“ክፉ ሞቶም ይገድላል”  ማላጂ

TPLFበኢትዮጵያ ታሪክ ለህዝብ እና አገር ጠንቅ የሆኑ የአስተሳሰብ እና ተግባር የጥፋት መልዕክተኞች በተለያየ ዘመን እና የታሪክ አጋጣሚ ኢትዮጵያዊነት እና ኢትዮጵያ ለማጥፋት በዋናነት ቅድሚያ ተሰጥቶ ከሚሰራባቸዉ ዉስጥ ኢትዮጵያዊነት ህብረት እና አንድነት በሚፈልጉት ለራሳቸዉ ጥቅም ይጠቅማል ብለዉ በሚቀይሱት መንገድ ማንገዳገድ እና ማወላገድ ነዉ ፡፡

የቀደሙትም ሆነ የሚገኙት የኢትዮጵያ መንግስታትም ቢሆኑ ከነበራቸዉ እና ካላቸዉ የስልጣን ምኞት እና ፍላጎት ጊዜ የገዙ እና የሚገዙ የመሰላቸዉ ለህዝብ እና ለህዝብ ልጆች  የነፃነት እና ፍትህ ጥሪ ድምፅ ጆሮ እና ትኩረት ከመስጠት በስዉር ለኢትዮጵያ የአንድነት ግዛት መዳከም እና ለህዝቦች የመከራ ጊዜ መራዘም በርትተዉ ከሚሰሩ ጠላቶች ጋር በአንድም በሌላም ሲያዉቁም ሳያዉቁም ተባብረዋል፡፡

ከቅርብ ዘመናት ሲጀመር ከኢጣሊያን ፪ኛ ወረራ 1928.ዓ.ም. የክፉ ቀን ጀግኖችን አገርን ከጥፋት ፤ህዝብን ከዕልቂት የታደጉትን ፣ በ1966 ዓ.ም. ህዝባዊ ለዉጥ ግንባር ቀደም የለዉጥ መሪ እና አስተባባሪ የነበሩትን እና አይነኬ የጠባለዉን የዘዉድ ስርዓት በቃ ያሉትን ፣ እንዲሁም ከ1983 ዓ.ም. በፊት እና በኋላ በኢትዮጵያ አንድነት እና በኢትዮጵያዉያን አንድነት እና ህብረት አጥብቀዉ ለሰሩት ኢትዮጵያዉያን “ የመከራ እና ሞት ምድር ” መኋኗን ቀጥላለች፡፡

የኢትዮጵያን ህብረት እና አንድነት መጠናከር እና መኖር  የህዝብ ስልጣን መረጋገጫ እና ማላጋጫ የማድረግ አባዜ የተጠናወጣቸዉ የታሪክ እና የትዉልድ ዕንክርዳድ  በግል እና በፖለቲካ ወገንተኛ ጥቅም  በመስከር ዛሬም ኢትዮጵያዊነት የርኩስ መዉጊያ ሆኗል፤ ቀጥሏል፡፡

ዛሬ በኢትዮጵያዊነት ላይ የማይደራደረዉ ኢትዮጵያዊዉ በተለይም ዓማራ ለ፫ አሰርተ ዓመታት በገፍ እና በጂምላ በማንነት ላይ ጥቃት፣ ስደት እና ሞት በድፍን ኢትዮጵያ በዕቅድ እና በስልት በተከታታይ ተከናዉኗል፡፡

ተጨማሪ ያንብቡ:  8 ጊዜ የተቀያየሩትን የኢትዮጵያ ባንዲራ ዓይነቶች ያውቋቸዋል? (ካላወቁ ይመልከቷቸው)

በዚህ ጊዜ ኢትዮጵያዊነት ዓማራነት ባለበት ይሙት ይል የነበር ፀረ ኢትዮጵያዊ ዛሬ በኢትዮጵያዉያን እና ኢትዮጵያ ነፃነት እና አንድነት ላይ ስላለዉ የመከራ  ዶፍ ካለፉት ፴ ዓመታት የቀጠለዉ የሞት እና የስደት መስፈሪያ ቁና ተትረፍርፎ እና ገንፍሎ እየፈሰሰ ነዉ ፡፡

