እግዚኣብሔር ግን ወዴት አለ?

ምነው አምላክ ሆይ ይህን ያህል ጠላኸን፤ ተጠየፍከን፡፡ የሠራሃትን አገር፣ የፈጠርከውን ሕዝብ ለሠራዊተ አጋንንት አጋልጠህ መሠወርህ ለምን ይሆን? ምን እስክንሆን ነው ለኦነግሸኔ የመከራ ውርጅብኝ አጋልጠህ የተውከን?

አዲስ አበባ እየጠፋች ነው፡፡ ሕዝቧ ብቻ ሣይሆን ታሪኳም ቅርሷም ቅርጿም ወዳልነበርነት እየተቀየሩ ነው፡፡ አንበሣ አውቶቡስ መልኩንም ስሙንም ቀየሩት፡፡ አመልካች ሥራ ፈላጊዎችን በአማርኛና ኦሮምኛ ፈትነው የኦርምኞቹን ሲያሣልፉ ያማርኞቹን ጣሏቸው፡፡ አቤት ግፍ! የኑሮ ውድነቱን ከጣራ በላይ ሰቀሉት፡፡ ቤቱን የሚያፈርሱበትን የአዲስ አበባ ኗሪ ለማፍረሻ ገንዘብ ያስከፍሉታል፡፡ ካልከፈለ ዕቃውን ይቀሙታል ፤ አፈናቅለውም የትም ይጥሉታል፡፡

እነዚህ ወፍዘራሾች በኦሮሞ ሕዝብ ላይ እየከመሩበት ያለው ከፍሎ የማይዘልቀው የታሪክ ዕዳ ከአሁኑ ያሣስበኛል፡፡ አይነጋ መስሏቸው በተለዬ እሽቅንድር አድርጓቸዋል፡፡ ጥጋብ ትቢታቸው ይሠሩት አሳጥቷቸዋል፡፡ የዕብሪተኞችን መጨረሻ ከደርግና ከወያኔ ሊማሩ አልቻሉም፡፡ የሁሉም ነገር መፍትሔ ጥይት ብቻ መስሏቸው ሕዝብን በጥይት አረር እየቆሉ አገር ማፍረሳቸውንና በተለይ አማራን መጨፍጨፋቸውን፣ ማፈናቀላቸውን፣ ማሳደዳቸውን፣ አግቶ ብዙ ገንዘብ ማስከፈላቸውን … በስፋት ቀጥለዋል፡፡ ያቺ ቀጭን የፍርድ ጊዜም አትቀርም፤ እየመጣችላቸው ነው፡፡ ያኔ ነው ጉዱ፡፡ ትልቁ ችግር የዐረመኔ አምባገነኖች ዳፋ ወይም ጦስጥምቡስ ለየዋሁ ዜጋ መትረፉ ነው፡፡

ኦነግሸኔ አቢይና ሽመልስ ሆይ! ሌላ የምላችሁ የለም፡፡ መልካም የግድያና የውድመት ዘመን ይሁንላችሁ፡፡ ወደአባታችሁ ቤት ወደ ሲዖል እስክትሸኙ አባታችሁ ሣጥናኤልን ቶሎ ቶሎ አስደስቱ፡፡ ከምታፈሱት የአማራ ደም ጅረት ደግሞ እያንደቀደቃችሁ ጠጡ፤ ሥጋውንም ብሉ፡፡ የቀረቻችሁን አጭር ጊዜ በደምብ ተጠቀሙባት፡፡ ግን ይብላኝ ለልጆቻችሁና ለቀሪው ምሥኪን ኦሮሞ፡፡

Ynegal Belachew

መቼ ይወድቅ ይሆን?እስከዚያስ
ስንቶቻችንን ይጨርስ ይሆን?pic.twitter.com/VVw9gRYGxJ

በዚህ ብቻ ፤ የአብይ መንግሥት አንድ ቀን ሥልጣን ላይ መቆየት አልነበረበትም!ምን ነካን?

— “I swear I will never be Amhara Again “ (@MulugetaGetah10) December 27, 2024