የህሊና  እስረኞችን  ፍቱልን!!!! – ፊልጶስ

1 Comment

1. ህሊና በጠፋበት ምድር ላይ የህሊና እስረኞች ይፈቱልን ማለቱ ያስቸግራል። ግን ድምጻችን ስለ እስረኞቹ ከማሰማት ወደ ኋላ አንልም። እየቆየ የዶ/ር አብይ መንግስት ወያኒያዊ ባህሪ እያሳየ ለመሆኑ ማስረጃዎች አሉ። የሚገርመው ግን በፊትም ዛሬም የሚታሰሩትና በግፈኞች ሃበሳቸውን የሚቆጥሩት ለሃገር አንድነትና ለህዝቦች ጥምረት ቆመው ኢፍትሃዊ የሆኑ ነገሮች እንዲገቱ የሚጠይቁት ናቸው። ከዚህ በላይ ደግሞ የሚያሳዝነው የታሰሩትን ለመጠየቅና ስንቅ ለማቀብል የሚንገላቱት ወገኖቻችን ሰቆቃ ነው። የዘረኛው ግልምጫ፤ የሉም እዚህ፤ እዚያ ናቸው ተብሎ መንገላታቱ፤ ሲልላቸውም አፍሰው ማሰራቸው የክፋታቸውን ጥግ ያሳያል። አሁን ህሊና ያለው ሰው መዓዛንና ታምራትን ያስራል? እውነቱን ከሚናገሩ ወገንን ከሚረድ ጥቂት ድምጾች ፊት ለፊት የሚታዪት ነበሩ። የሰው ልጅ የመናገር፤ የመጻፍ፤ የመሰብሰብ፤ አንድን የመተቸት መብቱ ያልተጠበቀባት ይህች ሃገር እየቆየ የተሻለ ነገር ይመጣል ብለን ስናስብ ተመልሰን የፓለቲካ አሻጥር ማጥ ውስጥ መግባታችን የሃገሪቱን የላሸቀ የፓለቲካና የእይታ መሻገት ያሳያል። በማፈን፤ በመግደል፤ በመሰወር፤ ከሃገር በማስወጣት፤ ከሥራ በማባረር የሰውን እምነትና አስተሳሰብ መቀየር አይቻልም። ያው የፍትጊያችን ቋጥሮ ያጠብቀውና የመፍቻ ውል ያሳጣናል እንጂ። ይህ የፓለቲካ አሻጥር በየደረጃው ከንጉሱ እስከ ወያኔ ተሞክሮ ታይቷል። አልሰራም። አይሰራም።
   የእስር ቤቶችን ሁሉ ወና እናረጋለን፤ ፍትህና የሰው ልጆች መብት የተከበረባት ኢትዮጵያ እንመሰርታለን ተብለን ብዙም ሳይቆይ ወያኔ መብረቃዊ ጥቃት ፈጽሞ አሁንም ሰማዪ ሳይጠራ እያጉረመረመ በመገዳደል ላይ እንገኛለን። በውጭ ያለው የሃበሻ ክምችት ብዙው በሃገሩ ጥቂቱ በዘሩና በቋንቋው ተሰልፎ ይፋለማል፤ ያፋልማል፤ እሳት ያቀብላል። ዛሬ በትግራይ ከአንድ ቤት አንድ ልጅ ተብሎ ያ ሁሉ አልበቃ ብሎ አሁን ደግሞ ለታላቋ ትግራይ ከአንድ ቤት ሁለት ልጅ አምጡ ተብለው በማዋጣት ላይ ይገኛሉ። ሰው ግን እንዴት አይነቃም? የትኛዋ ትግራይ ናት ይህን ሁሉ ህዝብ የምታስገብረው? ማን ቆሞ ማን ሞቶ ነው እፎይታ የሚመጣው? አፋቸው ለከት የሌላቸው የዘር ፓለቲከኞች ከዚህም ከዚያም ጎራ አካኪ ዘራፍ እያሉ መጨራረስ ማንን ነው የሚጠቅመው? በቅርቡ ሁለት የትግራይ የኦርቶዶክስ ቤ/ክ መሪዎች ስለ ሰላም መስቀላቸውን አስቀድመው በአማረ የአማርኛ ቋንቋ ጥሪ ሲያደርጉ በትግራይ ቲቪ አየሁ። ሌላው ሲቪል ለባሽ ደግሞ እነርሱን ተከትሎ ተመሳሳይ ቃል አሰማ? ጥያቄው ግን እነዚህ ሰዎች የት ነበሩ? ይህ ሁሉ እልቂትና ደም መቀባባት ሳይመጣ ለምን ድምጻቸው አልተሰማም? መልሱ አጭር ነው። ያኔ ቢፈልጉም ወያኔ አይፈቅድላቸውም። አሁን ወያኔ መጠራቅቅ ውስጥ ስለገባ ተናገሩ ተብለው ነው የሚለፈልፉት። ይህ ነው የትግራይ ነጻ አውጭ ድርጅት ባህሪ ገደል በገባ በሬ አርሳለሁ ብሎ ሞፈርና ማረሻ ማንሳት። አሁን ማን ይሙት የአማራና የአፋር ህዝብ ከትግራይ ጋር አብሮ መኖር ይመኛል? ጭራሽ። የወያኔ ጭፍራ በሆቴሎች፤ በት/ቤቶ/በህክምና ተቋማት/በንግድ ቤቶች በቀይ፤ በቢጫ፤ በአረንጓዴ ቀለም የጻፉትን