በአገራችን ኢትዮጵያ  ለዘመናት ተዘርቶ ለ፴ ዓመታት ጎምርቶ እና አፍርቶ እየተስፋፋ እና እየከረፋ ያለዉ የጥላቻ ዘመቻ የአገሪቷን አንድነት እና የህዝቦች ደህንነት አደጋ ላይ በመጣል የጥፋት ማዕበል ቀጥሏል፡፡

የኢትዮጵያ ጠላቶች እና አፍራሽ ጋሻ ጃግሪዎች ትናትም ዛሬም በኢትዮጵያዉያን  ሞት እና ስደት የሚፅናኑ እና የሚዝናኑ በስያሜ እንጂ በተግባር ከኢትዮጵያም ሆነ ከህዝቧ የተፋቱ አድር ባዮች እና ክፉዎች የጥፋት ትብብራቸዉን ፊት ለፊት ከሚገኙ ጠላቶች በረቀቀ እና በመጠቀ ስልት ገፍተዋል፡፡

“ግመሎች ይጓዛሉ፤ ዉሾችም ይጮሃሉ…..” እንዲሉ ሁሉም የምድራችን መከራ እና ሰቃይ ሲቀጥል  የዚህ የጭንቅ ጊዜ ተጋድሎ የሚደረገዉ የሞት ሽረት ትንቅንቅ  በዋናነት ትናንት እና ዛሬ በአገሩ ስደት እና ሞት ሲያስተናግድ ለነበረዉ ህዝብ ብቻ የተተወ መሆኑ እና ለዚህም መተባበር እና ሞት ህይዎት ወይም ሞት ብቸኛ ምርጫ የሆነዉ ኢትዮጵያዊ አገር እና ወገን መታደጉ የሚያቅለሸልሻቸዉ ወዳጂ መሳይ በልቶ ካጂ የህዝቡን አንድነት እና ህብረት ማደነቃቀፍ የማይነቀፍ አድርገዉ ቀጥለዋል፡፡

አገርም ሆነ ህዝብ የሚኖር እና የሚከበር በዕዉነተኛ የህዝብ ልጂ እና በዜጎች እንጂ በኢትዮጵያዊነት ስም ለኢትዮጵያ ዕዉነት ዕድገት እና ብሄራዊ ኩራት የኖሩትን እና የተዋደቁትን በማደናቀፍ እና በመጥለፍ የሚጠበቅ ሞት እንጂ ትንሳኤ ሊሆን አይችልም ፡፡

የኢትዮጵያ ትንሳኤም ሆነ ሞት መንስዔ ኢትዮጵያዊነት  በዚህ ጥላ ስር ዓማራነት መደራጀት እና ህልዎት መኖር ለፖለቲካ ስልጣን መቀጠል ፤አለመቀጠል ጉዳይ ጋር አስፍቶ እና አንሰራፍቶ በማየያዝ ሆኖ ሲታይ የ፻ ዓመታት የጥፋት ድግስ አካል ነዉ ፡፡

ተጨማሪ ያንብቡ:  የኢትዮጵያ ትንሣኤ እንዴት? ከሸግግር መንግሰት እሰከ ጠብመንጃ አፈሙዝ!!!! - ግርማ ሠይፉ ማሩ

ለዚህም ነዉ ከጥንት አስከ ዛሬ የዓማራ ህዝብ  በተለያየ ሴራ ወጥመድ  የማዳከም እና የማዉደም ጥረት እንደ አሜባ ተለዋዋጭ ገዳይ ጠላት የኢትዮጵያዉያን መደራጀት እና ህብረት አምርሮ ቢጠላ አይገርምም ፡፡

