አሁን ከዚህ አድር ባይ እና ነብሰ ገዳይ አንደበት የሚወጣ የእግዚአብሔር ቃል ወንጀል እንጂ ወንጌል ይሆናል?!

October 17, 2023

Haile Mariamበሱ ትዕዛዝ የስንት ኢትዮጵያዊ ህይወት ተቀጥፏል….?!

ስንቱ አካለ ጎዶሎ ሆኗል…?!

ስንቱ ከሀገር ተሰዷል….?!

ስንቱስ ተኮላሽቷል….?!

391607191 10158405958714649 1343776512103938949 nከሱ የባሰ አውሬ መንበሩን እንደሚጨብጥ ሳናውቅ ቢያንስ ወይ አልቻልኩም ብሎ….ካልሆነም ግፍ በቃኝ….! የደም እንጀራ መብላት በቃኝ….! ብሎ ስልጣኑን በፍቃደኛነት ለቋል ብለን ይቅር ባንል ለዘብ ስንልለት ኃይለ ማሪያም ደሳለኝ ቅዱስ ቅዱስ ያጫውተው ጀመር መቼም ተዓምር አያልቅ!!!

ስማኝ ቅዱስ ወንጀለኛው ኃይለ ማሪያም ደሳለኝ በምትምልበት በኢፌዲሪ ህገ መንግስት እንኳን የሰራኸው ወንጀል ይቅርታም…ምህረትም የማያሰጥ ነውና በዚሁ በምድር ላይ ፍትህ የክብር ስፍራዋን አግኝታ ፀጉርህን ተላጭተህ ወህኒ እስክትወርድባት እስከዚያች ቀን ድረስ አንተም ፈንጭ!!!

ጊዜ ለኩሉ!!!

የምትዘባበትበት እግዚአብሔር መቼም ፍትህን ትቶ….ከግፏዐን እንባ አይኑን ሸሽጎና ከአመፀኞች ጋር ተባቡሮ ነው እንጂ በደም በጨቀየው ባንተ ስሙ ሲጠራ መዐት የማያወርደው….. የእውነትን ፀሀይ በሚያወጣ…..ፍትህ ክንዱ የሆነችው እግዚአብሔር ” አንደበቱን ሳይገታ ልቡን እያሳተ እግዚአብሔርን የሚያመልክ የሚመስለው ማንም ቢኖር የእርሱ አምልኮ ከንቱ ነው:: ንፁህ የሆነ ነውርም የሌለበት አምልኮ በእግዚአብሔር አብ ዘንድ ይህ ነው:: ወላጆች የሌላቸውን ልጆች ባልቴቶችንም በመከራቸው መጠየቅ በዓለምም ከሚገኝ እድፍ ሰውነቱን መጠበቅ ነው” ሲል በያዕቆብ መልዕክት ምዕ.1÷26-27 በግልፅ አስቀምጦታል::

ኃይለ ማሪያም ደሳለኝ አምልኮ ዝላይ እና ጭፈራ….ልባዊ እምነት ደግሞ ተግባርን የሚጠይቅ መሆኑን እግረ መንገዱን “እንታነፃለን እንጂ አዲስ መሰረት አንመሰርትም” ባለው ቅዱሱ መፅሀፍ ባለውና ከተፃፈው አትለፍ ባለው መሰረት ላይ ታንፆ ወላጅ አልባ ያደረጋቸው በርካታ ህፃናትና ያለጧሪ ቀባሪ ያስቀራቸውን ስንት ባልቴቶችን ይቅርታ ሲጠይቅና ሲያስጠይቅ በኖረና ለዝላይና ጭፈራ ጊዜ በጠበበው ነበር!!!

“እምነት ይሸተኛል” ይላል ደግሞ ነውረኛ!!! እምነት የልብና የድርጊት ጉዳይ እንጂ የስሜት ህዋሳት አንዱ በሆነው በአፍንጫ የሚሸተት ነገር እንዳልሆነ የማያውቅ ያልዳነ አዳኝነት ነው!!!

“እምነት እምነት ይሰማኛል” የሚለው ሊሰማህ የሚገባው የንፁኃል ዋይታ….ራሄል ስለልጆቿ ያለቀሰችው ለቅሶና….ረሀብ አንጀታቸው አጥፎት “ዋይ…ዋይ” የሚሉ የረሀብን ጉንፋን የሚስሉ ህፃናትን ነበር ቢያድልህ ኖሮ!!!

ባይሆን የሚሸተው አፍስሷ ምድሪቷን ያከረፋው የንፁኃን ደም ነው!!!

ተላላኪ ነበርኩ የሚሉትን የመርሳት እና የመተው አባዜአችን አንዱ ችግር የረሳን መስሏቸው ደግሞ ተመልሰው ሲዘሉብን እና ሲጨፍሩብን ማየታችን ነው!!!

