”የጥሞና ግዜ—” ፊልጶስ

4 Comments

1. ታላቋ ብርታኒያ የምትባለው ከተለያዪ አካባቢዎች ባሉ ሃገራት የተሰፋች ምድር ናት። ጣሊያን በመከራ ፍትጊያ አንድ የሆነች ሃገር ነች። ኸረ ስንቱ ይወራ የዓለማችን ታሪክ። ጉልበተኛና ጦር ሰባቂ ሌላውን አስገብሮ ያልኖረበት የምድር ጫፍ የለም። ዛሬ በአርጀንቲና ከአንደኛውና ከሁለተኛው የዓለም ጦርነት ተርፈው በተሻገሩ ጣሊያኖችና ጀርመኖች የተሞላች ሃገር ለመሆኗ አሊ አይባልም። በአሜሪካ የዚያውን ሃገር ነባር ህንዶች ገደል እየከተቱና እያሳደድ ከአውሮፓ እየተጠራሩ ቤት ሰርተው ትውልድ ያስቆጠሩ ሚሊዪኖች ናቸው። ፍትህ በምድር ላይ ኑሮ አያውቅም። ጀርመኖች ያላቸው ምድር አልበቃቸው ብሎ ከ 13 በላይ የአፍሪቃ ሃገሮችን በቅኝ ለማስተዳደር ሞክረው ያው በአንደኛውና በሁለተኛው የዓለም ጦርነት ሳቢያ ተቀምተው ለሌላው ነጭ ቅኝ ገዢ በጊዜው እንደሺያ ሃገሮች ታድለው ነበር። የጥቁር ህዝቦች መከራ መንስኤ ከሥር ጀምሮ ለተመለከተው ይበልጡ ራሳችን የምናፈልቀው እሳት ነው። ለዚህም ሩቅ ሳንሄድ በ 20 ውና አሁን ባለንበት ጊዜ የሆነውንና የሚሆነውን ማየት ያስፈልጋል። በአጭሩ የሃበሻ ሃገር መንግስታዊ ለውጥ ማለት የጠገበን አውርዶ የተራበንና ተረኛን በሥፍራው ማስቀመጥ ማለት ነው። ከላይ በጽሁፉ ላይ በዝርዝር የተገለጡት የከፍተኛ ትምህርት ውጤቱ መማታት፤ የኦሮሞ ነጻ አውጭ ነን የሚሉ የመቶ ዓመት ሽማግሌ መግደል፤ በየስፍራው ሰውን ማፈናቀል፤ ዘረፋ ሁሉ ሆን ተብሎ የሚፈጸም የፓለቲካ ስልት እንጂ በነሲብ የሚሆን አይደለም። በዚህ ላይ ከሌሎች የሃገሪቱ ክፍሎ ኦሮሚያ ክልል ሂደው እንዳይሰሩ፤ እንዳይማሩ የሚደረገውም ከዚሁ ሴራ ጋር በተገመደ ስብጥር ነው። የትግራዪ ግርግርና ጦርነት የጎዳው የትግራይንና የአማራን እንዲሁም የአፋር ወገኖቻችን በመሆኑ የኦሮሞ ጽንፈኞች ደስታቸው የትዬ ለሌ ነው። እኛ ስንቧቀስ እነርሱ ከፍታ ላይ እየወጡ፤ የሴራቸውን ስልት እያረቀቁ ኢትዪጵያን እያፈረሱ “ኢትዮጵያ አትፈርስም” እያሉ በአደባባይ ሲደነፉ ማየት ያሻጥራቸውን ጥልቀትና ዝቅጠት አጉልቶ ያሳያል።
   የትግራዪ ወስላታ ድርጅት ወያኔ ሃርነት (ባርነት) ትግራይ በዚህ ሁሉ ዘመኑ እንዴት ይህ እንደማይታየውና እንደ አበደ ውሻ አብይ ከስልጣን እስኪወርድ እንፋለማለን እያሉ ሲደነፉ መስማት ይዘገንናል። የሰው ልጅ እይታውንና የአስተሳሰብ ስልቱን ሳይሞርድ በደንበር ገተር የሚኖረው እስከ መቼ ነው? አሁን ማን ይሙት አቶ ጌታቸው ረዳ የወያኔ አፈ ቀላጤ ነው? አፉን ሲከፍት ሁልጊዜ የሚናገረው በፊት የተናገረውን ተጻራሪ፤ ተደጋጋሚ (አብይና ኢሳይያስ) ጀግኖች የትግራይ ተዋጊዎች ይህን ሰርተው ያን አርገው ይለናል። አያሳዝንም። ልብ ያለው እብደታችን ይብቃ መንገዳችን እንቀይር ብሎ አያስብም? ግን አልኮልና ሌላው እጽ ያደነዘዘው ጭንቅላት የዛሬን እንጂ የነገን አያይምና