ጥቂት ነገሮች ( ሄኖክ የሺጥላ )

ስለ ኢትዮጵያ በኢትዮጵያ ስም የሚታገሉ ፥ ከኦሮሞ ጋ መነጋገር ግድ የማይላቸው ፥ ከትግሬ ጋ ኣብረው ለመስራት የሚደፍሩ ፥ አማራ ሲባል የሚቆረቁራቸው ብዙ እንደሆኑ በደንብ እየተረዳሁ መጥቻለሁ ። ስለ ኢትዮጵያዊነት ስሰብክ ፥ በይሉኝታ ሳይሆን ስለማምንበት ነው ። በጀርባ እየሆነ ያለው ነገር ግን ፥ ከማየው ፥ ከምረዳው እና ከሚንፀባረቀው ፥ ወያኔም ሆኑ የወያኔ ጠላቶች ነን ባዮቹ ባንድነት ኣማራን በዘዴ ገሸሽ በማድረግ ውስጥ ለውስጥ የሚዶልቱት የፖለቲካ ቁማር ኣማራን እጅግ እየጎዳ ስለሆነ ይህንን ኣካሄድ ለመቃወም ብቻ ሳይሆን ኣማራን ከጥፋት ለማዳን ነብሴን ለመስጠት እንደማልሳሳ ለማሳወቅ እወዳለሁ ።
እርግጥ የፖለቲካ ተፈቃሪነት ፥ የደጋፊ እና የኣጃቢ ኣጃኢብ ( ብዛት ) ቢያሳስበኝ ኖሮ ፥ ይሄን መንገድ ይዤ መጓዝ እንዳልነበረብኝ በደንብ ኣውቃለሁ ። እርግጥ ኢትዮጵያዊነት ጌጥ ነው ፥ ኣንድ መሆን እና ኣንድ ለመሆን ማሰብ ትልቅነት ነው ። ግን ይህንን የኣንድነት ስሜት ኣማራ ሲያቀነቅን ፥ ዘሩ እየጠፋ ብቻ ሳይሆን ፥ መጫወቻ እየሆነ የ ፖለቲከኞች ቁማር መጫወቻ እንደሆነ ግልፅ ነው ። ይህንን ጥሁፍ ኣንብቦ ቡራ ከረዩ የሚለው በኣብዛኛው ኣማራ እንደሚሆን ተስፋ ኣደርጋለሁ ። ለምን ቢሉ ምን እያጠፋው እንደሆነ ስለማያውቅ ። ዘረኛ ሆንኩ እንዴ ። ልሁና! ማን ዘረኛ ያልሆነ ኣለና! ኣንድ ጥራ ኣለ ኣዝማሪው ! ኣረ ነነዌም ከጥፋት የዳነችው ባንድ ዮናስ ነው ። ኣንድ ዮናስን ጥራ!
ሁሉም የኔ ብሎ የሚለውን በልቡ ጓዳ ደብቆ በኣደባባይ ኢትዮጵያ ኢትዮጵያ ይልሃል ። እውነት ከልባችን ኢትዮጵያዊ ብንሆን ኖሮ 25 ኣመት ወያኔን ለመገርሰስ ባልፈጀብን ነበር ። ሴረኞች መሆናችን እንጂ !
የሆነው ሆኖ
የኣማራን ህልውና ለመታደግ ፥ ኣማራ የሆነ በሙሉ በኣንድነት ይነሳ ዘንድ እጠይቃለሁ ። እንደዘገየሁ ብረዳም ፥ ለውጥ ማምጣት እንደምችል ግን ኣውቃለሁ!
ኣማራ ከ ገበጣ ሜዳነት ወጥቶ ፈረስ ጋላቢ ፥ ኣልሞ ጣይ ፥ ታግሎ ረች የሚሆነው ኣንድ ሲሆን ነው ። ይሉኝታውን ለዛሬ ኣውጥተን እንጣለው !
ሄኖክ የሺጥላ