ኮሎኔል ደመቀ ዘውዱ ፍርድ ቤት አልቀርብም አለ · አቶ በርከትን አቶ አዲሱ ለገሠ የወልቃይትን ጥያቄ ለመፍታት ቃል ገቡ · የዐማራ ወጣቶች በገፍ እየታሰሩና ወደ ብር ሸለቆ እየተወሰዱ ነው

August 11, 2016

ኮሎኔል ደመቀ ዘውዱ ፍርድ ቤት አልቀርብም አለ
· አቶ በርከትን አቶ አዲሱ ለገሠ የወልቃይትን ጥያቄ ለመፍታት ቃል ገቡ
· የዐማራ ወጣቶች በገፍ እየታሰሩና ወደ ብር ሸለቆ እየተወሰዱ ነው
· ከአብደራፊ ከተማ በሕዝቡ መከላከያ ሠራዊት ለቆ ወጥቷል፤ አማ ታርጋ ያላቸው መኪኖች ከማይካድራ እንዳያልፉ ተከልክለዋል
· ወያኔን የሚያወግዙ መፈክሮች በአገዛዙ ታትመው ባሕር ዳር ገብተዋል
· በቀጣይ እሁድ በብዙ የዐማራ ከተሞች የተጋድሎ ሰልፎች ይኖራሉ

ከሙሉቀን ተስፋው

አብደራፊ፤ በአብደራፊ ከተማ ሰፍሮ የነበረው የመከላከያ ሠራዊት በሕዝቡ እምቢተኝነት ከተማውን ዛሬ ለቆ መውጣቱን ለማወቅ ችለናል፡፡ ከትግራይ ክልል በኩል ወደ ምዕራብ አርማጭሆ ከገባውን የመከላከያ ሠራዊት ጋር የአርማጭሆ ዐማሮች ተፋጠው መሰንበታቸው የሚታወስ ሲሆን በሕዝቡ እምቢተኛነት የመከላከያ ሠራዊት ከተማውን ለቆ ወጥቷል፡፡

የብርሐኔ አበራ ኃላፊነቱ የተወሰነ የግል ቤተሰብ አባላት አቶ በረከት እና አዲሱ

በሌላ ዜና የዐማራ ታርጋ (አማ) ያላቸው መኪናዎች በትግራይ ክልል ፖሊስ በተቋቋመ ኬላ ከማይካድራ በኋላ እንዳያልፉ ተከልክለዋል፡፡ ኬላዎቹ የተቋቋሙት ማይካድራ ከተማና የወያኔ እርሻ አጠገብ ሲሆን ወደ ኹመራ (ዳንሻ) የሚገቡና የሚወጡ መኪናዎች ላይ ከፍተኛ ፍተሻ እንዳለም ለማወቅ ችለናል፡፡

ጎንደር፤ ኮሎኔል ደመቀ ዘውዱ ፍርድ ቤት ሳይቀርቡ ቀረ፡፡ ፍርድ ቤት እንዲቀርቡ ትእዛዝ የተሰጠ ቢሆን ‹‹ፍርድ ቤት ይቀርባል እያለችሁ ሕዝቤን በጥይት እየጨረሳችሁት ነው፤ ምንም የሠራሁት ወንጀል ስለሌለ እንዲሁ አሰናብቱኝ እንጅ ፍርድ ቤት አልቀርብም›› በማለታቸው ኮሎኔሉ ፍርድ ቤት ሳይቀርቡ ቀርቷል፡፡ ፍርድ ቤት አካባቢ ፖሊሶች የሚጠባበቀውን ሰው ለመበተን ጥረት ሲያደርጉ ተስተውሏል፡፡

አቶ አዲሱ ለገሠና አቶ በረከት ስምዖን ትናንት ያደረጉት ስብሰባ ፍሬ አልባ ብሎም ተመሳሳይ ስብሰባ ባሕር ዳር ያደርጋሉ ተብሎ የተጠበቀ ቢሆንም ዛሬም ጎንደር እንደዋሉ ለማወቅ ችለናል፡፡ ዛሬ በጎንደር ከተማ አስተዳደር ከንቲቫ ጽ/ቤት ባደረጉት ስብሰባ የወልቃይት ጠገዴን ጉዳይ በአስቸኳይ መፍትሔ እንደሚሰጡበት እንዲሁም የታሰሩ የኮሚቴ አባላት ያለምንም ቅድመ ሁኔታ እንደሚፈቱ ቃል ገብተዋል፡፡ ሆኖም በስብሰባው የተሳተፉ ዐማሮች ‹‹እስካሁን ድረስ ብዙ ጊዜ ቃል ገብታችሁ ቃላችሁን በልታችኋል፤ ስለዚህ ልናምናችሁ አንችልም፤ ሆኖም በተሎ መልስ ብትሰጡን አገሪቱ እያጋጠማት ያለውን ቀውስ መቀነስ ትችሉ ነበር፡፡ እኛ ግን መልስ እስኪሰጠን ድረስ መቼም ቢሆን ትግላችን አናቆምም›› የሚል ሐሳብ ተንጸባርቋል፡፡

