በሤጣን ፈረሥ እየጋለቡ ግፍ መሥራትን የተዋህዶ ልጆች ይቃወማሉ ። ያውም እንደ አቡነ ጴጥሮስ በመሰዋትነት ።
ጮራ እንዲሆነን ይኽንን ግጥም ከባለቅኔው ተዋስኩ ።
( ወልደ ትንሣኤ ፤ የክርስትና ሥሜ ነው ። ሃሌሉያ )
እንደሰዶም
ሞኝ አንግስ ተግቶ እንደሰከረ ፤ ፍቶት አናቱ ላይ ወጥቶ
የሚያደርገውን አሳጥቶ
ያለአባት አዳሩ ሲያወራጨው
መለኮት መቅሰፍት አውርዶ ፣ የሰው ልጅ በንፍር ውሃ
ሟምቶ ሲቀልጥ እንደ ጨው
የነገሩ ምላሽ የጥፋቱ ቁርሿ ፣ የቅጣቱ ውርጅብኝ …
ሂድበት ነው ሂጂብኝ
በተገኘው አጋጣሚ ሁሉ ምኑም ምናምኑም እየተወተፈ
ንውር እንደጓሮ አይደርቄ ጎመን ፣ ባዋጅ እየተከተፈ
አለም በቃኝ በራሱ ፈርዶ
ከፈንኳ ሳይበቃ ፤ መቀመቅ ገባ ተዋርዶ
ምን ግድ አለው ፣ ዲበ ኩሉ ፣ የፍትህ አምላክ እንጂ እሱ
ለሰውማ ራሱ ነው ዋሱ …ልቡ ያመለከተውነው ፣ ምሱ
ለአብነት አነሳሁት እንጂ ሰዶምና ጎሞራን
ጉዳዬ ከሰሜን ተራራ ልጆች ነው
እንድርጭት በስለው ፣ እንደባጩት ተሰደው
ያስከበሩት ደን አሞራን
ከጀምበር መፍለቂያ ከፅዮን
ከቅኔ ቤት መሪጌታ …ኤዶንን እንደመቀነት
እሰከአቀፋት ግቢ አግዶ ጊዮን …
አለት እንደ በቆሎ እሸት ፈልፍለው
ቤተ መቅደሳቸውን ንሰው
በፍቅርና በትህትና ተጋርተው
ሞኝ ባያፍር ዘመዱ ያፍር ብለው
ቁልቁል እንደ ጅራተፍየል ፣ ይጠበቃል ማዕረጉ …
ነገርን በወግ መርምሮ
ቢሆን ሎሚ ለሁለት አስታርቆ
እንደ እራስ ፈርዶ…በቃ ጠብ በቃ ብሎ
በሃሌ በማሳረጉ እንጂ…
ዳኛ ፊት ማን ያደርገው ነበር ባለሟል
ለሱእንጂ ሰግሮ ሰማ ችሎት ፣ ለሱእንጂ ለማ ተሰይሟል
ከሳሽና ተከሳሽማ ግራና ቀኝ ነው መቆሚያቸው
ምሶሰው … ቢሻው ከጭንቅ ሊያወጣ
ቢሻው ሊያዳፍን …ምሶ ነው ።
ብቻ በቃን ፤
ኢትዮጵያ እጆቿን የዘረጋችው ዛሬ ነው
ሌላም ጊዜ ከአምላኳ ጎን አትለይም
የአሁኑ ግን ቁርጥ ነው
የትውልድ ጥንድ ምጥ ነው ።
ሞት አንገት ላይ ደረሰ …ማህተምን ሊፈታተን
እኛው ቤት እምቦሳ ብለን ያደምነው
እልፍኛችንን ከፍተን
……………………..
