የዋይታና የመራራ ልቅሶ ድምፅ በኢትዮጵያ [በትግራይ] ተሰማ…!!

4 Comments

1. ወገኖች እግዚአብሄር መጽናናትን ይስጣችሁ፡፡ ይህ እንደሚመጣ እናውቅ ነበር ብዙ ጮህን ሰሚ አላገኘነም ለትግሬ ከኢትዮጵያ በላይ ምን ሊመጣለት ይችል ነበር? ከአማራስ የቀረበው ምን ነበር? ክፉዎች የትግሬን በትረ ስልጣን ያዙ በክፉ አእምሮዋቸው ክፉ ነገር አፍልቀው ማሰብ የማይችለውን አግተለተሉት፡፡ እናንተም ላይ ይህ ሃዘንና ሰቆቃ ተከትሎ መጣ፡፡ በእነዚህ ክፉ መሪዎች በጭፍን የታዘዙት ልጆቻችሁ ወንድሞቻቸውን ጠላት ናቸው ብለው አለ ርህራሄ ፈጇቸው፡፡ የሚያስለቅሰው አጥቶ ነው እንጅ ከእናንተ የመጡት አማራውን ፈጅተውታል ሃብት ንብረቱን የቻሉትን ዘርፈው ቀሪውን አውድመውታል የአማራም እናቶች በናንተ ልጆች ክፋት እያለቀሱ ነው ማን ተጠቀመ ማንም፡፡ ያለፈው አለፈ ካሁን በኋላ አናታችሁ ላይ ፊጥ ብለው የሚያስጨርሷችሁን እምቢ በሏቸው፡፡ ስብሃት ነጋ የት ነው ያለው? ሳሞራ የኑስ የት ነው ያለው ? ጌታቸው ረዳ የት ነው ያለው? ታደሰ ወረደ የት ነው ያለው? ሞንጆሪኖ የት ነው ያለችው?የትግራይ ወጣት ባብዛኛው ያለቀው እነ ደብረ ጽዮንን፤ስብሃት ነጋን ታደሰ ወረደን ሲጠብቅ ነው ከነሱ በፊት እኔን ያድርገኝ ብሎ ነው፡፡የመሪዎቻችሁ ልጆችስ የት ነው ያሉት? ከነሱ አንድ የሞተ አለ? ጎበዝ ከዚህ ሁሉ እልቂት በፊት መጠይቅ ይገባ ነበር፡፡ ሊጠብቃችሁ የሄደውን ስራዊትስ ማረድ ምን ይባላል? በታሪክስ እንዴት ልትታወሱ ነው? የኢትዮጵያ ባንዲራ እየተቃጠለ የቻይና ባንዲራ ሲውለበልብ እንዴት ፈቀዳችሁ? የኢትዮጵያን ባንዲራ ያጠኑት እኮ አጺ ዮሃንስ ነበሩ፡፡ ጥቂት እብዶች ሲያሳስቷችሁ ቀሪዎቹ ረጋ ብላችሁ ማሰብ ይገባ ነበር፡፡ ይህ የማይደበቅ ሊነገር የሚገባ ሃቅ ነው፡፡ አሁንም ጽናቱን ይስጣችሁ የልጅ ሞት በጣም ይጎዳል ይሄ ሁሉ ልጅ ለሞት ተሽቀዳድሞ ሲሄድ ወላጅ ሊከለክል በተገባ ነበር፡፡ አሁንም ደግመን የምንናገረው የመሪዎቻችሁ ልጆች አንዳቸውም አልሞቱም መሪዎቻችሁ የሰላም ሰዎች እየተባሉ ከአብይ መሃመድ ጋር ይሸላለሙ ነበር፡፡ ጻድቃንም ልጆቹን በፈረንጅ አገር ከማስተማሩም በላይ 900 ሚሊዮን ብር በአብይ ፈቃድ ከሃገር አሽሽቷል፡፡ ሳሞራ የኑስም ዛሬ 40 ሚሊዮን ብር በሚገምት ቤት ህጻን አግብቶ ይንፈላሰሳል ተጎጅው ምስኪኑ የትግራይ ህዝብ ነው፡፡ እነ ቴዎድሮስ የርእዮት ሚዲያ ባለቤት፤አሉላ ሰለሞን፤ስታሊን ምናምን የተባሉት ያዘኑ መስለው ወጣቱን ወደ ጥፋት መሩት እነሱም ስሙኒ ሰበሰቡበት እንጅ ለትግራይ ህዝብ ምንም አልጠቀሙትም፡፡ እንግዲህ ካለፈው ተምረን አቅል ገዝተን እንኑር የመጣው እብድ ሁሉ እንዲጋልባችሁ እድል አትስጡት ኢትዮጵያዊነትን አጥኑ ልባችሁ ወደ ውጭ ወደ ውጭ አይበል፡፡ ሰላም ሁኑ

