ለምን የብሔር ፖለቲካ የሙጥኝ ይባላል? (ታምራት ኪዳነማርያም)

August 13, 2022
5 mins read

የፍትሐዊ ሀብት ክፍፍል መታጣት እና ደህና ኑሮ መኖር ያለመቻል መንስዔ የብሔር ዕኩልነት ያለመኖር ነው ብለው የሚያምኑ ፖለቲከኞች ከ30 ዓመታት በላይ የብሔር ፖለቲካ ቢያራምዱም የተፈለገው ፍትሐዊ የሀብት ክፍፍልም ሆነ የተሻሻለ ኑሮ ሊገኝ አልቻለም።

ሀቁን ለመናገር የ20ኛው ክፍለዘመን በኢትዮጵያ ፍትሐዊ የሀብት ክፍፍል እና የልማት እጦት የሚስተዋለው በዋናነት በብሔረሰቦች መካከል ሳይሆን በገጠርና በከተማ መካከል ነው። ምክንያቱም በብሔረሰብ ጨቆነ የተባለው አማራ ገጠር ውስጥ ቢኬድ በልማት ተጠቃሚነቱ ከየትኛውም የኢትዮጵያ ገጠራማ አካባቢ የባሰ እንጂ የተሻለ አይደለም።

ገጠሩ በተቻለ መጠን የልማት ተጠቃሚ እንዲሆን እና ማንነቱና ባህሉ እንዲከበር ቢደረግ ሁሉም ብሔረሰቦች የልማት ተጠቃሚ ይሆናሉ። ምክንያቱም አብዛኛው የብሔረሰብ አባላት የሚኖሩት በገጠር እንደመሆኑ መጠን ገጠሩ የልማት ተጠቃሚ ሲሆን እነሱም ተጠቃሚ ይሆናሉ። የኢትዮጵያ ባህሎችን፣ ባህላዊ ዕውቀቶችን፣ ቁሳቁሶችን እና ምርቶችን ማበልፀግና በተገቢው ጥቅም ላይ ማዋል ቢጀመር ሀገሪቱን በዓለም መድረክ ላይ የራሷን ተፎካካሪ ሥልጣኔ እንድታሳድግ ከማስቻሉም በላይ በገጠርና በከተማ መካከል ዕኩልነትና የበለጠ መከባበር ያሰፍናል። ይህ የሀገሪቱ ብሔረሰቦች የሚገባቸውን ክብር የበለጠ እንዲያገኙ ከድረግም በላይ ሀገሪቱን ያሳድጋል።

ሌላው የአብዛኛዎቹ የብሔረሰብ ፖለቲከኞች እና መብት ተሟጋቾች አስገራሚ አካሄድ ኢትዮጵያዊነትን ጥለውና አጣጥለው ሲያበቁ በብሔረሰብ ማንነታቸው ሊከበሩ ይፈልጋሉ። የሀገሪቱን ባህልና ታሪክ አንቋሽሸው እጃቸውን ለፈረንጆች ከሰጡ በኋላ ከጣሉት ኢትዮያዊነት ውስጥ የራሳቸውን ብሔር ማንነትና ባህል አንስተው አቧራውን አራግፈው በብሔር ማንነታቸው ሊከበሩ ይሻሉ። በኢትዮጵያዊ ማንነቱ የሚያፍር እና አውሮፓን ከፍ የሚያደርግ ትውልድ እየቀረጹ የብሔር ማንነታቸውን እንዲያከብርላቸው ይፈልጋሉ። የማይሆን ነገር ነው። ኢትዮጵያዊነት ተንቆና ተዋርዶ ብሔረሰቦች የሚገባቸውን ክብር ሊያገኙ አይችሉም።

