የጭራቅ አሕመድ ጭራቃዊ ስሌት፤ እውን ኦሮሞ ብዙሃን ነው? – መስፍን አረጋ

Untitled design 33የዚህ ጦማር ዓላማ የአማራ ሕዝብ ቁጥር የኦሮሞን ይቅርና የኦሮሞንና የትግሬን ድምር ቁጥር በሚሊዮኖች እንደሚበልጥ በግርድፍ ስሌት (back of the envelope calculation) ማሳየት ነው፡፡  በኦሮምኛ ስለተሰየመ ብቻ ኦሮሞ ሳይሆን ኦሮሞ ነው የሚባለውን ሰፊ አልኦሮሞ (non-Oromo) ሕዝብ ከስሌት ውስጥ ካስገባነው ደግሞ አውነተኛው ኦሮሞ ቁጥሩ እጅግ አነስተኛ የሆነ ህዳጣን (minority) መሆኑን በማሳየት የጭራቅ አሕመድን ዓይን ያወጣ ውሸት ማጋለጥ ነው፡፡  እግረ መንገዱን ደግሞ ጭራቅ አሕመድ ሆን ብሎ በሚፈጥራቸው የጦርነት፣ የመፈናቀልና የርሐብ ቀውሶች የአማራን ሕዘብ እንደ ቅጠል በማርገፍ ኦሮሞን ብዙሃን ለማድረግ ተግቶ እየሠራ መሆኑንና፣ ጭራቁ በፍጥነት ጨርቅ ካልተደረገ ጭራቃዊ ዓላማውን ማሳካቱ አይቀሬ መሆኑን ለማስገንዘብ ነው፡፡

289657069 1443797642739351 1345654371750229589 n 1
መንደርደርያ
የሉባው ሠራዊት የገዳው ኦሮሞ
ሐበሻን ሲያገኘው በግራኝ ተዳክሞ
ጨለማ ተላብሶ እያረደ አጋድሞ፣
ባበሻ ምድር ላይ በያቅጣጫው ተሞ
የተንሰራፋ ነው እንደ አረማሞ፡፡
በጦቢያ ምድር ላይ ከጣና እስከ ጫሞ
በኦሮምኛ ቃል ያለ ተሰይሞ
ከመስፋፋት በፊት ሁሉም አስቀድሞ
አይደለም ኦሮሞ ወይም የኦሮሞ፡፡ 
 

በስሙ ቢባልም ኤጀርሳ፣ ኤለሞ
በደሙ ያልሆነ ሐበሻና ጋሞ
እንዲሁም ወላይታ፣ ሐድያ ሲዳሞ
እስኪ ተናገሩ የቱ ነው ኦሮሞ?
 
የጭራቅ አሕመድ ጭራቃዊ ስሌት

ዓይኑን በጨው አጥቦ መዋሸት የማይታክተው፣ አፉና ምግባሩ ሐራምባና ቆቦ የሆነው፣ የኦነጉ ኦቦ ጭራቅ አሕመድ፣ ብዙሃን ያልሆነውን ኦሮሞ ብዙሃን ለማስባል በተለያዩ ጊዜወች የተለያዩ ቅጥፈቶችን ቀጥፏል፡፡  ከነዚህ ቅጥፈቶች ውስጥ ደግሞ አሮሞ በቁጥር ካፍሪቃ አንደኛ ነው ሲል በድምጽና በምስል የተቀረጸውና፣ ከቅርብ ቀናት በፊት ደግሞ ሸንጎ ላይ ቀርቦ ምንም መረጃ ሳያቀርብ ኦሮሞ 35% ነው በማለት በይፋ የተናገረው ይገኙበታል፡፡

ጭራቅ አሕመድ ኦሮሞ 35% ነው ሲል በትክክል ለማለት የፈለገው እኛ ኦሮሞወች በከፍተኛ ደረጃ ብዙሃን ስንሆን፣ የቀራችሁት ሁላችሁም ንዑሳን ናችሁ፣ ስለዚህም ወደዳችሁም ጠላችሁም በኛ በብዙሃን ሥር ትተዳደራላችሁ ነው፡፡  ጭራቅ አሕመድ ‹ኦሮሞ አላግባብ ስልጣን ይዞ ከሆነ ከኔ ጀምሮ እንጠየቅ›› ሲል፣ በትክክል ለማለት የፈለገው በጉምሩክ፣ በፋይናንስ፣ በአስተዳደር፣ በደህንነትና በመከላከያ ሁሉንም ቁልፍ ቦታወች እኞ ኦሮሞወች መያዛችን አይግረማችሁ ቢያንስብን እንጅ አይበዛብንም ነው፡፡