   Reply

2. ሰው የሆነ ሰው የትግራይ እናቶችና አባቶችን እንባ እያየ የራሱን እንባ በቅርብም ሆነ በሩቅ የማያፈስ ይኖራል ብዬ አላምንም። የትግራይ ህዝብ ግፍና መከራ ማየት ከጀመረ ቢቆይም እጅጉን ብሶ ዛሬ ላለበት የጉስቁልና ማጥ ውስጥ የከተተው ወያኔ ባርነት ትግራይ ነው። 17 ዓመት ሙሉ ሲታገሉ ወደ 60 ሺህ ሰው አለቀብን ያሉን አሁን በሶስት ጊዜ ወረራው ከህዋላም ከፊትም እየተተኮሰበት የሞተው ቁጥር ወደ አንድ ሚሊዪን ይጠጋል ተብሎ ይገመታል። የሚያሳዝነው ያኔም ዛሬም ወደ ሞት የሚገፉን እኛ እናውቅላችሁሃለን የሚሉን የዘርና የጎሳ ሰካራም ፓለቲከኞች ሃዘን ተቀማጭ መሆናቸው ነው። መሞት የነበረባቸው እነርሱ ነበሩ። ግን ፍትህ በዚህ ዓለም ላይ የት አለና! የድሃ አደግ ልጆችን እያፈሱ ወስደው ያስጨረሱ አሁን እንባ መሳይ ነገር ሲያፈሱ ማየት ይዘገንናል።
   ለህልውና የተከፈለ ክቡር መስዋእትነት በሚል መፈክር በትግራይ በየሥፍራው መርዶ ማስረዳቱ በጎነት አለው። ሰው እርሙን ይዞ ቁጭ ከሚልና አንዴ ወደ ኤርትራ በምርኮ ሄደ፤ ሌላ ጊዜ በፌዴራሉ እስርቤት ይገኛሉ ወዘተ እያሉ የወላጅና ዘመድን ልብ ከማንጠልጠል እንቅጩን ተናገሮ ማረፉ ጥሩ ነው። በዝምባባና በትግራይ ባንዲራ ያሸበረቀው የግጥምና የዘፈን ጋጋታ ግን አላስፈላጊ ነው። ያኔም ዛሬም እየዘፈኑና እየሸለሉ አይደል እንዴ ሰው እንደ እሳት ራት ገብቶ ያለቀው። ፓለቲከኞች እንደ ቦይ ውሃ ናቸው። ያሰቡት ሳይሳካ ሲቀር ሃሳባቸውን ቅይረው ወደ ሌላ አቅጣጫ ይፈሳሉ። ተው ሲባሉ አልሰማ ብለው የእናቶችን እንባ ረግጠው የጫሩት እሳት አሁን እንሆ ትርፍ አልባ የእልፍ ሰዎችን ህይወት አስገብሮ ለነጻነት ነው ይሉናል። ውሸት ነው። ነጻነት ወያኔ እያለ በትግራይ ውስጥ አይኖርም። የሞት ቁማር መጫወት ወያኔዎች ዛሬ የተካኑበት ሳይሆን ድሮ ገና በበረሃ እያሉ የተቃመሱት የግፍ ጽዋ ነው። ስንቶች በረሃ ቀርተዋል? ስንቶች በሱዳን መሬት መጠለያ ፍለጋ ሄደው ረግፈዋል? ግን ለጥቁር ህዝብ ሞትና እርዛት ማን ገዶት። አልቃሽም አስለቃሽም ሁሉም ግን በጊዜ ሂደት አፈር ይመለስባቸዋል። ነጻነት የናፈቀው የትግራይ ህዝብም ራሱ በራሱ በመረጣቸው አመራሮች ቢመራ ወደፊት እንዲህ ያለ እልቂት እንዳይኖር መንገድ ከፋች ይሆናል። ያ ፈሪሃ እግዚአብሄር የተላበሰው አዛኝና ሃገር ወዳድ የትግራይ ህዝብ በእነዚህ አረመኔዎች ይኸው ከ50 ዓመት በላይ መከራውን ያያል። በትግራይ ነጻነት እንዲኖር ከተፈለገ የወያኔ መሪዎች ለፍርድ መቅረብ አለባቸው። ያ እስካልሆነ ድረስ ዝም ብሎ ውሃ ወቀጣ ነው። የሞተውም ይረሳል፤ ዘፈኑና ፉከራውም በሌላ ይተካና እንደገና ከኤርትራና ከአጎራባች ስፍራዎች ጋር ወይም ከኦሮሞው መንግስት ጋር ዳግም ፊልሚያ ሊፈጠር ይችላል። ለመሆኑ የነጻነት መስፈሪያው ምንድን ነው? የመገዳደልና የሞት ፓለቲካ ለማንም አይጠቅምም። ግን ሰው ሆኖ የሰውን ዋይታና ለቅሶ በዝምታ የሚያይ በድን እንጂ እስትንፋስ ያለው አይደለም። በዚህም በዚያም እያላከክን ዝንተ አለም መገዳደላችን መፍትሄ እስካላገኘ ድረስ በትግራይ ህዝብ ላይ የደረሰው ሃዘን መላው የሃገሪቱን ክፍል ማዳረሱ አይቀሬ ነው። ፈጣሪ ለትግራይ እናቶችና አባቶች ባጠቃላይ በሃዘን ለተመታው ህዝብ መጽናናትን ይስጥ። ወያኔን ከትግራይ ህዝብ ጀርባ ላይ ያውርድ። በቃኝ!

