የደብረ ማርቆስ ከተማ አስተዳደር ዛሬ ጠዋት ባካሄደው አስቸኳይ ጉባኤ በመለስ ዜናዊ ይጠራ የነበረውን ፓርክ ስም ቀይሯል፡፡
በጉባኤው በተደጋጋሚ ከህዝብ የፓርኩን መጠሪያ አካባቢያችንን መሰረት ያደረገ ይሁን በሚል ሲጠየቅ እንደነበር ተነግሯል፡፡ በዚህ መሰረት የነዋሪውን ህዝብና በተለይ የወጣቱን ጥያቄ መመለስ ስለሚገባ ስያሜው እንዲለወጥ ጉባኤው ወስኗል፡፡ በመሆኑም ከዛሬ ጀምሮ ፓርኩ መንቆረር የወጣቶች መዝናኛ ማእከል ተብሎ እንዲጠራ በሙሉ ድምፅ ውሳኔ ማሳለፉን ያገኘነው መረጃ ያመለክታል፡፡ መንቆረር የደብረ ማርቆስ የቀድሞ መጠሪያ ነው፡፡ በተያያዘም ጉባኤው አዳዲስ ሹመቶችንም አፅድቋል፡፡
ከተጀመረው ለውጥ ጋር አብረው ይራመዳሉ በሚል አቶ ዳንኤል በላይን የከተማው ከንቲባ አድርጎ ሲመርጥ አቶ መርከብ የሻነውን የአስተዳደሩ አፈ ጉባኤ አድርጎ ሾሟል፡፡ በተጨማሪም ከ20 በላይ አዳዲስ አመራሮችን ሹመት ጉባኤው ካፀደቀ በኋላ አመራሮቹም የተሰጣቸዉን ሃላፊነት በቅንንት፤ በታታሪነትና እንዲያገለግሉ እና የህዝብን አንገብጋቢ ችግር በመፍታት በየዘርፉ ዉጤቶችን ለማስመዝገብ ጥረት እንደሚያደርጉ በቃለ መሃላቸዉ ገልፀዋል፡፡
https://www.youtube.com/watch?v=KcPKUXGZAys&t=28s