ጭራቅ አሕመድ ይህን ሁሉ ቅጥፈት የሚቀጥፈው የጦቢያ ብዙሃን ኦሮሞ ሳይሆን አማራ እንደሆነ እያወቀና በተለያዩ ዘዴወች የአማራን ቁጥር ቀንሶ ኦሮሞን ቁጥር በመጨመር ኦሮሞን ብዙሃን ለማድረግ የቻለውን ሁሉ እያደረገ ባለበት ጊዜ ነው፡፡  ጭራቅ አሕመድ ስልጣን ላይ ከወጣበት ዕለት ጀምሮ የአልኦሮሞ ጦቢያውያንን (የአማራን፣ የትግሬን፣ የሱማሌን፣ የጌድኦን፣ የወላይታን ወዘተ) ቁጥር በከፍተኛ ደረጃ የሚቀንሱ ቀውሶችን (መፈናቀሎችን፣ ጭፍጨፋወችን፣ ርስበርስ ጦርነቶችን፣ ርሐብን ወዘተ.) ሆን ብሎ ፈጥሯል፡፡  በተለይም ደግሞ የሐበሻን (የአማራና የትግሬን) ቁጥር በተመለከተ አንዴ ካማራ ጋር ሌላ ጊዜ ደግሞ ከትግሬ ጋር የወገነ እየመሰለ ርስበርሳቸው ተጨፋጭፈው እንዲጨራረሱና በሽናሻ ደረጃ ንዑሳኖች እንዲሆኑ የቻለውን ሁሉ አድርጓል እያደረገም ይገኛል፡፡

“የኦሮሞን” ቁጥር ባፋጣኝ ለመጨመር ደግሞ መታወቂያ የሌላቸውን አልኦሮሞወች (በተለይም ደግሞ ወጣት ችግረኞችን) በኦሮሞ ስም መታወቂያ በመስጠት፣ መታወቂያቸውን ለመሳደስ የሚሄዱትን ደግሞ ስማችሁን ወደ ኦሮሞ ካልለወጣችሁ አላድስላችሁም በማለት “ኦሮሞወችን” በሁሉም ዋና ዋና ከተሞች (በተለይም ደግሞ ባዲሳባ) ላይ ብዙሃን ለማድረግ በከፍተኛ ትጋት እየሰራ ይገኛል፡፡

በሁሉም የኢትዮጵያ ክልሎች ላይ የሚፈናቀሉት፣ የሚራቡት፣ የሚጨፈጨፉት እንዲሁም በርስበርስ ጦርነት የሚያልቁት አልኦሮሞወች በተለይም ደግሞ ሐበሾች (አማሮችና ትግሬወች) ብቻ ናቸው፡፡  ጭራቅ አሕመድ ቀውሶችን ሥራየ ብሎ የሚያቅናበራቸው ኦሮሞወች ናቸው የሚባሉት ሰወች የቀውሶቹ ሰለባ እንዳይሆኑ ከፍተኛ ጥንቃቄ እያደረገ በጭራቃዊ ስሌት ነው፡፡   በዚህም ምክኒያት በጭራቅ አሕመድ የስልጣን ዘመን የሐበሻ (በተለይም ደግሞ የአማራ) ቁጥር በሚሊዮኖች ሲቀንስ፣  ኦሮሞ ነው የሚባለው ሕዝብ ቁጥር ደግሞ በከፍተኛ ደረጃ እንደጨመረ ግልጽ ነው፡፡

ይህ ኦነጋዊ ጭራቅ ባፋጣኝ ካልተወገደ ደግሞ፣ በተለያዩ ጊዜወች ሥራየ ብሎ በሚፈጥራቸው የተለያዩ ቀውሶች አማካኝነት የአልኦሮሞወች ቁጥር እየቀነሰ፣ የኦሮሞ ተብየወች ቁጥር እየጨመረ ይሄድና፣ ከተወሰነ ጊዜ በኋላ እንደ ጭራቁ ምኞት ኦሮሞ ተብየው ሕዝብ ብዙሃን ይሆናል፡፡

አሁን ላይ ግን ጭራቅ አሕመድ ኦሮሞ ብዙሃን ነው ሲል፣ የተለመደውን ቅጥፈቱን እየቀጠፈ ነው፡፡  የዚህ ጦማር ዓላማ ደግሞ የኢትዮጵያ ብዙሃን አማራ እንጅ ኦሮሞ እንዳልሆነና፣ የአማራ ቁጥር የኦሮሞን ቁጥር በሚሊዮኖች እንደሚበልጥ ማሳየት ነው፡፡

እውን አሮሞ ብዙሃን ነው?

አማራ ማለት በመላ ጦቢያ ላይ ተሰራጭቶ የሚኖር ራሱን አማራ ነኝ የሚል ጦቢያዊ ማለት ነው፡፡  በዚህ ብያኔ (definition) መሠረት አማራ በጦቢያ ውስጥ በሕዝብ ቁጥር አንደኛ ብቻ ሳይሆን ሁለተኛ ነው የሚባለውን ኦሮሞን በሚሊዮኖች እንደሚበልጥ ከዚህ በታች እንመለከታለን፡፡  አማራነቱን በጉዲፈቻነትና በሞጋሳነት ተቀምቶ አማራ መሆኑን የማያውቀውን ባስር ሚሊዮኖች የሚቆጠረውን ሕዝብ ሳይጨምር እንኳን የአማራ ሕዝብ በከፍተኛ ደረጃ የኢትዮጵያ ብዙሃን (majority) ሲሆን፣ ኦሮሞ ደግሞ ከንዑሳኖች (minorities) ውስጥ አንዱ ነው፡፡  መሆኑን ደግሞ በዝርዝር እንመልከት፡፡

