የአማራ ሕዝብ ዐብይ ድክመት – መስፍን አረጋ

1 Comment

1. ችግሩ የአማራ ህዝብ ብቻ አይደለም። የመላ ሃገሪቱም ጭምር እንጂ። ሲጀመር የሃበሻን ህዝብ ማስተዳደር እጅግ ከባድ ነው። ያው አሁን ደግሞ ሰው በዘሩ እየተመነዘረ የሚገደልበት፤ የሚታሰርበት፤ የሚባረርበትና የክፋት ልክ ጣራ የወጣበት ጊዜ ላይ እንገኛለን። በዘርና በቋንቋ ላይ የተመሰረተ የክልል ፓለቲካ የሁሉን ዓይን ከእውነት አርቆታል። ለእኔ እንጂ ለእኛ ማለት ቀርቷል። በዚያው ልክ ለሞቫይልና ለአላቂ ቁሳቁስ የሰውን አንገት የሚቀሉ፤ ወላጆቻቸውን የሚዘርፉና የሚገሉ ጉዶች እያበቀለች ያለች ሃገር ናት። የምድሪቱ መናወጥ መሰረቱ ስር የሰደደ ነው። መፍትሄውም በቀላሉ የሚፈታ አይደለም። ከምናየውና ከምንሰማው ይልቅ እንደ ምስጥ ሥር ስሩን የሃገራችንና የህዝባችን አንድነት የሚንድ ሃይሎች በሙሉ ጉልበታቸውና ሃብታቸው ተሰልፈዋል። እነዚህ ሃይሎች በአንድ በኩል አስታራቂ መስለው እየቀረቡ ክብሪትና ነዳጅ እያቀበሉ ሲያገድሉን ኖረዋል ዛሬም ያ እቅዳቸው አልተቀየረም። አሁን ላለው የክልል ስጡኝ ጋጋታም ዋናው የእኛው የጠባብ ብሄርተኝነት ህሳቤና የኢትዮጵያን አንድነት የማይሹ ሃይሎች ያሰመሩት የክፋት መንገድ ነው። እኛ ግን አልነቃንም። የቀረበልን ስንጋትና በዚያው ሳቢያ ህዝባችን ስናስጨንቅ ዘመናት ቆጥረናል።
   የአማራን ህዝብ ያደነዘዘው በላዪ ላይ የሚወርደው ያላሰለሰ መከራና ሰቆቃ ነው። በንጉሱ፤ በደርግ፤ በወያኔ እንዲሁም አሁን በብልጽግና ሃበሳውን የሚቆጥረው ይህ ጨቋኝ፤ ቅኝ ገዢ፤ ነፍጠኛ እየተባለ የሚጨፈጨፈው የአማራ ህዝብ ነው። በተለይ ሻቢያና ወያኔ ለችግራቸው ሁሉ ምንጩ የአማራ የበላይነት ነው ብለው ህዝባቸውን ስላሳመኑ ጥላቻው ሰማይ ነክቶ መሬት ላይ ወርዶ አሁን የኦሮሞ የዘርና የቋንቋ ፓለቲከኞችን አንገት በጣሽና ነፍሰጡር ገዳይ አድርጓቸዋል። እውቁ የፓለቲካ ሰውና እውነተኛው ኢትዮጵያዊ አቶ አሰፋ ጫቦ በአንድ ወቅት እንዳለው ኢትዪጵያን የማፍረክረክ ሴራ “በሻቢያ የበላይነት ኦነግን አልፎ ተርፎም ወያኔን ያካተተ ነው” ብሎ ነበር። ይህን ወደ ኋላም ሆነ ወደፊት ተራምዶ ነገሮችን ለመረመረ እውነት ነው። የወያኔ በጉልበት መሬትን እየቀማ ካርታውን ማስፋት፤ ኦነግ ከኤርትራ ወደ ሃገር ሲመለስ መቀሌ ላይ ወያኔ ያደረገላቸው አቀባበል አሁን ኦነግ ሸኔ ለተባለው ድርጅትና ለሌሎችም ተለጣፊ ሃይሎች በቀጥታና በስውር የሚደረገው ድጋፍም ከዚህ እውነታ ጋር ይገናኛል። ታዲያ በዚህ ሁሉ ሴራ የአማራ ህዝብ “ኢትዮጵያ” በማለት ለሃገሩ ያለውን ያለውን የማይናወጥ አቋም ተገንጣይና አስገንጣይ ሃይሎቹ ያኔም አሁንም አይወድለትም። ስለዚህ ይህ ህዝብ ተነጥሎ እንዲመታ የተፈረደበት ህዝብ ነው።
   ስለሆነም ወንድሜ መስፍን – የአማራ ህዝብ ራሱን ከሊቅ እስከ ደቂቅ አሰልጥኖ የሚመጣበትን ወረራ መከላከል እስካልቻለ ድረስ አሁን በአማራና በአፋር ክልል ወያኔ ሆን ብሎ ያወደመውን መልሶ ለመገንባት የሚደረገው ሩጫ ሁሉ ዋጋ ቢስ ነው። ለዳግመኛ ወረራ የሚዘጋጀው ወያኔ ባለበት ማቆም እስካልተቻለ ድረስ የዳግም ወረራቸው ከበፊት የከፋ እንደሚሆን ከአሁኑ መገመት ይቻላል። ልክ ነህ “አልችልም” ከማለት ይልቅ ራስን እና ቤተሰብን ከመከራ ለማዳን የጠላትን የጦርነት አቋምና ትጥቅ ስሪትና እቅድ ቀድሞ ማወቅ አስፈላጊ ይሆናል። ይህ ሳይሆን ቀርቶ በዚህ ህዝብ ላይ ለሚደርሰው መከራ ፈጣሪም ሆነ ሌላ ሃይል ተጠያቂ አይሆኑም። ጊዜ እያለ መዘጋጀት፤ መታጠቅ፤ መተባበርና የቅንጅት ጥምረት አስፈላጊነት ከምንጊዜም በላይ ዛሬ ተፈላጊነቱ ጎልቶ ይታያል። በቃኝ!

   Reply