ይህ በዚህ እንዳለ እስከ ዛሬ ድረስ በጎንደር ከተማ የንግድም ሆነ ማናቸውም ዓይነት እንቅስቃሴ እንደሌለ ነው የሚናገሩት፡፡ በተለይ ፒያሳና አራዳ የተባሉት የከተማ አካባቢዎች ጭር ብለው ይታዩ እንደነበር የመረጃ ምንጮቻችን ጠቁመዋል፡፡

ባሕር ዳር፤ በባሕር ዳር ከተማ ዛሬ ሰላማዊ ሰልፉን ለማድረግ ሲያስተባብሩ የነበሩ ወጣቶችን በማፈን አገዛዙ አስቀርቶታል፡፡ በባሕር ዳር የመንግሥት ሠራተኞችና ነጋዴዎች ሥራ እንዳልጀመሩ ለማወቅ ችለናል፡፡ የመንግሥት መሥሪያ ቤት መኪናዎች በግዴታ በከተማው እንዲንቀሳቀሱ እየተደረገ የተረጋጋ ለማስመሰልም ጥረት ሲደረግ ውሏል፡፡

*ዘግየት ብሎ በደረሰን መረጃ ደግሞ ወያኔን የሚያወግዙ በርካታ መጠን ያላቸው ባነሮች ተዘጋጅተው ባሕር ዳር ከተማ መግባታቸውን አውቀናል፡፡ እነዚህ ባነሮች ዋናው ዓላማቸው በጸረ ሰላም ኃይሎች አሳበው የዐማራውን ተጋድሎ መንገድ ማሳት መሆኑን ነው መረጃዎቻችን የሚጠቁሙት፡፡ ስለሆነም መላው የባሕር ዳር ዐማራ ይህን ተንኮል እንዲገነዘበው የመረጃ ምንጮቻችን አሳስበዋል*።

አጠቃላይ ዐማራው፤ በጎንደር፣ በጎጃም፣ በወሎና በሸዋ አካባቢዎች በርካታ ወጣቶች እየታፈሱ ወደ ብርሸለቆ ወታደራዊ ማሰልጠኛ ጣቢያ መወሰዳቸው እየተሰማ ነው፡፡ በተለይ ደግሞ በጎንደር ከተማ (ቀበሌ 18፣09፣ 12)፣ በደብረታቦር፣ በወረታ፣ አዲስ ዘመን፣ በባሕር ዳር (ቀበሌ 11፣ 10፣ 7፣ 13)፣ በደብረ ማርቆስ (ቀበሌ 7)፣ በወልድያ፣ ሐይቅ፣ ደሴና ደብረ ብርሃን ከተሞች በርካታ ወጣቶች መታሰራቸውን ለማወቅ ችለናል፡፡

ከጎንደርና ከባሕር ዳር የታሰሩ ወጣቶች ወደ ብር ሸለቆ የተወሰዱ ሲሆን በሌሎች አካባቢዎች ግን ገና እንደሚወስዷቸው ነው መረጃዎች የሚያመለክቱት፡፡ ብርሸለቆ ወታደራዊ ማሰልጠኛ ጣቢያ ብዙ ዐማሮች እየተወሰዱ ቶርቸር የሚደረጉበት ቦታም ነው፡፡ የ1997 ምርጫን ተከትሎ በርካታ ወጣቶች እዚሁ ቦታ መሰቃየታቸው የሚታወስ ነው፡፡ ከተለያዪ ቦታዎች የበርካታ የታሰሩ ሰዎች ፎቶ ግራፎችና ምስሎች ደርሰውናል፡፡ በብዙዎቹ አካባቢዎች ማረጋገጥ እንደቻልነው የሚወሰደው እርምጃ የሥርዓቱን ጨካኝነት አጥብቆ ያስገነዘባቸውና ለበለጠ ተጋድሎ ያነሳሳቸው መሆኑን ነው የገለጹልን፡፡

ከዚሁ ጋር ተያይዞ በፍኖተ ሰላም በቀጣይ ሳምንት መጨረሻ የሚደረገውን የተጋድሎ ሰልፍ ለማደናቀፍ አቶ ብናል አንዷለም በፍተሰላም ከተማ ዳሞት ሆቴል መሽገው እንደሚገኙ ለማወቅ ችለናል፡፡ አቶ ብናልፍ አንዷለም የክልሉ ምክትል ርዕሰ መስተዳደር ሲሆኑ ከአገዛዙ ጎን ሆኑን በርካታ ዐማሮችን እንዳሰቃዩ ይታወቃል፡፡

የዐማራ ተጋድሎ ያሸንፋል!!