ይደነፋል። በቅርቡ ባወጣው ጽሁፍ የትግራይን ጉዳይ ከዪክሬኑ ፍልሚያ ጋር አነጻጽሮ እኛንም እርድን ሲል እጅግ ተገረምኩ። በቅድሚያ አንተ ጥቁር ነህ። እንድንጫረስ ይፈልጋሉ። በሁለተኛ ደረጃ የትግራይን ችግርና የዪክሬንን ፍትጊያ የሚያገናኘው ነገር የለም። በእርግጥ በፑተንና በወያኔ መሪዎች መካከል የጦር ስልትና ጭካኒያቸው ይመሳሰላል። ከዚህ ውጭ የተባበሩት መድረክ ላይ ወጥተህ ኡ ኡ ብትል ለጥቁር ህዝብ የሚገደው አንድም ነጭ የለም። የወሬ ማሟያ ግን ያደርጉናል። ተመራመርን በቦታው ሄደን አጠናን ብለውም መጽሃፍ ይጽፉብናል። ግን ይህ ሁሉ ከራሳቸው ጥቅም አንጻር እንጂ ለትግራይ ህዝብ አስበው አይደለም።
   ለትግራይ ተሰጠ የተባለው የጥሞና ጊዜ ጦሩ ጥሎ የፈረጠጠበት እንደነበር በጊዜው ጽፈናል። ግን የሚያሳዝነው ሽዋ ድረስ ወያኔ ገብቶ ያደረሰው በደልና ግፍ ተረስቶ አሁን የትግራይ ወራሪ ሃይል፤ ጅንታው እየተባሉ ሲጠሩ የነበሩት ወያኔዎች ግፋቸው ሁሉ ተዘንግቶ የመንግስትም ሆነ የግል ሚዲያዎች በድብስብስ ሌላ ሃሳብና ስም እየሰጡ ሲያልፉት አስተውለናል። ይህ ለባለወረፋው “የብልጽግና – የድህነት” ፓርቲ ይጠቅም እንደሆነ እንጂ የወያኔን ክፋት ህዝባችን ጠንቅቆ ያውቀዋል። ይህን ብልጽግና ነኝ የሚለውን ድርጅት አምስት አመት ጠብቆ በምርጫ ከወንበሩ ላይ ማሽቀንጠር አስፈላጊ ይመስለኛል። ግን ያ ይሆን ይሆን? በተማሪዎች የፈተና ውጤት ያልታመነ መንግስት በምርጫ ኮሮጆ ይታመናል? እናንተ ዛሬ ላይ በዘራችሁ ተሰልፋችሁ ጮቤ የምትረግጡ ተረኞችና ነፍሰ ገዳዪች ዳንኪራ ምቱ። ድሃውና በዘርና በቋንቋው ወይም በሃይማኖቱ የሚሞተው ይሙት። እንደ ጳጳሱ ያሉት መርጦ አልቃሾችም ዘር እየመረጡ ምሾ ያውርድ። ጊዜው ግን ሩቅ አይደለም። የምንሄድበት መንገድ ካልተስተካከለ ሁላችንም አይነ ስውሮችና መሪ አልባ እንደምንሆን ማወቅ አለብን። አንድ አሁን በህይወት የሌለ አሜሪካዊ ኮሜዲያን በዘመኑ ፍጻሜ ላይ ባስተላለፈው የጽሁፍ መልዕክት መደምደሚያ ያለውን ላካፍላችሁና እኔም ይብቃኝ። ” Life is not measured by the number of breathes we take, but by the moments that take our breath away.” What takes your breath away? Chasing your brother and sisters so you can hack them to death? Or is it the pursuit of money and fame that makes you short of breath? Remember, all this is all vanity, and your days are a fleeting shadow. Find your mission in life, and be a human to serve humankind. The rest of the your endeavor is a heap of refuse. በቃኝ!

