April 2, 2021
11 mins read

ዜጎችን ከጥቃት ችና ፍጅት መከላከል ብሄራዊ አንድነት እና ደህንነትን መታደግ ነዉ!!

በዘመናት ፀረ ብሄራዊ አንድነት እና ህዝባዊ ወገንተኝነትን ወደ ጎን ገፍቶ ለሶስት ዘመናት ድር እና ማግ ሆኖ የኖረን በሀሰት እና ጥላቻ ትርክት ጨቋኝ እና ተጨቐኝ በሚል የነጻ አዉጭነት የኃይል ትግል ለግማሽ ምዕተ ዓመት የዜጎችን ደም ከማፍሰስ፣ ድሆችን ከማስለቀስ ፣ህይዎት ከመንጠቅ እና ከማስነጠቅ አልፎ የአገርን ሉዓላዊነት አደጋ ላይ የሚጥል ከዉጭ ጠላት ጋር ለሚያሴሩ ቁርጠኛ እና ወሳኝ እርምጃ አለመወሰድ ህዝቧን እና የአገሪቷን ችግር እና መከራ እንዲወሳሰብ  እና እንዲራዘም አድርጎታል፡፡

አሁንም በድጋሚ የምንለዉ ዓለም በሚመሰክረዉ የዘመናት የነጻነት አገር ለግል እና ለቡድን ስልጣን ብለዉ የኢትዮጵያን ሠርቶ አደር ህዝብ ልጆች ለሞት እየጋበዙ  በሚጠሏት አገር እና በሚገድሉት ህዝብ ላይ የስልጣን መንበር ምኞት ለሚያቀበዘብዛቸዉ አሁን አስካሉበት ደረጃ አስኪደርሱ ኮትኩቶ እና አርሞ ያበቃቸዉ አካል የማይታወቅበትና እና የማይጠየቅበት ምክነያት በራሱ በህዘብ እና መንግስት መካከል የሚገኝ ፈች ያጣ ዕንቆቅልሽ ሆኗል፡፡

ዕዉነት የቀደሙት በተለይም የኮ/ መንግስቱ ኃይለማርያም አስተዳደር ቢሆን እንዲህ ዓይነት የዜጎች ህይወት እና የአገር ደህንነት፣ሉዓላዊነት ላይ ……. እንዲህ የመሰለ የዓማታት ግፍ እና በደል ይቀጥል ነበር ወይ ብለንም ስንጠይቅ ጉዳዩየገደለዉ ባልሽ የሞተዉ ዉሽማሽ ሀዘንሽ ቅጥ ዐጣ ከቤትም አልወጣየሚለዉን የቀደመዉን የአገራችን ብሂል እንድናመጣዉ ተገደናል፡፡

ብናስብ ….ብናወጣ ብናወርድ ….የማይገባን ዚህች አገር ነገር  ኢትዮጵያዉያን  ከሞቱ  እና አገሪቷ ምድረ በዳ ከሆነች በኋላ በስማቸዉ የአገሪቷን ስም ለዉጠዉ ነጻ ለማዉጣት ብለዉ በስሙ ለሚነግዱበት ህዘብ ከማን የጭቆና ቀንበር እናዳላቀቁት ለመናገር እንኳን ከወዴት ሊያገኙት በማሰብ እንደሆነ ለሚያጤን ግራ አጋቢ ነዉ ፡፡

በጥላቻ እና በክፉ ምኞት ልክፍት ህዝባዊነትም ሆነ አገር ምስረታ የማይታሰብ ነዉ ፡፡ አገር እና ህዝብን የሚጠላ መሬት እና ሌላዉን ለባርነት  ሲመኝ ባለአገር እና ነጻ ኅዝብ አገሩንም ሆነ ነጻነቱን አሳልፎ በመስጠት ለባርነት እና ጭሰኝነት አሜን ብሎ አንገቱን እንዲደፋ የሚደረግ ትንቅንቅ ከሩቅ የቅኝ ግዛት ምኞት ደዌ ከተጣባቸዉ ታሪካዊ የኢትዮጵያ እና ህዝቦች ባላንጣ የሚለይ አይሆንም ፡፡

