አመረረ ልቤ ፥ ከፋው እያደረ
ሃገር ተሸራርፎ ፥ ህዝቤም እያለቀ ፥
ማነህ አንት ፥ እስኪ ልጠይቅህ
ከማንስ ተፈጠርክ ፥ ከወዴትስ ፈልቅክ ፥
ማንነትክን የጣልክ ፥ ራስክን ያራከስክ
አቅልለህ የጣልካት ፥ ማተብክን የበጠስክ ፥
ወኔውም የራቀህ ፥ እራስህን የረሳህ
ብር ብር ብለህ ፥ ዕርስትን ያፈለስክ ፥
ኢትዮጵያየ ፥ የኩራት አሻራ
የነፃነት ፋና ፥ የማንነት ዳፋ ፥
የደግነት ምድር ፥ የጀግኖች መፍለቂያ
አልደፈርም ባይ ፥ የትዕግስት መለኪያ ፥
አትነካ፥ ካልነኳት
ከደፈሯት፥ አይጣል ፥
የወረስከው ወኔ ፥ ያስታጠቁህ ዝናር
የአያቶችህ ገቢር ፥ ያላበሱህ ትብዕል ፥
ያሽከሙህ አደራ ፥ የተውልህ ቅርፁ
ዳፋ ና ደንበሩ ፥ ኮረብታ ና ወንዙ ፥
በልቦናህ ይስረፅ ፥ አታድርገው ከንቱ
የሰው ልብስ አያደምቅ ፥ ቢኳኳሉ ቢያምሩ ::
አዝማች
ዘመን ተለወጠ ፥ ሃገር ሆነ ዋዛ
ምድሯም ተሸራርፋ ፥ ጊዜው አቅል አጣ ፥
ኑሮው እንቆቅልሽ ፥ ሁከት በመሬቷ
ባዕድነት ገዘፎ ፥ መተማመን ጠፋ ፥
ስደት ልብስ ሆነ ፥ መዳያ አሸለመ
መዘዙ ሳይጤን ፥ ስንቱ መና ቀረ ፥
ለፍቶ ከማስነ ፤ እጁን ያረዘመ
በአቛራጭ ከፍ አለ፥ ነጠቀ ከበረ ፥
ኧረ ቤት ይቁጠረው ፥ ፍትህ ያጣ ወገኔ
ሃቅ ተመስጥሮ ፥ ኑሮው በትካዜ ::
አዝማች
እስኪ ላጠንጥነው ፥ ላስታውሰው የጥንቱን
ያ መልካሙን ዘመን ፥ ትዝታ እና ሀሴቱን ፥
የእብሮ መኖር ትብዕሉን ፥ የዝምድና ወጉ
የአባት ክንድ ድጋፉ ፥ የእናት ጓዳ ስንቁ ፥
ወንድም ለመከታ ፥ ሞገስ እና ክብሩ
እህቴ እጉራሿቷ ፥ የዕራብ የጥማቱ ፥
ጓደኛ የጥቃት ፥ የችግር ደራሹ
የአገር ልጅ እልኝታ ፥ መካሪ እስታዋሹ ፥
ሀ ሁ ፊደል ቆጥረን ፥አንድ ልብስ ተጋርተን
መንገድ የጋራችን ፥ ተጓርሰን ተካፍልን ፥
በአንድነት ስንነጉድ ፥ ስንቱ እንዳልቀናብን
ክፉ ቀን መጣና ፥ ይሄው ተራራቅን ፥
የእፀፅ ድሪቶ ፥ የነገር ባዘቶ
የእድልኦ መርዘን ፥ የዘር ክፍፍሎ ፥
የስደት እባዜ ፥ በላያችን ሰፍሮ
ኑሩአችንም አረግነው ፥ እንደ ጀብድ ተቆጠሮ ፥
ጮቤ ተረገጠ ፥ ድግስ ተደገሰ
ላይመለስ ሲሄድ ፥ ከትብቱ እየራቀ ::
አዝማች
እህት መቀነቷ ፥ ሁሌ አለሁ ባይዋ
ዕርቃ ናፍቃሃት ፥ መላውን ዘይዳ ፥