   Reply

2. ከአንድ የጎንደር ዲያቆን የሰማሁትን ላካፍል። ጊዜው ከወራት በፊት አብይ በታረክ ያልታየ “ያን ማዶ ተራራ ነገ እይዘዋለሁ” እያለ ለጠላትም ለወዳጅም በቀጥታ TV በሚያስተላልፍበት ያስወረረውን ነፃ እያወጣ የራሱን የጀግንነት ታሪክ ሊፅፈ የቋመጠበት ህዝቡ ደግሞ በመሪው ጀብዱ የተደመመበት ወቅት ነበረ። ዲያቆኑ ” ይህ ችግራችንን አይፈታም። ከፈታም 1%ቱን ነው። 99%ቱ ችግራችን ኢትዮጵያ ከአምላኳ ተጣልታለች። ጉልበት አግኝተን ወሻውን ብናባርር ጅብ ይመጣል: ጀቡን ስናባርር አንበሳ የመጣል: አንበሳውን ስናባርር ደግሞ ሰይጣን የመጣል። እና መፍትሔው ነስሀ መግባትና ወደ ልባችን መመለስ ነው።” አለ። ያለፈው ጀኔራል አሳምነው እንደተናገረው አሁን የገጠመን ከ500 አመት በፊት እንደነበረው ነው። ያኔ ግራኝን ሲያስወጡ ካቶሊክ አጨፋጨፈ: ካቶሊክን ሲያስወጡ ኦሮሞ መጣ። በኛ ትውልድ ደግሞ ደርግ አጥፍቶ ሄደ: ወያኔ አሁንም ዳር ይዞ እያጠፋን ነው። ብልፅግና ግን ጥፋቱን በጅምላ አድርጎታል። ብልፅግና ጅቡ ይሁን ሠይጣኑ ባላውቅም ጥፋቱ እንዲቆም ኢትዮጵያ ከአምሏኳ እንድትታረቅ ዲያቆኑ ያዘዘውን ለማድረግ እንሞክር። ሌላውም የትግል ስልት አንደተጠበቀ ሆኖ ማለት ነው።