  • ኦሮምያ በሚባለው ልቦለዳዊ ክልል ውስጥ የትላልቆቹ ከተሞች ከተሜወች አብዛኞቹ አልኦሮሞወች(non-oromo) በተለይም ደግሞ አማሮች ናቸው፡፡
  • ባዲሳባ ከከተመው ኦሮሞ ውስጥ አብዛኛው በኦነጋዊ ሹሞች አድሏዊ ትብብር በወያኔና በኦነግ ዘመን የከተመ የቅርብ ሰፋሪ ነው፡፡  እንዲህም ሆኖ ባዲሳባ የሚኖረው ኦሮሞ ጠቅላላ ቁጥር ባንጻራዊ ደረጃ ሲታይ ኢምንት ነው፡፡  በሌላ አባባል አዲሳባ ውስጥ ኦሮሞ አናሳወይም ህዳጣን ነው፡፡    በተቃራኒ ደግሞ ካዲሳባ ሕዝብ ውስጥ ቢያንስ ቢያንስ 60% አማራ ነው፡፡  ናዝሬት፣ ደብረዘይት፣ ሐረር፣ ድሬድዋ፣ ጅማ፣ አጋሮ በመሳሰሉት ከተሞችም እንደዚሁ፡፡
  • ያማራ ቁጥር እንጦሮንጦስ ወርዶ የኦሮሞ ቁጥር ሰማይ የነካው በወያኔ ዘመን ነው፡፡  ወያኔ ደግሞ የሐብትና የንብረት ብቻ ሳይሆን፣ የታሪክ እና የቁጥር ሌባ መሆኑን መናገር አያስፈልግም፡፡  ማጋነን ሲሻ የትግራይ ሕዝብ ይሄን ያህል ነው፣ ሐውዜን ላይ ይሄን ያህል ተጨፈጨፈ፣ አይደር ላይ ይሄን ያህል አለቀ፣ ከጎንደር ይሄን ያህል ትግሬ ተፈናቀለ እያለ የሚያጋንን፣ ማሳነስ ሲሻ ደግሞ ከሰባት ሚሊዮን በላይ የሚገመተውን አዲሳቤ በግማሽ የሚጎመድ፣ ሲዋሽ ዓይኑን የማያሽ፣ በሐሰት ትርክት ተፈጥሮ በሐሰት ለሐሰት የሚኖር ሐሳዊ ድርጅት ነው፡፡
  • ኦሮምያ የተሰኘው ካማራ፣ ከጉራጌ፣ ከወላይታ፣ ከጉጅ፣ ከሱማሌ ወዘተ. በተነጠቁ መሬቶች አለቅጥ የሰፋው ኢፍትሐዊ ክልል በሕዝብ ቁጥር አንደኛ ሊሆን ይችላል፣ ለዚያውም ከሆነ፡፡  ይህ ማለት ግን ኦሮሞ በቁጥር አንደኛ ነው ማለት አይደለም፡፡   የኦነጋውያን ጥረት ግን እነዚህን እየቅል እውነታወች ማምታታ ነው፡፡  ጥረታቸው ደግሞ በሰፊው ተሳክቶላቸው አብዛኛውን ጦቢያዊ ለማምታታት ችለዋል፡፡
  • ስለዚህም የጦቢያውያን (በተለይም ደግሞ ያማሮች) የመጀመርያ ሥራ መሆን ያለበት የኦነጋውያንን የቁጥር ቅጥፈት በመረጃ ሰይፍ መቅጠፍ ነው፡፡ ኦሮምያ በሕዝብ ቁጥር አንደኛ ነው ማለት፣ ኦሮሞ በሕዝብ ቁጥር አንደኛ ነው ማለት አይደለም፡፡ አለመሆኑን ደግሞ እንመልከት፡፡ 
  • በጎጠኞቹ በወያኔና በኦነግ እየተመራ ፀራማራ አጀንዳ የሚያራምደውን የማዕከላዊ ስታቲስቲክስ ድርጅት (Central Statistical Agency) በማጣቀስ (June 4, 2018) ዊኪፒዲያ (wikipidea) እንዳስቀመጠው፣ በ 2009 ዓ.ም ላይ የአማራ ክልል ሕዝብ በግምት 22 ሚሊዮን ሲሆን፣ የኦሮሞ ክልል ሕዝብ ደግሞ በግምት 35 ሚሊዮን ነው፡፡ይህ መረጃ ደግሞ ያማራ ክልልን ሕዝብ እጅግ አሳንሶ የኦሮሞ ክልልን ሕዝብ እጅግ ያበዛ የውሸት መረጃ እንደሆነ ጥርጥር የለውም፡፡  ላሁኑ ግን ውሸቱን እንዳለ እንቀበለውና ስሌቶችን እናስላ፡፡
  • በስታቲስቲክ ድርጅት መረጃ መሠረት፣ ካማራ ክልል ሕዝብ ውስጥ 91% አማራ ነው፡፡  ስለዚህም ባማራ ክልል ውስጥ ቢያንስ ቢያንስ 20 (= 22 × 0.91%)ሚሊዮን አማራ ይናራል ማለት ነው፡፡
  • አዲሳባን ሳይጨምር ካማራ ክልል ውጭ ቢያንስ ቢያንስ 15 ሚሊዮን አማራ ይኖራል ተብሎ ይገመታል፡፡  ላማራ ጥቅም ይቆማል ተብሎ የማይታማው የግንቦት ሰባቱ ነአምን ዘለቀደግሞ ቁጥሩን በ 12 ሚሊዮን ይገምተዋል፡፡  የማይታመነውን ነዐምንን ላሁኑ እንመነውና ካማራ ክልል ውጭ (አዲሳባን ሳይጨምር) የሚኖረው አማራ 12 ሚሊዮን ነው እንበል፡፡  ከነዚህ 12 ሚሊዮን አማሮች ውስጥ ደግሞ ጭራቅ አሕመድ በተለያዩ ጭራቃዊ ቀውሶች አማካኝነት 2 ሚሊዮኖቹን አጥፍቷቸዋል እንበል፡፡  ስለዚህም አዲሳባን ሳይጨምር በሁሉም ክልሎችና በድሬዳዋ ልዩ ዞን ውስጥ የሚኖረው አማራ 30 (= 20 + 10) ሚሊዮን ገደማ ነው ማለት ነው፡፡
  • በ 2009 ዓ.ም ላይ የአዲስ አበባ ሕዝብ በግምት 7.5 ሚሊዮን ነው፡፡  ስለዚህ ያዴሳቤ አማራ ቁጥር ቢያንስ ቢያንስ 4.5 (= 7.5 × 60%)ሚሊዮን ነው ማለት ነው፡፡  ስለዚህም በጦቢያ የሚኖረው አማራ ቁጥር 36.5 (= 32 + 4.5) ሚሊዮን ገደማ ነው ማለት ነው፡፡