ሁላችንም ያላወቅነዉ ሠዉ በአገሩ ባርነትን እና ሞትን አሜን ብሎ የሚቀበልበት ዘመን ላይ አለመሆኑን መረሳት ነዉ ፡፡

ኢትዮጵያዉያን ቀደምት ጀግኖች በሰሜን በደቡብ፣ በመስራቅ እና በምዕራብ የአግረቷ ዋልታወች የህይወት እና ደም ዋጋ ሲከፍሉ አገር ብለዉ እንጅ ክልል ብለዉ እንዳልነበር የቅርብ ዘመናት ትዉስታ ነዉ ፡፡

ይህን ቅዱስ እና ዕልፍ አዕላፍ በጎ ብሄራዊ ኩራት የሆነዉን የህዝቦችን አብሪ ገድል ለማዛባት ለዓመታት የነበረዉ ታሪክን የማወናከር እና የማሳካር ድርጊት ኢትዮጵያ እና ኢትዮጵያዊነትን ለማጥፋት የተደረገ ዘመቻ ዛሬም ለማስቀጠል መመኘት ለየትኛዉም ወገን የማይበጅ በመሀኑ በግልፅ እና በሀቅ  ሊወገዝ፣ ሊነነገር እና በገቢር ሊገለፅ ይገባል፡፡

ዞትር የነገሮችን ስረ መሰረት ማቃለል፣ ማለባበስም ሆነ ማድበስበስ አገር እና ህዝብን ከጥፋት እና ዉድቀት ከመከላከል ይልቅ በክህደት እና በዕብሪት ተኖልተዉ በጥላቻ ፈረስ ለሚጋልቡት ሜዳዉን ማመቻቸት ይሆናል፡፡

ለረጅም ሁለት አስርተ ዓመታት የሆነዉን እና እየሆነ ያለዉን በማንነት እና በአገር ደህንነት ላይ የደረሰዉን ጥቃት፣ በደል፣ ሞት ፣ስደት እና ሁለንተናዊ መጎሳቆል በቁርጠኝነት እና በግልፀኝነት ከመንስዔ አስከ መፍትሄ አደባባይ አለማዉጣት ጥፋት እንዲቀጥል በደል እንዲደላደል ሞት እና ስደት(መፈናቀል) እንዲለመድ ሆኖ አግባብ እና ህጋዊ አስከመምሰል ተደርሷል፡፡

አገር እንደ አገር ለመቀጠል የህዝቦች በአገራቸዉ የመኖር የመንቀሳቀስ እና ሀብት ንብረት ሰርቶ ፤አፍርቶ በማንነታቸዉ ኮርቶ የመኖር መብታቸዉ አስካልተረጋገጠ ድረስ የመንግስት ስርዓት በተቀያየረ ቁጥር  ስም በመቀያር እና ህዝብ እና መንግስት በማደናገር የሚደረግ ክፉ ምኞት የሚቻል አይሆንም ፡፡

የገጠር እና የከተማ ትግል ብሎ ተቀፅላ ስያሜ በማዉጣት በመንታ አቋም ሆኖ የቡድን ፍላጎት ለማሳካት በአገር እና ህዝብ ኪሳራ መኖር ስራየ ላሉት ዋጋ እንዲጤቁበት ከማድረግ በተጨማሪ ፀረ ህዝብ እና ፀረ አንድነት መሆናቸዉን በግልፅ እና ቀጥታ ለህዝብ እና ለዓለም አለማሳወቅ በተለይ በአሁኑ ጊዜ  ለዘመናት የነበረዉ መከራ እና ፍዳ ተባብሶ እያለ አለባብሶ እና አደባብሶ ማለፍ ልማድ መሆኑ መቆም አለበት ፡፡

ዕዉነተኛ ህዝባዊ ወገንተኝነት ያለዉ የትኛዉም አካል ህዝብን ሰርቶ አደርን በተለይም በግል እና በማህበረሰብ ማንነት እና መገለጫ ላይ  ተመስርቶ ጥቃት ፣ግዳይ/ሞት እና ዘረፋ….. አያካሂድም ይህንም የሚያደርግ  ቢኖር ባለበት ማስቆም ወይም ማክሰም በተቻለ ነበር ፡፡