ከጎንህ ልትከትም ፥ አፈፍ ከቀየዋ
በርሃ አቌርጣ ፥ ተርባ ተጠምታ ፥
ጥቃቱን ተጋርጣ ፥ በሾሁ ተወግታ
ከአውሬው ተታግላ ፥ ደረስኩ መጣሁ ብላ ፥
የባህር ዕራት ሆነች ፥ ቀረች ከሃይቅ ሰምጣ
ወገን እንደራባት ፥ ነፍሷም ምድሯን ሽታ ፥
ጋሻህ ልሁን ብሎ ፥ ወንድምህ አርዮ
ከሃገር ሃገር ማስኖ ፥ ያላየውን አይቶ ፥
በሳህራ በርሃ ፥ ተቀቅሎ ከስሎ
ጓዶኞቹን ቀበሮ ፥ ዕንባው ተⶰርግጎ ፥
ቀን ዕድል ሰጥቶት ፥ ከጎነህ ተስጦ
አብረህ ተያያዝከው ፥ የባዕድ ሃገር ኑሮ ፥
ተመስገን እንበለው ፥ የአምላክነን ስራ
አንዱነን ተነጥቆ ፥ ሌላው ሲያንሰራራ ፥
ተስፋንም ሰንቆ ፥ ወላጅ እያወሳ
ዘመድን ሃገርን ፥ ለመካስ ሲጓጓ ፥
በባዕድ ሃገር ደግሞ ፥ አለ ሌላ ሃበሳ
መረገጥ መዋረድ ፥ መወርወር ከሜዳ ፥
በትዝታ ናፍቆት ፥ እህህ እንዳሉ
በደዌ መወጋት፥ ናላ መዛወሩ ፥
በአዙሪት ተሰቅዞ ፥ ሲዳክሩ ሲጦዙ
ማለፍም ይመጣል ፥ ካሰቡት ሳይደርሱ ፥
ኧረ ሚስጥር ንግርት ፥ ሞቴን ያሳምረው
እህት ሳትቀምስ አፈር ፥ ወንድም የአሞራ ዕራት ፥
እርርም ኩምትርም ፥ የዕድሜ ልክ ፀፀት
እናት አባት ወልዶ ፥ በቁም መና መቅረት ፥
አዝማች
ወገኔ እስኪ አድብ ፥አገናዝብ በፅኑ
የሰው መድኃኒቱ ፥ አንተው በመሆኑ ፥
እህትህን ደገፍ ፥ ወንድምህን ቀና
ዙሪያህንን ቃኘው ፥ ማን አለን ያለኛ ፥
ሰው ካልተጋገዘ ፥ በቁም በህይወቱ
ካለፈ በኋላ ፥ ፖርሳ መጎርጎሩ ፥
ፀጉርነን መንጨቱ ፥ ፅንባ ማዥጎድጎዱ
ለልታይ ካልሆነ ፥ ለሟች እይሆን ስንቁ ፥
ወንድሜ እህቴ ፥ የሃገር ልጅ ማሳናው
ከህሊናህ ታረቅ ፥ ዙሪያህነን ቃኘው ፥
ሃገረም ሃብት ናት ፥ ዘብም ከቆሙላት
አይሻል ብለህ ነው ፥ መንገድ ላይ ከመቅርት ፥
ክቀየህ ከምድርህ ፥ እግርህ አፈፍ ሲል
ቀድመህ አንሰላስል ፥ ታደገው ህይወትክን ::
አዝማች
እዮሃ አበባየ ፥መስከረም ጠባየ
እስኪ ቃል እንግባ ፥ ለእማ ኢትዮጵያየ
የድሮው ቀንደልሽ ፥ ይታይ ያንሰራራ
መዋረድ ስደቱ ፥ መራራቁ ያብቃ
ላይ ያለው ልብ ገዝቶ ፥ ግፉነን አቅቦ
ለህዝብ ለሃገር ይስራ ፥ መቧጠጡን ትቶ ፥
የሃገርን ቃል ኪዳን ፥ ገለል ያደረገ
እርጉም ከመ አሪዎስ ፥ እምየን የካደ ::
አዝማች
ከተዘራ አሰጉ