1 Comment

  1. Dear Colonel Demeke Zewudu
    if you know our history time Derg if one person against the government
    death— Now you dont want to go to the tribunal
    then Red Terror you wait that ??

Comments are closed.

Previous Story

ወልቃይት የማን ነው? የማይረባ ጥያቄ | ከፕ/ር መስፍን ወልደ ማርያም

Next Story

በባህርዳር በተከሰተ ኮሌራ ከ30 በላይ ሰዎች ታመሙ | 15 ሰዎች ሞተዋል

Latest from Blog

አገራችን አሁን ያለችበት እጅግ አጣብቂኝ ሁኔታ (እውነቱ ቢሆን)

በዚህች አጭር ጽሁፌ ሁለት ነገሮች ላይ ብቻ አተኩራለሁ፡፤ በወልቃይትና ራያ መሬቶች ጉዳይና ስለአብይ አህመድ የማይሳካ ቅዠትና ህልም ዙሪያ፡፡ ስለወልቃይትና ራያ፦ እነዚህ ቦታወች ዱሮ የማን ነበሩ? በማን ስርስ ይተዳደሩ ነበር?  አሁንስ የማን ናቸው?? ለምንስ ይህንን ያህል ደም ያፋስሣሉ… ወዘተ ወደሚለው ጥያቄ ከማምራታችን በፊት መሬቶቹ በውስጣቸው ምን ቢይዙ ነው? አቀማመጣቸውና ጠቀሜታቸውስ ምንና

ሳሙኤልም እንደ እስጢፋኖስ!

 በላይነህ አባተ (abatebelai@yahoo.com) ሳሙኤል አወቀ እንደ ቅድመ አያቶቹ ዝቅዝቅ መታየትን ያልተቀበለና በጥናት የታገለ ከመጀመሪያዎቹ ፋኖ ሰማእታት አንዱ ነው፡፡  ሰማእታትን መዘንጋት አድራን መብላት ነው፡፡ አደራን መብላትም እርምን መብላት ነው፡፡ እርምን መብላትም መረገም ነው፡፡እርማችንን

በትሮይ ፈረስነት የመከራና የውርደት አገዛዝን ማራዘም ይብቃን!!!   

June 16, 2024 ጠገናው ጎሹ በሥልጣነ መንበር ላይ የሚፈራረቁ ባለጌ፣ ሴረኛ፣ ሸፍጠኛና ጨካኝ ገዥ ቡድኖች መከረኛውን ህዝብ ከአስከፊ ድንቁርና እና ከሁለንተናዊ የመከራና የውርደት ዶፍ ጋር እንዲለማመድ  ከሚያደርጉባቸው እጅግ በጭካኔ  የተሞሉ ዘዴዎቻቸው መካከል ኮሚቲ፣

ኑሮ የከበዳቸው የመንግሥት ሠራተኞች የምሳ ሰዓትን በቤተ እምነቶች እያሳለፉ መሆኑ ተነገረ

ሲሳይ ሳህሉ / ቀን: June 16, 2024 የቤት ኪራይ መክፈል ያልቻሉ ተደብቀው ቢሮ ውስጥ ያድራሉ ተብሏል መንግሥት የሚከፍላቸው ወርኃዊ ደመወዝ አልበቃ ያላቸው የመንግሥት ሠራተኞች የምሳ ሰዓታቸውን ወደ ቤት እምነቶች በመሄድ፣ እንዲሁም ቤት

ህገ መንግስታዊ ዲዛይን ምርጫዎቻችን የትኞቹ ናቸው?

ኤፍሬም ማዴቦ (emadebo@gmail.com ) እኛ ኢትዮጵያዊያን እራሳችንን ስንገለጽ የረጂም ግዜ ሥልጣኔና ታሪክ ያለን፣በነጭ ያልተገዛን፣ከ2000 አመት በላይ ተከታታይ የመንግስት ሥርዓት ያለን፣የሦስቱ ዘመን ያስቆጠሩ አብርሃማዊ ሃይማኖቶች አገር ነን እያልን ነው። ነገር ግን ባለፉት ሃምሳ አመታት
Go toTop