የታሰሩት ከፍተኛ የጦር መኮንኖችና የደህንነቶች ቁጥር 126 ደረሰ | ጌታቸው አሰፋ የ እስር ማዘዣ ወጦበታል

ባለፉት ሦስት ቀናት ከየአቅጣጫው ታፍሰው ሰለታሰሩት ባለስልጣናት ቁጥር 126 አካባቢ መድረሱ ተገለጸ:: በታሰሩት እና እየተፈለጉ ባሉት የጦር መኮንኖች እና ባለስልጣኖች ዙሪያ በዛሬው ዕለት በቢሯቸው መግለጫ የሰጡት የፌዴታል ጠቅላይ አቃቤ ህግ አቶ ብርሀኑ ጸጋዬ እንደገለጹት እስካሁን በቁጥጥር ስር የዋሉት በጥቅሉ 126 አካባቢ ናቸው፡፡ ከእነዚህም 63 በሽብር ድርጊት፣ 27 በሙስና፣ 36 ደግሞ በሰብዓዊ መብት ጥሰት ናቸው። ከነርሱ ጋር አብሮምሊብሬ፣ የአክስዮን ደብተር፣ የቤት ሽያጭ ውሎች፣ ጦር መሳሪያዎች ወዘተ በኤግዚብትነት መያዛቸውን አብራርተዋል::

ጠቅላይ አቃቤ ህጉ በመግለጫቸው አሁን የታሰሩትና የሚፈለጉት ባለስልጣናት ሲፈጽሙ የነበረውን ግፍ አብራርተዋል:: በብሄራዊ መረጃ እና ደህንነት አባላት መካከል በሀገሪቱ የተለያዩ አካባቢዎች በስውር እስር ቤት ግለሰቦችን በማሰር እና በማሰቃየት ተጠርጥረው የተያዙ እንዳሉ; አዲስ አበባ ውስጥ 7 ግፍ የሚፈፀምባቸው ድብቅ እስር ቤቶች እንደተገኙ በዚሁ ከተማ ዜጎች ከሰባት ወደማያንሱ ስውር ማሰቃያ ስፍራዎች ‘በአምቡላንስ እየተጓጓዙ!’ ጭምር ኢ- ሰብአዊ ድርጊት ይፈጸምባቸው እንደነበር የገለጹት አቶ ብርሃኑ
በእነዚህ እስር ቤቶች ዉስጥ
“በሰብአዊ መብት ጥሰት ጠጠርጥረው ከተያዙ ግለሰቦች መሀል ግለሰቦችን ከፖለቲካ ፓርቲ አባልነት እራሳቸውን እንዲያገሉ ማድረግ እና ማሰቃየት፣ በአንቡላንስ እያፈኑ ሰዎችን መሰወር፣ ህገወጥ መሳሪያዎችን የራሴ ነው ብሎ እንዲፈርሙ ማድረግ፣ የብልት ቆዳዎችን በፒንሳ መሳብ፣ ጫካ ማሳደር፣ ከአውሬ ጋር ማሰር፣ አፍንጫ ውስጥ እስክርቢቶ መክተት፣ ግብረሰዶማዊ ጥቃት መፈፀም፣ ሴቶችን መድፈር የመሳሰሉ አረመኔያዊ ድርጊቶችን ፈፅመዋል።” ብለዋል::