ገፅ ( 58 _59 )
ይኽንን የባለቅኔውን የሙሉጌታ ተስፋዬን ( ኢትዮጵያዊ ሊቅ ) ግጥም ለአንባቢ ሳቀርብ ፣ የዘመኑ ፖለቲኮኞቻችን ፣ ይልቁኑም አንዳንድ ፣ የአበልፃጊው መንግስት ፣ በተዋረድ ያሉ ህግ አስፈፃሚዎች ፣ በሤጣን ፈረስ የሚጋልቡ በመሆናቸው ፤ ይህ ድርጊት የሶዶምና የጎሞራ ሰዎች ድርጊት መሆኑንን ለማሳሰብ ነው ። እነዚህን ሐጢያተኛ እና ወንጀለኛ ግለሰቦች ገዢው ፖርቲ በጊዜ ገለል እስካላደረጋቸው ድረስ የመንግሥት ባለሥልጣናትን ጨምሮ ፣ ዜጎች በአጠቃላይ ፣ ሽንት ቤት ውስጥ ከተሰቃዩት አባት የባሰ ውርደት እንደሚያጋጥመን ፤ እየተቀጣጠለ ያለውን እሣት አሥተውለን በቀላሉ መረዳት አያዳግተንም ።
መንግስት ውስጥ ያሉ ፣ ፈሪሃ እግዛብሔር ያላቸው ባለሥልጣናት ( በሲቪሉም በወታደሩም ) በተረጋጋ አእምሮ እዛም ቤት እሣት እንዳለ ተረድተው ግን ፣ ዛሬ መላውን ኦሮሚያን የወረሯት ሤጣናት እጃቸውን ከጥፋት በአፋጣኝ እንዲሰበስብ ካለደረጉ እነሱም የሎጥን ሚስት እጣ ፈንታ ያገኛሉ ። የሐጢያቱ ተባባሪነታቸውን በተግባር አስመስክረዋልና !..
የህዝቡን አንድነት በኃይል እየናዱ “ አንድነት ፖርክ “ በማለት አራት ኪሎ ላይ ታላቅ የቱሪስት መሥህብ የሆነ ሥፍራ መገንባት ፤ “ የወዳጅነት አደባባይ “ በማለት ሰው የሆነው የኢትዮጵያ ህዝብ በመፈቃቀር እንዲኖር እንፈልጋለን ማለት ፣ በተግባር ግን አባቶቻችን በደምና በአጥንታቸው የገነቧትን መናድ ፤ “ እዛም ቤት ያለው እሣት በሌሎች ላይ ጉዳት እንዲያደርስ መገፋፋት ነው ። ይኽ ደግሞ የሞኝ ድርጊት ነው ። በእሣት የሚጫወት ብልህ የለምና ! ደግሞም ፣ በአጋጣሚ በኮስ አበደች ፖለቲካ ፣ ሥልጣን እንዳገኛችሁ ና በመልካም አንደበታችሁ ፣ በቃላችሁ የዜጎችን ይሁንታ እንዳገኛችሁ አትዘንጉ ። በህዝቡ ውስጥ እልፍ ባለአእምሮዎች እንዳሉም ተረዱ ። በማሰበ ፣ በዕውቀት ፣ በችሎታ ፣ በሥርዓት ፣ በጨዋነት ሺ ጊዜ የሚያስከነዷችሁ በህዝብ ውስጥ አሉ ። ውሸት ይብቃችሁ ። አገር መውደድ ፣ ዜጎችን በማክበር በተግባር የሚገለጥ እንጂ ቋንቋን በማምለክ በቃላት የሚታይ እውነት አይሆንም ። እምነትም ቁርኝቱ ከሁሉን ቻዩ አምላክ ጋራ እንጂ ከቋንቋ ጋር አይደለም ። እግዚአብሔር ለቋንቋ ና ለነገድ አይገደውም ። እግዛብሔር የሚገደው በአምሳያው ለፈጠረው ሰው ሁሉ ነው ። ቀይ ፣ ጥቁር ፣ ነጭ ፣ ቢጫ ፣ጥይም መልክ ይኑረው ፤ ኦሮሞ ፣ አማራ ፣ ትግሬ ፣ ሱማሌ ወዘተ ። ” ነኝ ፤ ብሎ ቢገበዝም ፣ ቅጣቱ የናቡከደናፆር አይነት እንደሚሆን ከወዲሁ እወቁ ። በእናንተ ባይደርስ በልጆቻችሁና በልጅ ልጆቻችሁ እንደሚደርስ እወቁ ። ሁላችንም የእግዚአብሔር የእጁ ሥራ ነን ። በእግዛብሔር ፊትም ሁላችንም እኩል እንደሆንን ኢየሱስ ክርስቶስ በወጉ አስተምሮናል ።