  • ካማራ ክልል ውጭ (አዲሳባን ሳይጨምር) ከሚኖረው 10 ሚሊዮን አማራ ውስጥ ቢያንስ ቢያንስ ግማሹ (ማለትም 5 ሚሊዮኑ) ኦሮሚያ ክልል ውስጥ ይኖራል እንበል፡፡  ይህ ደግሞ በኦሮሚያ ክልል ውስጥ የሚኖረውን አልአማራ (non-Amhara) (ማለትም አሮሞ፣ ጉራጌ፣ ትግሬ ወዘተ.) ጠቅላላ ቁጠር ወደ 30 (= 35 – 5) ሚሊዮን ያወርደዋል፡፡
  • በተለያዩ ምክኒያቶች ኦሮሞ ከኦሮምያ ክልል ውጭ እምብዛም አይኖርም፡፡ ስለዚህም በኦሮምያ ክልል ውስጥ የሚኖሩ አልአማራ አልኦሮሞወች (non-Amhara non-Oromos) (ማለትም አማራም ኦሮሞም ያልሆኑ ሰወች በተለይም ደግሞ ጉራጌወች፣ ትግሬወች፣ ሱማሌወች፣ ወላይታወች፣ ጌድኦወች ወዘተ.) ቁጥር፣ ከኦሮምያ ክልል ውጭ ከሚኖሩ ኦሮሞወች ቁጥር በጣም እንደሚበልጥ ግልጽ ነው፡፡  ይሁንና የመጀመርያው ቁጥር ከሁለተኛው ቁጥር ጋር እኩል ነው እንበልና፣ ከኦሮምያ ውጭ የሚኖረውን የኦሮሞ ቁጥር እንዲያካክስልን እናድርግ፡፡  በሌላ አባባል በኦሮምያ ውስጥ የሚገኙ ኦሮሞም አማራም ያልሆኑ ጦቢያውያን ቁጥር ከኦሮሚያ ውጭ ከሚኖሩ ኦሮሞወች ቁጥር ጋር እኩል ነው እንበል፡፡   ስለዚህም በድፍን ጦቢያ ውስጥ የሚኖረው የኦሮሞ ቁጥር እጅግ ሲበዛ በዛ ቢባል 30 ሚሊዮን ገደማ ነው ማለት ነው፡፡
  • በሌላ በኩል ደግሞ በድፍን ጦቢያ ውስጥ የሚኖረው አማራ ቁጥር 37 ሚሊዮን ገደማ እንደሆነ በቁጥር (9) ላይ ተመልክተናል፡፡  ስለዚህም የአማራ ሕዝብ ኦሮሞ ነው የሚባለውን ሕዝብ ቢያንስ ቢያንስ በ 7 ሚሊዮን ይበልጠዋል ማለት ነው፡፡
  • አማራ ኦሮሞን ቢያንስ ቢያነስ በ 7 ሚሊዮን ይበልጣል ያልነው፣  የአማራ ክልል ሕዝብ በግምት 22 ሚሊዮን ሲሆን፣ የኦሮሞ ክልል ሕዝብ ደግሞ በግምት 35 ሚሊዮን ነው የሚለውን በተራ ቁጥር (6) ላይ የተገለጸውን የወያኔ መረጃ መሠረት በማድረግ ነው፡፡  ስለዚህም የግርድፍ ስሌታችንን (approximate calculation) በፀራማራው በወያኔ መረጃ ሳይሆን፣ በትክክለኛ መረጃ መሠረት ብናደርግ ኖሮ ያማራ ቁጥር 40 ሚሊዮኖች ውስጥ ሲሆን፣ የኦሮሞ ቁጥር ደግሞ ከ 25 ሚሊዮን ባልዘለለ ነበር፡፡  ስለዚህም ያማራ ሕዝብ የኦሮሞን ሕዝብ የሚበልጠው በአሥር ሚሊዮኖች ነው ማለት ነው፡፡
  • ያማራ ቁጥር 37 ሚሊዮን ነው፣ የኦሮሞ ቁጥር 30 ሚሊዮን ነው፣ የትግሬ ቁጥር ደግሞ 6 ሚሊዮን ገደማ ነው (የወልቃይትንና የራያን አማሮች ቁጥር ሳንቀንስ)፡፡  ስለዚህም ኦሮሞ ብቻውን ይቅርና ኦሮሞና ትግሬ ቢደመሩ እንኳን (30 + 6 = 35) አማራን አያህሉም ማለት ነው፡፡
  • በመሠረቱ አማራ ኦሮሞን በሚሊዮኖች እንደሚበልጥ ለመረዳት ሕዝብ ቆጠራም ሆነ ሌላ ዓይነት ስሌት አያስፈልግም፡፡  ጎንደር፣ ጎጃም፣ ወሎና ሸዋ አርብቶ አደር የማይኖርባቸው፣ አርሶ አደሩ የበሬ ግንባር  በሚያህሉ ርስቶች እጅግ ሲበዛ የተጨናነቀባቸው፣ ተራራው፣ ሸለቆው ሳይቀር ሁሉም የሚታረስባቸው ሰፋፊ ክፍለ ሀገሮች ናቸው፡፡  በሌላ በኩል ደግሞ ባሌ፣ ወለጋ፣ ከፋና፣ ኤሊባቡር ባብዛኛው ጠፍ መሬቶች ናቸው፡፡  በደርግ ጊዜ ሰፋፊ የምንግሥት እርሻወች የተተከሉባቸው፣ በወያኔ ጊዜ ደግሞ ለአበባ እርሻወች የተቸበቸቡት ከነዚህ ጠፍ መሬቶች እየተቆረሱ ነው፡፡  እነዚህ ክፍለ ሀገሮች በቂ ሰው ስሌላቸው አርሶ አደሮቻቸው ቡናቸውን የሚያስለቅሙት፣ ምርቶታቸውን የሚያስሰበስቡት፣ የራሳቸውን ኩርማን መሬት አርሰው ከጨረሱ በኋላ ከወሎና ከጎጃም በሚመጡ በንቀት አጠራር ጎጀ እየተባሉ በሚጠሩ (ኩሊ ለማለት ነው) ጊዜያዊ ሠራተኞች ነው፡፡  ኦሮሞወች በተወሰነ ደረጃ ተጠጋግተው የሚኖሩባቸው ምሥራቅ ሸዋ፣ ምዕራብ ሸዋና አሩሲ ሲሆኑ፣ እነሱም ቢሆኑ የሕዝብ ጭፍቀታቸው (population density) (ማለትም የሕዝብ ትፍፍጋቸው) ካማራ ክፍለ ሀገሮች የሕዝብ ጭፍቀት አንጻር ኢምንት ነው፡፡
  • ስለዚህም ቁጥሩ ሚሊዮን የማይደርሰው ትክክለኛው የቦረና አሮሞ ይቅርና አሮሞ ነው የሚባለው የሞጋሳና የጉዲፈቻ ውጤት የሆነው ሰፊ ሕዝብ እንኳን ከአማራ ሕዝብ ቁጥር በ 10 ሚሊዮን ገደማ ያነሰ ነው፡፡  የጭራቅ አህመድ የኦሮሞ ብዙሃንነት እስከዚህ ድረስ ነው፡፡