ከዚህ ይልቅ ኢትዮጵያዊነትን እያስተጋቡ የኢትዮጵያዉያንን ራስን እና አገርን የመከላከል ተፈጥሯዊ እና ሠባዊ ብሄራዊ መብት ችሮታ ለማድረግ የሚዳዳቸዉ የዉስጥ አድር ባይ እና አዝግ አባዜ የተጠናወታቸዉ  የወዳጂ አሳዳጂ ሲያጥላሉ ማየታችን የሚያስጨንቃቸዉ  የግል ጥቅም እና ምቾት መሆኑን ነግቶ አስኪመሽ ማደንቆር እና ማደናገር ቀጥለዉበታል፡፡

የኢትዮጵያ ህዘብ በተለይም የዓማራ ህዝብ መደራጀት እና አንድነት መኖር አለመኖር ከኢትዮጵያዊነት እና ታላቋ ኢትዮጵያ ህልዉና ጋር በቀጥታ የማይነጣጠል መሆኑን የዘመናት የቀደመ ታሪካችን ቀርቶ ጠላቶቻችን የማይክዱት ዕዉነት ሆኖ ሳለ የዓማራ መደራጀት ለኢትዮጵያ ትንሳዔ ብቸኛ ለይኩን መሆኑን ኢትዮጵያዉያን ነን የሚሉት ሁሉ እየመረራቸዉ ሊቀበሉት እና ሊያከብሩት ይገባል፡፡

የዓማራ ህዝብ ራሱን ከጥቃት ፤አገሩን ከዉርደት እና ጥፋት ለመታደግ ብሄራዊ አንድነት መኖር እና መንበር የሚያስፈራዉ ጠላት ዲያብሎስ ብቻ ነዉ ፡፡

ከዚህ ግብር እና ተግባር ጋር የሚተባበር የዉስጥም ሆነ የዉጭ ጠላት ስለማይለይ መኃል ሰፈሪ እና መሰሪ አስመሳዮች የወዳጂ ጠላቶች ከመሆን በምንም ሊለዩ አይችሉም ፡፡

ማንም ጥቃትን እና ባርነትን ተዋርዶ እየኖረ አሜን ብሎ የሚኖር ቢኖር እርሱ ዉርደትን እና ክህደትን ልብሱ እና ጉርሱ አድርጎ ሊኖር የሚፈልግ ነዉ ፡፡

በየትኛዉም የኢትዮጵያ የጠላት ከበባ እና ወከባ ጊዜ እና ታሪክ የኢትዮጵያን ዳር ድንበር የማስከበር እና የማክበር ጉዳይ በምንም የማይለዉጠዉን በኢትዮጵያዊ ማንነት በጠላትነት ፈርጆ ሲያሳድደዉ የነበረዉ ጠላት ከምድረ ገፅ ለማጥፋት ሲዘምትበት ራሱን የመከላከል ጉዞዉን ለማደናቀፍ ህብረቱን እና ቁርጠኝነቱን የሚፈራ ፀረ ኢትዮጵያ መሆኑ ከዚህ የላቀ ምልክት ሊኖር አይችልም፡፡

ተጨማሪ ያንብቡ:  የንፁሓን ደም ይጮሃል! - በላይነህ አባተ

ሁሉም ራሱን እና አገሩን ማዳን የሚፈልግ ኢትዮጵያዊ  ጠላት ለዘመናት የመደራጀት ዕድል አገኝቶ ቀርቶ መቶም ኢትዮጵያን ለማጥፋት የኢትዮጵያዉን ሞት እና ስደት የመጀመሪያም የመጨረሻም ህልሙ መሆኑን ከሶስት አስርት ዓመታት አስካሁን የተጓዝንዉን የመከራ መንገድ መርሳት ሞት ነዉ ፡፡