ይኽንን የኃይማኖት አውነት የኃይማኖት ትምህርት ማስተማሪያ ኮሌጅ ውስጥ ገብቶ ያልተማረ ህኖም ግን ከህፃንነቱ ጀምሮ በክርስቶስ ሥቅለት ፣ ሞት እና ትንሣኤ … በብሉይ ኪዳን እና በሐዲስ ኪዳን ትምህርት ቤተ ክርስቲያን በመመላለስ፣ አእምሮውን ያበለፀገና ቀፈጣሪው ፍቅር የበለፀገ አእምሮ ያለው ሁሉ ጠንቅቆ ያውቃል ።
እንሆ ዛሬ ይኽንን ጠንካራ እምነታችንን ለማስካድ ፣ ሤጣን አንገታችን ለማነቅ እየተገዳደረን ነው ። …ማህተባችንን ለማስወለቅ እየተናነቀን ነው ። ሰዶምን እንዳንሆን ግን የሰዶማውያንን ፀያፍ እምነት በብርቱ ልንዋጋ ና ልጆቻችንን ከጥቃቱ ልንከላከል ይገባናል ። ይኽ ግጥም የዛሬውን ዱብ ዕዳ ፣ ከትላንቱ የመቅሰፍት ዱብዳ ጋር ያመሳሰለ ነው ።
ሙሉጌታ ተስፋዬ ” የባለቅኔ ምህላ ” በተሰኘ የግጥም መፀሐፉ ፣ ለዛሬና ለነገው ትውልድ የሚበጅ ዕውቀት ፣ ትቷልን አልፏል ። በንፁህ ልቡም በገነት ይኖራል። ሙሉጌታ ተስፋዬ ፣ ለኢትዮጵያዊያን የኢትዮጵያዊነትን ሥሜት በልባቸው ለማበልፀግ የሚበቃ ጥበብን የተጎናፀፈ ባለቅኔ ነው ። …
ሙሉጌታ ተስፋዬ ( ጀግና ባለቅኔያችን ) ለኢትዮጵያዊያን ፣ ቅኔያዊ መልዕክቱ ፣ ዛሬ በእጅጉ ያስፈልገናል ። አዎ ፣ እምነታችን በመናፍቃን የተደፈረበት ፣ አብያተ ክርስቲያናችን ቅጥር ውስጥ መፀሐፍ ቅዱስ የያዙ ክርስቲያኖች በሴጣን ደማቸው እንደጎርፍ የፈሰሰበት እጅግ አሳዛኝና አሳፋሪ ጊዜ ላይ ደርሰናል ። ይኽ የሚጠቁመን ምድራችን በከፊል እንደሰዶምና ገሞራ አይነት ሰዎች መሞላቷን ነው ። ለስጋቸው እንጂ ለነፍሳቸው ደንታ በሌላቸው ።
ዓለምን የፈጠራት መድሃኒዓለምን የካዱ ፣ ምንም አያመጣም ያሉ ፣ በመሳሪያ ( በሴጣን ኃይል ) ታጅበው የኦርቶዶክስ ቤተክርስቲያንን ሊያፈርሱ ብቻ ሳይሆን ክርስትናንን ዓለማዊ ለማድረግ ተነስተዋል ክርስትና የመጣው ከፈጣሪያችን ነው ። ለክርስትናችን ለክራችን ለማተማችን ደስ እያለን እንሞታለን ። ትላንት አቡነ ጴጥሮስ ደስ እያላቸው ሞተዋል ። ከሳቸው በኋላም በመላው ኢትዮጵያ ሥለ ክርስቶስ ፍቅር በፋሺሽስቶች የተገደሉ መሰዋት የሆኑ በሺ የሚቆጠሩ ናቸው ።
