የታሪክ አዙሪት? (ከአሁንገና ዓለማየሁ)

May 11, 2020
4 mins read

መንግሥቱ፣ መኢሶን፣ ኢህአፓ
ዐቢይ፣ ኢ. ዜ.ማ፣ ኢ. ዴ. ፓ?

የታሪክ ግጥም ይመስላል። 1969 እና 2012። የሰሞኑን በሁለት የተከፈለ የፖለቲካ ውዝግብ ሳጤን በ69 በጋዜጣና በጎዳና በኢህአፓና በመኢሶን መካከል ይካሄድ የነበረው ፍልሚያ ታወሰኝ። የዚያ ጊዜውን ሦስትዮሽ እና ያሁኑን ሦስትዮሽ በኅሊናዬ አሰብኳቸው።

መንግሥቱ፣ ሃይሌ ፊዳ እና ተስፋዬ ደበሳይ   V    ዐቢይ፣ ብርሃኑ ነጋ እና ልደቱ አያሌው

1969                            2012

መኢሶን ቤተመንግሥት ገብቶ ለውጡን በመደገፍ ሲንቀሳቀስ ኢህአፓ የዲክታተርሺፕ መንገድ ያለውን በመቃወም የሽግግር መንግሥት እየጠየቀ ጎዳና ላይ ነበር። ደርግ ደግሞ በቤተመንግሥት።

ኢዜማ ቤተመንግሥትን ተጠግቶ ለውጡን በመደገፍ ሲንቀሳቀስ ኢዴፓ/አብሮነት የሌጂቲሜሲን ማብቃት በማስገንዘብ የሽግግር መንግሥት እየጠየቀ “ጎዳና” ላይ ነው። ብልጽግና/ኢህአዴግ ደግሞ በቤተመንግሥት አለ።

በቅድሚያ የዚያን ጊዜው የኢህአፓ አቋም ትክክል ነበር ወይም መኢሶን ተሳስቶ ነበር ለማለት በግልባጩም ለመፈረጅ የቀረበ ንጽጽር ሳይሆን የኃይሎችን አሰላለፍ እና አጠላለፍ በታሪካዊ ማንጸሪያ ለማሳየት የቀረበ ምሳሌ ነው። የኢህአፓ አቋም ስሁትም ሆነ ትክክል በተቃውሞ ለቆመው ለኢህአፓ ይቅርና ሂሳዊ ድጋፍ ብሎ ቤተመንግሥት ለከረመው መኢሶንም ቢሆን የደርግ አንጀት ርህራሄ ሳያሳይ ቀረጣጥፎታል።

ይሄ ንጽጽር ብዙ እውነት የሚመስሉ ነገሮች ያሉት ቢሆንም የስልሳዎቹ ፍጸሜ የመበላላት ወይም የመበላት ስለነበር ዛሬ ለማሟረት የመጣ ሳይሆን ከታሪክ እንድንማር እና ያንን ስህተት እንዳንደግም ለማስገንዘብ ነው። በዚያን ዘመን አንድ እስረኛ መተባበር አቅቶን እኛ ተጠላልፈን በመጨረሻ ሁላችንም በአንድ ላይ በመንግሥቱ ኃይለማርያም እሥር ቤት ተገናኘን ብለው ነበር።

በወቅታችን ያሉት የፖለቲካ ኃይሎች እነዚህ ሦስቱ ብቻ ናቸው ለማለት ሳይሆን የሌሎቹም አሰላለፍ ቢሆን በግርድፉ በነዚህ መስመሮች ሊጠቃለል ይችላል ለማለት ነው። ሕወሃት ግን ያኔም ጫካ ነበር አሁንም “ጫካ” ነው። ይህም ሌላው ታሪካዊ ትምህርት የምንቀስምበት ትዝብት ነው። መንጌም ሌሎቹን ከበላ በኋላ የተበላው በሕወሃት ነበርና። ዛሬ ደግሞ ሕወሃት እንደ ራዕየ ዮሐንሱ አውሬ ብዙ ራስ አለው። አንዷን ራስ ብቻ እያዩ መሸወድ አደገኛ ፍጻሜ ላይ ይጥላል።

ያኔም እንዲህ ነበር በእርሳስ በጋዜጣ

ፍልሚያ ንትርኩ ባንዲት ሀገር እጣ

መብላት መበላላት ኋላ ላይ ሊመጣ

በዪንም ልትበላው ሕወሃት አድፍጣ።

ጎበዝ!

ያስተዋለው የለም የባሰውን ጣጣ!

እንዲህ ስንጫወት ቁማር በጨበጣ

ሀገር ማለቋ ነው በጓሮ ተሸጣ።

1 Comment

Leave a Reply

Your email address will not be published.

Previous Story

የግብጽ ምሁራን ግድቡ አደጋ ይፈርሳል ይሉናል፡፡ በእኛስ ምን እየሠራን ነው? – ሰርፀ ደስታ

Next Story

ይድረስ ለአቶ ልደቱ አያሌው አምባቸው ደጀኔ (ከወልዲያ)

Latest from Blog

አትዮጵያ ያን ዕለት

ግም ሞት 20’ 1983 .ዓ.ም. ለህወሀት /ኢህአዴግ ልደት ለኢትዮጵያ እና ለብዙዉ ኢትዮጵያዉያን የዉድቀት ፣ጥልመት እና ሞት ዕለት መሆኑን ያ ለሁለት አሰርተ ዓመታት ከፍተኛ ዕልቂት እና ደም መፋሰስ የነበረበት ጦርነት አዲስ አበባ በደም

አቢይ አህመድ ታላቁን አሜሪካንና የተቀሩትን የምዕራብ ካፒታሊስት አገሮችን ማታለል ይችላል ወይ? የአሜሪካ “ብሄራዊ ጥቅምስ ኢትዮጵያ ውስጥ“ እንዴት ይጠበቃል? የአሜሪካ እሴቶችስ(Values) ምንድን ናቸው?

ለመሳይ መኮንና ለተጋባዡ የቀድሞ “ከፍተኛ  ኢትዮጵያዊ ዲፕሎማት” በአሁኑ ወቅት በአሜሪካን የስቴት ዴፓርትሜንት ውስጥ ተቀጥሮ ለሚስራው ኢትዮጵያዊ ሰው የተሰጠ ምላሽ!   ፈቃዱ በቀለ(ዶ/ር) ግንቦት 19፣ 2016(ግንቦት 27፣ 2024) መሳይ መኮንን በአ.አ በ17.05.2024 ዓ.ም አንድ እሱ  የቀድሞው “ከፍተኛ የኢትዮጵያ

ጎንደር ሞርታሩን እስከ ጄነራሉ ተማረከ | ይልማ ምስጢሩን አወጣ “ብርሃኑ ከሸ-ኔ ጋር በድብቅ ይሰራል” | ብይ ክዶናል ለፋኖ እጅ ለመስጠት ዝግጁ ነን

ይልማ ምስጢሩን አወጣ “ብርሃኑ ከሸ-ኔ ጋር በድብቅ ይሰራል” | “ፋኖ ከተማውን ቢቆ-ጣ-ጠር ይሻላል” ከንቲባው |“አብይ ክዶናል ለፋኖ እጅ ለመስጠት ዝግጁ ነን” ኮ/ሉ |“በድ-ሮን እንመ-ታችኋለን እጅ እንዳትሰጡ” ጄ/ሉ
Go toTop