የራያ የወሰንና የማንነት ጥያቄ በሕገ መንግሥቱ መሠረት እንደሚመለስ የፌዴሬሽን ም/ቤት ገለጸ

March 29, 2022
277471533 551681352980153 8907273255634613858 n
የራያ የወሰንና የማንነት ጥያቄ በሕገ መንግሥቱ መሠረት እንደሚመለስ የኢፌዴሪ የፌዴሬሽን ምክር ቤት ገለጸ፡፡
የፌዴሬሽን ምክር ቤት አፈ ጉባኤ አቶ አገኘሁ ተሻገር የራያ ሕዝብ ተወካዮች ላቀረቡት ጥያቄ በሰጡት ምላሽ፥ የራያ ሕዝብ ጥያቄ በሕገ መንግሥቱ መሰረት ታይቶ ውሳኔ የሚሰጠው መሆኑን ገልጸዋል፡፡
የራያ ሕዝብ ተወካዮች ለፌዴሬሽን ምክር ቤት የራያ ሕዝብ የማንነት እና የወሰን ጥያቄን በተደጋጋሚ ለሚመለከታቸው የመንግሥት አካላት ያቀረቡ ቢሆንም ለረጅም ጊዜ ምላሽ ሳያገኝ እንደቆየ አውስተዋል፡፡
አያይዘውም÷ የማንነት ጥያቄ በማንሳታቸው ሞትን ጨምሮ ሌሎች በደሎች በራያ ሕዝብ ላይ ሲፈፀም የቆየ እንደነበረና በመቶ ሺህዎች የሚቆጠሩ የራያ ተወላጆች ከቤት ንብረታቸው ሲፈናቀሉ እና ንብረታቸውም ሲወድም እንደነበረ ተወካዮቹ በአካል ቀርበው አስረድተዋል፡፡ ጥያቄያችን ምላሽ ሊሰጠው ይገባል ሲሉም ተወካዮቹ አቤቱታቸውን አቅርበዋል፡፡
የፌዴሬሽን ምክር ቤት አፈ ጉባኤ አቶ አገኘሁ ተሻገር ጥያቄውን ላቀረበው ኮሚቴ በሰጡት ምላሽ÷ የራያ ሕዝብ ጥያቄ በሕገ መንግሥቱ መሰረት ታይቶ ውሳኔ ይሰጠዋል ብለዋል፡፡
እንደ ከዚህ በፊቱ የሕዝብን ጥያቄ በኃይል ለማፈን የሚደረግ አላስፈላጊ ጫና ከሕገ መንግስቱ የሚቃረን ስለሆነ ተቀባይነት እንደሌለው የጠቆሙት አፈ ጉባዔው፥ የሕዝብ ጥያቄ ሕግን መሠረት በማድረግ ምላሽ በመስጠት ኅብረ ብሔራዊ አንድነታችንን ማጠናከር እንደሚገባ ገልጸዋል በማለት ኤፍቢሲ ዘግቧል፡፡

3 Comments

  1. አገኘሁ ተሻገር ለቁራሽ እንጀራ ብለህ ብኩርናህን እንዳትሸጥ ብዙ እድል አስመልጠህ መስዋእት ተቀብለህ በክብር የምትሞትበት ጊዜ ላይ ደርሰሃል። የፖለቲካ መጠቀሚያ ሁነህ የመምቻ ዱላ እንዳትሆን። ካልጠፋ ቦታ እዚያ ላይ ሲያስቀምጡህ ምን እንዳሰቡ ቦታውን የሰጡህ ሰዎች ነው የሚያዉቁት አሁን ባለፈው ስታደርገው እንደነበር ነገር ካሳከርክ አንተም ሆነ ዘር ማንዘርህ የአባይን ድልድይ አልፎ ወደ ክልሉ ለመሄድ ይቸገራሉና እወቅበት። ያለፈውን ስራህንም እያነሱ ለማመንዠክ ይገደዳሉ።

  2. አገኘሁ ተሻገር ከብልፅግና የዘረፍከዉ 9 ሚሊዮን ብር ሸብቦህ የአማራን እርስት እናዳትሸጥ ህሊናህን መርምር። የአማራ መሬቶች የተወሰዱት የዘረኛው ህገ አራዊት(ሀገ መንግስት) በወያኔና ኦነግ ከመፃፉ በፊት ስለሆነ በህገ መንግሥቱ መሰረት ይፈታል የሚለውን ቀልድ ብታቆመዉ ይሻልሀል። ጨዉ ለራስህ ስትል ጣፍጥ የሚለውን ብሂል አስታዉስ።