የብሔር ፖለቲከኞች በገጠርና በከተማ መካከል ያለው መስተጋብር ቢስተካከል፣ ኢትዮጵያዊነት ተገቢውን ክብር ቢያገኝ እና ወደራሳችን ብንመለስ አብዛኛው የብሔር ጥያቄ እንደሚመለስ ተገንዝበው በብሔረሰቦች መካከል ጠብ ከመፍጠርና ሀገርን ከማጥላላት ፖለቲካ ቢርቁ ጥሩ ነው። የችግሩን መንስዔና መፍትሔ በትክክል አገናዝበው፣ ሕዝብን ከማጥላላት፣ እርስ በእርስ ከማጋጨት እና ከፍረጃ ርቀው ለገጠርና ከተማ ፍትሐዊ የሀብትና ልማት ተጠቃሚነት፣ ለኢትዮጵያ ባህሎች መከበር፣ ለባህል ዕድገት፣ ለሀገራዊ ዕውቀቶች መዳበር፣ ለባህላዊ ቁሣቁሶችና ምርቶች መበልፀግ ወዘተ፣ ለኢትዮጵያዊነት ክብር፣ ለታሪኳ ከጥላቻና ከተሳሳተ ትርክት መራቅ፣ ለኢትዮጵያ በአስተሳሰብ እና በዕውቀት እራሷን መቻል ወዘተ. ቢሠሩ ጥሩ ነው።

Leave a Reply

Your email address will not be published.

Previous Story

ትንሿ ምሳር ወይም ጥልቆ ትልቁን የኮሶ ዛፍ ገዝግዛ ትጥላለች! – አገሬ አዲስ

Next Story

እንዳንደናገር እንጠንቀቅ፣ – ክገብረ አማኑኤል

Latest from Blog

አትዮጵያ ያን ዕለት

ግም ሞት 20’ 1983 .ዓ.ም. ለህወሀት /ኢህአዴግ ልደት ለኢትዮጵያ እና ለብዙዉ ኢትዮጵያዉያን የዉድቀት ፣ጥልመት እና ሞት ዕለት መሆኑን ያ ለሁለት አሰርተ ዓመታት ከፍተኛ ዕልቂት እና ደም መፋሰስ የነበረበት ጦርነት አዲስ አበባ በደም

አቢይ አህመድ ታላቁን አሜሪካንና የተቀሩትን የምዕራብ ካፒታሊስት አገሮችን ማታለል ይችላል ወይ? የአሜሪካ “ብሄራዊ ጥቅምስ ኢትዮጵያ ውስጥ“ እንዴት ይጠበቃል? የአሜሪካ እሴቶችስ(Values) ምንድን ናቸው?

ለመሳይ መኮንና ለተጋባዡ የቀድሞ “ከፍተኛ  ኢትዮጵያዊ ዲፕሎማት” በአሁኑ ወቅት በአሜሪካን የስቴት ዴፓርትሜንት ውስጥ ተቀጥሮ ለሚስራው ኢትዮጵያዊ ሰው የተሰጠ ምላሽ!   ፈቃዱ በቀለ(ዶ/ር) ግንቦት 19፣ 2016(ግንቦት 27፣ 2024) መሳይ መኮንን በአ.አ በ17.05.2024 ዓ.ም አንድ እሱ  የቀድሞው “ከፍተኛ የኢትዮጵያ

ጎንደር ሞርታሩን እስከ ጄነራሉ ተማረከ | ይልማ ምስጢሩን አወጣ “ብርሃኑ ከሸ-ኔ ጋር በድብቅ ይሰራል” | ብይ ክዶናል ለፋኖ እጅ ለመስጠት ዝግጁ ነን

ይልማ ምስጢሩን አወጣ “ብርሃኑ ከሸ-ኔ ጋር በድብቅ ይሰራል” | “ፋኖ ከተማውን ቢቆ-ጣ-ጠር ይሻላል” ከንቲባው |“አብይ ክዶናል ለፋኖ እጅ ለመስጠት ዝግጁ ነን” ኮ/ሉ |“በድ-ሮን እንመ-ታችኋለን እጅ እንዳትሰጡ” ጄ/ሉ
Go toTop