የትጥቅ ትግልና ግራ የሚያጋባ አስተያየት – ፕ/ር ጌታቸው ኃይሌ

ፕ/ር ጌታቸው ኃይሌ

በኢትዮጵያ ትከሻ ላይ የተቆለፈውን ቀምበር ለማላቀቅ ቍልፉ የትጥቅ ትግል መሆኑ በተነሣ ቍጥር ከአንዳንድ ሰዎች የሚሰጠው አስተያየት ግራ የሚያገባ ነው። ገዢዎቹና ደጋፊዎቻቸው ቢቃወሙ ይገባኛል። የሚሰጡት አስተያየት ግን ሕፃንን ሳይቀር የሚያሥቅ ነው። “ጦርነት በቃን” ይላሉ። “አትንኩን” ማለታቸውን የማናውቅ ይመስላቸዋል። ጦርነት ካላስፈለገ፥ ለምን ከንጉሣዊው አስተዳደር ጋር ተዋጉ? ለምን ከደርግ ጋር ተዋጉ? ጨቋኝ ገዢ የት አገር ነው በሌላ መንገድ ሥልጣን ለሕዝብ ሲለቅ የታየው? የምሥራቁ ዓለም ጨቋኞች የወደቁት በሕዝብ ዐመፅ ነው ማለት፥ የምዕራቡን ዓለም ከባድ እጅ ሚና መርሳት ይሆናል።

የኛዎቹ ጦርነት ከመረራቸው፥ ሕዝብን ወደጦርነት የሚመራ በደል አይሥሩበት። ምን ጊዜም ቢሆን የትጥቅ ትግል የመጨረሻው አማራጭ ነው። የትጥቅ ትግል የሚያደርሰው ጉዳት በአንዱ ወገን ላይ ብቻ አይደለም። መሣሪያ የሚያነሣ መሣሪያ ማንሣት የሚያመጣበትን ጉዳት ሳያውቅ አይነሣም። ሰው ሆኖ እንደከብት መገዛት ያልቻለ ሰው በቃኝ ሲል፥ ክብሩን በመጠበቁ ከተቀመጡበት ተነሥቶ “ነወር” የሚባል እንጂ፥ በባርነት ጥላ ሥር ተቀምጦ የሚተች አይደለም። “ጦርነት መርሮናል” የሚለውን ምክር መገዛት ለመረረው አይመክሩም።

ከዚሁ ጋር ተያይዞ የሚመጣ ግራ አጋቢ አስተያየት “ጦርነትስ አስፈላጊ ነው፥ ግን . . .” የሚለው ነው። ይህ አስተያየት በቅን አሳብ፥ የተሰጠ ሊሆን ይችላል። ግን አዛኝ መስሎ፥ ቀምበረኛውን ለመደገፍ የተሰጠ አስተያየት አለመሆኑ በምን ይታወቃል? እውነተኛ አሳቢና ሠጊ ሰው አስተያየቱን የሚሰጠው ሲጠየቅ፥ ካልተጠየቀም በግሉ ትጥቅ ያነሡትን ፈልጎ በጨዋ ደምብ መንገር ነው። ሳይጠየቁ ተነሥቶ በይፋ ምክር መስጠት ግን ሰሚው ሕዝብ ትግሉን እንዳይደግፍ መገፋፋት ነው። የትጥቅ ትግል ከታመነበት እንዲፋፋም የማይፈለግበት ምክንያት ምንድን ነው?

ተጨማሪ ያንብቡ:  ሕዝብ ሆይ! እንደማመጥ እንጅ! ጋሰለ አረሩ፤ አዴፓ ብአዴን፤ ብልጽግናም ይህ አድግ ነው!  

ትጥቅ ትግል የራስን ሕይወት ለወገን ነፃነት መሠዋት ማድረግ ነው። ሌላ ዓለማ የሌለው ሰው መሣሪያ ሲያነሣ፥ እንዴት ይኸንን የሚሰነዘርበትንና የሚሰነዘርለትን ምክር ሳያስብበት ራሱን ለመሥዋዕትነት ያቀርባል? የሚካኼደው የትጥቅ ትግል የሚያዋጣ የመሰለው እርዳታውን ያቅርብ፤ የማያዋጣ የመሰለው ለምንድን ነው የሚቃወመው? ተቃውሞው ማንን ለመጥቀም ነው? ለታጋዮቹ አስቦ ከሆነ፥ ከባለቤት ያወቀ ቡዳ ነው። “የኔን ያህል የማሰብ ችሎታ የላችሁም” ማለት ነው። እንዴት ነው ለታጋዮቹ ያልተገለጠ ሥጋት ለምክር ሰጪዎቹ የተገለጠው?

