“ከወያኔ ጋር ወግነው አማራውን የገደሉትን ለፍርድ እናቀርባለን” – የሞረሽ ወገኔ የአማራ ድርጅት መግለጫ

ሞረሽ ወገኔ የዐማራ ድርጅት ሰኞ ታኅሳስ ፲፯ ቀን ፪ሺህ፱ ዓ.ም. ቅፅ ፬ ፣ ቁጥር ፴

ከዚህ ወዴት? እንዴት?

ድንገተኛ ጎርፍ አምጥቷቸው የጀግንነት ከበሮ ሲደልቁ የቆዩት ወያኔዎች እራሳቸው ተደልቀው የታሪክ ትቢያ የመሆናቸው ጊዜ ብዙ ያዘግማል የሚል ግምት የለም። እነዚህ ጎጠኞች የዘሩት የጎጥ ዘር እራሱ ሊጠራርጋቸው አፉን ከፍቷል። ወትሮውንም ከፍተኛ ቁጥር ያላቸው ብሄረሰቦች ባሉበት አገር እንኳን እንደወያኔ ያለው የለየለት ዘረኛ ጉጅሌ ይቅርና አናሳዎች ፤ስልጣን ላይ ሲወጡ እምነት በማጣት ሌሊት ተቀን ሲባንኑ ፣ሲገድሉ ፣ ንጹሃንን ወደ ወህኒ ማጋዝ ስራቸው እንደሆነ ይታወቃል።

በቅርብ የተቀጣጠለው ጠንካራ የሕዝብ አመጽ ወያኔዎችን እንደልብ እንዳይቦርቁ ገትቷቸዋል። ይሁን እንጂ ወጣቶች በሰሜኑም ሆነ በምዕራቡ ኢትዮጵያ ያሳዩት የዐማራውና የኦሮሞው የደምና የትስስር አንድነት መፈክር የአናሳዎችን የቁም ቅዠት እጅግ አባብሶታል። አመጹ ወያኔን እየከበበውና እየዋጠው ቢሆንም ባንድ ሌሊት ይተናል ብሎ ማሰብ የዋህነት ነው። ይህ የሁለቱ ብሄረሰቦች የተባበረ እንቅስቃሴ ቀድሞውንም ለኢትዮጵያ መሰረት መሆኑ ግልጽ ነው። አሁንም ለጸናች ኢትዮጵያ መቀጠል ወሳኝነት አለው ።

ይሁን እንጂ በወጣቱ መካከል የሚታየው ይህ ተስፈኝነትና ትግል በሁለቱ ብሄረሰቦች ምሁራንና ፓለቲከኞች ስልታዊ ሕብረት ሲታገዝ አይታይም። የተጠናከረና የተቀናጀ ተግባራዊ የትግል ስልት ባጭር ጊዜ ውስጥ ምድር ላይ ሊታይ በተገባውም ነበር። የተያዘው ድል ቀላል ባይሆንም ቀጣዩ ትግል ነው የመጨረሻውን ምዕራፍ ለመደምደም የሚያበቃው። የጦርነት አበቃ ድል እወጃ ቅርብ አለመሆኑን መረዳት መዘናጋትን ያስቀራል። ባንዳንድ ወገኖች የሚታይ የድል ባለቤትነት ይገባኛል ሽሚያም ወቅቱ አለመሆኑ ብቻ ሳይሆን ትግሉን አያግዝም ። በዚያውም ላይ ላም ባልዋለበት ኩበት ለቀማም እንዳይሆን ያሰጋል።

ወያኔዎችና እነሱ የቀፈቀፏቸው ሌሎች መንደረተኛ ጽንፈኞች ዐማራውን ቃል መግለጽ በማይችለው መንገድ አሰቃይተው ፈጅተውታል። የችግሩ ክፋት የዐማሮችን ትዕግስት ገደብ ጥሶት፤ ቢያረፍድም ባነናል።ከዚህ ወዲህ ወደ ኋላ ላንመለስ መነሳታችን ብቻ ሳይሆን አቅላቻው የከዳቸውን ነፍሰ ገዳዮች የወይራ ዝንጣፊ ይዘን እንደማንጠብቃቸው ጠንቅቀው ሊረዱ ይገባል።