“ጠላት ሀገር እንኳን በዚህ መልኩ አይዘረፍም!” ሲሉ ሜቴክ በሃገር ላይ የፈጸመውን ዝርፊያ የዘረዘሩት ጠቅላይ አቃቤ ህጉ
የብረታ ብረትና ኢንጂነሪንግ ኮርፖሬሽንን በተመለከተ “የውጪ ሀገር ግዥዎችን ያለጨረታ መስጠት፣ ግዥ አፈፃፀሙ ከኮርፖሬሽኑ የበላይ አመራሮች ጋር የጥቅም ትስስር ያላቸው ሰዎች የድለላ ስራ ሰርተው የሚከፈላቸውና እነዚህ የውጪ ኩባንያዎችን የሚያመጡት ደላሎች በስጋ ዝምድና ለአመራሩ ቅርብ የሆኑ ናቸው። እነዚህ በድለላ ያሉ ሰዎች በሀገር ውስጥ ካካበቱት ሃብት በላይ ወደ ዉጪ ሃብት አሽሸዋል። ከመደበኛው ዋጋ እስከ 400% ተጨማሪ ዋጋ እየተጨመሪ ግዢ ይፈፀም ነበር።” ብለዋል:: አክለውም “የሀገር ውስጥ ግዢም በግልፅ ጨረታ መፈፀም ሲገባው እስካሁን በዚህ መልኩ የተፈፀመ የለም። ከኮርፓሬሽኑ አመራሮች ጋር የዝምድናና የጥቅም ትስስር ካላቸው ሰዎች በብዙ እጥፍ በተጋነነ ዋጋ ይገዛ ነበር። ከአንድ ድርጅት 21 ጊዜ፣ ከሌላው ደግሞ 15 ጊዜ ግዢ ተፈፅሟል። ከአንድ ድርጅት በአንድ ጊዜ ብቻ የ215 ሚሊዮን ብር ግዢ ያለጨረታ ተፈፅሟል።” ብለዋል::

ተጨማሪ ያንብቡ:  በአማራነታቸው ምክንያት በአብይ አህመድ ቡድን ከሀገር መከላከያ ሰራዊቱ ገለል እንዲሉ የተደረጉ ጀኔራል መኮንኖች

“ከተቋሙ ተልዕኮ ውጪ የተፈፀሙ ግዥዎችም አሉ። ከዚህም ውስጥ የመርከብ ግዢ ይገኝበታል። በማይመለከተውም ስራ ገብቶ ወደ ንግድ ስራ አስገብቷቸዋል።” ያሉት አቶ ብርሃኑ ግዢዎቹ በጥቅም በተሳሰሩ ግለሰቦችና ተቋማት መካከል የተከናወነ ነው ብለውታል::
ሰኔ 16 ዶ/ር አብይ አህመድን ለመግደል በመስቀል አደባባይ ስለፈነዳው ቦምብ እና የማን እጅ እንዳለበትም ጠቅላይ አቃቤ ህጉ ሲያብራሩ
“የሰኔ 16 ቱ የቦምብ ጥቃት የተቀናበረው በብሔራዊ መረጃና ደህንነት ቢሮ ነው። ጠቅላይ ሚኒስትሩ ኦሮሞ ስለሆኑ በኦሮሞ ቢገደሉ ተብሎ ነው በሙከራው ኦሮሞዎች እንዲሳተፉ የተደረገው።” በማለት ትዕዛዙ ከቀድሞው የደህንነት ኃላፊ ቢሮ እንደወጣ ተናግረዋል:: “የቀድሞው የደህንነት ኃላፊ ሲሉ አቶ ተስፋዬ ኡርጌን ይሆን አቶ ጌታቸው አሰፋን እንደሆነ ሲጠየቁ ” የሚል ጥያቄ ሲጠየቁም “የመረጃ ደህንነት ኃላፊው ማን እንደሆኑ እያወቃችሁ አታድርቁኝ ።” ብለዋል::

በሰብዓዊ መብት ጥሰት ወንጀል 36 ተጠርጣሪዎች በቁጥጥር ሥር ውለዋል ያሉት አቶ ብርሃኑ በአጠቃላይ እስካሁን በቁጥጥር ስር የዋሉ የሜቴክና ደህንነት አመራሮች እንዲሁም በሙስና የተያዙት ቁጥር 126 አካባቢ ሲሆን እስካሁንም ያልተያዙ በአገር ውስጥና ከአገር ውጭ የተደበቁ መኖራቸውን ጠቁመዋል::