አንዳንዱ ደግሞ፥ “ይኸው እንታገላለን ሲሉ ዓመታት አሳለፉ፥ ግን አንዳች ውጤት አላሳዩም” ይላል፤ ውጤት እንዲያሳዩ የቀጠራቸውና ካልሆነላቸው የሚያሰናብታቸው ሹም ይመስል። አርፎ መቀመጥ ስንት ውጤት አሳየ? ሌሎችን ሙከራዎችም “አንዳች ውጤት አላሳዩም” ብለን እንንቀፋቸዋ!ውይስ ውጤት አሳይተዋል?

“በመካሄድ ላይ ያለው የትጥቅ ትግል ኢትዮጵያን የሚጎዳ ነው” ከተባለ፥ እርግጥ ሊታሰብበት ይገባል። ግን አሳሳቢው ምክንያት ሊቀበሉት በሚገባ መልኩ አልተሰጠንም። ይህ ትግል የሚያመጣው ጉዳት ከተሸከምነው ቀምበር ይበልጥ ሊከብድ እንደሚችል አሳዩን።

የወያኔ ቀምበር መሰበር አለበት የምንል ሁሉ በመሰለንና በተቻለን መንገድ እንታገል። ካልተቻለን፥ ካልመሰለን፥ አርፈን እንቀመጥ፤ ታጋዮችን አለማደናቀፍ፥ እንደ ትግል እንዲቈጠርልን።

– See more at: http://www.satenaw.com/amharic/archives/10537#sthash.Kvap5EbS.dpuf

8 Comments

  2. Shame that this bulshit calls himself professor?
    How stupid and naïve should he be? what a poor and racist analysis ever.
    If this is the only capacity you got to prepare an essay/critique, better do it under another pen-name. At least people may imagine your articles as a rubbish simply written by a neftegan, as usual-than knowing it was by a professor.

  3. ከ ታላቅ ክብር ጋር ፕሮፌስር ተሳስተዋል ማንም ኢትዮጵያዊ ስለ ሀገሩ ጉዳይ የመሰለውን በቅንነት መጻፍ መናገር ይችላል; እርስዎ እንዳሉት ….“ጦርነት በቃን” ይላሉ። “አትንኩን”…ማለት ትንሽ ረከሰብኝ ለመሆኑ የጦርነትን አስከፊነት ተገንዝበውታል? ለመሆኑ ኢትዮጵያን ለመበታተን ከ TPLF ጀምሮ እስክ Egypt and Arebian countries
    የሚዶለተውን ልብ ብለውታል. What is the lesson we should learn from Syrian conflict, Libyan conflict, generally from Arabian conflict? Any organization who says I struggle for the Ethiopian unity and equality of its citizens doesn’t need arm struggle. The people is the power.

  4. ዬእድሜ ባለጸጋው : እርስዎንና መሰሎች ወገኖቻችን ያሰንብትልን ! አገራችንም ከ ዘረኞች ወያኔ ተላቃ ህዝቦችዋ ሁሉ
    ተከባብረውና ተደማምጠው በ እኩልነት ሁላችንም የምንኖርባት ሆና ማየት ያብቃን::
    ወያነ እንዳለ ሆኖ ” አትንኩን” ” ጦርነት በቃን” ለሚሉት የፈራ ይመለስ ! አፉንም በወያነ ፍርፋሬ ያብስ !ብለናል

    ጞ

  5. ” ፖለቲካና ኮረንቲ በሩቅ ” ለሚሉና ከወያኔ ያመለጡ የመስላቸው ነገ የነሱንም ቤት እንደጎረበቶቻቸው አንኩዋኩቶ
    የሚወዱዋቸውን ሲረግጥ ሲያስርና ህይወታቸውን ሲቅጥፍ ያንን ኮረንቲ አይደልም በ እጃቸው በጥርሳቸውም አይልቁት

  6. belete, (Hagos)…………..to you the banda and looter, it might sound stupid……….but to the rest of the Ethiopian People, it rings the truth…..so your banda clan, the woyane days are coming to an end

  7. Thank you Professor Getachew!

    This is timely article and comment. Your insight is truly remarkable and valuable. Recently the attitude I am seeing from few “irrelevant” people who went to Eritrea a while back is we know it all and we experienced it before. How silly. They were ineffective because they were as incompetent as they are now. They have not achieved anything in life as professionals and their contribution is mere gossip and slander. The few freedom fighters are elites who succeeded in life way above the average American. They sacrificed their life to the value of freedom and liberation struggle. I want to see these few idiots make like true to their value rather than criticizing. I strongly believe now we know more than ever who real spy and woyane is!

  8. For Belete, u don’t know about Ethiopia, that is why u crying, by the way inferiority complex could be cure if u read the Ethiopian history. Otherwise u gonna be die

Comments are closed.

Share