   Reply

   • 99% ኢትዮጵያ ከፈጣሪ ተጣልታለች የሚባለው የወስላቶች ወሬ ነው። ለእልፍ ዘመናት የሚበላ ሳይኖር ጽሞናል፤ እግዚኦ ብለናል፤ ሱባኤ ገብተናል፤ ማተብና መስቀላችን በአንገታችን ላይ አንጠልጥለናል። ታሪካችን ግን እንኳን ሊሻለው እየከፋ ይኸው እንሆ አሁን በክልል ተከፋፍለን በየሰበቡ እንገሻለጣለን። ለውጥ የማያመጣ ዋይታ ፍሬ ቢስ ነው። ትርፉ ራስ ምታት ብቻ! ችግሩ የሰው ልጅ ጭንቅላት ነው። ፈጣሪ የምናስብበት ህሊና ሰጥቶን እያለ እንስሳዎች የሆነው እኛው ነን። የሃበሻው ሃጢአት በዛ ለሚሉ ወስላቶች ደግሞ አሜሪካን፤ አውሮፓን፤ የአረቡን ሃገር፤ ህንድንና ሌሎችንም ሃገሮች አይቶ መፍረድ ነው። የእኛው ችግር ለማንኖርበት እምነት መስገድና መጾማችን ነው። ቤ/ክርስቲያን ገብቶ በደሌን ይቅር በለኝ ብሎ ከቤ/ክርስቲያን ቅጥር ውጭ ሲወጣ ደባ የሚሸርብ፤ ዘሩን የሚያሰላ፤ ቡጢ ይዞ ከስሩ ያሉትን ሊጨፈልቅ የሚሻ እቡይ እንዴት ባለ ሂሳብ ነው የእምነት ሰው የሚሆነው? ጭራሽ!
     የዲያቆኑ ሂሳብ በቀመር ያልተሰላ፤ በዘ ልማድ የሚለፈፍ የማያድን ጸበል እንደ መጠጣትና በዚያው ሰበብ የተቅማጥ በሽታን እንደመሸመት ያለ ጅልነት ነው። ሃይማኖት ሰዎች አይናቸውን ገልጠው ራሳቸውንና ጽንፈ ዓለሙን እንዳያዪ በምጽድቅና በልመና ብቻ እንዲኖሩ የሚያደርግ አሳሬ አስተሳሰብ ነው። የክርስቲያን ደሴት፤ የአፍሪቃ የዳቦ ቅርጫት፤ የሶስት ሺህ ዘመን ነጻነት ወዘተ እያሉ ራስን ከማመጻደቅ ይልቅ ቆም ብሎ የክፋትና የመገዳደል ታሪካችን ሳያሰልስ ደካሞችን፤ እናቶችና ህጻናትን፤ አዛውንትን በእሳት፤ በገጀራ፤ በጥይት፤ በቀስት በመግደል በየመንገድና በገደል እንድንወረውር የሚያደርገን ምን ነክቶን ነው ብለን ራሳችን መጠየቅ አለብን። ሰው መሆንህን የምታውቀው የሃይማኖት አሸንክታብ ስላበዛህ አይደለም። ሰው ሆነህ ሰውን በሰውነቱ መደገፍ ስትችል እንጂ። ስለሆነም የእስልምና፤ የክርስቲያኑ (ሁሉም አይነት ክርስቲያን ነኝ ባይን ይጨምራል) መድረክ ላይ ወጥቶ ቁና ቁና ከመለፍለፍ ረጋ ብሎ ለምን እዚህ ክፉ ጊዜ ላይ ደረስን? የወደፊቱስ ምን ብናረግ ይሻለዋል ብሎ በምድር ላይ ያለውን ተጨባጭ ነገር ከራስ ባህሪ ጋር በማገናዘብ በጎ ተግባር ለመፈጸም መታገል እንጂ መልስ በማይሰጥ የሰማይ አምላክ ላይ አንጋጦ የት አለህ ማለቱ ጅልነት ነው። በቃኝ!

     Reply

3. Tesfa: አንተ አንድ መንነቱን በደንብ የማታውቀውን አሜሪካዊ በአሜሪካ ቋንቋ ጠቅሰህ አዋቂነትህን አሳይተህ የኛን ችግርም ይፈታል በለህ ታስባለህ። ቢያንስ ከ90% በላይ የሚሆነው የሀገሬ ህዝብ የሚያምንበትን መንፈሳዊነትን: ሀገር በቀል ሊቅን መጥቀስ ግን አንደ ሞኝነት ትቆጥራለህ። ክፋት እንደ በዛ አምነሀል። ህግ የሚባልም አለ። ሰው ህግ ተላልፎ እውቀትን አገኘ። ክፋት ህግ መተላለፍ ነው። ህግ የተላለፈ ደግሞ ይቀጣል። ኢትዮጵያውያን ህጉን ተላልፈናል። ቅጣትም መጣ። ኢትዮጵያውንን ከእንግሊዞች ወይም ከሌላ ማመሳሰል ግን አይሰራም። እስራኤልና ባቢሎንን ማመሳሰል እንደማይቻል። እኔ በበኩሌ ጥፋቱ የእናንተን ትውልድ: አምላክን ትቶ ለኒንን ያመለከውን ትውልድ: ነጭ አምላኪውን ጥራዝ ነጠቅ ትውልድ: ከመንፈሳዊ ይልቅ ቁስ አምላኪውን ትውልድ ለማጥፋት የመጣ ይመስለኛል። ነገር ግን እናንተ በአብዛኛው አሜሪካና እንግሊዝ ነው የምትኖሩት። የግዜ ጉዳይ እንጅ እዜያም ይመጣል።

   Reply