የሰብዓዊ ቀውስ በአማራ ክልል 6.1 ሚሊዮን ዜጎች የምግብ ድጋፍ የሚፈልጉ ናቸው

1 Comment

1. ያኔም ሆነ አሁን ሰብአዊ ቀውሱን ተርቦ ባስተማረን ህዝብ ላይ የምናደርሰው እኛ አውቀናል መጥቀናል የምንል ጊዜ ከፈጠረው የብሄር ሰካራሞች ጋር በማበር ነው። ለመሆኑ በአማራ ክልል ላለው የማያባራ መከራ ተጠያቂው ማን ነው? በእኔ እምነት መንግስትና ተፋላሚ ሃይሎች ሁለቱም የመከራ አዝናቢዎችና ተጠያቂ ናቸው ባይ ነኝ። መረጃ – መንግስት ትምህርት ቤቶች ተከፍተው ሥራ ካልጀመራችሁ ቁጭ ብላችሁ ደሞወዝ የለም በማለቱ ወደ ማስተማሪያ ቦታ የሄድትን ፋኖ ተብዬው አፍኖ እያንዳንዳቸውን ወደ 100 ሺህ ብር ካልከፈላችሁ አለቅም ብሎ አግቶ ይዞአል። ይህ ዝም ብሎ ስም ለማጥፋት የሚነዛ ወሬ ሳይሆን የታጋች ቤተሰቦች በጭንቀት በየደብሩ ነጠላ ዘርግተው ለማስፈቻ ገንዘብ እየለመኑ እንደሆነና የታጋች መምህራን ድምጽ ሰሚ አጥቶ በየስርቻው በፋኖ ሃይሎች ታጉረው ይገኛሉ። ሁለት – ፋኖ ከተማ ያዝኩ ይህን አደረኩ እያለ የሚያናፍሰው ወሬ መለካት ያለበት በግድም ሆነ በውድ ለቆ ከወጣ በህዋላም ሆነ እነርሱ በገቡ ሰአት የሚዘረፈው የሚገደለው፤ የሚጋየው የህዝብ ንብረት በእነዚህ ሁለት ተፋላሚ ሃይሎች መቆራቆስ ነው። አንተ ብልጽግና ነህ አንቺ ፋኖ ነሽ እያሉ የሰውን ሰቆቃ ሰማይ ላይ ያደረሱት እነዚህ እኩይ ሃይሎች ወይ ተዋጥቶ አልተዋጣላቸው ዝም ብለው የህዝቡን የገመና ጊዜ እያራዘሙት ይገኛሉ።
   ረሃቡ፤ በሽታው፤ የትምህርት ተቋማት መዘጋት፤ የግል አገልግሎቶችና ፍጆታ አቅራቢዎች መመናመንና መክሰም ከዚህ የአማራን ህዝብ ነጻ አውጣለሁ በማለት ልክ እንደ ኦነግ በብሄሩ የሰከረው የፋኖ ትርምስ ከመንግስት ሃሎች ጋር ሲገታገት ያመጣው ጣጣና መከራ ነው።
   ፋኖ ለአማራ ህዝብ የቆመ ሃይል ሳይሆን አማራን ከብልጽግና ጋር በጋራ የሚመነጥር የዛሬን እንጂ የወደፊቱን የማያይ የጭፍኖች ስብስብ ነው። መምህራንን የሚገድል፤ መኪና አስቁሞ የሚዘርፍ፤ ዘር ቆጥሮ የደም ብድር መለስኩ የሚል የህዝብ ሃይል ነው ሊባል አይችልም። በዚህ ላይ በመካከላቸው ያለው አለመግባባትና መከፋፈል ስለፋቸውን ፉርሽ ያደርገዋል። በመሰረቱ በፋኖና በኦነግ መካከል ምንም ልዪነት የለም። አለ ከተባለ ኦነግ አገርህ አይደለም እያለ አማራን ቤት ዘግቶ ማቃጠሉ ነው። አይ ጊዜ መቼ ይሆን የሃበሻ ፓለቲካ የራስን እንዘጥ እንዘጥ ብቻ ሳይሆን የአለም የፓለቲካ ንፋስንና የሃገርንና የህዝብን ጥቅም የሚያስቀድመው?
