“ዐማራው በአገር አትኖርም ተብሎ እየተባረረ ኤርትራውያን ባለመብቶች ሆነው በአገሪቱ ንብረት ይዝናናሉ” ሞረሽ

(ዘ-ሐበሻ) ሞረሽ ወገኔ የሚባለው የአማራ ድርጅት “የኢትዮጵያ አንድነት መልካም ውርስና ቅርሶቹን ተጠብቆና በእነርሱም መሠረትነት ዳብሮ መቀጠል አለበት ብላችሁ ለምታምኑ ኢትዮጵያዊትና ኢትዮጵያውያን!” በሚል ርዕስ በበተነው መልዕክት ” በምርጫው ሳይሆን ፣በተፈጥሮ ሕግ ምክንያት የአፍ መፍቻ ቋንቋቸው አማርኛ ከሆነ ወላጆች የተወለዱ የነገደ ዐማራ ማኅበረሰብ አባላት ባለፉት የትግሬ ወያኔ ዘረኛና ናዚያዊ አገዛዝ፡-
 በኢትዮጵያዊነት ብሔርተኝነት አራማጅነት፣
 በኢትዮጵያ አንድነት ጠበቃነት፣
 በነፍጠኝነት፣
 በትምክህተኝነት፣
 በአድኃሪነት፣
 በጨቋኝ ብሔርተኝነት፣
 በገዥ መደብነት ፣ ወዘተርፈ
ፈርጆ የዘር ማጥፋት እና የዘር ማጽዳት ወንጀል የተፈጸመበትና እየተፈጸመበት ያለ መሆኑ በደቡብ፣ በኦሮሚያ፣ በአፋር፣ በሶማሊያ፣ በቤንሻጉል ጉምዝ ይኖሩ የነበሩ ዐማሮች በዘራቸው ምክንያት በወረንጦ እየተለቀሙና በቀን መብራት እየተፈለጉ በወታደራዊ ኃይል በታገዘ አፈና እየታፈሱ መባረራቸውንና በርካታዎቹም መገደላቸው ይታወቃል፡፡ ይህ ድርጊት በየትኛውም ዘረኛ፣ ፋሽስትና አምባገነን አገዛዞች ያልተደረገ፣ በኢትዮጵያ በዘረኛው የወያኔ ትግሬ አገዛዝ ለመጀመሪያ ጊዜ አካባቢዎችን ከአንድ ዘር የጸዳ የማድረግና ይህንኑ ዘር አድኖ የማጥፋት ተግባር በማን አለብኝነት ሲከናወን እያየን ነው፡፡” አለ።
“ኤርትራውያን ኢትዮጵያዊ አይደለንም፣ በኢትዮጵያ በቅኝ ግዛት የተያዝን ነን ብለው ለ30 ዓመታት ታግለው፣ በወያኔ የመገንጠል መብት አገኝተው፣ ከተገነጠሉ በኋላ በአገሪቱ ሁለንተናዊ ሀብት ተጠቃሚዎች እንዲሆኑ እየተደረገ ነው፡፡ ዐማራው በአገር አትኖርም ተብሎ እየተባረረ ኤርትራውያን ባለመብቶች ሆነው በአገሪቱ ንብረት ይዝናናሉ፡፡” ያለውን የሞረሽ መል ዕክት ለማንበብ እዚህ ይጫኑ