የአንድ አገር ህዝቦች ሁለት ዜግነት – ቬሮኒካ መላኩ

ትናንት መሰለኝ በተመሳሳይ ቀን ፣ በተመሳሳይ ሰአታት በአንድ አገር ፣ በአንድ ጀምበር ሙቀት ክልል ሁለት ለማነፃፀር የሚከብዱ የ”ልማት ” ዜናዎች አነበብኩኝ ።
ዜና 1 ~ ትግራይ ክልል የ 2 ቢሊዮን ብር በላይ የወጣበት የመኪና ፋብሪካ አስመረቀ ” ይላል ።
ዜና 2 ~ የአማራ ክልል በደብረታቦር ለ7 ወረዳዎች አገልግሎት የሚውል ያስገነባውን ማረሚያ ቤት ( እስር ቤት) አስመረቀ ” ይላል ።
…
ይሄ ፖለቲካዊ ትራጄዲ ምን ይባላል? ወያኔ በክልሎች መካከል የተደረገ ተመጣጣኝ ልማት ማለት ይሄ ነው ይለዋል።
ወያኔ 5ሚሊዮን ለማይሞላ የትግሬ ህዝብ የመኪና ፋብሪካ ሲገነባለት ልማቱ ተመጣጣኝ ይሆን ዘንድ ከ 40 ሚሊዮን በላይ ህዝብ ላለው አማራ ህዝቡን እንደ ጋማና ቀንድ ከብት የሚታጎርበት እስር ቤት አስመርቋል ።
ምንም አይነት ተአምር ያዘለ ሎጅካዊ ድያሌክቲክም ቢደሰኮር ይሄን አይነት ስግብግበነትና አድሏዊነት ሊያስተባብል ይችላል ማለት ድፍን ስህተት ነው።
…
” እኛና ” እና ” እነሱ ” በአንድ አገር ብንኖርም አንድ ጀምበር የምታፈልቀውን ሙቀት ብንጋራም በመሰረታዊ ባህሪያችን ግን እንለያያለን ። እነሱ በቃኝን የማያውቁ ስግብግቦች ሲሆኑ እኛ ያለችንን ኩርማን እንኳን ቆርሰን የምንሰጥ ነን ።

በአገራችን እነዚህ አልጠግብ ባይ ሰፍሳፎች እስካሉ ድረስ በፍፁም ሰላም ሊኖር አይችልም ። በሰዎች እና በብሄሮች መካከል የጋርዮሽ የሆነ ነፃነት ፣ ፍትህ ፣ፍቅር ፣ርትእ … ሊኖር አይችልም ። የአንዱ ክልል ህዝብ በሃብት ጠግቦ ቁንጣን ሲያማቅቀው በአንፃሩ 95 በመቶ የሆነው ህዝብ በረሃብ ጠኔ ተጠብሶ ያልቃል ።
ህገ_ ሞራልንም ሆነ _ህግጋተ አለምን ጥሶ ከሚኖር ጋጠ ወጥ ሰፍሳፋና ጀብራራ ማህበረሰብ ጋር የአንድ አገር ዜጋ መባልም አሳፋሪ ነው።
…
አንድ ህብረተሰብ ባላሰበው እና ባልጠበቀው አይነት ከአንድ መራራ የፖለቲካ ፣የኢኮኖሚና የሶሻል ቀውስ እና ክስረት ውስጥ በድንገት በተዘፈቀ ጊዜ በግለሰቡም ሆነ በማህበረሰቡ ላይ ብዙ አሳዛኝና አስቀያሚ ድርጊት ይፈፀማሉ ። ይሄ የተለመደ ቢሆንም በኢትዮጵያ ውስጥ የሚታየው ግን የበዛ ነው ።

ይሄ አይነቱ ክስተት ከመቸውም የታሪክ ዘመን በከፋ በኢትዮጵያ ህዝብ በተለይም በአማራ ህዝብ ላይ ድህረ ግንቦት 20 ኮድኩዶ ካስወለደው የቀውስ ዱብዳወች ውስጥ ዋናው ክስተት ነው። አሁን ግልፅ እየሆነ ነው ።
የአንድ አገር ህዝብ ፣የአንድ አገር ዜጋ ብንሆንም ጎራችን ለየቅል ነው ። የአንድ ወጥ ባህል ልምድና አካባቢ ውልዶች ብንሆንም ግባችን የተለያየ ነው። ጠላዥና ተጠላዥ ፣ መጥማጭና ተመጥማጭ ፣ ጨቋኝና ተጨቋኝ ሆነን የምንቀጥልበት ምክንያት አይኖርም ። የማህበረሰብ ችግር መንስኤዎችና መፍቻ ቁልፎቻቸው ግልፅ ነው መጣጭን ከተመጣጭ የግድ ገንጥሎ የመጣል ዚቅ ብቻ ነው ።

ይሄን ለማድረግ የፈለገው የጭቆና ገመድ ቢተበተብ ህዝቡን ሊሸብበው አይችልም። የፈለገው የመሰናክል ወጥመድ ቢኮለኮል ሊያደናቅፍ አይችልም። ለዚህ ተፈፃሚነት በአለም የተመሰከረለት ተኩሶ የማይስት ፣ ተናግሮ የማይሳሳት ፣ ጠላት ይዞ የሚወቃ ተቃራኒውን የሚደቃ ህዝብ አለ ። ዲቦይስ የተባለው ምሁር “ተነስ ታገል የምታጣው ነገር ቢኖር የታሰርክበትን ሰንሰለት ነው ” እንዳለው ዲቦይስ ብትነሳ የሚቀርብህ ብቸኛ ነገር እግር ከወርች የታሰርክበት ሰንሰለት ብቻ ነው ።