“አበዉ ያቆሰልከዉን አዉሬ አትመነዉ… .”.ሲሉን እኛ ኢትዮጵያዉያን በቁም ወግቶ ያቆሰለንን የጭቃ እሾህ ለቅመን ፣ አድርቀን ሳናቃጥል …. ድል  ሳይሆን ራስን ሆነ አገርን በድጋሚ በመግደል በትዉልድ እና በታሪክ የሚያስጠይቅ  ለክፉ ሰሪዎች መተባበር ለተዉልድ  ደም  የስቃይ ዘመን ማስተላለፍ ይሆናል ፡፡

በሠላም እና ዕርቅ ያለደረቀ የጥላቻ ጅረት የሚቃረጠዉ በኃይል ብቻ ነዉ ፡፡  ጠላትም ሆነ ክፉ ሰሪ ሞቶም እንደሚገድል  በጥባጭ ሳለ ጥሩ አይጠጣም የሚለዉን የአበዉ ብሂል እብሮ ማየት ሠዉ ለሆነ ኢትዮጵያዊ ደጋግሞ ግድ ይላል፡፡

 

 

“አንድነት ኃይል ነዉ ”

 

1 Comment

  1. በኢትዮጵያ የረጅም ጊዜ ታሪክ ውስጥ እንደ ወያኔ ባርነት ትግራይ ያለ ጨካኝና ዘረኛ ቡድን ተፈጥሮ አያውቅም። ገና ከጅምራቸው የመከራ ዝንብ አዝናቢዎች ነበሩ አሁንም ናቸው። የሚያሳዝነው ግን የሚታፈስ የውሸት ቁልል እያዪ ዛሬም በትግራይ ህዝብ ስም የሚነግድት የወያኔ ነጭ ለባሾችና መሰሎቻቸው እጅግ ያሳዝኑኛል። ይሁን እንጂ አይኑን ገልጦ ከማያይ፤ ጀሮው ተከፍቶ ከማይሰማ ትውልድ ምን ይጠበቃል። በቅርቡ ፕ/ ሃረገወይን አሰፋንና ልጃቸውን ጋዜጠኛ ሄርሜላ አረጋዊን ስም ከማጥፋትና ከመዝለፍ በዘለለ የወያኔ ውሾች እንገላችሁሃለን ማለታቸው የድንቁርናቸውን ጣራ ላይ መውጣት ያሳያል። በወያኔ ዓለም ሰው እነርሱን ካልመሰለ የመኖር መብት የለውም። ለዚያም ነው እልፍ የትግራይ ልጆችን በዚህና በዚያም ምክንያት በትግራይ በረሃዎች የቀበሯቸው። ዛሬም ራሳቸው በአቀጣጠሉት እሳት ሃገር አውድመው ህዝብ የሚያስጨርሱት። ወያኔ ሰው በላ አውሬ ነው። የትግራይ ህዝብ በወያኔ ሃርነት ሳይሆን ባርነት ነው ያገኘው። ምንም ሳይደበቅ ጫካ ከገቡ ጀምሮ እስከ አሁኑ ታሪካቸው ቢፈተሽ በሰው ደም የታጠቡ፤ በትግራይ ልጆች ደም የነገድ፤ ለትግራይ ህዝብ ያኔም ዛሬም ምንም ያላረጉ መሆናቸው የተረጋገጠ ነው። አሁን መጡብህ፤ ተከበሃል፤ መውጫ የለህም ተዋጋ፤ ትግራይ ትሰዕር የሚሉን የውሸት ፍትጊያ ወንድም ወንድሙን እህት እህቷን እንድትገል እያረገን ነው። ለ 27 አመታት ኢትዮጵያን ግጠው ከበሉ በህዋላ በራሳቸው ጭፍን የፓለቲካ እይታ ተሽቀንጥረው የተተፉት የትግራይ ሰው በላ ወያኔዎች ይህ እንደሚመጣ ቀደም ብለው ማሰብ ተስኖአቸው ነበር። ከዚያ ይልቅ ግን ሰውን መግደል፤ መዝረፍ፤ ማዘረፍ፤ ደርግን ያሸነፍን