“ዳግም የሚዋረድ የወያኔ ቡድን እንጂ ሒሳብ የሚወራረድበት አንዳች የአማራ ህዝብ አይኖርም!” ኮ/ል ደመቀ ዘውዱ

Demeke Zewdu

የትኛውም ምድራዊ ኃይል ቢመጣ ዳግም ወደነበርንበት የሰቆቃና የግፍ ዘመን ሊመልሰን አይችልም! የወልቃይት ጠገዴ ሰቲት ሁመራ ህዝብ በማንነቱ ምክኒያት ለ30 ዓመታት የግፍ ግፍ ሲፈጸምበት የቆየ ህዝብ ነው።

አማራነት ማንነቴ ይከበርልኝ ብሎ ጥያቄ በማንሳቱ ምክኒያ ያለማቋረጥ በጅምላ ታርዷል። ሐብትና ንብረቱን ጥሎ ከራሱ ግዛት በሰላም እንዳይኖር ተደርጎ ተፈናቅሏል። ሐብት ፣ ንብረቱን ገዳይና ዘራፊው ቡድን ባሰማራቸው ሐይሎች ተዘርፏል። የእርሻ ማሳውን ሳይቀር በእብሪተኞች ተነጥቆ የጎልበት ሰራተኛ እንዲሆን ሁኖ ፍዳም መከራም ሲከፍል የኖረ ህዝብ ነው።
አሁን በወልቃይት ጠገዴ የአማራ ህዝብ ዘንድ ያ! የግፍና የመከራ ዘመን ላይመለስ ታሪክ ሁኗል። የትኛውም ምድራዊ ኃይል ቢመጣ የወልቃይት ጠገዴ ሰቲት ሁመራ ህዝብን ዳግም ወደነበርንበት የሰቆቃና የግፍ ዘመን ሊመልስ አይችልም! የወልቃይት ጠገዴ አማራ ህዝብም ባይተዋር ሆኖ ከኖረበት ዘመን ተላቆ ነጻነቱን በማጣጣም ላይ ነው።
ያ! ጥቁር ዘመንና ታርክ የአማራ ህዝብ ባደረገው እልህ አስጨራሽ ትግል ላይመለስ ታሪክ ሆኗል። ትናንት በህዝባችን መሐል በሰገሰጋቸው የራሱ ተላላኪዎች ጭምር ሲወጋን እና ሲያስወገናን የነበረውን የውያኔ ቡድን ለራሱ ነጥለን እርቃኑን አስቀርተነዋል። በአማራ ህዝብ መሐል የበቀሉ የውያኔ ተላላኪዎችም ከስመዋል። የአማራ ህዝብም ከከፋፋዩ የውያኔ ስርዓት ተላቆ ውስጣዊ አንድነቱን ማጠናከር ጀምሯል።
አሁን ሁሉም ነገር ቀላል ነው። በጦርነት ሜዳ ማሸነፍም ሆነ መሸነፍን ማን እንደሚችል ወያኔዎች በእብሪት ተወጥረው በፈጸሙት ትንኮሳ ልካቸውን አሳይተናቸዋል። ትናንት ዛሬ አይደለም። ትናንት ትግላችን ከሁለት ኃይሎች ጋር ነበር። በህዝባችን ወስጥ ከተሰገሰጉ ተላላኪዎች እና ከውያኔ ዘራፊና ገዳይ ቡድን ጋር ነበር።
ያም ሆኖ እውነት ላይ ቁመን ባደረግነው የጋራ ትግል እርቃናቸውን አስቀርተን ጫካና ዋሻ አስገብተናቸዋል። ከአሁን በሗላም ከገባበት ጫካና ዋሻ ተመልሶ ዳግም የሚዋረድ የውያኔ ቡድን እንጂ ሒሳብ የሚወራረድበት አንዳች የአማራ ህዝብ አይኖርም!
ኮ/ል ደመቀ ዘውዱ
የወልቃይት ጠገዴ ሰቲት ሁመራ ዞን ም/አስተዳዳሪ
ተጨማሪ ያንብቡ:  የማኅበረ ቅዱሳን ፭ኛው ዙር ልዩ ዐውደ ርእይ ቅድመ ዝግጅት ሒደት እውነታዎችና ቀጣይ ወቅታዊ ጥረቶች

2 Comments

  1. ኮለኔል ደመቀ ዳግማዊ ቴዎድሮስ። እግዚአብሔር እድሜ ይስጥህ። በአንተ ተጋድሎ አማራ አንገቱን ቀና አድርጓል። ነገር ግን። ጠላትን ያዉም ወያኔን መናቅ አደገኛ ነዉ። ተዘጋጅ አዘጋጅ ምልምል አስታጥቅ። ፌደራል መንግሰትን አትመኑ። ለመጨረሻው መስዋትነት ህዝብህን አዘጋጅ። መልክቱ ለአማራ ብልፅግና ጭምር ነው።

  2. ኮለኔል ደመቀ እግዚሀር ካንተ ጋር ይሁን ብአዴን አይኑ አንተ ላይ እንደሆነ ይገባኛል አማራ ነኝ የምትል ሁሉ ለኮለኔል ደመቀ የማይናወጽ የሞራል የሀብትና የእዉቀት እገዛህን አድርግለት ከዛ አካባቢ አንድ ተፈትኖ የወጣ ሀገር ወዳድ እሱ ብቻ ነዉ ከእነ አገኘሁ ተሻገር ለአማራ ነገድ እነ ሺመልስ ይሻሉታል ጭካኔያቸዉ ወደር የለዉም።

ሀሃሳብ እና አስተያትዎን ይስጡ

Your email address will not be published.