“አብረን ቢሆን ነበር እንጅ !”- መስከረም አበራ ፡ የመብት ተሟጋች እና ፕሮፈሶር @Hawassa College

ከእስርቤት ወደ ፍርድቤት ከሄድኩባቸው ወደ አራት የሚጠጉ ቀናት በሶስቱ ቀናት ጋዜጠኛ ተመስገን ደስአለኝም እንደእኔው የፍርድቤት ቀጠሮ ኖሮት ኖሮ አግኝቼዋለሁ፡፡ በጨረሻ ባገኘሁት ቀን በመጀመሪያ ስሜ የተጠራው እኔ ነበርኩ፤ ችሎቱን ታድሜ ስመለስ ፍርዱ ለተጨማሪ ስምንት ቀናት መቀጠር ሆነ፡፡ ይህንኑ ሰምቼ ስመለስ እስረኞች መሃል ሆኖ ተራውን የሚጠባበቀው ተመስገን ደስአለኝ ልብሴን ጎተት አድርጎ በጉጉት “ምን ተባልሽ?” ሲል ጠየቀኝ፡፡ ነገርኩት፤ቅር ባለው ፊት ዝም አለ፤እኔም ወደቦታየ ተመለስኩ፡፡
የእሱ ስም ተጠራና ተነስቶ አራተኛ ፎቅ ላይ የሚያስችለውን ችሎት ለመድረስ የፎቁን አቀበት ተያያዘው፡፡ በዚህ ቀን እሱ እና ሰለሞን ሹምየ “በአስር ሽህ ብር ዋስ ውጡ” ብሎ ፍርድቤቱ ፈረደላቸው፡፡ ሲመለስ እኔም በተራየ ምን እንደተባለ ጠየቅኩት፡፡ “በብር ዋስ ተባለ” አለኝ፤”የስንት ብር ዋስ?” አልኩኝ ነገረኝ ፤”እንኳን ደስ አለህ አልኩኝ”፤”አይ! አብረን ቢሆን ነበር እንጅ” አለኝና ወደመቀመጫው አመራ፡፡
ተሜ ይህን የሚለው ፍርድቤት የሚለው ተከብሮ እሱ የተፈረደለት የአስር ሽህ ብር ዋስትና ተግባራዊ ከሆነ ከእኔ የስምንት ቀን ቀጠሮ ከተሰጠኝ የአራስ ልጅ እናት ቀድሞ መውጣቱ ከብዶት ነው፡፡ የሆነው ግን ሌላ ነው!
ፍርድቤት ለቆት እያለ የመንግስት ጉልበተኛ ጫማ ረግጦት እስር ቤት ስላስቀረው አንድ ሃገር ወዳድ ጋዜጠኛ ኢ-ፍትሃዊ እስር አዝናለሁ ! “አብረን ቢሆን ነበር እንጅ” ያላት ንግግሩ ጆሮየ ላይ ታስተጋባለች::ዛሬ በእሱ ቦታ ሆኜ “አብረን ቢሆን ነበር እንጅ” የምለው እኔ ሆኛለሁ፤አዝናለሁ! ተራ ዜጋ ከማዘን በቀር ምን ያደርጋል ???
ተጨማሪ ያንብቡ:  ለነጭ ፈረስ አትሁን - ድምፃዊ አቡሽ ዘለቀ እያለቀሰ ያስተላለፈው መልዕክት -ጦቢያ

1 Comment

  1. ስዩም ተሾመ እነሱ ታስረው አንተ ስትቀጣጥፍ ጫትህን ጠግበህ ስታናፋ ምን ይሰማሀል ?ለነገሩ ምንም የማይሰማህ ጉማሬ ነህ።

Leave a Reply

Your email address will not be published.

Share