ማዕከላዊ ጎንደር ጭልጋ የጦር አውድማ መስላለች | በተከሰተው ግጭት የሰው ሕይወት ጠፋ | ንብረት ወደመ

1 Comment

1. የሃገሬ ሰው የእብድ ገላጋይ ድንጋይ ያቀብላል ይላል። አሁን እንሆ በአማራና በቅማንት መካከል ምን ልዮነት ኑሮ ነው ሰው ሰውን የሚገድለው? ይዘገንናል። እረፍት ያጣች ምድር። የጭቃና የኖራ ቤት አቃጠልክና ጅግና ነኝ ብለህ ትፎክራለህ። ሰው ወንድሙንና እህቱን ገድሎ በደስታ የሚሽልልባት ሃገር ኢትዮጵያ ብቻ ናት። በመሰረቱ ለዛሬው ትንኮሳና የጎሳና ጎጥ የወረርሽኝ በሽታ ተጠያቂው ወያኔና ሻቢያ ናቸው። ባሩድ አሽተው በረሃ ከገቡበት ጊዜ ጀምሮ ስራቸው ሁሉ የድርቡሽ ነው። ዛሬም ቢሆን በእርጅና ተንኮል መስራታቸው እንዳለ ነው። እሳት ሰጥተው አይዞህ እያሉ ሌላው ሌላውን እንዲያጠቃ የሆነው እነርሱ በቀደዱት የተጣመመ የፓለቲካ ፈርና ቋስቋሽነት ነው።
   በቋንቋ፤ በሃይማኖት፤ በዘርና በሌላው (ክልላዊ በሽታ) ተይዘን ሃተፍ ተፍ ስንል ጀንበር ትጠልቃለች። ይህን የእኛን ደካማ ጎን ከቅርብና ከሩቅ ያዮ ጠላቶቻችንም ነዳጅ እያቀበሉ አይዞህ በማለት አንድ ሌላውን እንዲያጠቃው ዝንተ ዓለም ይጥራሉ። የሃበሻው ምድር ግን ገና አልነቃም። ጠላቱንና ወዳጁን ለይቶ አላወቀም። ሰርቶ ከመኖር ይልቅ ገድሎ መዝረፍና ለከፋፋዮችና ለሃገር አጥፊዎች መሳሪያ መሆንን ይመርጣል። አሁን በጎንደርና በዙሪያው የምንሰማውና የምናየው ይህኑ ነው። ወያኔ በመሰረቱ እሳትን እንደ ፓለቲካ መሳሪያ መጠቀም የጀመረው ገና በረሃ እያለ ነው። ሰዎችን ለመግደል ከሚጠቀምበት አንድ ዘይቤው በጭስና በእሳት ማስወገድ ነው። ይህ ከሚያልፍ ወንዝ የተቀዳ ታሪክ አይደለም። በላይና ታች አርማጭሆ፤ በወልቃይትና ጠገዴ እልፍ የሃገራችን ሰዎችን ያጠፋበት መንገድ እንደነበር ዛሬም የዓይን ምስክሮች ይነግሩናል። ሞት ያስወገዳቸው ጠ/ሚ መለስ ለአንድ የአሜሪካ ልዑካን “አማራን አንወድም፤ እነርሱ ወደ ስልጣን ከመጡ ሰላም አይሆንም” በማለት ለመናገራቸው ወያኔ የቱን ያህል የተጣረሰ ፓለቲካ እንዳለው ያመላክታል። መሆን የነበረበት ከየትኛውም የሃገሪቱ የመጣ ይሁን መመዘን ያለበት በአስተዳደር ብቃቱ እንጂ በዘርና በቋንቋው ወይም በሃይማኖቱ መሆን የለበትም። የወያኔው አፈቀላጤ አቶ ጌታቸው ረዳ ” አማራና ኦሮሞ አንድ ሆኑ ማለት እኛ የቤት ስራችንን አልሰራንም ማለት ነው” በማለት በጋዜጠኞች ፊት ያለፍረት ሲደነፉ ማብራሪያ የጠየቀ የለም። ነገሩ ቀላል ነው። አኖሌን ያቆምነው አንድ እንድትሆኑ ሳይሆን እንድትከፋፈሉ ነው ማለቱ ነበር። አሁን በጎንደርና በዙሪያዋ እሳቱ፤ ግድያው፤ አፈናው፤ ቅሚያው ሁሉ በወያኔ የተቀነባበረ እንደሆነ ያለፈ ተግባራቸው መረጃ ነው። የአማራ ተወካይ ተብየወች ባህር ዳር ላይ ተቀምጦ በስማ በለው በደረሰ ወሬ ሁሌ የተጣመመ መግለጫ ከመስጠት ይልቅ ዝርዝር መረጃ ያለውና የሞቱት ሰዎች ስም፤ የጠፋው ሃብት፤ ዝርፊያና ግድያው የተፈጸመበት ጊዜና ስፍራ ከአውራጃ/ወረዳ/ም/ወረዳ/ቀበሌ በጽሁፍ በመቀበል ይፋ ማድረግ ያስፈልጋል። የተፈጠረውም በደል በቪዲዮና በስፍራው ባሉ ሰዎች ቃለ መጠየቅ ጋር ተጠቃሎ ለህዝብ ጀሮ መድረስ አለበት። ያለበለዛ ባህር ማዶ ላይ ቆሞ ሞረሽ ቢሉ ሰሚ የለም።

Comments are closed.