ተጨማሪ ያንብቡ:  አምባገነናዊ ሥርዓት “ህጋዊ” የሆነባት ሀገር - “ኢትዮጲያ”

በሌላ በኩልም በዘር መደራጀት ወያኔ በቀደደው ቦይ መፍሰስ ነው የሚሉ ወግ አራቂዎች አሁንም አደብ አልገዙም። የኢሃዴግ የዘር ፓለቲካ እና የዐማራው መደራጀት ጭራሽ አይገናኙም ። ዱባና ቅል ለየቅል አሉ። እነዚህ የቅቤ አንጓቾች የማይመልሱት፣ መሰረታዊ ጥያቄ ለሚሞት፣ ለሚሰደድ፣ለሚፈናቀለው፣በሃገሪቱ ዳርቻ ለሚዋከበው ዐማራ ማን ይቁምለት? እጣ ፋንታውስ ምን ይሁን ? የሚለው ነው፡፡ እንደ እውነቱ ከሆነ የሁላችንም የሆነችውን ኢትዮጵያ ብሄርተኝነት ማስጠበቅ ለዐማራው ብቻ የሚሰጥ ሃላፊነት አድርጎ የማሰቡ ነገር ልክ ካለመሆኑም ባሻገር ለኢትዮጵያ ብሄርተኝነት መለምለም ሲባል ዐማራው ሲሞት ዝም ብሎ መታየት አለበት ለማለት የሚቃጣው ነው፡፡

የዐማራውን ሰቆቃ ለዘነጉት ወይንም አውቀው ለሚያድበሰብሱት በጥቂቱ እናስታውሳቸው። በዘመን የተለያዩ ፤በስፍራ የተራራቁ አያሌ ውጣ ውረዶች ዐማራውን ገጥሞታል። ይሁን እንጂ አሁን የገጠመው በአይነቱም ሆነ በይዘቱ የታሪክ አቻ የለውም። ሕይወትን ማቆየት ሕይወትን የሚያስከፍል ግጥምጥም የሆነበት ቀን የከዳው ሕዝብ ሆኗል። ማንነታቸውን ሳይመርጡ አፍቅረውና ተፈቅረው በኖሩበት አካባቢ በጠራራ ፀሃይ ሕይወታቸውን እንደዋዛ አጥተዋል። ዐማራው መከራን በፀጋ መቀበል እጣ ፋንታው ይመስል ስጋው በእዋፋትና አራዊት ከርስ ውስጥ አዳሪ እንዲሆኑ ተደርጓል።የጃን አሞራው ጀግና ልጅ ለጥምብ አንሳ ግብር እንዲውል አድርገውታል። የባህልን አጥር ጥሶ ለዘመናት ሁሉም ቤቴ ብሎ የኖረው ዐማራ እንደጸጉረ ልውጥ ተቆጥሮ ባይተዋር ሆነ።የሰርክ ማንነቱን እንዲጥል ዐይኑን ባይኑ እንዳያይ አመከኑት። በዘረኞች እኩይ ቅስቀሳ የተነሳ በያካባቢው ሕዝቡ በ«እንኳን ደህና መጣህ»ልቡን ከፍቶ ፤ፊቱን ፈትቶ፤እጁን ዘርግቶ መቀበሉ ቀርቶ የእንሰሳ እንኳን ማዕረግ ነፈገው። ይህ መከራ የተጫነው ሕዝብ ለዘመናት ለሁሉም እንዳልሞተ ሁሉም ዘመቱበት። የእርጥብ ፓለቲከኞች መሳለቂያ ሆነ። ብላቴና እህቶቻችን ወደ የአረቡ አለም እየተጋዙ የዝሙታን ርኳቤ ማስታገሻ ሆኑ።

እነዚህ ጉብል ወጣቶች በተናጥልና በስውር የሚገጥማቸውን መሪር መከራ መጋፈጥ የአዘቦት የኑሮ እጣፋንታ ሆናቸው። ልዕለ ተፈጥራዊና-ልእለ ሰብአዊ መብታቸው ተገሰሰ። የዛሬዋ የወያኔ ኢትዮጵያ ለዐማራው ጓጉቶና ጎምዥቶ ዳሩ ግን ፈርቶና ሸሽቶ የሚኖርባት እንግዳ ምድር ሆነችበት።

