የኢትዮጵያውያን የስፖርትና የባህል ፌስቲቫል በሳንሆዜ በድምቀት ተከፈተ

June 30, 2014

(ዘ-ሐበሻ) በየዓመቱ በዚህ ወቅት የሚጀረገው የኢትዮጵያውያን የስፖርትና የባህል ፌስቲቫል በሳንሆዜ ትናንት በድምቀት ተከፈተ። በክብር እንግድነት የተገኙት ኢትዮጵያን ከ31 ዓመት በኋላ ለአፍሪካ ዋንጫ ያበቁት አሰልጣኝ ሰውነት ቢሻው በሰረገላ በሕዝቡ መሃል ሲያልፉ በእልልታና በጭብጨባ ከፍተኛ ክብር ተሰጥቷቸዋል።

ለአንድ ሳምንት ያህል የሚቆየው ይኸው የኢትዮጵያውያን ስፖርት ፌስቲቫል መከፈቱን ያበሰሩት የፌዴሬሽኑ ፕሬዚዳንት አቶ ጌታቸው ተስፋዬ ይህን ፌስቲቫል ለመታደም የመጣውን ሕዝብ አመስግነው፤ ከጎናችን በመቆማችሁና በሄድንበት ቦታ ሁሉ እየተከተላችሁ የምታሳዩን ድጋፍ ለበለጠ ሥራ የሚያነሳሳ ነው ብለውታል። ከስፖርት ውድድሩ በተጨማሪ የሙዚቃ ኮንሰርቶች ከረቡዕ ምሽት ጀምሮ እንደሚኖሩ ያስታወቁት አቶ ጌታቸ ቴዎድሮስ ታደሰ፣ ቴዲ አፍሮ፣ ጃኪ ጎሲ፣ ፋሲል ደመወዝ፣ ሸዋንዳኝ ሃይሉ፣ ሚካኤል በላይነህ የሚገኙበት ኮንሰርቶች ዝግጅቱን ያድምቁታል ብለዋል። አርብ የኢትዮጵያ ቀን ሲከበርም የተለያዩ ባህላዊና ዘመናዊ ሙዚቃዎች በስታዲየሙ እንደሚኖር ተገልጿል።

ከአሜሪካና ከካናዳ የተለያዩ ከተሞች የመጡት የእግር ኳስ ተጫዋቾች በመክፈቻው ዝግጅት ላይ በሕዝብ መሃል በመዘዋወር የተዋወቁ ሲሆን ሁሉም በራሳቸው መንገድ የኢትዮጵያን ዳንስና ሙዚቃዎችን እየጨፈሩ ያሳዩት እንቅስቃሴ በጣም የሚያስደስትና በየዓመቱ የሚናፈቅ ነው።

በስታዲየሙ ውስጥ በተተከሉ ድንኳኖች ውስጥም ምግብ፣ ጌጣጌጦች፣ አልባሳት፣ ሙዚቃዎች፣ ባንዲራዎች እየተሸጡ ሲሆን የተለያዩ ድርጅቶችም ድንኳን በመያዝ ከሕዝብ ጋር እየተዋወቁ ነው።

የሳንሆዜው የመክፈቻ ዝግጅት ላይ የታደመውን ሕዝብ ፎቶ ይመልከቱ፦ ተጨማሪ ፎቶዎችን እና ዘገባዎችን ይዘን እንመለሳለን።

ሳምንቱን ሙሉ የዘ-ሐበሻ ወኪሎች በሳንሆዜ ስለሚገኙ ዘገባዎችን ይዘን እንቀርባለን።

ሚኒሶታን ወክሎ ሳንሆዜ የተገኘው የኒያላ ቡድን

1 Comment

  1. ሰላም ዘ-ሐበሻዎች, እንዴት ደስ የሚል የመክፈቻ ፕሮግራም ነው ። እንኳን ደስ አላችሁ። ኒያላ ቡድናችንም አንደዚሁ። በርቱ። በሰሜን አሜሪካና በኢትዮጵያ ያለው ሕዝብ በዚህ ኢትዮጵያዊነት በምንጸበርቅበት ደስታው ከፍ ያለው ነው። ኢትዮጵያ አገራችን ለዘላለን ትኑር!! በሌላ በኩል ወያኔ በእስፖርት ስም የሚኒሶታንና ሌላውን ሕዝብ ለማደናገር በሚኒሶታ ለማካሄድ የተከራየበት የኮንኮርዲያ ዩኒቨርሲት በሕዝብ ተቃውሞ ባዶ ስታደየሙን ይዞ ቀርቷል። የተከበረውን የኢትዮጵያ ህዝብ በስፖርት ስም ማታለል እንደማይቻል የዋሽንግተኑ በሚኒሶታም ተደግሟል። ክብር ለኢትዮጵያ ሕዝብ።

Comments are closed.

989TeddyAfro NYC 26
Previous Story

የቴዎድሮስ ካሳሁን (ቴዲ አፍሮ) ጥፋቱ ምንድን ነው?

Next Story

Hiber Radio: ኦነግ ያለውን መከፋፈል አስወግዶ በአንድ አመራር እታገላለሁ አለ* (በሳዑዲ አረቢያ የምህረት አዋጅ ዙሪያ ልዩ ዘገባ)

Go toTop