የአልሸባብን የሽብር ተልዕኮ ሊፈጽም ነበር የተባለ ግለሰብ ተያዘ

June 4, 2014

በአዲስ አበባ ከተማ የአልሸባብን የሽብር ተልዕኮ ለመፈጸም ሲዘጋጅ ነበር የተባለ ግለሰብ መያዙን፣ የብሔራዊ ደኅንነትና መረጃ አገልግሎትና የፌዴራል ፖሊስ ግብረ ኃይል ማክሰኞ ምሽት አስታወቀ፡፡

ግብረ ኃይሉ ባወጣው መግለጫ እንዳስታወቀው፣ ተያዘ የተባለው ግለሰብ በአዲስ አበባ ከተማ የሽብር ጥቃት ለማድረስ የሚያስችል ዝግጅት ሲያደርግ እጅ ከፍንጅ ተይዟል፡፡ ኅብረተሰቡ የተለዩ እንቅስቃሴዎችን ሲያስተውል ለሚመለከተው አካል በፍጥነት እንዲያሳውቅ የጠየቀው ግብረ ኃይሉ፣ ስለግለሰቡ ዝርዝር መግለጫ አልሰጠም፡፡

ይህ በዚህ እንዳለ አልሸባብ በኢትዮጵያ ላይ በተደጋጋሚ ከሚያደርገው ዛቻ የዘለለ ጥቃት በኢትዮጵያ ላይ ሊፈጽም እንደማይችልና የሚያሰጉ ሁኔታዎች በኢትዮጵያ አለመኖራቸውን የውጭ ጉዳይ ሚኒስቴር አስታወቀ፡፡

የአሜሪካ መንግሥት በአዲስ አበባ በሚገኘው ኤምባሲው አማካይነት፣ ኢትዮጵያ ውስጥ የሚኖሩና ወደ ኢትዮጵያ የሚጓዙ አሜሪካውያን ጥንቃቄ እንዲያደርጉ ባለፈው ሳምንት መጨረሻ ላይ አስታውቋል፡፡

አልሸባብ በኢትዮጵያ ጥቃት ለመፈጸም እንደሚችል የሚያስረዱ ታማኝ መረጃዎች እንደደረሱት በመጠቀስ ነው የጥንቃቄ ማሳሰቢያውን ኤምባሲው በድረ ገጹ ላይ ይፋ ያደረገው፡፡

ጉዳዮችን በተመለከተ ሪፖርተር ያነጋገራቸው የውጭ ጉዳይ ሚኒስቴር ቃል አቀባይ አምባሳደር ዲና ሙፍቲ፣ የኢትዮጵያ መንግሥት ምንም ዓይነት የፀጥታ ሥጋት እንደሌለበት አስታውቀዋል፡፡

አልሸባብ በተደጋጋሚ ኢትዮጵያ ላይ እንደሚዝት የጠቆሙት ቃል አቀባዩ፣ የኢትዮጵያ የፀጥታ ኃይሎች ምንጊዜም ዝግጁና ጥንቁቅ መሆናቸውን ተናግረዋል፡፡ የአሜሪካ መንግሥት ያወጣው የጥንቃቄ ማሳሰቢያን በተመለከተ፣ በራሳቸው መንገድ የተለመደ አሠራር ነው ብለዋል፡፡

‹‹በኢትዮጵያውያና በምዕራባውያን ማዘውተሪያዎች ላይ አልሸባብ የፈጠረው ሥጋት›› በሚል የወጣው ይኼው የአሜሪካ መንግሥት የጉዞ ማስጠንቀቂያ፣ ‹‹ኤምባሲው አልሸባብ በኢትዮጵያ ኢትዮጵያውያንንና ምዕራባውያንን ዒላማ ያደረገ ጥቃት ለመፈጸም መዘጋጀቱን ታማኝ የሥጋት ማስጠንቀቂያ ሪፖርቶች ደርሰውታል፤›› ይላል፡፡

ኤምባሲው በደረሰው መረጃ መሠረት የአልሸባብ አባላት በቅርብ ሳምንታት ውስጥ፣ በኢትዮ ሶማሊያ ድንበር አካባቢ ወደ ኢትዮጵያ ሰርገው መግባታቸው ታውቋል፡፡

