ሰውነት ውሀ ነው! – በላይነህ አባተ

August 17, 2020
3 mins read

ደም በስብከት አጥቦ ሟችን እሚረሳው፣
አቢይ ጉድጓድ ሲምስ ዝምሎ እሚከተለው፣
በጅ የማይጨበጥ ሰውነት ውሀ ነው፡፡

ሲክብ እንደ ደለል ሲያፈርስም እንደ ጎርፍ፣
ሰውነት ውሀ ነው ቦይ ሲያገኝ እሚፈስ፡፡

በስድስተኛው ቀን መለኮት ሲፈጥረው፣
ቀጥ ብሎ እንዲሄድ ከአፈር ቢያበጃጀው፣
ትዕዛዙን አፍርሶ እጥፍ ዘርጋ እሚለው፣
ቦይ ባየበት ፈሳሽ ሰውነት ውሀ ነው፡፡

የግሪኩ ጠቢብ ቴልስ እንዳስተማረው፣
የገላ ይዘቱ ሰውነት ውሀ ነው፡፡

የጦቢያ ሊቃውንት ጥንት እንደጠበቡት፣
ገላ የተሰራው ከውሀ አፈር እሳት፡፡

ሳይንስ በምርምር እንዳረጋገጠው፣
ሰባ በመቶውን ሰውነት ውሀ ነው፡፡

አስተዋይ ተመልካች እንደሚታዘበው፣
ስግብግቡን ገላ ሰውነት የሞላው፣
ቦይ ሲቀደድለት እሚፈስ ውሀ ነው፡፡

ቀና ብሎ ሲሄድ ጠጣር መስሎ ታይቶን፣
ሰው ፈሳሽ መሆኑን ደጋግመን ዘነጋን፡፡

ቀጥ ብሎ እሚቆም ግማዴ መስቀሉ፣
ጥምዝ እሚዞር ግን ፈሳሽ ሰውነቱ፡፡

ቀለም ብታጠጣው እውቀት ብትመግበው፣
መውረዱን አይተውም ሰውነት ውሀ ነው፡፡

ቆብም ብትደፋበት ዲግሪም ብትጪነው፣
መፍሰሱን አይተውም ሰውነት ውሀ ነው፡፡

እንደ ንጋት ጤዛ እማይቆይ በቦታው፣
ሰውነት አልፎ ሐጅ የበጋ ዝናብ ነው፡፡

አዞ እሚዋኝበት ዘንዶም እሚውጠው፣
እንደ ወንዝ የሚወርድ ሰውነት ውሀ ነው፡፡

አሳማው አህያው ረግጦ እሚጠጣው፣
ፋንድያ መጣያ ሰውነት ውሀ ነው፡፡

አተላው አዛባው ቢገባ ቆሻሻው፣
እስከ ሞላ ድረስ ደንታ የማይሰጠው፣
መዋጥን የሚወድ ሰውነት ውሀ ነው፡፡

በአንኮላ በጣሳ በቅል እሚዛቀው፣
በቧንቧ በቱቦ ተስቦ እሚጠጣው፣
ክብሩን ጥሎ እሚኖር ሰውነት ውሀ ነው፡፡

ወቅት እየጠበቀ እሚጥለቀለቀው፣
ወረት የሚነዳው ሰውነት ውሀ ነው፡፡

ተስቦ በሆዱ ሲጓዝ እሚውለው፣
እንደ መስኖ ወራጅ ሰውነት ውሀ ነው፡፡

የነፋስ ሽውታ የሚያንቀሳቅሰው፣
እንደ ሰፌድ እህል እሚያንገዋለለው፣
በእጅ የማይጨበጥ ሰውነት ውሀ ነው፡፡

ከፍጥረት ከፍ አርጎ ባምሳሉ ቢፈጥረው፣
በለሱን ጠሽቅሞ መሬት የወረደው፣
እመሬት ላይ ወርዶም በሆዱ እሚሳባው፣
እንደ ጎርፍ እሚፈስ ሰውነት ውሀ ነው፣
እንኳንም አላፊ ተጓዥ አደረገው፡፡

በላይነህ አባተ (abatebelai@yahoo.com)
መጀመርያ ሚያዚያ ሁለት ሺ አሥር ዓ.ም.
እንደገና ነሐሴ ሁለት ሺ አስራ ሁለት ዓ.ም.

Leave a Reply

Your email address will not be published.

Previous Story

“መከላከያ” (ለወላይታ ወገኖቼ)

Next Story

ጥያቄ፦ ከእኛ ለእኛ – ጠገናው ጎሹ

Latest from Blog

አትዮጵያ ያን ዕለት

ግም ሞት 20’ 1983 .ዓ.ም. ለህወሀት /ኢህአዴግ ልደት ለኢትዮጵያ እና ለብዙዉ ኢትዮጵያዉያን የዉድቀት ፣ጥልመት እና ሞት ዕለት መሆኑን ያ ለሁለት አሰርተ ዓመታት ከፍተኛ ዕልቂት እና ደም መፋሰስ የነበረበት ጦርነት አዲስ አበባ በደም

አቢይ አህመድ ታላቁን አሜሪካንና የተቀሩትን የምዕራብ ካፒታሊስት አገሮችን ማታለል ይችላል ወይ? የአሜሪካ “ብሄራዊ ጥቅምስ ኢትዮጵያ ውስጥ“ እንዴት ይጠበቃል? የአሜሪካ እሴቶችስ(Values) ምንድን ናቸው?

ለመሳይ መኮንና ለተጋባዡ የቀድሞ “ከፍተኛ  ኢትዮጵያዊ ዲፕሎማት” በአሁኑ ወቅት በአሜሪካን የስቴት ዴፓርትሜንት ውስጥ ተቀጥሮ ለሚስራው ኢትዮጵያዊ ሰው የተሰጠ ምላሽ!   ፈቃዱ በቀለ(ዶ/ር) ግንቦት 19፣ 2016(ግንቦት 27፣ 2024) መሳይ መኮንን በአ.አ በ17.05.2024 ዓ.ም አንድ እሱ  የቀድሞው “ከፍተኛ የኢትዮጵያ

ጎንደር ሞርታሩን እስከ ጄነራሉ ተማረከ | ይልማ ምስጢሩን አወጣ “ብርሃኑ ከሸ-ኔ ጋር በድብቅ ይሰራል” | ብይ ክዶናል ለፋኖ እጅ ለመስጠት ዝግጁ ነን

ይልማ ምስጢሩን አወጣ “ብርሃኑ ከሸ-ኔ ጋር በድብቅ ይሰራል” | “ፋኖ ከተማውን ቢቆ-ጣ-ጠር ይሻላል” ከንቲባው |“አብይ ክዶናል ለፋኖ እጅ ለመስጠት ዝግጁ ነን” ኮ/ሉ |“በድ-ሮን እንመ-ታችኋለን እጅ እንዳትሰጡ” ጄ/ሉ
Go toTop