ጠ/ሚ/ሩ በፓርላማ “በቀጣይ የሚያሰጋን አዲስ አበባ ነው” በማለት የወለጋን አጄንዳ ለማስቀየር ሞከሩ!!

በከፊል የመንግሥት ባለሥልጣናት የሚደገፈው ኦነግ-ሸኔ በወለጋ በአማራዎች ላይ እየፈፀመ ያለውን የዘር ማፅዳት በተመለከተ ማብራሪያ ለመስጠት በፓርላማ የተገኙት ጠቅላይ ሚንስትሩ፣ ከጉዳዩ ጋር ተያያዥነት የሌላቸው በርካታ ጉዳዮችን አንስተዋል። በአዲስ አበባ ስድስት የሽብር ጥቃቶች ተሞክረዋል ሲሉም ተደምጠዋል።

ጠ/ሚ/ሩ በከተማዋ የሚኖሩ አንዳንድ የእስልምና እምነት ተከታዮችን በሽብር ድርጊቱ ሞካሪነት ወንጅለዋል።

“ሙስሊም ነኝ ብሎ ጀለብያ ለብሶ ቦምብ ይወረውራል። በዚህ ሳምንት አዲስ አበባ ውስጥ 6 የሽብር ሙከራ አክሽፈናል። ባንዳው ሸኔ ብቻ አይደለም። አዲስ አበባም ባንዳ አለ፤ በየመጅሊሱ የሚሸቅል ማለት ነው” በማለትም ገልፀዋል።

“በቀጣይ የሚያሰጋን አዲስ አበባ ነው። ለገጣፎ ላይ ብቻ 55 አሸባሪ ትናንት ይዘናል። አዲስ አበባ በየቀኑ ቦምብ እየያዝን ነው” ሲሉም በከተማዋ ኗሪዎች ላይ ጭንቀትን የሚያባብስ አባባል ጨምረዋል።

በአማራ ሕዝብ ላይ እየደረሰ ያለው የዘር ፍጅት የብሔራዊ ደህንነት ስጋት ስለመሆን ወይም አለመሆኑ፤ ብሎም መንግሥታቸው ጅምላ ጭፍጨፋውን መቼና እና እንዴት እንደሚያስቆመው ለቀረበላቸው ምላሽ ከመስጠት ተቆጥበዋል። በአማራ ሕዝብ ላይ እየደረሰ ያለውን የዘር ማፅዳት “የንፁሃን ሞት” በማለት አድበስብሰውታል።

“እናንተ በየሳምንቱ መርዶ ትሰማላችሁ። እኛ ግን በየቀኑ፤ በየሰዓቱ እንሰማለን” በማለትም ለመገናኛ ብዙሃን ያልደረሱ ሌሎች ጅምላ ጭፍጨፋዎች እንዳሉ ፍንጭ ሰጥተዋል።

ሽብር በኢትዮጵያ ብቻ ያልተከሰተ፤ ዓለም አቀፍ ስጋት መሆኑን የጠቀሱት ጠቅላይ ሚንስትሩ ለወለጋው የአማራ ጭፍጨፋ የዘገባ ሽፋን መስጠቱን በአሉታዊ ገፅታ በማቅረብ፣ በተለይ አሜሪካን ከፍተኛ የሽብር ሰለባ አስመስለው አብራርተዋል። በኒውዮርክ፣ በዋሽንግተን ዲሲ፣ በፊላደልፊያ፣ በቺካጎ ወ.ዘ.ተ. የሽብር ጥቃቶች በተደጋጋሚ እንደሚፈፀሙ ጠቅሰዋል። በመሆኑም በኢትዮጵያም ቢፈፀም አይደንቅም የሚል አንድምታ ያለው መደምደሚያ ሰጥተዋል።

ቀጣይ ዘገባዎች ይኖሩናል!!

#ኢትዮጵያ

ባልደራስ ለእውነተኛ ዴሞክራሲ

ተጨማሪ ያንብቡ: በሃዋሳ 3 የአንድነት አመራርና አባላት ታሰሩ - “እስሩ ቅስቀሳውን አያስተጓጉለውም”

1 Comment

Ahoon says:
July 7, 2022 at 3:14 pm
It is not agenda switching (it is agenda predicting).
ስማኝ የሸገር ልጅ
ጠኔውም ቢገድልህ ስጋም አንቆህ ብትሞት
መዝግቦት ተጓዘ ታሪክ ያንተን ሐሞት
ስትሳለቅ ነበር ትናንት በእስክንድር
በአቋራጭ ቀዳድሞህ ቆሞልሃል ብድር።
ስማኝ የሸገር ልጅ ኳስ ዳንኪራ ብርቁ
ጊምቢ ቶሌ አይደለም እልቂቱ ፍጅቱ ያንተኑ ነገ ነው ያሳዩህ በሩቁ
ንብረትህን ዘርፈው ቤትህን ሲያነዱ
እትና እናትህን ልጅና ሚስትህን እንዴት እንደሚያርዱ
ምን እንደሚመስል ያንተኑ ነገ ነው ያሳዩህ በሽንቁር
ወለጋ ሩቅ መስሎህ የዋሁ ሸገሬ እንዳትደነቁር
ከነግብራበሩ ነገ ብልጽግና
ባንተ ደም ይዋኛል ግንፍሌ፣ ቡልቡላ፣ ቀጨኔ፣ ቀበና
ጅቡ ርቆ ሄዷል ዛሬ ካዲሳባ
ማን (man) ነው የሚበላው ነገ ያንተን ሬሳ ያካልህን ገራባ?
ያ እንጂ ጥያቄው ያልመለሱት ገና
በወለጋ ተውኔት የሸገርን እጣ ሲያሳይ ብልጽግና
ሁሉን ጨርሶታል ነግ ያንተ ነው ተራው
ገዳይህ ለታሪክ ተነግሮት አደራው
ቃል እየጠበቀ ቆሟል በየሥፍራው
ስምክም ተጽፎበት ተቀምጧል ገጀራው።
Reply

ባልደራስ ለእውነተኛ ዴሞክራሲ

1 Comment

Leave a Reply Cancel reply