አራት የቤተሰብ አባላቶቼ በአሸባሪው ቡድን በግፍ ተገድለዋል

1 Comment

1. ወያኔ ከአማራ አማራ ለይቶ ይጠላል። የጎንደር ስም ሲነሳ ያንቀጠቅጠዋል። ለምን ለሚሉ መልሱን እናንተው ፈልጉ እላለሁ። ጭካኔው ከሰላማዊ ሰው ነው የጀመረው አሁንም በሰላማዊ ሰው ላይ ነው ጉብዝናው። የጭቃ ቤት አፍርሶ፤ ከብቶችን አርዶ በልቶ የቀሩትን በጥይት ሩምታ ገድሎ ሰብል በማበላሸት በቤት አለ የተባለ ነገርን ሁሉ ጭኖ ወደ ትግራይ የሚያጓጓዝ የሌቦች ስብስብ ወያኔ ነው። ከቋንቋው ውስጥ እንደ ውሃና ምግብ ከአፉ የማይለየው አማራ የሚለው ስም ነው። ትንሹም ትልቁም ለዘመናት በወያኔና በመሰሎቹ የተሰበከለት አማራ ጠላትህ ነው። አማራ ነው ለረሃብ ያጋለጠህ፤ ከአገርህ እንድትሰደድ ያደረገህ፤ የአማራ ገዢ መደብ ነው ኋላ ቀር ያደረገህ እየተባለ በውሸት ትርክት የተዘፈቀን ያን ህዝብና የወያኔ ቡድን ከዚህ እይታቸው ማጥራት ከቶ አይቻልም።
   ሰው ገድሎ ጉድጓድ ውስጥ በተናጠልም ሆነ በጅምላ መጣል የወያኔ የቀን ሙሉ ስራ ነው። ወያኔ ማለት የአውሬዎች ስብስብ ማለት ነው። በመኪና ገጭቶ በመግደል፤ መርዝ በማብላት፤ አፍኖ መሬት ውስጥ ከቶ በማሰቃየት፤ በመግረፍ፤ ጥፍር በመንቀል፤ ውሃ የሞላ ነገር በብልት ላይ በማንጠልጠል፤ በሴትና በወንድ ላይ ሶዶማዊ ጥቃት በመፈጸም የታወቁና የተካኑ ለመሆናቸው ዛሬ በህይወት ኑሮው ስንጠይቃቸው አይ ለሰው ጀሮም ይቀፋል አንናገርም በማለት ጉዳታቸውን ደብቀውና አካለ ስንኩል ሆነው የሚተነፍሱት ይመሰክራሉ። በሃበሻው የረጅም ጊዜ የመጠላለፍና የመኖር የፓለቲካ ስልት እንደ ወያኔ ሃርነት (ባርነት) ትግራይ ያለ የአረመኔዎች የፓለቲካ ስብስብ በምድሪቱ በቅሎ አያውቅም። ሃገርን ቆርሰው እንካችሁ የሚሉ የቀን ደላላዎች ናቸው። አሁን በጎንደር በወሎና በአፋር የምናየውና የምንሰማው ሰቆቃ ታልሞ፤ ታቅዶ፤ ተጠንቶ የተደረገ እንጂ ግጭቱ የፈጠረው የፓለቲካ ትኩሳት አይደለም። ግን የሚያሳዝነው የፌዴራል መንግስት ነኝ ባዪ ወያኔ ይህን ሁሉ ጉዳት እስኪያደርስ የት ነበር? ይገርማል አበው እንደሚሉት ሰዶ ማሳደድ ካማረህ ዶሮህን በቆቅ ለውጥ ነው።
   ዛሬ ለቅማንት ለአገው ለኦሮሞው ለአፋሩ ወዘተ ነጻነት ይገደናል የሚለው ወያኔ ልክ እንደ ጣሊያኖች ከፋፍሎ ለመግዛት እንዲመቸው እንጂ በስልጣን ዘመኑ ለእነዚህ አሁን ኑና እኔን ምሰሉ ለሚላቸው አጥፊ ሃይሎች ያደረገው አንዳች መልካም ነገር የለም። ወያኔ ድርቡሽ ነው። በሃገርና ከሃገር ውጭ ያሉ ተቃዋሚዎቹን ሁሉ ከፍሎ ያስገድላል። ለነጮች ከፍሎ ውሸትን በእውነት ያስለውጣል። ታዋቂ ሰዎችን እንዲከታተሉ ወይም እንዲገሉ ያደርጋል። ስልካቸውን ያሰርቃል ያን የተሰረቀም ስልክ በመከፋፈት ያለ የሌለ ነገሩን ጎርጉሮ በማውጣት ለፓለቲካ ሥራው ይጠቀምበታል። አዲስ አበባ ውስጥ በእስር ቤቶችን ሳይቀር በአውቆ አበዶች ከፍሎ ያስደበደባቸው ቁጥራቸው ብዙ ነው።