   Reply

3. አረ ኮመንቶችን አታንሱ ሰው ይማርበት ሀሳብ አይገደብበት ያልሆነው አልተጻፈም በኛ ልክ አስቡ መልካም አይሆንም።

   Reply

4. ያሳዝናል ይህ እንዳይሆን አስቀድመው የሚያዩ ወገኖች ተው ብለው ነበር ማን ይስማ? ይኸው ከአንድ ቤት 5 ልጅ ተንጋግቶ ለሞት መጣደፍ ምን ይባላል? ዛሬ የሰየ አብረሃ የጻድቃን ገ/ተንሳይ፤የደብረ ጽዮንና የሌሎች ጉምቱ ህወአቶች ልጆቻቸው አልሞቱም እነሱም ከአብይ ጋር የሰላም ሰዎች ተብለው ሽልማት በሽልማት ሁነዋል፡፡ አንድ ቤት ውስጥ እንኳን አንዱ ሲያጠፋ አንዱ ተው ይላል ድፍን ትግሬ ከቤተክርስቲያኑ ጋር ሲያብድ ማን ያስታርቅ፡፡ የቀበጡ እለት ሞት አይገኝም ይባላል፡፡ አሁን ከዚህ ትምህርት ወስዶ በፍቅር መኖር ያስፈልጋል ከተቻላችሁ፡፡ የአማራው ሟች ክብር ተሰጥቶት አልተለቀሰለትም እንጅ ረግፏል አሁንም እየረገፈ ነው ንብረቱ ወድሟል በትግሬዎች ተዘርፏል፡፡ የትግሬን ልጆች ያስጨረሱ ዛሬ ገንዘብ አሽሽተው ወደ ባህር ማዶ ከወንጀላቸውና ከደም ገንዘብ ጋር ይኖራሉ ህሊናቸው ይከሳቸዋል አይባል ህሊና የላቸውም፡፡ የትግሬን ወጣት አስፈጅተው አረጋዊ በርሄ፤አርከበ እቁባይ፤ስብሃት ነጋ፤ደብረጽዮን ገ/ሚካኤል፤ጌታቸው ረዳ፤ጻድቃን ገ/ተንሳይ፤ምናምን ወረደ፤ቴዎድሮስ ርዕዮት፤ስታሊን ገ/ስላሴ/አሉላ ሰለሞንና መሰል ወንጀለኞች የትግሬን ወጣት በተለያየ መንገድ አስፈጅተው ተንደላቅቀው ሲኖሩ እነዚህ እናቶች ግን ልጆቻቸውን እስከ ወዲያኛው አጥተዋል፡፡ ለማንኛውም ማስተዋልን ይስጠን

   Reply