ብቻ መዝግቦ በመያዝ (በትግርኛና አማርኛ ነው የተጻፉት) የተፈጸመውን በደል ካፈረሱትና ከዘረፉት ሃብት ጋር ለትግራይ ህዝብ ማሳየት ይቻላል። አብሮ የሚኖር ሰውን አህያ እያለ መነኩሴ፤ ህጻናትን አይደፍርም። ከባልና ከልጆች ፊት ሚስትን ደፍሮ የቤቱን አባወራ አይገልም። ወያኔና ጭፍሮቹ የሰው አውሬ ናቸው የምንለው በመረጃ ነው። የአሜሪካና የአውሮፓ የወያኔን በደል ማስተባበልና ደጋፊ ሆኖ መቅረብ ሊቢያን፤ ሶሪያን፤ ኢራቅን፤ ወዘተ ያፈረሱ ሰይጣኖች በመሆናቸው በእነርሱ የወያኔ ድጋፋዊ የአዞ እንባ የወያኔ ፋሽሽት መሆን አይሸፈንም። ስራቸው ለህዝባችን በግልጽ ታይቷንልና።
   ወያኔ ሰላምን ከጅምሩ ጀምሮ አያውቃትም። የሚገባው እሳትን በእሳት ሲመለስለት ብቻ ነው። ጀግና፤ ወርቅ ህዝብ፤ ደርግን ያንበረከከ፤ ተራራን ያንቀጠቀጠ እየተባለ በፈጠራ ታሪክ ውሸት የተጋተው የወያኔ መንጋ አሁን ገበሬው በማጭድና በአካፋ ጠበንጃ ሲቀማው ምን ይሰማው ይሆን? ይህ የወያኔ እብደት ከፈጸመው አንድ እውነተኛ ታሪክ ላካፍላችሁና ይብቃኝ። አንድ ከፍተኛ ወታደራዊ መኮነን አንዲት የትግራይ ሴት አግብቶ ለ 20 ዓመት በትግራይ መሬት ሶስት ልጆች ወልደው ይኖሩ ነበር። በወያኔው ጥቃት እጆቹ በስንሰለት የታሰረው መኮነን የትግርኛ ቋንቋን አቀላጥፎ የሚያውቅ፤ በወታደሩ ተወዳጅ በወያኔ አሽቃባጮች ሳይቀር ክብር ያገኘ ሰው ነው። እየገፈተሩ ሲወስድት ሚስቱና ልጆቹ ያያሉ። ሚስቱ ከፊታቸው ወድቃ ስትለምን በእርግጫ አንድ የወያኔ ሰው ይመታታል። ሌላው የትግራይ ወታደር የመታትን ይቆጣና አቁም ብሎ አንስቶ ልጆችን ከመኖሪያ ግቢያቸው አስገብቶ እንደሚፈታው ቃል ገብቶ መኪና ላይ በማሳፈር ታሳሪውን ወታደራዊ መኮነን ይወስድታል። የ 15 ዓመት እድሜ ያላት ሴት ልጅ እያለቀሰች እኔንም አብራችሁ ውሰድኝ እያለች ከህዋላ ከቀሩት የወያኔ ወታደሮች ጋር ትጮሃለች። ዝም በይ ግቢ አንቺም በጊዜሽ ትወሰጃለሽ ይላታል። እናትም ጎትታ ወደ ቤት ወስዳ በሩን ትዘጋለች። የባሏ ወሬ የጠፋባት ይህች የትግራይ ተወላጅ ሴት በየስፍራው ታጠያይቃለች። ከዚያ የኢትዪጵያ ሰራዊት መቀሌ ሲገባ መኖሩ ይነገራትና ለጊዜው መቀሌ እንዲቆይ ተመድቦ በቃ የእኔ ዘመዶች ደቡብ ኢትዮጵያ ይኖራሉ እንሂድ አድርሸሽ ልምጣ። ምንም አይቸግራችሁም ቢላት ትግራይን ትቼ አልወጣም ትላለች። በዚህ መካከል እሱ ይቀየራል። እሷም በድጋሚ አልሄድም ትላለች። ወያኔ ሽዋ መሬት ድረስ ሲገባ አዋጊ ሆኖ በአፋር፤ በሰሜን ወሎ ሲጓዝ ከተማረኩት መካከል የልጅን መሞትና የሞተችበት ቦታ ይነገረዋል። በሥፍራው ሲደርስ የልጅን አስከሬን ያገኝና አልቅሶ ይቀብራል። የልጇ እድሜ 16 አመት ከ 6 ወር ገደማ ነበር። የሃበሻ የውሻ ፓለቲካ እንዲህ ነው። በዘሩና በቋንቋው የሰከረ፤ ለሰው ልጅ መብትና ነጻነት ያልቆመ፡፤ ለዚያ ነው የዛሬዎቹ ገዥዎቻችንም የፓለቲካ እይታቸው ያላማራቸውን፤ ጋዜጠኞችንና ሌሎችንም እያፈሱ ባዶ ይሆናል የተባለውን እስር ቤት ከገጠር እስከ ከተማ የሞሉት። የጠራ እይታ ላለው ሃበሻው ያበደ ህዝብ ነው። የተከመረ ክምር አቃጥሎ ተራብኩ የሚል የጨካኞች ስብስብ። እውነተኛ ለውጥና አብሮ መኖር በሃበሻዋ ምድር ይሰምር ይሆን? አይመስለኝም። በቃኝ!

   Reply