ንግግር ሌላ ፤ ተግባር ሌላ

ብዙዎች በኢትዮጵያ ወቅታዊ ጉዳይ ላይ የተለያየ አስተያየት ሲሰጡ ይደመጣል ወይም ይሰማል ፡፡ የሚገርመዉ ግን አዉቃለሁ ባዮች በዉጭም በዉስጥም ያሉ የአዋቂ ዘባራቂዎች መሆናቸዉ ደግሞ ለየት ያለ እንዲሆን ያደርገዋል ፡፡

በተለይም በሰሜን  ምዕራብ ኢትዮጵያ እነደ ጊዜዉ “ዓማራ ክፍለ ግዛት አስተዳደር ” ስላለዉ ጦርነት ከቅርብ ርቀት እና ከሩቅ ሆነዉ ይኸ ቢሆን ይኸ ባይሆን ሲሉ መስማት በዕዉነት ሠዉ ለሆነ ያማል ፡፡

ህዝብ ላለፉት ሶስት ዓመታት በጦርነት ባጂቶ እንደገና በጦርነት ወላፈን ሲገረፍ ከዚህ ጋ ተያይዞ ድህነት ፣ ርኃብ፣ በሽታ፣ ቸነፈር፣ ስደት  እና ሞት በየቤቱ በሆነበት ጊዜ ይህን ሁላ ተቋቁሞ አልሞት ባይ ተጋዳይ ሲዋደቅ በቦታ የሌለ የትግሉን መሪ መጨበጥ እና መዘወር የሚፈልግ ጣት መቀሰር ለማቆም ካለፉት የኢትዮጵያ የቀደመ ታሪክ  አለመማር የሚያስተዛዝብ ነዉ ፡፡

መንግስት ይህን ቢያደርግ፤ ያኘዉ ያን ቢያደርግ እያለ በቁስል ላይ ጨዉ መጨመር ከንቱ ህልም ከመሆኑ በላይ የምቀኛ ፖለቲካ አካሄድ ምኞት ምልክት ነዉ ፡፡

የዓማራ ህዝብ የኢትዮጵያ ህዝብ አካል እና አስኳል መሆኑን በመካድ በየትኛዉም የአገሪቷ ታሪክ በተነሱ እና በተከናወኑ የለዉጥ ጥያቄዎች የተዘጋጀ እና የበቃ መሪ የለዉም ለማለት እና እኛ እናዉቅለታለን ባዮች  የስልጣን ጥመኞች በህዝብ መስዋዕት መርካትን ዛሬም ደጋግመዉ ያልማሉ ፡፡

መሪነት በተግባር የተፈተነ ፤በመከራ እና በወሳኝ ገዜ ከህዝብ ፊት የሚገኝ እንጂ በመልካም ንግግር እና ምኞት የሚገኝ አይደለም ፡፡ ፖለቲካ በኢትዮጵያ መጧሪያ እና የእድሜ ልክ መጠቀሚያ ወይም መገልገያ አድርጎ መዉሰድ ዛሬም የብልጠት የፖለቲካ አካሄድ የወረቀት አርበኞች ያልዳነ በሽታ ነዉ ፡፡

“የማታ አፍ ደራን ይወጋል ” እንዲሉ አበዉ ጥቀም ማነፍነፍ እና የሚሰሩትን መጥለፍ የምቀኝነት አባዜ እንጂ እንኳንስ ለኢትዮጵያ ለዓለም የሚሆኑ መሪዎች ማበርከት በሚችል የኢትዮጵያ ምድር እና ህዝብ  ብዙዎችን አበርክቷል ፡፡

በዚህ የ21ኛዉ ክ/ዘመን መባቻ ቀርቶ ከግማሽ ምዕተ ዓመት አስቀድሞ የኡጋንዳዉ ሞሶቮኒ፣ የእኛ ትህነግ/ኢህዴግ፣ የኤርትራዉ ሻቢያ……… የፖለቲካ እና የተዋጊ ክንፍ የመደቡት የዘመናችን የዕኛ አገር የወረቀት አርበኞች አለመሆናቸዉን ለሚያዉቅ ዞትር አዋቂ ነን ባይ ዘባራቂወች አገር እና ህዝብ በሰጠቻዉ ወረቀት በህዝባቸዉ እና በአገራቸዉ ላይ ንቀት ሲያሳዩ የስተዋላሉ ፡፡

የያዙት ወረቀት አገር ለማገልገል ሳይሆን ለመገልገል መሆኑን ገልብጠዉ በማንበብ ዛሬም በነገረ ስራ አገር ካልመራን የማለት የጥቅመኝነት እና የምቀኝነት አባዜ እንደተበተባቸዉ ይገኛሉ ፡፡

ያኔ በአስራ ዘጠኝ መቶ ስድሳ ስድስት የለዉጥ አብዮት ህዝብ በከፈለዉ መስዋዕትነት የተገኘዉን ድል በወረቀት ለመለወጥ ከዕዉነት እና ከዕዉቀት ይልቅ አገር በወረቀት ካልተመራች ብሎ  ክችች ያለ ትዉልድ ዛሬም በነበረበት ይገኛል ፡፡

ነገር ግን በተግባር የተፈተነዉ የጊዜዉ የለዉጥ አራማጂ አካል የጦር ኃይል አባላት በብሄራዊ ልማት ማለትም በጤና፣ በትምህርት፣ በግብርና ፣ በአረንጓዴ ልማት፣ በፍትኃ ተጠቃሚነት፣ ድህነት እና ማይምነትን ለመቀነስ….ከፍተኛ ጥረት እና ዉጤት በማስመዝገብ የኢትዮጵያን አንድነት እና የዜጎችን ሉዓላዊነት በማስጠበቅ ማዕከላዊ መንግስት አስከፈረሰበት ጊዜ ድረስ አስጠብቆ ለህዝብ አስረክቧል ፡፡

በአስራ ሠባት ዓመት የተሰሩ ብሄራዊ ልማቶች ከአስራ ዘጠኝ መቶ ሰማንያ ሶስት አስከ ዛሬ በፀረ ኢትዮጵያዉያን አፍርሶ መጨረስ እንዳልተቻለ ተግባር ከንግግር ጋር ምንም አይነት አንድነት ሆነ ዕዉነትነት እንደሌለዉ የሚያሳይ ነዉ ፡፡

የመከራ እና የጭንቅ ጊዜ በንግግር በአገር እና በወገን ጉዳይ ዳር ተመልካች ፣መኃል ሰፋሪ ሆነ ገለልተኛ መሆን ከንግግር የማይዘልቅ መዘባረቅ ነዉ እና የአገር እና ህዝብ ጉዳይ ያገባኛል ባይ  በማንኛዉም መመዘኛ ሲታይ ንግግር ተግባር ሆኖ ሊቆጠር አይችልም ፤ ኢትዮጵያም ሆነበ ኢትዮጵያዉያን የሚናገረዉን የሚኖር ፤ የሚኖረዉን የሚመሰክር በተግባር የሚገለጥ ማንት እንጂ የማይኖረዉን የሚዘባርቅ ፤የሚናገር ዕጦት የለባትም  ፡፡

“አንድነት ኃይል ነዉ !”

Allen!