 

መስፍን አረጋ

mesfin.arega@gmail.com

5 Comments

  1. When you imagine what Abiy Ahmed is doing to the Oromo people by unwarrantedly attacking others, you wonder if he is a friend of the Oromo people or their enemy I am sure the Oromo people asked nobody to kill or lie on their behalf. Did Tigrayans really benefit from the evil policies and politics of Meles Zenawi?

    Asa gorguari zendo yaweTal, yesew felaghi yerasun yaTAl.

  2. ፕሮፍ በዚህ ስሌትህ ለኦሮሞ ያደላህ መሰለኝ ከዚህ በፊት በእንተ ሊቀ ሊቃውንት ዩተመዘገበ ድርሳን መረጃ አጣቅሶ ባስነበበን ጽሁፍ የኦሮሞ ነገድ ቢበዛ 5% እንደሆነ ነው ነጋሶ ጊዳዳን ብርሀኑ ጁላን ጨምሮ ኦሮሞ አይደሉም። እየተበራከተ በመጣው አስገድዶ ሀይማኖትና ነገድን ማስቀየር አብዝቶ ብዛታቸውን በማስነገር እዚህ ተደርሷል አንድ የDNA ማሽን ገዝቶ ያዙኝ ልቀቁኝ ኦሮሞ ሳይሆን ኦሮሞ ካልሆንኩ የሚለውን ከአብይ አህመድ ጀምሮ ብታስመረምረው ልኩን አውቆ ይሰበሰብ ነበር።

