“ቢተዋ አማረበት…”በእርቅ ይልስ …

መቼም የኢትዮጵያን ውስብስብ የግጭቶች ታሪክ ደጋግመን ብንመለከተው ሕዝቦቿ በአንድም በሌላ ሳያውቁት እየደጋገሙት ነው፤እንደ መዝሙረ ዳዊት፣ያንኑ፦በዚህ በዚያ፣በግራ በቀኝ፣ወደላይ ወደታች፣ጧት እና ማታ፣በፊት ልፊት በስተጀርባ፣በቅርብና በሩቅ፣እስኪመርና እስኪጣፍጥ፤ስንቱ ይነገራል ይህንኑ የአብሮነት ድግግሞሽ ሕይወት በዘመናት ውስጥ ደጋግመውታል።ብዙም ሩቅ ሳንሄድ በዳግማዊ ሚኒልክና በአፄ ዮሃንስ ሊደረግ ስለነበረው ጦርነት በዝርዝር ለማብራራት ሳይሆን፣ልበሰፊውና አንበሳው አጤ ምኒልክ ቁጡዉንና ግሥላውን አፄ ዮሐንስን እንዴት በትዕግስት ወደጦርነት ማገዶ እንዳይገቡ እንዳደረጓቸው ከታሪክ መዛግብት ላይ እናገኛለንና እንመርምር።
መቼም የኢትዮጵያ ታሪክ ሥጋዊና መንፈሳዊ በመሆኑ ተዝቆ አያልቅምና አፈታሪክ ሆኖ እንዳይቀር በወሬ መልክ ለማወቅ ከመፈለግ ተቆጥበን፣ ምክንያቱም የአገራቸውንየኢትዮጵያን ታሪክ ጠንቅቀው የማያውቁ ከሙሕራንም መካከል እንድሉ ትክክለኛ መረጃዎች ተመዝግበዋልና(ሆን ብለው፣ለጥቅም፣ለሥልጣን፣ለደሞዝ ወዘተ)ነገሮችን እያጣመሙ ይተረጉማሉና ራሳችን ከመፅሐፍቱ እንድናነብ እመክራለሁ፤እንደ አለቃ ታዬ።
ወደተነሳሁበት ወቅታዊ ርዕስ ስንመጣ፦በኢትዮጵያ ያለው የውስጥ የመሪዎችና የተመሪው ሕዝብ ውስጥ ያለውን ችግራችንን ለመቅረፍ ትልቁ አስፈላጊው የሰውነት ክፍላችን ከአንገታችን በላይ ያለው ሆኖ እናገኘዋለን፤አንገት በተገቢው መንገድ በተፈ ለገው ፍጥነት፣ባሻው አቅጣጫ ያለምን እክል መዟዟር ከቻለ ጭንቅላት ፍፁም ችግር አይኖርበትም።ዳሩ ግን አንገት በሶስት ሰበቦች ከተዘናጋ ወዳልተፈለገው ይጠመዘዛል፤አሊያም በሶስት ምክንያቶች ከተዟዟረ በፍጥነት ችግሩን በሚገባ እየፈታ ይገኛል፤ በዘመናችን የጠቅላይ ሚንስቴር ዐቢይ አህመድን ምንሊካዊ አንገት እንመልከት።
ጠ/ሚ ዶ/ር ዐቢይ አህመድ በሦስት ሰበቦች ያለመውደዱ፣እንደገናም በሦስት ምክንያቶች አለመፈቀሩ በግድ የአለቃ ታዬን ሕብር እንድናስታውስ ታሪክ በደም በተፃፈ የብዕር ልሳኑ እንድንመረምረው ይመክረናል።
***ሦስቱ ሰበቦች ዶ/ር ዐቢይ ፩ኛ/ብሔሬን አይወክልም፣፪ኛ/ለብሔሩ ነው የሚያደላው ፫ኛ/ጴንጤ ስለሆነ ኦርቶዶክስን አይፈልግም የሚሉት ናቸው፤እነዚህ በሙሉ ማብራሪያ ያስፈልጋቸዋል እና አንገቱን   አዙሮ ማየት ለሚችል ሰበቦች እንጂ ምክንያት አለመሆናቸውን በቀላሉ ይገነዘባል፤እናም በእነዚህ ሰበቦች ዶክተር ዐቢይ አህመድን ለመቃወም መነሳት ተገቢ አይደለም።
***ሦስት የማይፈቀረብት ምክንያት ፩ኛ/የትግሬን እና የአማራን ሕዝብ ይጠላል ፪ኛ/የኦሮሞ ነኝ ይላል ዳሩ ግን ለታገልንበት ኦሮሞነተ ለኦሮሞውም ሆነ ለአማራው አያደርግም።፫ኛ/ሕዝብ የታገለው ለየብሔሩ ነፃነት እንጂ ለኢትዮጵያዊነት አይደለም፣ከሆነም ቅድሚያ ብሔራችንን ነው የሚሉት ናቸው።
^^^ እንግዲህ ሕሊና ያለው እና አንገቱን ማዞር የሚችል፤ማለትም የአገራችንን አካባቢ፣የኢትዮጵያን ተጨባጭ ሁኔታ በደምብ በመመልከት ለእነዚህ የኢትዮጵያ ችግሮቻችን መፍትሔ እንዲሰጠን በታሪክ አጋጣሚ በሕዝብ እሺታ በአገር ይሁንታ ጠ/ሚ ዶ/ር አቢይ አህመድ የዓለም ሕዝብ በቀጥታ እያየው መንበረ ሥልጣኑን አገሪቱን ሲዘርፏት፣ሲገድሉና ሲያጋድሏት ከነበሩት የገዢዎች ቡድን ፈለጉም አልፈለጉም ከመካከላቸው ብድግ ብሎ “አገር እንዲህ አይመራም ብሎ”በተለሳለሰ አመፅ ከጓዶቹ ጋር አብሮ ፈንቅሎ መውጣቱ እና እስከዛሬም ድረስ ኢትዮጵያን ተረክቦ እያስተዳደረን ይገኛል።ኦሮሞን አማራን ወይም ትግሬን አሊያም ቤንሻንጉልን እና ኮንሶን አሊያም”አገሪቷን”ብቻ ሳይሆን በዓለም ላይ ያሉትን ዜጎቿን በትክክለኛ አባባል”ኢትዮጵያን!!!”እየመራ ይገኛል።
^^^አንባቢዎቼ የሰው ልጅ ሕሊና ቢኖረውም አንገቱን ከውስጥ አዙሮ ነገሮችን በፍጥነት ካላየ የማይታረም ጥፋት ይፈፅማል እናም እየሆነ ያለውም ይሄው ነው፤ምን ማድረግ ይጠበቅበናል?ፍረንጆቹ ወደተግባር የሚሉትን(አክሽን ፕላን)ፈተና ነው።
እንግዲህ ምን እናድርግ ስንል ከደረስንበት ጀምሮ እስከ ፍፃሜ ለዓላማችን የምናደርገውን ጉዞ ወሳኝ ነው፤አሊያም አስቀድሞ የተጀመረ በመሆኑ ማቀድ ነው።

ከአቢይ ኢትዮጵያዊ ሥጋዊ ወ-መንፈሳዊ