<<አሁንም የምንጠረጥራቸው ነገር ግን በሃገር ውስጥና በውጪ ተሸሽገው ያሉ አሉ። በውጪ ያሉትን መንግስታቶቹ አሳልፈው እንዲሰጡን በመነጋገር ላይ ነን። ሀገር ውስጥ ያሉት ደግሞ ራሳቸውን ወደ ሕግ እንዲያቀርቡ እና ሰላማዊ በሆነ መልኩ የፍትህ ሂደታቸውን እንዲከታተሉ ጥሪ እናቀርባለን>> ያሉት ጠቅላይ አቃቤ ህጉ “ምርመራው ከ5 ወር በላይ ፈጅቷል። የዚህ ምክንያቱም በቁጥጥር ስር የዋሉ ግለሰቦችን አስረን ከማጣራት አጣርተን ለማሰር ስለሞከርን ነው። ማንንም ተጠርጣሪ ሳንይዝ ነው ያጣራንው።” ብለዋል:: ስለታሰሩት ሰዎች ወንጀል ሲያብራሩም “በቁጥጥር ስር ከዋሉ ግለሰቦች መሀል የተሰጣቸውን ሃላፊነት ወደ ጎን በመተው ያለአግባብ ሀብት ያከማቹ፣ ሀብት ያሸሹ፣ በሰብአዊ መብት ጥሰቶች ላይ የተሳተፉ፣ በሀገሪቱ በተለያዩ አካባቢዎች ላይ የተከሰቱ ብጥብጦች ያስተባበሩ ይገኙበታል።” ብለዋል::

ተጨማሪ ያንብቡ:  ‹‹እንደ ኢህአዴግ ያለ አሸባሪ የለም›› አብርሃ ደስታ (ከቂሊንጦ እስር ቤት)

የዘ-ሐበሻ የፖሊስ ምንጮች አቃቤ ህግ ክስ የሚመሰርተው በሶስት መዝገብ ሊሆን ይችላል:: የሙስናው እስረኞች የክስ መዝገብ ‹‹እነክንፈ ዳኘው›› የሚል ሲሆን የሰብአዊ መብት ጥሰቱ መዝገብ ደግሞ ‹‹እነጌታቸው አሰፋ›› የሚል መዝገብ መሆኑን ከፖሊስ ምንጮች ለመረዳት ችለናል፡፡ በዚህ መሰረት ጌታቸው አሰፋ ላይ የእስር ማዘዣ ተቆርጧል፡፡ ሆኖም ግን የቀድሞው የደህንነት ኃላፊ አቶ ጌታቸው አሰፋ እስካሁን እንዳልተያዙ የተገለጸ ሲሆን አንዳንድ የሕወሓት አክቲቭስቶች በሶሻል ሚዲያዎች ወደ እስራኤል መሄዱን እየተናገሩ ሲሆን ምናልባትም ጠቅላይ አቃቤ ህጉ <አሁንም የምንጠረጥራቸው ነገር ግን በሃገር ውስጥና በውጪ ተሸሽገው ያሉ አሉ" ያሉት አቶ ጌታቸውን እና መሰሎቻቸውን ሊሆን ይችላል የሚል ግምት አለ::አቶ ብርሃኑ "ወንጀለኛ ቡድንን፣ ሃይማኖትን፣ ብሄርን አይወክልም። ወንጀለኛ ራሱን ወንጀለኛወን ነው የሚወክለው:: የተጠረጠሩ ሰወች በሰላማዊ መንገድ እጃቸውን ይሰጣሉ ብለን ተስፋ እናደርጋለን። ከዚህ በተለየ ከሕግ ውጭ ሊያመልጥ የሚችል አንድም ኃይል ሊኖር አይችልም።" ሲሉ በዛሬው መግለጫቸው ላይ ተናግረዋል:: - አሁን የደረሰን ዜናላለፉት 3 ቀናት ተለቃቅመው ከታሰሩት የጦር መኮንኖችና የደህንነት ባለስልጣናት መካከል ከ60 በላዩ ዛሬ ፍርድ ቤት ቀረቡ: በፌደራል ከፍተኛ ፍርድ ቤት ልደታ ምድብ 10ኛ ወንጀል ችሎት የቀረቡት ብርጋዴል ጀኔራል ጠና ጠረዲን ጨምሮከ27 በላይ በሙስና የተጠረጠሩ የብረታ ብረትና ኢንጂነሪንግ ኮርፖሬሽን ሰራተኞች እና በሰብዓዊ መብት ጥሰት የተጠረጠሩ አነ ኖሃ አጽባሃን ጨምሮ 36 የብሄራዊ መረጃና ደህንነት አገልግሎት ሰራተኞች ናቸው፡፡ በሁሉም ላይ ፖሊስ የጠየቀው የጊዜ ቀጠሮ ተቀባይነት አግኝቷል፡፡ ትላንት ዛሬ ፍርድ ቤት እንደሚቀርቡ ዘግበን ነበር፡፡ https://www.youtube.com/watch?v=2woW6QIeHHY

3 Comments

  1. TPLF is behind in many of mayhem in this country before and after expelled from office. In many of attempted killings such as on the Prime minister, in countless unrest and loss of life, and money laundering TPLF was there and continued unabated. It conceived, financed and dispatched its personnel to execute its twisted ideology. It is time to propose to the parliament to brand TPLF as terrorist organization, freeze its asset, and incarcerate those lunatics to spend rest of their life languishing behind bars.

