ከሸፍጥ ነፃ የሆነ ህዝበ ውሳኔ ይልቅ ፣ ፖለቲካዊ ሤራን ማጫጫስ ከጥቅሙ ይልቅ ጉዳቱ እጅግ ይበዛል – መኮንን ሻውል

መኮንን ሻውል ወልደጊዮርጊስ

ልዩ ኃይልና ወጣት እና ጤነኛ ሚሊሻዎች ወደ መከላከያ ሠራዊት እንዲቀላቀሉ የሚያደርግ ህጋዊ  አዋጅ ሳይወጣ እና የክልልች ያበጠው ጡንቻ ሳይላላ ፣ ወልቃይት ና ራያን በትግራይ ክልል ውሥጥ በመመለሥ ነፃ ና ገለልተኛ የሆነ ሪፈረንደም ማድረግ የሚቻል አይመሥለኝም ።

ነፃና ገለልተኛ ህዝበ ውሳኔ በማድረግ ዜጎች ራሳቸውን በራሳቸው የሚያስተዳድሩት ከጠብ መንጃ ነፃ ሆነው ያለፍርሃት ያለአንዳች ተፅእኖ ግልፅ ፣ ነፃ እና ዴሞክራሲያዊ የህነ የህዝበ ውሳኔ ድምፅ ለመሥጠት የሚያሥችል ግልፅ ና ገለልተኛ መድረክ ሲኖር  ብቻ ነው ። እኔ አውቅልሃለሁ በሚሉት ኮሚኒሥታዊ አካሄድ ትላንት ወልቃይትና ራያ በትግራይ ክልል ሥር ነበሩ ።

እርግጥ ነው ፣ ከጦርነቱ በፊት ወልቃይትና ራያ በትግራይ ክልል ሥር ነበሩ ። ከ1983 ዓ/ም በፊት ግን አልነበሩም ። ከዘመነ ወያኔ በፊት በዘመነ

ደርግ በጎንደር ክፍለሀገር ሥር እንደነበሩ ይታወቃል ። ከዘመነ ደረግ በፊትም የጠበቀ እና ከአካባቢያቸው   ባህል ጋር የተዋሃደ ማንነት  ነበራቸው ።  ህኖም ትላንት በኃይል  አሥተዳደራቸው ሥለተወሰነላቸው ዛሬም ዜጎችን ያለፈቃዳቸው “ ኃይል ይግዛቸው ። “ ብዬ ሃሳብ ለመሥጠት አይዳዳኝም ። ይሁን እንጂ ያለአሻጥር ፣ በነፃ ና ግልፅ በሆነ መድረክ የሚያሥተዳድራቸውን ክልል ወይም “ ረሥ ገዝ አሥተዳደር  “ ራሳቸው ይወስኑ ። ልዩ የፊደራል ክልል  የመሆንም መብት እንዳላቸውም መዘንጋት የለብንም ። በዘመነ ከፋፍሊት የሆነውም ይኸው ነው ።

በበኩሌበነገራችን ላይ ፣  ” ዘመነ ከፋፍልቲን” አገር እንደ ዳቦ የሚቆራርስ እና ለተራው ህዝብ የማይጠቅም የቆዳ ማዋደድ እና ጋብቻ ከልክል በመሆኑ ነፍሴ ይጠየፈዋል ። ኤርትራን ያሳጣንም ይሄ ግትር አቋም ነው ። የግድ ጨካኝ መሪ ያሸንፋል ብሎ ነገር በዛሬው ዓለም የለም ። ሃያል እና ጅምላ ጨረሻ የባዮሎጂ ጦር መሣሪያ ካለህ አንድ አገርን ለማጥፋት ትችላለህና ! በእኛ ሁኔታ ይህንን የሚያደርግ አቅም የለንም ። ከዓለም የምንበልጣቸው አገሮች 24 ናቸው ። በድህነት 25ኛ አገር ነን ። የዛሬ ታሪካችንን ከጎግል መጎልጎል ይቻላል ።  ዕውቀት እንደ ሠፈር ብቅል ሆናለችና ማንም ለማወቅ የፈለገ የተማረ ሰው ሥለ እኛ አገር ክፉና በጎ ሁኔታ ለማወቅ የታሪክ ምሁራንን መጠየቅ አያሥፈልገውም ።

