በጠላት ነፃ የሚወጣ ህዝብ የለም !  

ኢትዮጵያ ላለፉት ሶስት  አስርተ ዓመታት  የገባች የፅልመት እና ዉቀድቀት ጉዞ በግፈኞች እና ኢትዮጵያ ጠል ጥምር የጥፋት ሴራ ከጂምሩ ግንቦት ፳ ቀን አስራ ዘጠኝ መቶ ሠማንያ ሶስት የተዘራዉ የጥፋት እና ሞት ዕሳት ሁለንተናዊ መቀጣጠል እየሆነ ነዉ ፡፡

ፀረ ኢትዮጵያዉያን ኢትዮጵያን እና ኢትዮጵያዊነትን ከምድረ ገፅ ለማጥፋት ፣ ከታሪክ ማማ ለማዉረድ እና ከሰማይ በታች ኢትዮጵያን ለማጥፋት ከጥፋት ስምምነት (ጥላቻ እና አግላይነት) ሠነዶች በሚቀዳ ክህደት የኢትዮጵያ ህዝብ እና አገር ተደፍሯል፡፡

ኢትዮጵያን ከዉስጥ በማናጋት ከዉጭ በማጋጫት  አገር ያለ በር (ወደብ)፣ ዳር ድንበር ሲደፈር ፣ ህዝብ በማንነቱ በአገሩ ሲሳደድ፣ ሲዋረድ ፣ ሲታረድ እና ሲሞት ዓሜን ብሎ የተቀበለዉ አጥፊዉ እና የአጥፊዉ ተባባሪዎች ብቻ ሳይሆኑ ዛሬ ስለ ብሄራዊ አንድነት ፣ ደህንነት ፣ሠላም እና ዕርቅ ሲያስተጋባ ማየት ህመሙ ሠዉነት ላለዉ ከባድ ነዉ ፡፡

ትናንት በመላዉ ኢትዮጵያ የኢትዮጵያን ጥንታዊ እና ታሪካዊ ታላቅነት ለማጥፋት በኢትዮጵያዊነት እና ዓማራነት ላይ ለደረሰዉ ክህደት እና ጥፋት ለምን ማለት ሆዱ እና ጥቅሙ ከአገር እና ህዝብ በላይ የሆነባቸዉ አድር ባዮች ዛሬ ስለ ህዝብ እና አገር የአዞ ዕንባ የሚያነቡ  አስመሳዮች ከናዚዎች በምን እንደሚለዩ ግልፅ አይደለም ፡፡

ናዚዎች በአገራቸዉ እና ከአገራቸዉ ጀርመን ዉጭ የሚኖሩትን የዘመኑን ፅዮናዉያን  አሳዶ ማጥፋት በወቅቱ ከነበሩት ዘረኞች በመሆን ዘረ-ፅዮናዉያንን ከምድረ ገፅ ለማጥፋት  ክንዳቸዉ እስኪዝል የዘር ፍጂት እና ጥፋት አድርገዋል፡፡

እ.ኤ.አ. 1940 ለእስራኤላዉያን እንደ አገር መመስረት መሰረቱ የአስራኤላዉያን ( ፅዮናዉያን) ያላሳለሰ ብርቱ ክንድ እና ህብረት ተጋድሎ ተመሰረተች እንጂ ናዚዎች እና ተስፋፊ የጥፋት ግብረ አበሮች አልነበሩም ፡፡

ከዚህ ጋር ተያይዞ የደበቡብ አፍሪካ የቅርብ ጊዜ ነፃነት ዕዉን የሆነዉ በቅኝ ገዥዎች  እና በአድር ባዮች ሳይሆን ዕንቁዉ የጥቁር ምድር የነፃነት ታጋይ  እና መሪ ኔልሰን ማንዲላ ቁርጠኛ መሪነት ብቻ እና የነፃነት ታጋዮች የደም እና ህይወት ዋጋ ክፍያ ነበር ፡፡

እኮ እንዴት ነዉ ዛሬ ኢትዮጵያ፣ ኢትዮጵያዉያን እና ዓማራ በዘመኑ  ኢትዮጵያ ጠሎች (Racist ) ሠላም ፣ አንድነት ፣ነፃነት እና ህልዉና ሊረጋገጥ የሚችለዉ ፡፡

ለምንድን ነዉ ዕዉነት ስለ ኢትዮጵያ እና የሰዉ ልጆች ደህንነት እና ክብር ያሳስበናል የሚሉት ስለተበዳይ ካሳ እና ስለበዳይ መካስ እና መከሰስ(መጠየቅ) አንድም ጊዜ መናገር የማይችሉት ፡፡

ኢትዮጵያ የሁላችን አገር ናት ብለን ዋጋ መክፈል እንዴት እንደ መናኛ ዕቃ እየተወረወረ ኢትዮጵያ ለሞቱላት ዕሬት ፤ለገደሏት ወተት እንድትሆን የሚሰራዉን ብሄራዊ ደባ ሳናስቆም እንዴት ጥልቅ እና ሩቅ የሚጓዝ ብሄራዊ ስምምነት እና አንድነት ይኖራል፡፡

ለማንኛዉም የየትኛዉም አገር ህዝብ ሉዓላዊነት በዜጎች ነፃነት እና ህልዉና መከበር ጋር የማይነጣጠል እንደመሆኑ ዕዉነተኛ እና ዘላቂ ብሄራዊ ጥቅም ለማንበር ምርት እና ግርድ መለየት ያስፈልጋል ፡፡

ጠላትንም ሆነ የተወሰነ መደብ ጥቅም እና ፍላጎት ለማስጠበቅ ሲባል የህዝብ እና አገር ጉዳይ ቸል ማለት ቆሞ ለአገር እና ህዝብ የሚሆን ስም እና ታሪክ ሰርቶ ማለፍ በሚያልፍ ዓለም የዘላለም ስም ለትዉልድ እናዓለም ማሳለፍ ይጠቅማል፡፡

ህዝብ በአገሩ እና በምድሩ እየሞተ የሚፈጠር አገር ስለማይኖር የግል እና የወል የመኖር ተፈጥሯዊ መብት ሳይከበር ብሄራዊ ጥቀም እና ሠላም ማስከበር የሠላሳ ዓመታት ንግግር እንጂ ገቢር ሆኖ ባለመታየቱ ተግባር እና ግንባር ፊት ለፊት መምጣት ይኖርባቸዋል ፡፡

ከዚህ ዉጭ ለዓመታት የደም እና ዕንባ ጎርፍ ለሚያጥባት አገር በንግግር እና ግንባር በማዞር  አይቶ እንዳላየ ፤ሰምቶ እንዳልሰማ የሆነ ስለምን ይነገራል በምን መመዘኛ ፡፡ አበዉ  “ ማን ይናገር የነበረ ፤ ማን ያርዳ የቀበረ ”   እንዲሉ ሲሆን ከዚህ ዉጭ  ጩኸቴን ቀሙኝ የብልጠት  ንግግር እና የክህደት ሩጫ መቋረጥ ይኖርበታል ፡፡

 “የየትኛዉም ህዝብ  ነፃነት እና ህልዉና የሚረጋገጠዉ  በተባበረ ክንድ  ብቻ ነዉ  ”

ኔሎስ