  3. አረመኔው አብይ አህመድ ወደ ስልጣን ሲመጣ በ27 አመታቱ የወያኔ ዘረኛና መርዘኛ አገዛዝ ተንግፍግፎ የነበረው የአማራው ህዝብ ነበር በአንደኛ ደረጃ “ሆ ብሎ” ለአብይ አህመድ ደስታውንና ድጋፉን የገለጸው፡፡ ደስታውን መግለጽ ብቻ ሳይሆን ከጎኑም ቆሞ ነበር፡፡በአማራው ክልልና የመንደር ከተሞች ሳይቀር አማራው የድጋፍ ሰልፍ በመውጣት (የአሁኑን አያድርገውና) ድጋፉን ለአውሬው አብይ አህመድ ሰጥቶት ነበር፡፤
    ያኔ ያ ሁሉ ሲሆን በኦሮምያ ክልል አንድም የድጋፍ ሰልፍም ሆነ የደስታ መግለጫ ለአብይ አልተሰጠውም ነበር፡፡
    አብይ ስልጣን ላይ በወጣ ማግስት ጀምሮ አማራውን ፈርቶም ጠልቶም ክፉኛ አቄመበት፡፡ ትንሽ ቆይቶም አማራን የማስጨፍጨፍ ዘመቻ ውስጥ ገባ፡፡ የአማራ ውድ ልጆች የነበሩት እነ ጀኔራል አሳምነው ጽጌና ዶ/ር አምባቸው መኮንንና …ወዘተ ሌሎችም ቀጥታ በአብይ አህመድ ትእዛዝ ነው የትገደሉት፡፡ አብይ በአማራ ክልል ይህንኑ የሚያስፈጽሙለት ሆዳም አማራወችን በስፋት አሰማራ፡፤ እነዚሁ ሆድ አደሮችና ትርፍ አንጀቶች ብአደን በሚል የጨነገፈ ፓርቲ ውስጥ ተጠልለውና በገዛ ወገኖቻቸው ላይ የኦሮሙማ አሽከር ሆነው አማራውን እስካሁን ድረስ እያስጨፈጨፉት ይገኛሉ፡፡
    ወደ ርእሱ ልመለስና አብይ አህመድ ልክ እንደ አለቃው መለስ ዜናዊ አማራውን ከልቡ መጥላት ብቻ ሳይሆን ከልቡ ይፈራዋል፡፡ ስለዚህ የአማራው ጠንክሮና አንድ ሆኖ ተደራጅቶ የነቃ ህዝብ እንዲሆን ፈጽሞ አይፈቅድም፡፡ ይህም እውነታ አብይ በስልጣኑ እስከቀጠለ ድረስ የስልጣኑ ማስቀጠያ ዋና ስታራቴጅ አድርጎ የነደፈው ስለሆነ ወደፊትም ይቀጥልበታል፡፡ የሰሞኑ የፓርላማ ድንፋታውና በወለጋም በእርሱ ቀጥተኛ ትእዛዝ በ3000 አማራወች ላይ የተፈጸመው የሰሞኑ አሳዛኝና ልብ የሚሰብር ጭፍጨፋ የሰውየውን የአረመኔንት ልክና የዘቀጠ ስብእናን የተላበሰ ሰው መሆኑን ማሳያወች ናቸው፡፡
    ዘግናኙን የወለጋ አማራወች ጭፍጨፋ በሚመለከት ድርጊቱን የፈጸመው አብይ አህመድ ኦነግ ሸኔ ነው ሲል የኦነጉ ጃል መሮ በበኡሉ ደግሞ አብይ ራሱ ያቋቋመው ሸኔ ነው ብሏል፡፡ በሁለቱም በኩል ያልተካደው አበይት ነገር ግን እየታደነ የተጨፈጨፈው አማራ መሆኑ ነው፡፡
    ወያኔወች ባዋቀሩት አገዛዝ ለበጀት ድልድልና ድጎማ እንደዚሁም የድምጽ ቆጠራን መሰረት አድርገው ለሚፈጸሙ ውሳኔወችና የውክልና ጥያቄወች ይረዳቸው ዘንድ ሆን ብለው የአማራው ህዝብ ቁጥር እጅግ አንሶ እንዲመዘገብና ይሄውም ወደትግበራ እንዲገባ አድርገው 27 አመት ሙሉ ተጠቅመውበታል፡፤ አብይ አሁንም ይህንኑ አላግባብ የሆነ አሰራር ቀጥሎበታል፡፡ ይህንኑ ለመቃወም የአማራ የቁርጥ ቀን ልጆች አንዱ ጥያቄያቸው የነበረው ትክክለኛና ተአማኒነት ያለው ብሄራዊ የህዝብ ቆጠራ ተድርጎ እውነቱ ይውጣና ይረጋገጥ የሚል ነበር፡፤ በወያኔ ጊዜ ይህ እንዲሆን እንዳልተፈለገ ሁሉ አሁንም ይህ ትክክለኛ የህዝብ ቆጠራ እንድድረግ ተረኛው የኦሮሙማ አገዛዝም አልፈቀደም፡፡
    በኢትዮጵያ ውስጥ አማራው ነው ወይንስ ኦሮሞው ሰፊ የህዝብ ቁጥር ያለው ለሚለው ወሳኝ ጥያቄ አጭሩ መልስ አማራው ኦሮሞውን በዕጥፍ ይበልጠዋል ነው መልሱ፡፡
    ይህንኑ እውነታ ቀደም ሲል ከእብሪተኞቹ ወያኔወችና አሁን ደግሞ ከተረኞቹ ኦሮሙማውች በስተቀር የትግራይና የኦሮሞ ስፊ ህዝብን ጨምሮ መላው የኢትዮጵያ ህዝብ በሙሉ የሚያውቀው ሀቅ ነው፡፤ ይህም እውነታ አሁንም መሬት ላይ ያለና ትክክለኛ፣ተአማኒ የሆነና የውጭ ታዛቢወች ጭምር ያሉበት ብሄራዊ የህዝብ ቆጠራ ተደርጎና ቆጠራው በገሀድ ይፋ ሆኖ ሊረጋገጥ የሚችል እውነታ ነው፡፡
    እናስ አብይ አህመድና ተረኞቹ የኦሮሞ አክራሪወች(ኦሮሙማወች) ፋላጭ ቆራጭ የሆኑበት ግትልትሉ የብልጽግና ስብስብ፦ ምን መልስ አላችሁ???