  2. TO WHOM IT MAY CONCERN//TO ALL COUNTRY OF ETHIOPIA/GOV FEDERAL OF AAPOLITICAL PILOT/GOV OF AFORMER//OF INTERNATIONAL/PILOT DRIVER//FROM AFRICA TO UROPES/OF ACTINGS PASSENGERS/OF PRESIDENT OF ETHIOPIA//IBRAHIM ABDI HASSAN//
    DEAR SIR MADAM//
    IWOULD LIKE TO INFORM ALL ETHIOPIA GOV//IWAS AMONGEST PILOT/WORK DRIVER AND INTRNATIONALS AND ALERANT IN ACLASS//OF 15/GOOD YEARS//IN ETHIOPIA IN ADISS TOWN//AND WORK ALOT IN AIR PLANE//FROM MY FIRST JURNEY IN POLE MAKELE AIR STRIPS//IN ADISS//TO DOLLO ADOO REGIONS/IN ETHIOPIA//IWAS FORMALLY WORKING/APILOT PASSENGERS//FROM AIR/TRAVELLERS//FROM AREGIONAL RESIDENTS PEOPLES/OF OREGIONAL SOMALIA//COMES FROM SOMALIA BOARDERS//TO GROSS THE BRIGDES//OF BETWEENS SOMALIA AND ETHIOPIA//COMES FROM BAIDIO//AND BAKOOLS/REGIONS//AND MUGUGUHO//DURING ZANAWE PRESIDENT//IAM ALSO IN ADEATH GRAVE IN ALIFE/STUDENT/AND PUBLICS GOV OF ETHIOPIA TO STRIKES ALL COUNTRY/OF ETHIOPIA//IAM ADEATH GRAVE IN ALIFE AND HUNGRY//ALL FLAGS OF GOV OF ETHIOPIA TO PUT DOWN IN ESPECIALLY MILTARY OF ETHIOPIA TO STRIKES//APILOT/OF INTERNATIONAL IS ALIFE IN ARISK//LET THE MILTARARY OF ETHIOPIA DIONG STRIKE//IN THE STREETS/AND TO DOMENSTRATE//ETHIOPIA GOV ARE KILLINGS IN ONE EACH OTHERS BECAUSE OF ONE PERSON//HIS WEALTH//SHERE//COMAPANIES//AND HIS EDUCATION//IWAS IN ACHEATED..IN MY LIFE IN AGRAVE//IWANT ETHIOPIA TO CALL ME AS EMERGENCY//LET THE COUNTRY TO BE COLLAPSE DOWNN//AND LETS THE WEAPONS FIRE TO WORKING//AND KILLINGS TO YUR SELF//IN EACH OTHERS//BECAUSE YU ALL EATINGS SOME ONE HIS RIGHT SHERE//EVERY DAY AND NIGHT COME TO FEAR FROM THE ALMIGHTY OF GOD/ GRAETER//IT WILL NOT ASSIST YU//BE TO BE EGUALITY//AND GENDER BASE//FROM WOMES MENS BOYS AND GIRLS //IN ACLASS OF APILOT WORK DRIVER IS ADEATH

  3. remember apilot of internal of federal of ethiopia is hungry in daeth//in alife//no sleepings in anight//iwas been cheated in my alife//
    every child from etiopia student should be awere//him self if he be come rich in the country of etiopia//or aptrsidet or apilot//he will be cheated his life and his blood will be come acontruct and abussiness//he will be end of dyings him self wth secrect killing//etiopia student during openings day they shuold make doings/srikes for thir future in alife// iwas amongest of internal federal gov and iam to day in alife sentence in agrave//and dyings poverty//while iwas very in rich in ethiopia and africa and uropes//so be to do domosration in town of adiss//

Comments are closed.

Share