ኤርትራዊያንን ከጉያችን የቀማን ፣ የአንደ እናት ልጆችን የለያየን የቀዝቃዘው ጦርነት ሤራ ነው  ። ካፒታሊስት አሜሪካ ከመሰሎቿ ከአውሮፓውያኑ ጋር በማበር ፤ ሶሻሊስቷን ሩሲያ አሥራ አንድ አገር አድርጋ ሥትበታትናት ፣ በ1982 የደርግ ፍፃሜ እውን መሆኑ ተረጋግጧል ። ደርግ የሶሻሊዝም አቀንቃኝና የአሜሪካን ኢምፐርያሊዝምን ክፉኛ መጥላቱን  በአብዮት አደባባይ ሦሥት በቀይ ቀለም የተሞሉ ጠርሙስችን በመከሥከሥ በተጨባጭ ያረጋገጠ ነበርና ! ( ፊልሙን ዛሬ በእዝን ልቦናዬ ሣሥታውሰው የጓድ መንግሥቱ ኃይለማሪያም  ወኔ ያሥደንቀኛል ።

ዛሬ የኃያሏ አሜሪካ ጡንቻ ተገዳዳሪ ቢኖረውም ፣ አሜሪካ የዜጎቿን ጥቅም ለማሥጠበቅ ሥትል የማትወጣው ዳገት እንደሌለ ቆም ብለን ማሰብ ይኖርብናል ። እንዲህም ሲባል አሜሪካ የብልሃት ፖለቲካን የማይመርጥ መንግሥት የላትም ብለን አናምንም ።

በኢትዮጵያ ውሥጥ የተረጋጋ ጠንካራ ህግ አሥከባሪ መንግሥት እንዲኖር  የአሜሪካ መንግሥት ይፈልጋል ። ከወቅቱ ሥልጣኔ ጋር የማይራመድ የህፃን ጨዋታን የመሠለ ኢ_ዴሞክራሲያዊ ድርጊትንም አይደግፍም ።  በመላው ኢትዮጵያ ግጭቶች ጠፍተው ዜጎች እንዳሻቸው በዜግነታችው በአገራቸው ምድር ሁሉ ተዘዋውረው የሚሠሩበት  አውድ ቢፈጠር እጅግ ደሥ ይላቸዋል ። እነሱም መዋለ ነዋያቸውን በኢትዮጵያ ላይ ያለፍርሃት በማፍሰስ ህዝቡን ጠቅመው የአገራቸውን ዜጋ ተጠቃሚ የሚያደርጉት ሠላም ሲኖር ብቻ እንደህነ ያምናሉ ። ከዚህ እምነታቸው ተነሥተው ነው ፣ ዛሬ እያራመድነው ያለውን የቋንቋና የዘር ፕለቲካ የማይደግፉት ።

የእኛ ፖለቲካ ለህብረት ፣ ለአድነት ፣ ለወንድማማችነት ና ለመልካም ጓደኝነት ፍፁም የተመቸ አይደለም ። ዜጎች ተከፋፍለው ፣ ተለያዬተውተነጣጥለው ፤ ልክ እንደባላንጣ በጎሪጥ እየተያዩ ይህቺን አጭር ህይወት እንዲኖሩ የሚያሥገድድ ነው ።

ለዚህም ነው ዛሬ አማራ ያለመደበትን  ” አማራ ነኝ ” ብሎ የተደራጀው ። እርግጥ  ኢትዮጵያ 80 ቦታ እንዳትቆራረጥ የአማራ  በአማራነት መደራጀት ይጠቅማል  የሚል ሃሳብ በምሁራን ዘንድ አለ  ። በዘር እና በቋንቋ መደራጀት እና የፖለቲካ ፖርቲ መሆን በህግ እሥካልተወገደ ጊዜ ድረስ አማራ በአማራነቱ በወጉ መደራጀት ግዴታው ነው ።

ይህን የምለው  በሚገባ የተደራጀ እና የታጠቀ ከ 20 ሚሊዮን የማያንስ ወጣትና ጎልማሳ አማራ ካለ ማንም ጉልበት አለኝ ብሎ በዘር   የተደራጀ እና የታጠቀ ህዝብ ሊጨፈጭፈው  እንደማይችል ሥለተገነዘብኩ ነው ። ይህም ብቻ አይደለም እንደ ጨው ዘር በመላው ኢትዮጵያ የተበተነው እና በጋብቻ የተዋለደው  ህብር  ኢትዮጵያዊ ዜጋ ( ጎሣዬ፣ነገዴ፣ብሔር ብሔረሰቤ … ይኼነው ለማለት የሚቸገር ፤ ልክ እንደ ጠቅላይ ሚኒስትራችን ልጆች  የበዙ ዜጎችን  አማራ ክልል ካለው ጋር   ሥትደምሩ ኢትዮጵያ በፍፁም ልትበታተን እና ሥሞ ሊጠፋ ከቶም እንደማይችል ትገነዘባላችሁ ። ) ሲደማመር  የአማራ ህዝብ ብዛት  በትንሹ  ከ 45  ሚሊዮን በላይ ይሆናል ። …. እናም  ይህ ትልቅ ህዝብ የኢትዮጵያ መመኪያ መሆኑ መዘንጋት የለበትም ።