ለመሆኑ ለአምሥት አመቱ ተጋድሎ እና ለነፃነታችን ፋና ወጊ የሆኑት ፣ ዋና ተዋንያን ፣ በዛን ዘመን ፣ ህዘበ ክርስቲያኑ ለፋሺስቱ የኢጣሊያን መንግስት እንዳይገዛ ገዝተው ፣ በኢጣሊያን መትረየስ የተሰው ፣ የኢትዮጵያ ኦርቶዶክስ ፓትርያርክ አቡነ ጴጥሮስ አይደሉምን ? ( የታላቁን ደራሲ ና በለቅኔ የሎሬት የፀጋዬ ገ/ መድህንን “ ጴጥሮስ ያቺን ሰዓት ግጥም ያነቧል ። )
የዛሬ ባለሥልጣን ሁሉ ሟች እና ኃላፊ ነው ። ከሞት አያመልጥም ። ጥይት ባይገለው ፣ ባዮሎጂ ወይም ድንገተኛ አደጋ ይገለዋል ። እንደ ሁሉም ሰው ባለሥልጣናትም ሆኑ ኃያለን ነን ባዮች በጊዜያቸው ከዚች ምድር ይሰናበታሉ ። ዛሬ በሥሜት ወይም በብሽቅ ፖለቲካ ጠላቴ ያልከውን ሥለገደልክ ሞት ለአንተ የሚቀርልህ እንዳይመስልህ ! ሞት ሁሌም በህይወት ካለ ሰው ጋራ የሚጎዝ ነው ። … ፈጣሪ በቃ ሲለን እስትንፋሳችን ይቋረጣል ።
ይህ እውነት ቢሆንም እውነቱን ለመቀበል የታወሩ ፣ የፈጣሪያችንን ኃያልነት የካዱ ፣ ፕለቲካውን ለማጦዝ እንደቻልነው ፣ ሰማያዊውን መንግሥት እናጦዘዋለን ብለው የሚያስቡ ( ልክ እንደሴጣን ) በዚች ቅድስት አገር ዛሬና አሁን ለፈጣሪዋ ለመድሃኒዓለም ባደረችው ቤተክርስቲያን ጉያ ውስጥ መፈጠራቸው በእጅጉ ያሳዝናል ። ሰው ዓለም በቃኝ ብሎ እንዴት የዓለም ና የሥጋ ፍቃዱን ለማሳካት ጦር ይሰብቃል ? ያውም ፀረ ክርስቶስ በሆነው ማርክሳዊ ህሳቤ ውስጥ ተወሽቆ ?!
በእውነቱ ፕለቲከኞቹ ሳይሆኑ የክርስቶስ ልጆች የሆኑ ፣ ሆኖም ግን በሥጋ ምኞት ተጠልፈው ፣ ሥጋ ና ክፉ መሻቱ አሸንፏቸው ፣ ከእዚህ ዓለም ገዢ ጋር ተባብረው ለመስራት የወሰኑ ከቤተክርስቲያኗ ያፈነገጡ አባቶች ናቸው ጥፈተኞች ። እነዚህ ጥፋተኝች ላይ አንድ የሆነችሁ የኦርቶዶክስ ቤተክርስቲያን ውግዘት ማስተላለፏ ይታወቃል ። ክህነታቸውን ገፋ አቶ እንዲሰኙ አውጃለች ። እነዚህ አቶዎች ዛሬም አባት ነን ብለው እየተንቀሳቀሱ ነው ። ያውም በዓለማዊ ፖለቲከኞች ታጅበው ። ይኽ የሚያመለክተን በኢትዮጵያ ውስጥ የሚካሄደው ፖለታካ ማበዱን ነው ። ፖለቲካ የግለሰቦችን መብት ማስከበሪያ እንጃ መጨቋኛ መሣሪያ ያለመሆኑ ይታወቃል ። መንግሥትም ሞራል ያለው እንዲሆን የፖለቲካ ሣይንቲስቶች ከጥንት ጀምረው መክረዋል ። ፖለቲከኞቻችን ፣ በራሳቸው ላይ ሊደረግ የማይፈቅዱትን ፣ “ ሥልጣን በእጃችን ነው ። “ በማለት ግፍ ባይሰሩና ጡር ለልጆቻቸው ባያቆዩ መልካም ነው ። ደግሞም በእሣት መጫወት ደጋፊ አያስገኝም ። እሣት ፣ እሣት ጫሪውን እንኳ አይምርምና ! በእሣት መጫወት አገርን ያፈርሳል እንጂ አይገነባም ።
