በዓለም ዐቀፍ ደረጃ ለኢትዮጵያ ጥብቅና በመቆም የሚንቀሳቀሰው “የተቆርቋሪ ኢትዮጵያዊያን” ማኅበር ለዓለም ጤና ድርጅት ሥራ አስፈጻሚ ቦርድ የድርጅቱን ዋና ዳይሬክትር ህገወጥ እንቅስቃሴ በተመለከተ ደብዳቤ ጽፏል።በደብዳቤው ዳይሬክተሩ የድርጅቱን መርህ በመጣስ ከሙያ ስነ ምግባርና ከገለልተኝነት ውጪ እየፈጸሙት ስለሚገኘው ከስነምግባር ውጭ የሆኑ ተግባራት አስረድቷል።
ዳይሬክተሩ የሚያካሂዱት ህገ ወጥ ተግባር የተባበሩት መንግሥታትን ታማኝነት ጥያቄ ውስጥ የሚከት መሆኑን አመልክቶ በኢትዮጵያ መንግሥት በአሸባሪነት የተፈረጀውን ድርጅት ሽፋን በመስጠት በሚያከናውኑት ተግባር ላይ ምርመራ እንዲደረግ ክስ አቅርቧል።
“ማንኛውም ሰው በእምነቱ፣ በቆዳው ቀለምና በአካባቢው ምክንያት ጤናው የመጠበቅ መብቱን ሊያጣ አይገባም” የሚለውን የዓለም ጤና ድርጅት ህገ መንግሥታዊ መርህ በመጣስም ዳይሬክተሩ የተወለዱበት አካባቢን ችግር ብቻ በመጥቀስ በአሸባሪው የተፈጸሙ ወንጀሎችንና የጤና ተቋማት ውድመቶችን መደበቃቸውን ገልጿል።
በአፋርና አማራ ክልሎች በአሸባሪው ቡድን ወረራ ምክንያት የደረሱ ከፍተኛ ጥፋቶችን በመሸፈንም ወደ ትግራይ ክልል ሰብኣዊ ድጋፍ እየገባ አይደለም በሚል ስልጣናቸውን ተጠቅመው ክስ እያቀረቡ መሆኑን አስገንዝቧል።
በአማራና አፋር ክልሎች ስለወደሙት ከ500 በላይ የጤና ተቋማት እና ከ1 ሺሕ 700 በላይ የጤና ጣቢያዎች ያሉት ነገር አለመኖሩንና በዚህም ሥራ አስፈጻሚ ቦርዱ ምርመራ እንዲያካሂድ አሳስቧል ሲል ኢዜአ ዘግቧል።
በተለይም በማኅበራዊ ትስስር ገጻቸው በኩል የዓለም ጤና ድርጅትን መርህ በመጣስ የሚያካሂዱትን የወገንተኛ እንቅስቃሴ ቦርዱ በማስረጃነት ተጠቅሞ ምርመራ እንዲያካሂድ ጠይቋል።
FBC
The charges are legitimate and I hope that the UN will consider it. Since the TPLF instigated war, Dr. Teodros Adhanom has not been behaving like the director of the WHO but the representative of his organization. His abuse of his position, demonstrates that he is totally unfit to lead an international organization such as the WHO where strict observance to codes of conduct and impartiality are prerequisites. There are rumors that the TPLF has approached the members of the board of the WHO and trying to protect him and his position. If true, this will damage the creidibility of the whole UN system.