  4. ለእኔ ትልቁ ጥያቄ ኦሮሞ በቁጥር አነሰ በዛ : አማራ ጨመረ ቀነሰ : ትግሬ በሕዝብ ቁጥር ጎለበተ ወይም ሟሸሸ ሳይሆን ኢትዮጵያውያንነትን አጠናከረ ወይስ አዳከመ ነው:: ኢትዮጵያውዊነትን ንቆ በጎሳ ወይም በብሔርኝነት ማንነቴ ይታወቅ የሚል ሁሉ በአንድ በጎሰኝነትና በፅንፈኝነት ሙቀጫ ገብቶ መወቀጥ ያለበት ነው:: እነዝያን የትግራይ የኦሮሞና የአማራን ደሃ ኢትዮጵያውያንን ሕዝብ ደም የሚያፋስሱ ተባዮችን ማንኳሰስ ትተህ አቢይ አህመድን ጭራቅ ማለትህ ምን ያህል ተውሳክ እንደሆንክ ያሳያል:: ኧረ ለመሆኑ አቢይ አህመድን ጭራቅ ስትል እስከዛሬ ድረስ ከጎሰኝነትና ፅንፈኝነት ውጭ ለኢትዮጵያ ሕዝብ ደህንነትና ሰላም ያበረከትከው ቁም ነገር አለ? ይህ ነው በለኝና አርመኝ:: ግፋ ቢል ለእኔ መልስህ ቁም ነገር ያዘለ ሳይሆን የአቢይ …ዶት ዶት ዶት ብልግናህና ወራዳነትህን የሚያረጋግጥልኝ አስፀያፊ ስድብ ሊሆን ይችላል:: በጣም የሚያሳዝነው በዘ-ሐበሻም ሆነ በተለያዩ የኦንላይን መድረኮች ላይ ሃሳባቸውን የሚያቀርቡ ተማርን የሚሉ ኢትዮጵያውያን ምሁራን ሁላችንም እኩል አሸናፊ መሆን የምንችልበትን ሁኔታ ከማራመድ ይቅር የእኔ ወገን አሸናፊ ካልሆነና ሌላው የተረታ መሆን አለበት የሚል እሳቤ የሚያራምዱ ናቸው:: ጠ/ሚ ዶ/ር አቢይ አህመድን እንዴት እንደ ጭራቅ ቆጠርከው? ማንኛውም ሰውና ማንኛውም ሁኔታ በጭራቅ አይን ከታየ ጭራቅ መሆን እንደሚቻል መገንዘብ አልቻልክም ነበር? ይህም ማለት አንተ እራስህ ጭራቅ ነህ:: ምክንያቱም ጭራቅ የሚያየው በጭራቅ አይን ብቻ ነው:: እባክህን ለአቢይ አህመድ ባለህ ጥላቻ ሞት አፋፍ ላይ የተንጠለጠለችውን ሕይወትህን አታሰቃያት:: ወደድክም ጠላህ : ተቀበልክም አልተቀበልክም አቢይ አህመድን ኢትዮጵያ እንደመሪ ስላገኘች አምላክ ባርኳታል:: አንተና እኔ እናልፋለን:: አቢይ አህመድ ወጣት ስለሆነ ግን ከእኛ በሗላ አስደናቂ ታሪክ በኢትዮጵያ ሰርቶ እንደሚያልፍ ጥርጥር የለኝም:: ምክንያቱም አንተና እኔ የበሰበሰና የሻገተ አመለካከት ይዘን ያደግን ስለሆንን የአስተሳሰብ ለውጥ ለማድረግና የዛሬውን ሃቅ ለመቀበል ፈቃደኞች አይደለንም:: አይ ጉዴ! በእድሜ የገፋሁ ብሆንም ራሴን ከአንተጋር አመሳሰልኩ? መቼም በእድሜ ብገፋም እኔ ሁኔታውን አመዛዝኜ ቸሩ መድኃኔዓለም ይህንን እድሜ ሰጥቶኝ የአደኩበትን ባህልና ወግ ሳልረሳ ከልጅ ልጆቼ ጋር በሃሳብ ተግባብቼና ተጣጥሜ በመኖሬ አንተን ከኔ እኩል ማድረጌ ለእራሴም ውርደት ነው:: ሃቀኛ ሰው ሌላው የሰራውን እያደነቀ ሂስ ያቀርባል እንጂ ሰውን ከጭራቅ ጋር አያወዳድርም:: ለወራዳነትህ እየፀለይኩ አንተንም እንዳንተ በመናገሬ ራሴን በማዋረዴ ለእራሴም እፀልያለሁ:: ፈጣሪያችን ሁላችንንም ይማረን!!