አንድ መታወስ ያለበት ሀቅ ላለፏት 10 አመታት ገዥዎቻችን ፓስተር ነን በሚሉ ቅዱስ ነብሰ ገዳዮች እንደሆነ ነው!!!

የጊዜ ጉዳይ ነው እንጂ ፍርድ ደጃቸውን ማንኳኳቱ የማይቀር ነው!!!

ይኼው የሚዘባበቱበት መፅሐፍ “ሰው የዘራውን ያንኑ ያጭዳል….ንፋስ የሚዘራ አውሎ ንፋስ ያጭዳል….! በስጋ የሚዘራ በመበስበስ ያጭዳል” ተብሎ ተፅፏልና እስከዛው ቅዱስ ነብሰ ገዳዮች በደም ሰክረው ይጨፍሩብን!!!

ጊዜ ለኩሉ!!!

4 Comments

  1. ወገኖች ሁለቱም የጤናማ ወንጌልና የኢትዮጵያዊነት ይዘት የሌላቸው ከሃዲ መናፍቃን ሲሆኑ በግፍ አብይ ይብሳል::
    በፍሬያቸው ታውቁዋላችሁ ማቴዎስ (ወንጌል 7)

  2. ከምር ሰባኪ ሆነ ነው የምትሉን? ይሄ ጴንጤ ነገር አለው መሰል ታምራት ላይኔ ያን ሁሉ ግፍ ሰርቶ ጰነጠጥኩ አለ በቀለ ገርባ ያንን ሁሉ ወንጀል ሲያዉጅ ከርሞ እሱም ጴንጤ ሁኛለሁ አለ ዜጋ አገሩን ገምብቶ ከጠላት ተከላክሎ ባቆየው አገር እንዳይኖር ሲያደርግ እሱ ሃገሩ ባልሆነ ባሁሉና ቋንቋው ባልሆነ አገር ጥገኝነት ጠየቀ አሉ? ይሄ ጴንጤ ማለት የወንጀለኛ መፈልፈያና መደበቂያ ነው ማለት ነው? (ዮናታን አክሊሉ፤አብይ መሃመድ፤ሽመልስ አብዲሳ፤አዳነች አቤቤ፤እዩ ጩፋ፤እስራኤል ዳንሳ፤ አቶ ግርማ ዘውዴ,,,,, እያለ ይቀጥላል) እንደው ሃይለ ሰይጣን ትንሽ አፉን አይኮሰኩሰውም? ቀልዱብን የኢትዮጵያ ቀን እስኪመጣ፡፡

  3. ለብዙ ዓመታት በእኩይ፣ በብልግና እና በጭካኔ (በጭራቃዊ) የጎሳ አጥንት ስሌት ፖለቲካ ሥርዓት ከተራ ካድሬነት እስከ ጠቅላይ ሚኒስትር ተብየነት በማገልገል በነፁሃን ዜጎች ቁም ሰቆቃ እና የደም ጎርፍ የጨቀየውን ህሊናቸውንና እጃቸውን እንደተሸከሙ የሃይማኖት ሰባኪ ሆነው በመከሰት ፈጣሪ ልኮኝ ነውና በጥሞና አድምጡኝ ፤ አሞግሱኝም ሲሉ መታዘብ የእውነተኛ አማኝን ህሊና ምን ያህል እንደሚያደማ ለመረዳት በጣም ይከብዳል !

    ለነገሩ እግዜአብሔር በአብይ አህመድ ቤተመንግሥት ዙፋኑን ዘርግቶ አማካሪው እንደሆነ ሲነግሩንም ከምር ቢያንስ ነውር ነው የሚልና የሚቆጣ የሃይማኖት መሪ አላየንም! የየራሱን የምቾት እንጀራ እያሰላ የሚኖረው የሃይማኖት መሪና አስተማሪ ነኝ ባይ በእጅጉ በተባዛበት (በተስፋፋበት) ሁኔታ ውስጥ እውነተኛውን ፈልጎ ለማግኘት ብርቅ የሆኗል! አያሳዝንም???

  4. እነዚህ አኩዮች በሁሉም ቤተሃይማኖቶች አሉ:: መስጅዱን ለወያኔ ያስረከቡ ነበሩ ዛሬም ቱፋን አብይ የመለመለው ለዚህ ነው:: ዘር ሃይማኖት ሳንለይ ምንደኞችን ማጋለጡን እንቀጥል::

Leave a Reply

Your email address will not be published.

186522
Previous Story

ደ/ወሎ መካነሰላም 3 ሲኖትራክ ሙሉ አስከሬን | የአረጋ ከበደና መሰሎቹ ውርደት | ቤተክርስቲያኗ ላይ የደረሰው ውድመት |

186533
Next Story

የንፍጣም ባንዳ ልጅ ከምሆን ለሀገሩ የሞተ የነፍጠኛ ልጅ መሆን እመርጣለሁ። ዶ/ር አበበ ሀረገወይን

Go toTop