የአማራ ሚዲያ ኮርፖሬሽን አሚኮን በምክትል ስራ አስፈፃሚነት የሚመራው የብልፅግናው ሹም በቁጥጥር ስር ዋሉ

የፋኖ ብርቱ እንቅስቃሴ ደግሞ በአማራ ህዝብ ገንዘብ ተቋቁሞ የብልፅግናውን መንግስት የጥፋት አዋጅ እያራገበና የጥፋ አዋጁን እያስፈፀመ ያለውን የአማራ ሚዲያ ኮርፖሬሽን አሚኮን በምክትል ስራ አስፈፃሚነት የሚመራው የብልፅግናው ሹም በቁጥጥር ስር መዋሉ ተሰምቷል ዝርዝሩን ይዘነዋል፡፡

የአማራ ሚዲያ ኮርፖሬሽን ከስሙ በስተቀር ለአማራ ህዝብ የሰራውና የፈየደው አንድም ነገር እንደሌለ ግልፅ ነው፡፡

የአማራ ሚዲያ ኮርፖሬሽን በአማራ ህዝብ ገንዘብና በአማራ ህዝብ ስም የተቋቋመ ቢሆንም እያደረገ ያለው ተግባር ግን ለጠላት ተግባር ማስፈፀሚያና የአማራን ህዝብ የጥፋት አዋጅ ማስተግበር ሆኖ ቀጥሏል።

ይህን ተግባሩን እንዲያቆምና ከብልፅግናው ቡድን በላይ የኦሮሙማው ሙቭመንት አስተግባሪና አስፈፃሚ ካልሆንን የሚሉ የራሱ የአማራው ተወላጅ የአሚኬ ብአዴኖችን በአማራ ፋኖ ተደጋጋሚ መልዕክት ቢሰጣቸውም በእንቢታ ቆይተዋል።

በዚህ የጥፋት ተግባራቸውም በርካታ ንፁሀን በብልፅግናው ቡድን ሲገደሉ፣ ሲፈናቀሉና ሲረሸኑ በዝምታ እያለፉ በአማራ ህዝብ እንባና ደም ለብልፅግናው ቡድን እስክስታ ሲወርዱ የነበሩ ብአዴናውያን በቁጥጥር ስር እየዋሉ ይገኛሉ።

ከነዚህ ውስጥ አንዱና ዋነኛው አሁን የተያዘው የአሚኮ ምክትል ስራ አስፈፃሚ አቶ አንተነህ መንግስቴና የፕሮግራም ክፍል ኃላፊ ጋዜጠኛ ደምሳቸው ፈንታ ተይዘዋል።

ተደጋጋሚ ተቋማዊ ማሻሻያ እንዲደረግና በፋኖ ሀየረሎች ላይ በተቋሙ በኩል ያለው ፋኖን የማጥላላት ዘመቻ እንዲቀንስ ተደጋጋሚ መልዕክት የደረሰው አቶ አንተነህ መንግስቴ አሁን ላይ በፋኖ ሀይሎች ቁጥጥር ስር መዋሉ ተሰምቷል።

በህዝብ ንብረት የተቋቋመው ድርጅቱ ለአማራ ህዝብ ክብርና ጥቅም የቆሙ ሰራተኞቹን በደመወዝና በአገዛዙ ወታደሮች ከማስፈራራትና ከማሳደድ ሳይቆጠብ አሁንም የአማራን የህልውና ትግለወ እንዳራከሰ ቀጥሏል ያሉት የትግሉ ሰዎች አሁንም የሚወሰደው እርምጃ ተጠናክሮ ይቀጥላል ብለዋል።

ኢትዮ 251 ሚዲያ