  5. Almaz Ashenafi
    በዘሩ ተደራጅቶ በዘረኝነት ጥርሱን የነቀለውን እንዴት አድርገሽ/ህ እንዴት አድርገህ/ሽ ኢትዮጵያዊነትን ውስጣቸው ታሰርጻለህ/ሽ?

Leave a Reply

Your email address will not be published.

Abiy killer 1
Previous Story

ሲና ዘ ሙሴ : የኢትዮጵያ ዘውጋዊና ቋንቋዊ ሥርዓተ መንግሥት እሥካልተቀየረ ጊዜ ድረሥ፤ የንፁሃን እልቂት ይቀጥላል 

289657069 1443797642739351 1345654371750229589 n
Next Story

ኢትዮጵያ በወሳኝ የሽግግርና የታሪክ መታጠፊያ ምእራፍ ላይ: የአብይ አህመድ ስልጣን መልቀቅ አስፈላጊነት – ገለታው ዘለቀ

Latest from Blog

ህገ መንግስታዊ ዲዛይን ምርጫዎቻችን የትኞቹ ናቸው?

ኤፍሬም ማዴቦ (emadebo@gmail.com ) እኛ ኢትዮጵያዊያን እራሳችንን ስንገለጽ የረጂም ግዜ ሥልጣኔና ታሪክ ያለን፣በነጭ ያልተገዛን፣ከ2000 አመት በላይ ተከታታይ የመንግስት ሥርዓት ያለን፣የሦስቱ ዘመን ያስቆጠሩ አብርሃማዊ ሃይማኖቶች አገር ነን እያልን ነው። ነገር ግን ባለፉት ሃምሳ አመታት

የኢካን ዓላማ በኔዘርላንድ የሚኖረውን ትውልደ ኢትዮጵያውያንን እና ኢትዮጵያውያንን ኮምዩኒቲይ የማሰባሰብ ሳይሆን የመከፋፋልና የማዳከም ተልኮን ያነገበ ነው።

አገር ! ለየአንድ ሠው ቋንቋው፣ ልማዱ፣ ባሕሉ፣ እምነቱ፣ አስተሳሰቡ፣ ወጉና በአጠቃላይ እሱነቱና ማንነቱ የሚከበርበት ብቸኛ ሥፍራ ነው። ኢትዮጵያውያንም በስደት በሚኖሩባቸው አገራት ሁሉ እነኝህን በስደት ያጧቸውን የግልና የጋራ ማንነቶቻቸውን በአንድ ላይ ሆነው ለመዘከር

ፋኖ ምሽጉን ደረመሰው ድል ተሰማ | ” ስልጣን እለቃለሁ ” ፕረዚዳንቷ | ህዴድ ድብቅ ስብሰባ በአዲስ አበባ | “ተመስገንን በመዳፌ ስር አስገብቼዋለሁ” አብይ

-966+9-የኦህዴድ ድብቅ ስብሰባ በአዲስ አበባ “ተመስገንን በመዳፌ ስር አስገብቼዋለሁ” አብይ – ስልኩ ተጠለፈ “እኛ የምን’ዘጋጀው ለፋኖ ሳይሆን ለኤር-ትራ ነው” አበባው|”በጊዜ ቦታ አዘጋጁልኝ” አረጋ

አንድ በኢኮኖሚና በሌሎች ነገሮች ወደ ኋላ የቀረች አገር አንድን ኃያል መንግስት በመተማመንና ጥገኛ በመሆን ኢኮኖሚያዊ ዕድገትን ማምጣትና የተሟላ ነፃነትን መቀዳጀት ትችላለች ወይ?

ፈቃዱ በቀለ(ዶ/ር) ሰኔ 4፣ 2016 (ሰኔ 11፣ 2024)   በዚህ አርዕስት ላይ እንድጽፍ የገፋፋኝ ዋናው ምክንያት ሰሞኑኑ ዶ/ር ዮናስ ብሩ የቻይንንም ሆነ የቬትናምን በኢኮኖሚ ማደግ አስመልክቶ ሁለቱ አገሮች እዚህ ዐይነቱ የዕድገት ደረጃ ላይ ሊደርሱ የቻሉት ከአሜሪካ ጋር

ፋኖ አንድ ሌሊት አያሳድረንም” የአማራ ብልፅግናየኢሳያስ ግዙፍ ጦር ወደ ወልቃይት

ፋኖ አንድ ሌሊት አያሳድረንም” የአማራ ብልፅግናየኢሳያስ ግዙፍ ጦር ወደ ወልቃይት አብይና ዳንኤል ክብረት ጉድ አሰሙ-|ጀነራሉ በቁ*ጣ ተናገሩ-‘ህዝቡ ጉድ ሰራን’-|“ብልፅግናን ራ*ቁቱን አስቀርተነዋል”-|ታዳሚው ባለስልጣናቱን አፋጠጠ
Go toTop