   አሁን የትግራይ ወጣት አለቀ፤ ትግራይ ተራበ፤ ገለ መሌ የሚሉን ሁሉ ከወያኔ የማይሻሉ ተልካሾች ናቸው። እንጀራ ከእጅህ ላይ ተቀብሎ በጥይት ደብድቦ ከሚገልህ ጠላት ጋር እንዴት ያለ እርቅና ርህራሄ ነው የምታደርገው? ከአማራ ህዝብ ጋር የምናወራርደው ሂሳብ አለን የሚሉ ጅሎች ጋር እንዴት ነው ሂሳብ የምታሰላው? ኢትዮጵያን ለማውደም ሲኦል ድረስ እንወርዳለን የሚሉ ሰዎች እንዴት ጤነኛ እይታ ይኖራቸዋል ብሎ ሰው ያስባል? ወያኔ የሚገባውና የሚነቃው ባሩድ ሲሸተውና በዚያው ጦስ ሲሰናበት ብቻ ነው። እሳትን በእሳት መፋለም እስካልተቻለ ድረስ ንፋስ የበተነው የፊኖ ድቈት ሆነ የተባለው ወያኔ ነው ዛሬ አፋር ድረስ ዘልቆ የሰውን ሰቆቃ ጣራ ላይ ያደረሰው። መደራጀት፤ መታጠቅ፤ መተባበር፤ በአንድ እጅ ማረሻ በሌላው ጠበንጃ ይዞ የራስንና የሃገርን ሰላም ለማስጠበቅ መፋለም ምርጫ የማይገኝለት ብልሃት ነው። እናስብ ወያኔ ሮኬት የተኮሰው አስመራና አማራ ክልል ላይ ነው። ለምን?
   የእርዳታ እህል አልገባ አለ በሩ ተዘጋ እያለ የሚያላዝነው ይህ የሙት ስብስብ እርዳታ ሊያደርሱ የተላኩ መኪናዎችን ቀምቶ ያስቀረ ሽፍታ ነው። ወያኔ ማለት ወሮ በላ ማለት ነው። ይባስ ብለው ነዳጅ ስለሌለ ነው ያልተመለሱት ይሉናል። ወያኔ እውነትነት ያለው ነገርም ቢናገር የሚያምነው ማንም የለም። ለዚህም ነው ወያኔ የወራሪና የዘራፊ ሃይል ነው የምንለው። ድሮም ለ 27 ዓመት የሃገሪቱን አንጡራ ሃብት ሲዘርፉ ኖረው ዛሬም ባንክና የግል ቤቶችን እቃ እየጫኑ መቀሌ መውሰዳቸው ከሽፍትነት ወደ ተራ ቀማኛነት መተላለፋቸውን ያሳየናል።
   ወያኔ እኮ የውሸት ብር አትሞ ህዝቡንና ራሱን የሚያታልል ቡድን ነው። ግን የደነዘዘው የአብይ መንግስት ይህንና መሰል ሰቅጣጭ የወያኔን ጨካኝነት ለምን ለአለም ህዝብ በግልጽ እንደማያሳውቅ ሊገባኝ አይችልም። ለምሳሌ ከተመድ ግዳጅ አንመለስም በማለት መሬት ላይ ወድቀው ተንከባለው አሁን በሱዳን የስደተኞች ሰፈር ወታደራዊ መልማይና አሰልጣኝ ስለሆኑት ሰዎች በዝርዝር ማን ማን እንደሆኑ በዓለም ላይ ለተበተነው ህዝባችንና ለሃገር ቤቱም ማስታወቅ ነበረባቸው። ዛሬ በትግራይ ተወሽቀው ጦርነቱን የሚመርቱን የወያኔ የቀድሞ የሲቪልና የወታደራዊ ባለስልጣኖች ሃብትና ንብረት መንጠቅ ሲገባ አሁንም ከዚያው የሚመነጨው ብርና ዶላር ነው ሃገሪቱን እያመሰ ያለው። ከዚያም በላይ ከ 40 ዓመት በላይ የዘረጋውን የስለላ መረብ፤ ህገ ወጥ የሆነ የገንዘብ ዝውውር ማምከን ሲቻል ሁሌ ማይክሮፎን ይዞ መለፍለፍ የቀን ተቀን ጉዳይ ሆኗል። ሽለላው፤ ድንፋታው፤ ሃገር ትፈርሳለች አትፈርስም እያሉ መነታረኩ ቢቀር ይሻላል። በጠላት ላይ ድል ለማግኘት የስለላ ፍሬና መረጃውን ተመርኩዞ በፍጥነት ማጥቃት ለወታደራዊ ግዳጅ ወሳኝ ናቸው።
   ባጭሩ ወያኔ የአማራን ህዝብ ለማጥፋት የተነሳው ዛሬ ሳይሆን ገና ከጅምሩ ነው። በወልቃይት ጸገዴና ጠለምት በሌሎችም በጉልበት የትግራይ ክልል ባደረጋቸው አካባቢዎች ይህ ነው የማይባል ከናዚ ጀርመን ገስታፓ የሚወዳደር ወንጀል ፈጽመዋል። የኢትዮጵያን ባንዲራ በመያዙ እጅ የተቆረጠ ወጣት አለ። መሰደድ፤ መገደሉ፤ መሬታቸውንና የቀንድና የጋማ ከብቶች መቀማታቸው፤ ከቀያቸው መፈናቀላቸው ታሪክ መዝግቦ የያዘው ነው። ወያኔ ትግራይን ገንጥሎ በራሱ መንግስት ሆኖ መኖር ካማረው ይገንጠል። ግን ወያኔ እያለ ምስራቅ አፍሪቃም ሆነ ከቁራሽ ተራፊዋ ኢትዮጵያ ሰላም አይኖራትም። ስለሆነም ተፋልሞ ማለፍ እንጂ ለወያኔ እጅ መስጠት ጭራሽ አይታሰብም። ሞት ለወያኔ! በቃኝ!

   Reply