ህዝብን እና አገርን አምርሮ ለሚጠላ የትግል አስተሳሰቡን፣ መነሻዉን ሆነ ግቡን እና ድርጊቱን ማለትም የጥፋት የሞት እና ግብ አልባነትየመሳሰሉትን ለህዝብ እና ለዓለም በመሳወቅ በአስተሳሰብ ማለፍ እንዲሁም በድብልቅልቅ አቋም ገጠር እና ከተማ ሆኖ በህዝብ እና በአገር ላይ የክህደት እና የጥፋት ኃይል …..በሽሙንሙን ሳይሆን ….መንግስት እና ህዝብ እኛም እሳት አለ ሊል ይገባል፡፡

ተደጋጋሚ ወቀሳ፣ከሰሳ፣ ልቅሶ እና ብሶት ለጥፋት ተጓዦች ወደ ብሄራዊ ቀዉስ ለሚያደርጉት ጉዞ  መንገድ መቀየስ፣ መምራት ጊዜ መስጠት እንዲሁም ስንቅ እና ትጥቅ ከማቀበል አይተናነስም ፡፡

ህዝብ መሪ አስተባባሪ ካገኘ ፤ህዝብ እና መንግስት አንድ ከሆነ የማይቻል የለም ፡፡  አገር ሠላም  ዉሎ የሚያድረዉ  ሁሉም ዜጋ ራሱን አካባቢዉን እና የአገሩን ዳር ድንበር ለከላከል እና ለመጠበቅ መነጋገር፣ መደማመጥ፣ መንቃት፣ መታጠቅ ፣መረዳዳት፣ መተሳሰብ መቀናጀት፣ መደራጀት  እና በአንድነት ዘብ መቆም አለበት ፡፡

 በነጻ አገር ምድር የዜጎች የግለሰብ ፣የቡድን እና የማህበረሰብ ነጻነት በማያሻማ ሁኔታ ሲጠበቅ እና ይህም ከአገር  ሉዓላዊነት ፣ የዜጎች ክብር ፣ ትስስር እና ማንነት ተቃርኖ አስከሌለበት ጊዜ ድረስ በዚህ አግባብ ብቻ  አገርን ከብሄራዊ ደህንት ስጋት፤ ህዝቧን ከጥቃት እና ፍጅት መታደግ ይቻላል ፡፡

                                        “ አንድነት ኃይላችን መነጣጠል አጥፊያችን   ነዉ ” !!!

                                                          ማላጂ

 

Leave a Reply

Your email address will not be published.

Latest from Blog

ከነፃነት ዘገዬ የአራት ኪሎው ኦነግ ሸኔ ከቁጥር ጋር እንደተጣላ ዕድሜውን አገባደደ፡፡ ኦነግ/ኦህዲድ ዛሬም ሆነ ዱሮ፣ በቤተ መንግሥትም ይሁን በጫካ ቁጥር ላይ ያለው አቋም ምን ጊዜም ያስደንቀኛል፡፡ ደግሞም እየባሰባቸው እንጂ ሲቀንሱ አይታዩም፡፡ ጥቂት

80 ቢሊዮን ብር ስንት ብር ነው?

በላይነህ አባተ ([email protected]) መልአከ ብርሃን አድማሱ ጀምበሬ ምዕራባውያን የኢትዮጵያን ልጆች እያታለሉና እየደለሉ ከእምነታቸው ለመንጠቅ ሲቃጡ በ1951 ዓ ም ባሳተሙት ‘መድሎተ አሚን ወይም የሃማኖት ሚዛን ጥልቅ መጽሐፍ ሽፋን ላይ ሕዝብ ልቡናውን፣ ዓይኑን፣ ጀሮውንና

ሰው ሆይ!

