“አብይ አህመድ ባህር ዳር ሄደ” በሚል የአማራን ትግልና የፋኖን ተጋድሎ ለማጣጣል ብዙ ርቀት የተጓዙ ደነዞችን ከዚህም ከጠላት ካምፕም በስፋት እያየን ነው

1 Comment

1. ፉከራው ያለፈውን ትዝ ያሰኘኛል። ” አንድ ሰውና አንድ ጥይት እስኪቀር” ይሉ ነበር የያኔው ጅሎች። ጉራ፤ ያዙኝ ልቀቁኝ ማለት የእውቀት ብልጭታ አይደለም። ረጋ ባለ ሂሳብ በፋኖና በብልጽግና መካከል ያለውን ግብግብ ለተረዳ ትርፍ የለሽ ነው። በውጊያው የሚጎዳው ነጻ እናወጣሃለን የሚባለው የአማራው ህዝብ ነው። ጠ/ሚሩ ሃያ ደቂቃ ባህርዳር ቆየ አልቆዬ ዋጋ ይብሉን። ግን ማብቂያ የሌለው በሚመስለው በዚህ ፍልሚያ ላይ የሚወድመው ሃብትና ንበረት፤ የተቋረጡት የህዝብ መገልገያ ተቋሞችና ት/ቤቶች፤ እንበለ ፍርድ በፋኖም ሆነ በብልጽግና ይህን ደግፋችኋል ያን ሰርታችሁሃል እየተባሉ የሚጨፈጨፉት ነጻ ይወጣሉ የሚባሉት ወገኖች ናቸው። ጦርነት እውነትን አያውቅም። ጦርነት ብቀላን ብቀላ እየተካው የመገዳደልና የስርዓት የለሽ ፊልሚያ ነው። ያለፈው በደም የተነከረ ታሪካችንም የሚያሳየው ይህን እውነት ነው።
   የዶ/ር አብይ መሞትም ሆነ ከስልጣን መውረድ የሃገሪቱን ችግር አይፈታም። በአንድ ግለ ሰብ ሞት ሃገር አይድንም። ይህን ስል መንግስት በጎ ነገር እያረገ ነው ማለቴ አይደለም። እልፎችን እንበለ ፍርድ በማጎሪያ የከተተውና በየጥሻው ሞተው የሚገኙት ሰዎች ቁጥር ለመንግስት የማፊያ አሰራር አመልካች ተግባር ነው። የእኔ ዋናው ሃሳብ ጦርነት ይቁም ነው። ፋኖም ሆነ ሌሎች ታጣቂ ሃይሎች በመደራደር ነገሮችን መስመር እንዲይዙ ያድርጉ ነው። ህዝብ ተጎዳ፤ ሰው ተራበ፤ ተሰደደ፤ ሃገር ተተራመሰ ይብቃ ነው የምለው። አውቃለሁ ጦርነቱ እንዲቀጥል የሚሹ ሃይሎች ደግሞ የራሳቸው እይታ ይኖራቸዋል። ጦርነት ለወያኔም አልሆነ እንኳን ለኦነግና ለፋኖ። አሁን ካለው የከፋ መከራ እንዳይመጣ በድርድር የታሰሩ ተፈተው የተጎድ ተክሰው ነገሮች መስተካከል ያለባቸውና ጦርነቱ መቆም ያለበት አሁን ነው። መገዳደላችን ያብቃ!
   የዛሬ 61 ዓመት ገደማ በጄ/ አብይ አበበ “አውቀን እንታረም” ከተባለው መጽሃፍ ዓለም በሚለው ግጥም ስር አንድ ስንኝ ልዋስና ነገሬን ላብቃ
   ዓለም ገና ልጅ ናት አውራጃዋም ደግሞ
   አርጅቶ እሚሞተው ሰው ብቻ ነው ቀድሞ
   ብዙ አሳልፋለች ብዙዎች ተክታ
   የሁሉንም ምግባር በየተራው አይታ።
   ለዚህ ነው ያኔ አንድ ሰውና አንድ ጥይት እስኪቀር እንፋለማለን ሲባል አንድ ሰው ብቻ ከቀረ ጥይቱ ለሰውዬው ሰውየው ለሃገሪቱ አስፈላጊ አይሆንም ይባል የነበረው። ግን ያ ሁሉ ቱልቱላ ጊዜ ሲንደው የሆነውን ቋሚ አይቷል። ልብ ይስጠን። የተራዘመ ጦርነት ህዝብና ሃገርን ይጎዳል። ይታሰብበት!

   Reply