ሜዳ ሲቃጠል ተራራ ከሳቀ ያ ተራራ ከሜዳው የበለጠ በእሳት መጎዳቱ አይቀርም – መኮንን ሻውል ልደጊዮርጊስ

በኢትዮጵያ አንድ መንግስት እንዳለ ነው በበኩሌ የማውቀው ። እንደ ህገ መንግስቱ ከሆነ የፌደራሉ መንግስት የኢትዮጵያ መንግስት ነው ፡  ለአስተዳደር ተብሎ የተከለሉ አስተዳደር አገልግሎት የሚሰጡ መንግስታት እንዳሉም አውቃለሁ ፡፡ ፖሊሶችም አሏቸው ፡፡ ልዩ ሃይልና ሚሊሻም ( ህገ መንግስቱ ባይፈቅድላቸውም  እስከ አፍንጫው የታጠቀ ልዩ ኃይል አለቸው ) ፡፡ እነዚህ ጦር መሳሪ የታጠቁ ኃይሎች ግን ህገመንግስቱን መጠበቅ እንጂ ማፍረስ አይገባቸውም ። ይሁን እንጂ በህገ መንግስቱ የተዘረዘሩት ሰብኣዊና ተፈጥሯዊ መብቶች በየክልሉ ሲጣሱ ለብዙ ጊዜ ታይተዋል ። ዛሬም ይህ አልተቋረጠም ፡፡ የሰው በህይወት የመኖር መብቱ በእጅጉ እየተጣሰ ሰው አይኑ እያየ በቢላዋ አንገቱ እየተቀላ ነው ። ይህ አረመኒያዊ ድርጊት የኢትዮጵያዊን መገለጫ አይደለም ። ይህ ድርጊት የታሪካዊ ጠላቶቻችን መገለጫ ነው ፡፡ ትላንት ልጆቻቸው የአፄ ዮሐንስን አንገት ቆርጠው ሲጨፍሩ ነበር ፡፡ ዛሬም ይህንኑ ድርጊት በህቡ እየፈጸሙት ነው ፡፡ ህዝብን ከህዝብ ለመለያየትና የማይታረቅ ቅራኔ ፤ የማያባራ እልቂት በአገራችን ለማምጣት ፡፡

ይህንን መንግስት አያውቅም ።ማለት ስህተት ነው ፡፡ ይሁን እንጂ መንግስት በህገመንግስቱ ያልተገባ አንቀፅ የታሰረ ይመስላል ፡፡ ይሁን እንጂ የክልሎችን ፍቃድ ሳይጠይቅ በየክልሎቹ ጸጥታን ለማረጋጋት እንዳይገባ የሚከለክለው የለም ፡፡ የተጠናከረ ጦርም በየክልሉ ማዋቀር ህገ መንግስቱን የመጠበቀ መብት አለው ፡፡

በእርግጥ አገራችን ደሃ ናት ። ደሃ ያደረግናትም እርስ በእርሳችን እየተጋደልን ነው ። የሚያጋድሉንም አውቀናል የሚሉ ያላወቂዎች ናቸው ። እነዚህ ያለዋቂዎች ሆድ እንጂ ጭቅላት የላቸውም ። ህሊና የላቸውም ። ግን እናወቃለን ብቻ ሳይሆን እናውቅልሃለን ባዮችና በአንደበታቸው እሳትነት ጎሳዬ ወይም ዘሬ ነው የሚሉትን ወደ ጥፋት ፣ ወደስርቆት እና ዘረፋ የሚመሩ ናቸው ። ሰርቶ ለመበልጸግ ሳይሆን እንዴት ዘርፎ መበልጸግ እንደሚቻል በማስተማር የዜጎችን አንጡራ ሀብት ለማዘረፍ አስታጥቀው የሚያሰማሩ እና ከአገር ጠላቶች ጋር በህቡ የሚሰሩ ናቸው ።

ይህንን እየተገነዘበ ፣ መንግስት የተለሳለሰ እና ለአንዴና ለመጨረሻ ጊዜ ከህግ በላይ የሆኑ የጥፋት እና አገርን ደሃ ለማድረግ ተግተው የሚሰሩ ኃይሎችን ለማጥፋት ፣ ስውርና ረቂቅ ዕቅድ የለማውጣቱ  ተገቢ ብቻ ሳሆን ፍጹም ስህተት ነው ። ይህ ቀፋፊ እና በኢትዮጵያውያን ላይ ሊፈጸም የማይገባው ድርጊት መሆኑን በቅጡ ያለመረዳትም ነው ፡፡ ይህ የምር  ከሆነ ደግሞ ፣ ነገ እሳቱ ወደ ባለስልጣናቱ  ሲደርስ ነገ የመንግስት ባለስልጣን ሁሉ ማድረግ የሚገባውን የትክክለኛ ፍትህ ድርጊት ባለማድረጉ እጅግ ይቋጨዋል ።″ እኛ በሚያስፈሩ እና በሚፈሩ ጠባቂዎች ተከበናል ። የሚደርስብን የለም ። ማለትም ሞኝነት ነው ። ″ ቀኃሥም ሆነ ደርግ የሚፈሩ እና የሚያስፈሩ ጠባቂዎች ነበሯቸው ፡  ይሁን እንጂ ከፈጣሪ ቁጣ ምድራዊ ኃይል አላዳናቸውም ። ፍትህን የሚረግጥ ፣ በህግ የበላይነት የማይመራ እና  የዜጋን ተፈጥሯዊ መብት የሚያፍን መንግስት ሁሉ የሚጣላው ከፈጣሪ ጋር ነው ፡፡ እናም የፈጣሪ ቁጣ ደጃቸው እንደለ አውቀው ለንስሃ ቢዘጋጅ ይበጃቸዋል ።

አውቅ በአስተዳደርም ሆነ በሰባዓዊ መብት ጥበቃ ረገድ  ከህግ የበላይነት አሰራር ውጪ  በየክልሉ የባለስልጣን እና የህግ አስፈጻሚ አካላት ከህግ በላይ መሆን ጎልቶ ይታያል ። …

ያም ሆነ ይህ ፣ መንግስት ህዝብን እያቃጠለ ያለውን እሳት ተራራ ላይ ነኝ ብሎ ቀዝቀዝ ብሎ ጉዳዩን ማየት የለበትም ። ዝም ካለ ግን ነገ እሳቱ ሜዳውን ጨርሶ ወደተራራው መዝለቁን ከወዲሁ ይገንዘብ ። መንግስት መንግስት  በመሆኑ የተሰጠውን ኃይል በበቂ መጠን  ቢጠቀም ለአገር ሰላም እና ብልጽግና ይጠቅማል ።