“በአንደበቴ እንዳልስት መንገዴን እጠብቃለሁ፤ ኃጢአተኛ በፊቴ በተቃወመኝ ጊዜ በአፌ ላይ ጠባቂ አኖራለሁ።”  መዝሙረ ዳዊት 39:1 ወንድሙ መኰንን፣ ኢንግላንድ 15 January 2025 መግቢያ የአገር መሪ፣ በስሜታዊነት እንዳመጣለት አይዘረግፍም። እያንዳንዷ ንግግሩ እየተሰነጠቀች ትታይበታለች። ንግግሩ ቁጥብ መሆን

ከተዘራ ያልታረመ አንደበት የጠቅላይ ሚኒስትር አነጋጋሪ ንግግሮች

አስቻለው ፈጠነ የኢትዮጵያን ባህላዊ ሙዚቃ ከዘመናዊ ተፅዕኖዎች ጋር በማዋሃድ ባሳየው ልዩ ችሎታ የተቸረው አርቲስት ነው ። ጥበባዊ ጥረቱ ብዙ ጊዜ የኢትዮጵያን ጥልቅ ባህላዊ ትሩፋት እና የሙዚቃ ልምምዶች በልዩ ሚዛን፣ ዜማ እና ዜማ

አሞራው ካሞራ | አስቻለው ፈጠነ

January 15, 2025
ፈራ ተባ እያልን እንጂ ስለፋኖ ትግልና አደረጃጀት ብዙ የሚባል ነገር አለ፡፡ እንዳጀማመሩ ቢሆን ኖሮ እስካሁን ፋኖ ኢትዮጵያን በአጠቃላይና አማራን በተለይ ከታወጀባቸው የመፈራረስና የዕልቂት ኦነግ-ኦህዲዊ ዐዋጅ ነጻ ባወጣቸው ነበር፡፡ ይሁንና በምናውቀውም በማናውቀውም በምንገምተውም

ይድረስ ለፋኖ አደረጃጀቶች በያሉበት – ነፃነት ዘገዬ

የአማራ ሕዝብ የኅልውና ትግል፦ ዘርፈ ብዙ የጥቃት ሰለባ የሆነ መንግሥት መር፣ ማንነት ተኮር እልቂት ለታዎጀበት ሕዝብ በጥብአትና በጀግንነት የሚከናወን የዘመናችን ሐቀኛ አብዮት ነው። አማራው በዋለበት እንዳያድር፣ ባደረበት እንዳይውል ተወልዶ ያደገበት ቀዬ ድረስ

ከአማራ ፋኖ አደረጃጀቶች የተሰጠ የጋራ መግለጫ!

January 14, 2025
ኤፍሬም ማዴቦ ([email protected]) ባለፉት ሁለት ወራት አገር ውስጥና በውጭ አገሮች ያሉትን የኢትዮጵያ ሚዲያዎች ካጨናነቁ ዜናዎች ውስጥ አንዱ ፓርላማው ይህንን ወይም ያንን የህግ ረቂቅ አጸደቀ የሚሉ ዜናዎች ናቸው። የኢትዮጵያ ፓርላማ ምንም ይሁን ምን

የኢትዮጵያ ፓርላማ ሲመረመር

 ፈቃዱ በቀለ(ዶ/ር)   ጥር 2፣ 2017(January 10, 2025) መግቢያ ባለፉት ሃምሳ ዓመታ በአገራችን ምድር ሲያወዛግበንና በብዙ መቶ ሺሆች የሚቆጠሩ ወገኖቻችን ህይወታቸውን እንዲያጡ የተደረገበት ዋናው ምክንያት በፖለቲካ ስም የተደረገው ትግል ነው። ይህ ብቻ

ፖለቲከኛ ማለት ምን ማለት ነው? ፖለቲከኛ ራሱን የቻለ ሙያ ነው ወይ? በምንስ ይገለጻል? ለአንድ ህብረተሰብ የሚሰጠው በተጨባጭ የሚታይና የሚመዘን ነገር አለ ወይ? ፖለቲካ ሲባልስ ምን ማለት ነው? አገርን መገንቢያ ወይስ ማፈራረሺያ መሳሪያ?

Go toTop