  3. አገኘሁ ተሻገር ይህች ጥርስ የነቀልካበት ያረጀችና ያልሰራች ቀልድህን አሁን ቀይራት እንደ ሌሎች ጓደኞችህ በውርደት መጠናቀቅህን ልናሳስብህ እንወዳለን። ተከብረህ በምትወደው ስልጣን መቆየት የምትችለው ህዝብ ሲያቅፍህ ነው። ባለፈው የሰራኸው ስራ ዶሴው እንዳለ ነው። ዛሬም ይህ ነገር ባንተ መያዙ ሀሳብ ውስጥ ከትቶናል ብቃትህን እንጡራጠራለን የአላማና የጽናት ሰው መሆንህን ያየንበት ጊዜ የለም በዘመነ ሹመትህ ለአማራው የመከራ ዶፍ ነው ያዘነብክበት። ታሪክህን እንድታድስ አጋጣሚዎች እዚህ ቦታ ስላስቀመጡህ በድፍረት ኬሪያ ለትግሬ የሰራችውን ግማሹን እንኳን ለአማራ ዋልለት። ሽመልስ እኔ ነኝ አገጣጥሜ የሰራሁት ሲልህ ምን ይሰማሀል?። ህዝብ ብዙ ነው እጥፍተህ አትጨርሰውም። የትግሬን ታሪካዊ ቦታ ያላወቅኸው ከሆነ የወራሪው የትግሬ ሀይል ወደ ኢትዮጵያ ከመግባቱ በፊት የነበረውን እልክልሀለሁ።

Leave a Reply

Your email address will not be published.

170130
Previous Story

በድጋሜ መሰማት ያለበት: የአማራ ክልል ምክር ቤት 6ኛ ዙር 1ኛ ዓመት 2ኛ መደበኛ ጉባዔ

234455eeee
Next Story

የጥቁር አንበሳ ሆስፒታል የጤና ባለሙያዎች እና የአስተዳደር ሰራተኞች የኮሮና ቫይረስን ለመከላከል ከሚሰጥ የአበል ክፍያ ጋር በተያያዘ ያላቸውን ቅሬታ ገለፁ

Latest from Blog

አገራችን አሁን ያለችበት እጅግ አጣብቂኝ ሁኔታ (እውነቱ ቢሆን)

በዚህች አጭር ጽሁፌ ሁለት ነገሮች ላይ ብቻ አተኩራለሁ፡፤ በወልቃይትና ራያ መሬቶች ጉዳይና ስለአብይ አህመድ የማይሳካ ቅዠትና ህልም ዙሪያ፡፡ ስለወልቃይትና ራያ፦ እነዚህ ቦታወች ዱሮ የማን ነበሩ? በማን ስርስ ይተዳደሩ ነበር?  አሁንስ የማን ናቸው?? ለምንስ ይህንን ያህል ደም ያፋስሣሉ… ወዘተ ወደሚለው ጥያቄ ከማምራታችን በፊት መሬቶቹ በውስጣቸው ምን ቢይዙ ነው? አቀማመጣቸውና ጠቀሜታቸውስ ምንና

ሳሙኤልም እንደ እስጢፋኖስ!

 በላይነህ አባተ (abatebelai@yahoo.com) ሳሙኤል አወቀ እንደ ቅድመ አያቶቹ ዝቅዝቅ መታየትን ያልተቀበለና በጥናት የታገለ ከመጀመሪያዎቹ ፋኖ ሰማእታት አንዱ ነው፡፡  ሰማእታትን መዘንጋት አድራን መብላት ነው፡፡ አደራን መብላትም እርምን መብላት ነው፡፡ እርምን መብላትም መረገም ነው፡፡እርማችንን

በትሮይ ፈረስነት የመከራና የውርደት አገዛዝን ማራዘም ይብቃን!!!   

June 16, 2024 ጠገናው ጎሹ በሥልጣነ መንበር ላይ የሚፈራረቁ ባለጌ፣ ሴረኛ፣ ሸፍጠኛና ጨካኝ ገዥ ቡድኖች መከረኛውን ህዝብ ከአስከፊ ድንቁርና እና ከሁለንተናዊ የመከራና የውርደት ዶፍ ጋር እንዲለማመድ  ከሚያደርጉባቸው እጅግ በጭካኔ  የተሞሉ ዘዴዎቻቸው መካከል ኮሚቲ፣

ኑሮ የከበዳቸው የመንግሥት ሠራተኞች የምሳ ሰዓትን በቤተ እምነቶች እያሳለፉ መሆኑ ተነገረ

ሲሳይ ሳህሉ / ቀን: June 16, 2024 የቤት ኪራይ መክፈል ያልቻሉ ተደብቀው ቢሮ ውስጥ ያድራሉ ተብሏል መንግሥት የሚከፍላቸው ወርኃዊ ደመወዝ አልበቃ ያላቸው የመንግሥት ሠራተኞች የምሳ ሰዓታቸውን ወደ ቤት እምነቶች በመሄድ፣ እንዲሁም ቤት

ህገ መንግስታዊ ዲዛይን ምርጫዎቻችን የትኞቹ ናቸው?

ኤፍሬም ማዴቦ (emadebo@gmail.com ) እኛ ኢትዮጵያዊያን እራሳችንን ስንገለጽ የረጂም ግዜ ሥልጣኔና ታሪክ ያለን፣በነጭ ያልተገዛን፣ከ2000 አመት በላይ ተከታታይ የመንግስት ሥርዓት ያለን፣የሦስቱ ዘመን ያስቆጠሩ አብርሃማዊ ሃይማኖቶች አገር ነን እያልን ነው። ነገር ግን ባለፉት ሃምሳ አመታት
Go toTop