ጀግኖች ነን እያሉ ማቅራራት የእለት ተግባራቸው አደረጉት። ከውስጣቸው በተፈጠረ የፓለቲካ ሾኬ እንዳይነሱ ሆነው የተጠለፉት ወያኔዎች ትግራይን ሃገር እናረጋለን በሚል በ 27 ዓመት ዞር ብለው ያላዪትን የትግራይ ህዝብ ድጋሚ ምሽግ በማድረግ ይኸው አሁን ያለንበትን የመከራ ጎርፍ እያየን ነው። የወያኔ መሪዎች መቀሌ ውስጥ እንደ ሞሶሎኒ ተዘቅዝቀው መሰቀል ያለባቸው ውሾች ናቸው። ስንት የትግራይ ልጅ ለእነርሱ መኖር ይሙት? ጄ/ጻድቃን የምን ድርድር ነው ጦርነቱ አልቋል ሲል ምን መረጃ ይዞ ነበር? ዶ/ር ደብረ ጽዪን ከቤታችሁ አትውጡ ሁሉ ነገር አብቅቷል በማለት በትግራይ ቲቪ ቀርቦ ሲዘላብድ አሜሪካን አምኖ ነበር? ወይስ እኛ ያልታየን ሌላ ነገር ዛሬም አለ? የወያኔ አመራሮች ዛሬም የሚያስቡት ልክ ከዘመናት በፊት በተገጠመላቸው ጭንቅላት ነው። ዶ/ር፤ ጄኔራል/የተማረ ያልተማረ የሚባል ነገር የለም። እንዲያውም ዶ/ር ከሚባሉት እይታ ይልቅ እርፍና ሞፈር ይዞ የሚያርሰው የትግራይ ገበሬ ያለው እይታና አሰተሳሰብ ይልቃል። እነዚህ ሞሽላቆች ዛሬም በትግራይ ህዝብ ስም ህዝቡን ለመከራ መዳረጋቸው የክፋታቸውን ጥግ ያሳያል። ማንም ህሊና ያለው የትግራይ እናቶችና አባቶችን እንባ እያየ አይስቅም። ወያኔ ግን ሥራው ሁሉ የዲያቢሎስ በመሆኑ በሞትና በሰው ሰቆቃ ያሽካካል፤ ይጨፍራል። ግን ባይረድት ነው የገዳይ ገዳይ፤ የተገዳይ ተበቃይ የሚራወጥባት ምድር መሆኗን ነው። ዛሬ የተረፈው ነገር የእርድ በሬ ነው። ታሪካችን የሚያሳየው ይህን ነው። ሲገድሉ ሲገዳደሉ መኖር።
    ማንም በማይረዳው መንገድ የመንግስት የጸጥታ ሃይሎች ከመቀሌ በመውጣት ርቀው ከተወሸቁ በህዋላ ነፋስ እንደመታው ድቄት ናቸው የተባሉት ወያኔዎች 500 ኪ.ሜትር ዘልቀው በአማራና በአፋር ያደረሱት ሰቆቃ ጣሊያን ከፈጸመው በደል የጠለቀ ነው። ለፍላፊ በዝቶ እንጂ ከሥር እስከ ራስ ቢዘገብ የወያኔ ጭካኔ ከጀርመኑ ናዚና ገስታፓ ድርጊት ይልቃል። እርሻ ውሎ እጅን እያሳየ ገበሬ ነኝ እያላቸው ነው አስበርክከው የገደሉት። ደፍረው ነው አርደዋቸው የወጡት፤ አፍነው ወስደው ነው በደቦ እየደፈሩ አማራ አህያ ነው እያሉ የተሳደቡት፤ የገደሏቸውን አስከሬን አትቀብሩም የተባሉት ለዚህ ነው ወያኔ በትግራይ መሬት እስካለ ድረስ ከትግራይ ህዝብ ጋር አብሮ መኖር አይቻልም የምንለው። የኢትዮጵያ ሰራዊት አሁን ወደ ትግራይ አልገባም ማለቱም