ከዚህ እውነት አንፃር ህዝብን ከህዝብ ጋር ከማጫረስ ፤ ወንድምና እህታማማቾችን ፈጣሪ በፈጠረውና ነገ በሚቀበሩበት መሬት የእኔነው እያሉ እንዲጫረሱ በማድረግ ፤ በህዝብ እልቂት አትራፊ እሆናለሁ  በማለት በቀቢፀ ተሥፋ ከመዳከር ይልቅ ፣ ቆም ብሎ በማሰብ ፣ ለእውነተኛ ፍትህ በመወገን ፣ በዛ አካባቢ የሚኖሩ ዜጎች የተሻለ ህይወት እንዲኖሩ ከሸፍጥ ነፃ የሆነ ህዝበ ውሳኔ ቢደረግ መልካም ነው ። ከህዝቡ ውሳኔ በፊት ሸፍጡ ከቀደመ እና ፖለቲካዊው  ሤራ ከተጫጫሰ  ተመልሰን ወደማጡ መግባታችን እና እንደአገርም ክፉኛ እንደምንጎዳ ከወዲሁ መገንዘብ ይኖርብናል ።

ኧኩኩሉ !?

መኮንን ሻውል ወልደጊዮርጊስ

” ፀረ ለውጥ ! ” ነህ ብትሉኝም_እኔ ግን አይደለሁም ፤
በትላንት አቋሜ ላይ ነኝ ትግሌን ፤ አላቋረጥኩም ።
በቀቢፀ ተሥፋ ከእናንተ ጋር አልቦዝንም
እያልኩ “ኩኩሉ ! አልነጋም ! “
በከንቱ ጊዜዬን አልገድልም ።
“ በነጋ ! አልነጋም ! “ …
ዘላለሜን በጨለማ ውሥጥ አልዳክርም ።
በነጋ አልነጋም የድበብቆሽ ጫዋታ
ሁሉም በየነገዱ ተደብቆ ሲያምታታ
እያየው ነው ዛሬም ከ27 ዓመት በኋላ
የሰው ልጅ እንደአውሬ እየዘረፈ ሲበላ ።
” ፀረ ለውጥ ! ” ነህ ብትሉኝም ፤
እኔ ግን አይደለሁም ፤
በለውጥ አቋሜ ላይ ነኝ ፤ ትግሌን አላቋረጥኩም ።
የምረካ አይደለሁም በቁሥ ክምር በመሥከር
የአኩኩሉ ጫዎታችሁ ቢቆም ከምር እደግፋችሁ ነበር ።
ድብብቆሽ ጫዎታ ውሥጥ ሆናችሁ ፤ ኩኩሏችሁ ካላባራ
አልነጋም ወይ እያለ ህዝብ ብርሃን ለማየት ሲጣራ
አንደበቱ ሞት ጠራበት በቋንቋው ሥላወራ
የአኩኩሉ ጫወታው ለካ ደብቋል ቢላዋና ካራ ።
” ፀረ ለውጥ ! ” ነህ ብትሉኝም_እኔ ግን አይደለሁም ፤
በለውጥ አቋሜ ላይ ነኝ ፤ ትግሌን አላቋረጥኩም ።
የምረካ አይደለሁም እንደ ጎሰኞች ቁሥ በመከመር
የአኩኩሉ ጫዎታችሁ ቢቆም ፤ አብሬ በቆምኩ ነበር ።
ለውጥነው አትበሉኝ ፤ ከቶም ባልተለወጠ ነገር
ፖለቲካውን እሥከ አንገት ተዘፍቃችሁበት በዘር
ለውጡ ሁሉን አቃፊ አሣታፊ ተራማጅ ሥትሉን ነበር ።
ኧረ እንዲህ ነው እንዴ የመደመራችሁ ነገር ?
” ፀረ ለውጥ ! ” ነህ ብትሉኝም_እኔ ግን አይደለሁም
በለውጥ አቋሜ ላይ ነኝ _ ትግሌን አላቋረጥኩም ።
የምረካ አይደለሁም እንደ ጎሰኞች ቁሥ በመከመርየአኩኩሉ
ጫዎታችሁ ቢቆም ፤ አብሬያችሁ በቆምኩ ነበር ።
ለጅብና ለአህያ ፤
ለነብርና ለሚዳቋ ፤
ለአይጥና ድመት ፣
ለእባብና ገበሎ …
