባቸው በመሆኑ በተደጋጋሚ የተቃውሞ ሰልፍ ማድረጋቸውን ለዋዜማ የተናገሩ ሲሆን፣ ሆኖም ምንም መፍትሄ አለማግኘታቸውን አንስተዋል።

በሚቀጥሉት ሳምንታት ወቅቱን የሚመጥን ደመወዝ ለመምህራን እንዲከፈል እና መንግሥት በደመወዛቸው ላይ የጣለውን ከፍተኛ የሥራ ግብር እንዲቀነስ አጠንክረው ለመጠየቅ ዝግጅት እያደረጉ መሆኑንም መምህራኑ ለዋዜማ ተናግረዋል።

Leave a Reply

Your email address will not be published.

Latest from Blog

አስቻለው ፈጠነ የኢትዮጵያን ባህላዊ ሙዚቃ ከዘመናዊ ተፅዕኖዎች ጋር በማዋሃድ ባሳየው ልዩ ችሎታ የተቸረው አርቲስት ነው ። ጥበባዊ ጥረቱ ብዙ ጊዜ የኢትዮጵያን ጥልቅ ባህላዊ ትሩፋት እና የሙዚቃ ልምምዶች በልዩ ሚዛን፣ ዜማ እና ዜማ

አሞራው ካሞራ | አስቻለው ፈጠነ

January 15, 2025
ፈራ ተባ እያልን እንጂ ስለፋኖ ትግልና አደረጃጀት ብዙ የሚባል ነገር አለ፡፡ እንዳጀማመሩ ቢሆን ኖሮ እስካሁን ፋኖ ኢትዮጵያን በአጠቃላይና አማራን በተለይ ከታወጀባቸው የመፈራረስና የዕልቂት ኦነግ-ኦህዲዊ ዐዋጅ ነጻ ባወጣቸው ነበር፡፡ ይሁንና በምናውቀውም በማናውቀውም በምንገምተውም

ይድረስ ለፋኖ አደረጃጀቶች በያሉበት – ነፃነት ዘገዬ

የአማራ ሕዝብ የኅልውና ትግል፦ ዘርፈ ብዙ የጥቃት ሰለባ የሆነ መንግሥት መር፣ ማንነት ተኮር እልቂት ለታዎጀበት ሕዝብ በጥብአትና በጀግንነት የሚከናወን የዘመናችን ሐቀኛ አብዮት ነው። አማራው በዋለበት እንዳያድር፣ ባደረበት እንዳይውል ተወልዶ ያደገበት ቀዬ ድረስ

ከአማራ ፋኖ አደረጃጀቶች የተሰጠ የጋራ መግለጫ!

January 14, 2025
ኤፍሬም ማዴቦ ([email protected]) ባለፉት ሁለት ወራት አገር ውስጥና በውጭ አገሮች ያሉትን የኢትዮጵያ ሚዲያዎች ካጨናነቁ ዜናዎች ውስጥ አንዱ ፓርላማው ይህንን ወይም ያንን የህግ ረቂቅ አጸደቀ የሚሉ ዜናዎች ናቸው። የኢትዮጵያ ፓርላማ ምንም ይሁን ምን

የኢትዮጵያ ፓርላማ ሲመረመር

 ፈቃዱ በቀለ(ዶ/ር)   ጥር 2፣ 2017(January 10, 2025) መግቢያ ባለፉት ሃምሳ ዓመታ በአገራችን ምድር ሲያወዛግበንና በብዙ መቶ ሺሆች የሚቆጠሩ ወገኖቻችን ህይወታቸውን እንዲያጡ የተደረገበት ዋናው ምክንያት በፖለቲካ ስም የተደረገው ትግል ነው። ይህ ብቻ

ፖለቲከኛ ማለት ምን ማለት ነው? ፖለቲከኛ ራሱን የቻለ ሙያ ነው ወይ? በምንስ ይገለጻል? ለአንድ ህብረተሰብ የሚሰጠው በተጨባጭ የሚታይና የሚመዘን ነገር አለ ወይ? ፖለቲካ ሲባልስ ምን ማለት ነው? አገርን መገንቢያ ወይስ ማፈራረሺያ መሳሪያ?

ከሃይለገብርኤል   አያሌው የኦቦ ሲራጅና የወይዘሮ ፉንታዬ ልጅ ጃዋር መሃመድ ትላንትን ዛሬንና ነጋችንን ሊያሳይ የሚችል መጽሃፍ አዘጋጅቶልናል:: በእውነቱ መጽሃፉ ሊነበብ በሚችል የሃሳብ ፍሰት ተቀንብቦ በአነጋጋሪነቱ ቀጥሏል:: ጃዋርን እና የቄሮን ትውልድ በቅጡ ለመረዳት መጽሃፉ ማንበብ

የጃዋር የፖለቲካ ጅዋጅዌ! “ድመት መንኩሳ አመሏን አትረሳ’’

ጥር 2 ቀን 2017 ዓ/ም   January 10, 2025  በኢትዮጵያዊነታችሁ፡ በኦርቶዶክሳዊ እምነታችሁ፡ በአማራነታችሁ፡ በአማረኛተናጋሪነታችሁ፡ በተሰነዘረባችሁ ብትር፡ ቤተ ሰብ፡ ወዳጅ ዘመዶቻችሁን ያጣችሁ: ልጆቻችሁን የቀበራችሁ፡ አካልችሁን ያጣችሁ፡ የተሰነዘረውን ብትር በመከላከል ላይ ያላችሁ፡ያለፈቃዳችሁ በመንግሥት ተጽእኖ ወደመግደልና

በኢትዮጵያዊነታችሁ፡ በኦርቶዶክሳዊ እምነታችሁ፡ በአማራነታችሁ፡ በአማረኛ ተናጋሪነታችሁ፡ በተሰነዘረባችሁ ብትር፡

January 10, 2025
Go toTop