ኤምባሲው ጥቃቱ የሚፈጸምበትን ጊዜና ቦታ በግልጽ ባይጠቅስም፣ በኢትዮጵያ አሜሪካውያንና ሌሎች ምዕራባውያን በብዛት ተሰባስበው የሚገኙባቸው ሆቴሎች፣ መጠጥ ቤቶች፣ የገበያ ማዕከላትና የእምነት ቦታዎች ላይ ጥቃት ሊፈጸም እንደሚችል በማመላከት፣ በእነዚህ ሥፍራዎች የሚንቀሳቀሱ አሜሪካውያን ከፍተኛ ጥንቃቄ እንዲያደርጉ አስጠንቅቋል፡፡ ማስጠንቀቂያው በኢትዮጵያ የሚኖሩና ወደ ኢትዮጵያ የሚጓዙ ዜጐች፣ የአሜሪካ የውጭ ጉዳይ ሚኒስቴር የጉዞ ማስጠንቀቂያ ፕሮግራምን በተጠንቀቅ እንዲከታተሉ አሳስቧል፡፡

የአፍሪካና የአሜሪካ ኢነርጂ ሚኒስትሮች በአዲስ አበባ ስብሰባቸውን እያካሄዱ ሲሆን፣ በመዲናው እንግዶች ሲበዙ በሆቴሎች ከአባባቢ ጠበቅ ያለ ፍተሻና ጥበቃ ማድረግ የተለመደ ቢሆንም ሪፖርተር ተዘዋውሮ ማረጋገጥ እንደቻለው፣ በበርካታ ሆቴሎችና ሥፍራዎች የአሜሪካ መንግሥት የጉዞ ማስጠንቀቂያ መውጣትን ተከትሎ እጅግ የተጠናከረ ፍተሻ እየተደረገ ይገኛል፡፡

አልሸባብ ከዚህ ቀደም በአዲስ አበባ ስታዲየም በእግር ኳስ ተመልካቾች ላይ ለማፈንዳት ያዘጋጀው ቦምብ ድንገት ፈንድቶ ሽብር ሊፈጽሙ የተዘጋጁ አባላቱ መሞታቸው የሚታወስ ነው፡፡ የኢትዮጵያ ወታደሮች በቅርቡ በሶማሊያ የአፍሪካ የሰላም አስከባሪ ኃይል (አሚሶም) ከተቀላቀሉ ጊዜ ጀምሮ፣ ከመቼውም ጊዜ በላይ በርካታ የአገሪቱ ከተሞች ከአልሸባብ ነፃ መውጣታቸው በስፋት እየተዘገበ ነው፡፡ በዚህም ምክንያት አልሸባብ በኢትዮጵያ ላይ ሲዝት ቆይቷል፡፡ ሰሞኑን የኢትዮጵያና የሶማሊያ ወታደሮች በከፈቱት ጥቃትም 74 የአልሸባብ ታጣቂዎች መገደላቸውን ከሶማሊያ የወጡ ዘገባዎች ያስረዳሉ፡፡

Source: Ethiopian Reporter

5 Comments

  1. The Ethioopian police and army has prooved that it is well organised and all security network inside the country working sufficiently so far so many countries seeing terror tragediies almost everyday like Iraq afghanistan somalia Nigeria and so on thanks to ethiopian police and military we have been protected from such attacks.
    God bless Ethiopia

  2. This is the one you should take to the gallows after proper trial and with a minimum court expenses.

  3. It seems more fictitious as usual! EPRDF/TPLF’s elites are master of duplicity and obfuscation.

  4. የኔ ስጋት መንግስት በሽብርተኛ ስም ቂም የያዘባቸውን ተቃዋሚዎች፣ጋዜጠኞች እና መሰል ኢህአዴግን የማይደግፉ ግለሰቦችን እንዳያስር ነው፡፡እንኳን ከአሜሪካ መንግስት ፊሽካ ተነፍቶለት እንዲሁም ንጹሀንን በሽብር ስም አስሮ መከራቸውን እያስቆጠራቸው የሚገኘው ጨካኙ መንግስት አሁን መሬቱ ተደላድሎለታልና ተደስቷል ባይ ነኝ፡፡

  5. Doma mengist new bezi agatami addis,abeba,eskehone dres yemiyafenedut lemin aytewachewum ena,yeadis,abeba shewa,amarawn,ayafenedawum ena yemengist derama new aylum endezam behon telat betelat eytegadele egna tegrewoch endeset neber…gefa bile yemengist derama bilu new.
    Yeadisaba,sew Zeregana selehone ena yemiserLetin ehadegin selalmerete yefendabet ena yeketa.keza,yafenedutn enketachewalen .weym enshelmachewalen……

Comments are closed.