ማለፊያ ውሳኔ ነው። ከበፊትም እንል እንደነበረው የወያኔን ግባተ መሬት የሚያፋጥነው የትግራይ ህዝብ ብቻ ነው። እርግጥ ነው የትግራይ ህዝብ ከተነሳና ወያኔን ከመነጠረ የፌዴራል መንግስቱም ድጋፍ ለማድረግና ለማረጋጋት መግባት አለበት። ከዚያ በህዋላ የትግራይ ህዝብ መገንጠል ቢፈልግ ይገንጠል፤ አብሮ መኖር ቢፈልግ የፌዴራል መንግስቱን ህግና ደንብ አክብሮ በየትኛው የሃገሪቱ ክፍል በሰላምና በደስታ መኖር ይችላል። ከዚህ ውጭ ሌላው ሁሉ አጉል ጡሩንባ ነው። ወንጀለኛን አቅፎ ኡኡ ድረሱልኝ ማለቱ ህጋዊነት የለውም።
    አሁን በአማራና በአፋር የምናየው መዘናጋት ለዳግመኛ ወረራ ራስን ያጋልጣል። ህዝቡ የተደራጀ፤ የታጠቀ ቢሆን ኑሮ ወያኔ ሽዋ ድረስ ባልደረሰም ነበር። ግን ይህ እንዳይሆን ሆን ተብሎ የታጠቀውን በማስፈታት ለጥቃት ተጋልጧል። ዛሬ ኦነግ ሸኔና ወያኔ አብረው ሲያተራምሱት ሰልጥኖ፤ ታጥቆ ቢሆን ኑሮ እየተናነቀ ይሞት ነበር እንጂ እንደ ፋሲካ በግ እየተጎተተ ባልታረደም ነበር። ሚስቱና ልጆቹ ባልተደፈሩም ነበር። ስለሆነም ካለፈው ትምህርት በመውሰድ በተጠናከረ መልኩ ህዝብ ራሱን በራሱ ለመከላከል እስካልተደራጀ ድረስ የኢትዮጵያ ሰራዊት ያድነኛል ብሎ መቀመጥ ሞት ይምጣ ማለት ነው። ወያኔ ካልጠፋ በስተቀር እንደገና ወረራ መሞከሩ አይቀርም። አሁንም ጦርነቱ አላበቃም፤ ወያኔ እያለ አያበቃም። ወያኔ የናደውን መልሶ ለማቆም ያለው እቅድና ተግባር እንዳለ ሆኖ ያለ ሴኩሪቲ ይህን ያን ማለቱ መልሶ ወያኔ እንዲዘርፈው ማመቻቸት ነው። የአማራ ህዝብና የአፋር ህዝብ በተቀናጀ መልኩ ግንባ በመፍጠርና አንድ ለሌላው ደራሽ በሆነ መልኩ በማደራጀት ሥራ ካልተሰራ በስተቀር ወያኔ ዳግመኛ ሞቶም ቢሆን መግደሉ አይቀሬ ነው። ጭፈራው፤ ቀረርቶው፤ ወደ ሰማይ መተኮሱ፤ ይህንና ያን አረግን ማለቱን ረገብ አርጎ ዛሬ ወያኔ ጦርነት በከፈተባቸው ሁሉ ጠቅሎ በመጓዝ ሊገድልህ፤ ሊዘርፍህ የመጣውን ጠላት መፋለም እስካልተቻለ ድረስ መልሶ ግንባታውም ሆነ ህዝቡን ወደ ቀዬው መመለሱ ለባሰ ችግርና መከራ መዳረግ ይሆናልና ይታሰብበት። የአሜሪካ ሴራ ከሰብአዊነት የወጣ የጥቁር ህዝቦችን ደህንነትና ብልጽግና የማይሻ ዛሬም ነገም አፍራሽ ለመሆኑ ከወያኔ ጋር መሰለፏ ቁልጭ አድርጎ ያሳያል። እንንቃ። በቃኝ!

ሀሃሳብ እና አስተያትዎን ይስጡ

Your email address will not be published.