መስከረም 23፣ 24፣ 25-30/2013 እንደ ሰኔ 2010 / 11/ 12 አይደለም!!
አንድነት ይበልጣል – ሐዋሳ – መስከረም 23 ቀን 2013
ከፖለቲካ፣ ከሕግ የበላይነት፣ ከጸጥታ፣ ከኃይል ሚዛንና ከአሰላለፍ አንጻር ዛሬ ሌላ ቀን ነው!! ለዚህ ብዙ ማሳያዎች አሉ፤ በርካታ የሚቀሩ ሥራዎች እንዳሉ ሆኖ …፡
– ዛሬ አብዛኛው የኦሮሞ ወጣት ባኗል – እየሰከነ ነው፤ ወያኔም በትግራይ ወጣቶች (ፈንቅል) እና በውስጥ ቅራኔ ተወጥሯል …፣
– ዝምታን መርጦ የቆየው የኦሮሞ ሕዝብ ለጽንፈኞች ጆሮውን መስጠት እያቆመ፣ ዝምታውን በመስበርም ¨በቃ!¨ ማለት እየጀመረ ነው፤ የትግራይ ሕዝብም እንዲሁ …፤
– የኦነግ አመራር ጥያቄና ዓላማዬን ሁሉ በሰላማዊ መንገድ ብቻ ነው የማራምደው ብሎ ራሱን ከሸኔ/ሽፍቶች መለየቱን አስታውቋል፣ የወያኔ የትሮይ ፈረሶች/በጎች እንደወትሮው ¨ላታቸውን¨ ውጭ ለማሣደር መድፈር አቁመዋል፣
– ዋነኞቹ የሽፍቶቹ መሪዎች፣ አሰማሪዎችና ከፋዮች ከሥራ ውጭ ከሆኑ ሰነባበተ፤ የሚያገግሙም አይመስለኝም፤
– ወያኔ የብር ኖቱ ቅያሪ ተጨምሮባት መተንፈስም እያቃታት ነው! (የእንቅልፍ ኪኒን ገበያው ደርቷል ነው የተባለው? – ይህ የ Over ደረጃ ብቻ ሣይሆን መመለሻ የሌለው የ ደረጃም ነው፤) …
– የግብጹ አልሲሲም በሕዝባዊ ተቃውሞ ተወጥሮአል፤
– የኤርትራ መንግሥት ቀጠናውን ለማተራመስ ለሚሞክርና የኢትዮጵያም ጠላት ለሆነ ኃይል፣ ጆሮና መሬት አለመስጠት ብቻ ሣይሆን ይቀጠቅጠዋል! (በኤርትራም የጥገና ለውጥ ቢጀምሩ የበለጠ ጥሩ ይሆን ነበር)፤
– የኢትዮጵያ መንግሥት ዛሬ እያሳየ ያለው ቁርጠኝነት በታሪኩ ታይቶ የማይታወቅና የማይታጠፍ ነው፤ በፖለቲካ ቁማር ጨዋታ ጉራ የሚነዙትም መስከን ግድ ሆኖባቸዋል፤
– በገዢው ፓርቲና በመንግሥት ውስጥ የተሰገሰገው ቀልባሽና ባለተራ ኃይልም ቀስ በቀስ እየተዳከመ ነው፤
– የጸጥታ ኃይሎች ቁርጠኝነትና ዝግጁነት የሚያስመካ ነው፤
– አማራና ክርስቲያንን ጨምሮ ቆሞ ለመታረድ ዝግጁ የሆነ የኢትዮጵያ ዜጋ ከእንግዲህ አይኖርም፤ የለውጥና የጸጥታ ኃይሉ ሕዝቡ የራሱንና የአካባቢውን ጸጥታ ለመጠበቅ የሚያስችለውን አዲስ ሥርዓትና አደረጃጀት በፍጥነት ቢዘረጋ እንዴት ጥሩ ይሆን ነበር!?
– ከሁሉም በላይ ፈጣሪ ከሠይጣኖች ጋር ሣይሆን ከእኛ ጋር ነው!!
– የዜጎች ሚናና ኃላፊነት፡ የለውጥ ትግሉን በመንግሥት ውስጥ ያለው የለውጥ ኃይል ብቻ ጉዳይና ችግር አድርገን አንይ፡፡ እንኳን የፖለቲካ ድርጅቶች ብዙ ተራ ዜጎችም ጀምረን ገና ያልጨረስነው የለውጥ ሥራ እንዳለን እናስታውስ፡፡ እና የኛ የአሁን ሥራ፣ እንደ ኳስ ሜዳ ተመልካች የለውጥ ቡድኑ / መንግሥት ጎል ሲያገባ ማጨብጨብ ሲገባበት ጸጉር መንጨትና ማውገዝ ብቻ ሊሆን አይገባም፡፡ ዜጎች የራሳችንን ንቁና ጉልህ ሚና መጫወት – ኃላፊነታችንን መወጣት አለብን፡፡ መታገል ማለት የለውጥ ኃይልን መኮርኮምና ማዛል ማለት አይደለም፡፡ በግልጽ የምናውቃቸውን ፀረ ለውጥ ኃይሎችና የኢትዮጵያን ጠላቶች በግልጽና በቁርጠኝነት እንታገል፤ ይኼኔ ብቻ ነው የናፈቅነውን ሰላም፣ አንድነት፣ ነጻነትና ዕድገት ማረጋገጥ የምንችለው
– ለውጡ ቀስ በቀስ እየጠነከረ የመምጣቱን ማሣያዎች አየን፡፡ በአንጻሩ ጠላት ምንም የደከመ መሆኑን ብናውቅ፣ ብናምንና ብናረጋግጥም፣ መናቅና መዘናጋት አለብን ማለቴ ግን አይደለም!!
– ለምሳሌ ዛሬ የአዲስ አበባ የኢሬቻ በዓል አከባበር የጸጥታ ጥበቃ ሥራው እጅግ የተሳካ ነበር፡፡ የጸጥታ ኃይላችንን እናመሰግናለን፡፡ ሆኖም 95% ስኬት ቢታይም 5% ክፍተት ካለ እንኳን ጉዳቱ በጣም ከፍተኛ ነው የሚሆነው፡፡ ስለዚህ መዘናጋት የለብንም፡፡ የጸጥታ ኃይላችንን በምንችለው ሁሉ መደገፍ አለብን፡፡
ፈጣሪ ይርዳን!