   ፋኖ የሰዎች እንባ የማይገደው፤ ሞትን የተቃመሰ፤ ሰላምን የገፈተረ፤ የሽፍቶችና አንዳንድ ለአማራ መብት የቆሙ መስሏቸው አስበውም ይሁን ሳያስቡት አብረው የተሰለፉ የክፉዎች ስብስብ ነው። ለአማራ ህዝብ ቆሜአለሁ እያሉ የአማራን ህዝብ ለመከራና ለስቃይ መዳረግ የትግል ስልት አይደለም። 6 ሚሊዪን የሚሆን የአማራ ህዝብ እርዳታ መፈለጉ ዓሊ የማይባል እውነት ነው። ግን እኮ እርዳታውም ቢገኝ በላተኛውና ዘራፊው ብዙ ነው። ከ10% እንኳን ለተረጂው አይደርስም። የእርዳታ እጅ የዘረጉ ሰዎችን የሚያፍን፤ የሚገድል የጨካኞች ጥርቅም ሊፈታው የሚችለው አንድ ሃይል ብቻ ነው። እሳት! ሞት! ሌላው ሁሉ ተሞከሮ አልሆነም። እብድን እብድ እየመከረው ሰው በሃገሩ እንደ አውሬ ታድኖ የሚገደልበት ዘመን ላይ እንገኛለን። ሞት ለሁሉም አይቀሬ ነው። በስመ ነጻነት በሰዎች ላይ የሚደርሰው በደል ግን የሞት ሞት ነው።
   ስለሆነም የዚህ ሁሉ ገመና ተጠያቂው በቅድሚያ መንግስት ነው። ያኔ ሲጨንቀው ኑ ድረሱልኝ በማለት ማርካችሁ ታጠቁ እንዳላለ ስልጣኑን ሲያደላድል ትጥቅ ፍቱ ማለቱ የፓለቲካውን የለየለት የገበጣ ጫዋታ ያሳያል። ለነገሩ የፍትህ ስርዓቱን አሻሻልን ወዘተ እያለ ፍርድ ቤት የፈታውን በር ላይ አፍኖ የሚወስድ መንግስት ማን ሊዳኘው ይችላል? ይህስ አሰራር ከአለፈው የመንግስት አሰራር በምን ይለያል? አሁን ማን ይሙት አቶ ታዬ ደንደአ መታሰር ይገባዋል? ጠ/ሚሩና አስራራቸውን መወረፍ ዘብጥያ ያስወርዳል? ግን ፍትህ በሃበሻ ምድር ሞታ ከተቀበረች ቆይቷል። ለዚህ ነው የፋኖና መሰሎቹ የትጥቅ ትግል ጊዜን ያልተመረኮዘ፤ የቅርብ ወይም የሩቅ እቅድ የሌለው ባጭሩ ልክ እንደተለመደው የሰው ቁጥር ቅነሳ ጦርነት የሚያደርገው። ፍሬ ቢስና ከንቱ! ለህዝቡ የሚቆረቆር የፓለቲካ ጥያቄውን ግልጽ አድርጎ ተመካክሮ፤ ተደራድሮ፤ ዋስትና ተቀብሎና ሰቶ በሰላም ለመኖር ከእንግዲህ በቃ ማለት የሚችል ነው። በዚህ የጦር ግንባር እከሌን ሸኘን፤ በዚያ ያን ከተማ ያዝን፤ እዚህ ጋ ይህን አደረግን እያሉ ማወናበድ የፓለቲካ የመኖሪያ ብልሃት እንጂ ለተራበውና ለተጠማው ህዝባችን ከምሲን አያመጣለትም። ለዚህ ሁሉ የመከራ ዶፍ መፍትሄው እርቅና ድርድር ነው። ከዚያ ውጭ ከላይ እንዳልኩት ሁሉ በወረፋ መገዳደል እንጂ አንድም ፍሬ አይገኝም። ኦ ሰላም በስምሽ ስንት ግፍ ተሰራ – ያለፈው ላይበቃ ዛሬም? አታድርስ ነው። በቃኝ!

   Reply