Gihon
Previous Story

ግዮን ሆቴል እንዳይሸጥ ተወሰነ

Next Story

ፕሮፌሰር መስፍን ለሰማያዊ ፓርቲ እራት ግብዣ የ20 ሰው ትኬቶችን እንደገዙ የፌስ ቡክ ጉዋደኞቼ ጽፈው አነበብኩ

Latest from Blog

ህገ መንግስታዊ ዲዛይን ምርጫዎቻችን የትኞቹ ናቸው?

ኤፍሬም ማዴቦ (emadebo@gmail.com ) እኛ ኢትዮጵያዊያን እራሳችንን ስንገለጽ የረጂም ግዜ ሥልጣኔና ታሪክ ያለን፣በነጭ ያልተገዛን፣ከ2000 አመት በላይ ተከታታይ የመንግስት ሥርዓት ያለን፣የሦስቱ ዘመን ያስቆጠሩ አብርሃማዊ ሃይማኖቶች አገር ነን እያልን ነው። ነገር ግን ባለፉት ሃምሳ አመታት

የኢካን ዓላማ በኔዘርላንድ የሚኖረውን ትውልደ ኢትዮጵያውያንን እና ኢትዮጵያውያንን ኮምዩኒቲይ የማሰባሰብ ሳይሆን የመከፋፋልና የማዳከም ተልኮን ያነገበ ነው።

አገር ! ለየአንድ ሠው ቋንቋው፣ ልማዱ፣ ባሕሉ፣ እምነቱ፣ አስተሳሰቡ፣ ወጉና በአጠቃላይ እሱነቱና ማንነቱ የሚከበርበት ብቸኛ ሥፍራ ነው። ኢትዮጵያውያንም በስደት በሚኖሩባቸው አገራት ሁሉ እነኝህን በስደት ያጧቸውን የግልና የጋራ ማንነቶቻቸውን በአንድ ላይ ሆነው ለመዘከር

ፋኖ ምሽጉን ደረመሰው ድል ተሰማ | ” ስልጣን እለቃለሁ ” ፕረዚዳንቷ | ህዴድ ድብቅ ስብሰባ በአዲስ አበባ | “ተመስገንን በመዳፌ ስር አስገብቼዋለሁ” አብይ

-966+9-የኦህዴድ ድብቅ ስብሰባ በአዲስ አበባ “ተመስገንን በመዳፌ ስር አስገብቼዋለሁ” አብይ – ስልኩ ተጠለፈ “እኛ የምን’ዘጋጀው ለፋኖ ሳይሆን ለኤር-ትራ ነው” አበባው|”በጊዜ ቦታ አዘጋጁልኝ” አረጋ

አንድ በኢኮኖሚና በሌሎች ነገሮች ወደ ኋላ የቀረች አገር አንድን ኃያል መንግስት በመተማመንና ጥገኛ በመሆን ኢኮኖሚያዊ ዕድገትን ማምጣትና የተሟላ ነፃነትን መቀዳጀት ትችላለች ወይ?

ፈቃዱ በቀለ(ዶ/ር) ሰኔ 4፣ 2016 (ሰኔ 11፣ 2024)   በዚህ አርዕስት ላይ እንድጽፍ የገፋፋኝ ዋናው ምክንያት ሰሞኑኑ ዶ/ር ዮናስ ብሩ የቻይንንም ሆነ የቬትናምን በኢኮኖሚ ማደግ አስመልክቶ ሁለቱ አገሮች እዚህ ዐይነቱ የዕድገት ደረጃ ላይ ሊደርሱ የቻሉት ከአሜሪካ ጋር

ፋኖ አንድ ሌሊት አያሳድረንም” የአማራ ብልፅግናየኢሳያስ ግዙፍ ጦር ወደ ወልቃይት

ፋኖ አንድ ሌሊት አያሳድረንም” የአማራ ብልፅግናየኢሳያስ ግዙፍ ጦር ወደ ወልቃይት አብይና ዳንኤል ክብረት ጉድ አሰሙ-|ጀነራሉ በቁ*ጣ ተናገሩ-‘ህዝቡ ጉድ ሰራን’-|“ብልፅግናን ራ*ቁቱን አስቀርተነዋል”-|ታዳሚው ባለስልጣናቱን አፋጠጠ
Go toTop