ለአራዊት እና እንሥሣ ሁላ
ፈፁም ምቹ የሆነ _ ለሰዎች በሟላ
በዘር እየከፋፈለ _ ሰውን ከሰው ጋር የማያጣላ ።
ቢሆን ኖሮ ለውጡ ያደረበት ፈርሃ እግዜር
የሚያኗኑረን በአንድነት _ ሰብዓዊ መብታችንን በማክበር
እኔም ከልቤ ለውጡን በደገፍኩት ነበር ።
” ፀረ ለውጥ ! ” ነህ ብትሉኝም_እኔ ግን አይደለሁም ፤
በለውጥ አቋሜ ላይ ነኝ _ ትግሌን አላቋረጥኩም ።
የምረካ አይደለሁም እንደ ጎሰኞች ቁሥ በመከመር
የአኩኩሉ ጫዎታችሁ ቢቆም ፤ አብሬ በዘመርኩ ነበር ።
በቃል በወሬ ቀረ ፤ ትላንት የታቀደው አሻጋሪ መርከብ
እርስ በእርስ ስንተላለቅ ፤ በጥይት ስንደባደብ ።
እኔም አዝኜ ማቅ ለበስኩ ፤ እውነት በሐሰት ሥትቀበር
ወንድም ወንድሙን ገድሎ ሲያቅራራ ያለማፈር ።
” ፀረ ለውጥ ! ” ነህ ብትሉኝም_እኔ ግን አይደለሁም ፤
በለውጥ አቋሜ ላይ ነኝ _ ትግሌን አላቋረጥኩም ።
የምረካ አይደለሁም እንደ ጎሰኞች ቁሥ በመከመር
የአኩኩሉ ጫዎታችሁ ቢቆም ፤ አብሬያችሁ በታገልኩ ነበር ።
አብዮት ቢሆን ኖሮ አሉኩኝ አኩኩሉን የሚያሥቀር
እግዜር ያደረገው አይነት ከኖህ ጋር በትብብር ።
በሃቅ ፣ ሥለሃቅ በመቆም ፤ ኖህ እጅግ ፀንቶ በእምነቱ
ያኔ ! ያኔ ! ድሮ !እግዜር ተቆጥቶ ፤ ዶፍ ሲያወርድ በፍጥረቱ
ዝናብን ያለማቋረጥ ሲያወርድ በቀን እና በለሊቱ
ኖህ ፣ አስቀድሞ አውቆ ነበር ሥለ ሥር ነቀል አብዮቱ ።
ፍጥረታትም እንዳይጠፉ ሁሉን መርጦ በመርከቧ በማሳፈር
የራሱን ፃድቅ ወገኖችም በውስጦ በመደመር
በአብዮቱ እንዳይጠፉ በፈጣሪ መርከብ አስጠልሎ
ይኸው እሥከዛሬ አለን ህይወትን አሥቀጥሎ ።
ያኔ በእግዜር አብዮት ፤ በሆነው እጅግ ሥር ነቀል
ፈጣሪ አቅዶ ነበርና አዲስ ትውልድ ለማብቀል
ፍጥረታቱ እና የኖህ ትውልድ በመርከቧ ተጠልሎ ተረፈ
የእግዚአብሔር አብዮትም በውሃ ፍጥረታትን ሁሉ ቀሰፈ ።
እናውቃለን በዛ አብዮት ኖህ ዳቢሎስን በፀሎቱ ታግሎ እንደጣለ
ሰው ሁሉ ይጠፋል ያለው ሤጣን እራሱ በኖህ መርከብ እንደተገደለ
እናውቃለን ፣ ኖህ ከፈጣሪ አብዮት ጋር ተባብሮ ህይወትን እንዳስቀጠለ ።
” ፀረ ለውጥ ! ” ነህ ብትሉኝም_እኔ ግን አይደለሁም ፤
በለውጥ አቋሜ ላይ ነኝ _ ትግሌን አላቋረጥኩም ።
የምረካ አይደለሁም በቁሥ ክምር በመሥከር
የአኩኩሉ ጫዎታችሁ ቢቆም ፤ አብሬያችሁ በቆምኩ ነበር ።

የደራሲው ማስታወሻ
መኮንን ሻውል ወልደጊዮርጊስ
Godmyc1955godmyc@gmail .com አድራሻዬ ነው