እንዲህ ሹክ ይለኛል
የምኞት ፋብሪካ
አቢይ አህመድ አሊ
ሳይሞት ሳይነካ
ቪቫ ሲሪ ላንካ!
የካድሬን ኩይሳ
የተቦረቦረን ያለቀን ተበልቶ
ሕዝቡ እንደ ንብ ተምሞ
ይደርምሰው ገብቶ
ከውቅያኖስ ማዶ ላሰማችው ፊሽካ
ቪቫ ሲሪ ላንካ
አቢይ አህመድ አሊ
ሳይሞት ሳይነካ
የሌላ ደም ሳይፈስ መተከል ወለጋ
ኢትዮጵያ ሳትከፍል ተጨማሪ ዋጋ
በሩን ክፈቱለት ወደሚያሻው ይንካ
ቪቫ ሲሪ ላንካ!
የጠላትን ሴራ ሁሉም ይወቅ ይንቃ
የንጹሐኑ ደም የጎረፈው ይብቃ
ወታደሩ ይባል ማሎ ሳቂ ሳንቃ*
ለሁሉም በእኩል ይዘርጋ ሰደቃ
አንዴ ሳይቆረጥ አሥሬ ይለካ
መድሓኒትም ቢሆን አይለፍ ከማንካ
ሕዝብ እንጀራ ይጋግር
የራሱን ሊጥ ያቡካ
ቪቫ ሲሪ ላንካ!
*ሳቂ ሳንቃ = በሩን ክፈት
ሲሪ ላንካ = ሕዝብ መስዋእትነት ከፍሎ በሰላማዊ ማእበል መንግሥት የቀየረበት የJuly 2022 አብዮት።