ተጨማሪ ያንብቡ:  በእብደት ላይ እብደት እየጨመሩ ያሉት የአድዋ ልሂቆች - ነጋሪት

ይህን ሁሉ ወደጎን በመተው ለአገራችንና ለሕዝባችን ቅድሚያ በመስጠት በብሔራዊ አጀንዳ ዙሪያ ለመስራት ፈቃደኝነታችንን አሳይተናል። ሞረሽ ወገኔ የዐማራ ድርጅት ቀደም ሲል የትግል የጋራ ትብብር አስፈላጊ መሆኑን በመገንዘብ በኢትዮጵያዊነታቸው ለሚያምኑ ወገኖች ሁሉ የትብብር ጥሪ ማድረጉ ይታወሳል። የተናጥልና የፊና ትግል ውጤቱ የወያኔን መንግስት ዕድሜ ርዝማን እገዛ ነው። ኦሮሞና ዐማራ ትግሉን ማጦዝ ይዟል። ሁሉም በታየውና በተቻለው መንገድ ትንንቁን ቀጥሏል። አሁን የምንዘናጋበትና የየራስ ሚናችንን እና ያስከተለውን ውጤት የምናውጅበት ወቅት ሳይሆን በጋራ የወያኔን ሃይል ማዋከብ የምንቀጥልበት ወቅት ነው። ዐማራ ዘንድ ጋብ አለ ሲባል ኦሮሞ ውስጥ ሲጦፍ ኦሮሞ ዘንድ ጋብ አለ ሲባል ዐማራ ትግሉን ሲያጋግለው የዘረኛውን መንግስት ጉልበት እየተብረከረከና ብሎም መንኮታኮት ይይዛል። ዳሩ ግን ሁኔታውን ሁነኛ በሆነ መንገድ ያልገመገሙ አንዳንድ ጽንፈኞች ይህንን የተጀመረ የጋራ ትግል አዳክመውና ለግላቸው ሚና የተጋነነ ድርሻ ገምድለው በመስጠት ሰልፉን ያበላሹ እለት የባሰ የትግል አቀበት የመግጠሙ ጉዳይ አያጠራጥርም። አንድ ግልጽ መሆን ያለበት ዐማራው ሞቷል። ተባሯል ተግዟል። ይህ ግን ይቆማል። ዐማራው ከዚህ በኋላ ዝምብሎ መሞት እንደለሌለ እቅጩን ተናግሯል። ስለሆነም ሁኔታው ያታለላቸው አንዳንድ የዋህ ወገኖች ሌላ ቅዠት ውስጥ እንዳይገቡ በጽኑ ልናስጠነቅቅ እንወዳለን።

ይህ ፳፭ ዓመት ለማንም ህሊና ላለው ሁሉ የሚያስተምረው ነገር አለ። ይሀውም ማንም ብቻውን ኢትዮጵያ ውስጥ ከዚህ በኋላ ስልጣን መፈናጠጥ እንደማይችል። «ጦርነት እንሰራለን» እያሉ ሲመጻደቁ የነበሩት የትግራይ ሽፍቶች ሳይቀሩ በወጣቶች ድንጋይ እየተፍረከረኩና መላው እየጠፋቸው ነው። ዱሮውንስ የጊዜ እንጂ የሰው ጀግና የለውም ተብሎስ የለ።

በየጊዜው የሚነሱ የፓለቲካ አለመረጋጋቶችንና ግብግቦችን እያጀቡ የወጀብ አጃቢ ከመሆን በተቀናጀ መንገድ የፓለቲካውን ወጀብ ፈጣሪ ሃይል መሆንን የፓለቲካው ጉዞ የሚጠይቀው መሰረታዊ ጉዳይ ነው። ደግሞስ እስከመቼ ነው ንቁና ብቁ የሆኑ በሺዎች የሚቆጠሩ ወጣቶችን ለሞት፤ለእስራት፤ ለስደት እየገበርን የምንቀጥለው? እስከመቼ ነው ወያኔ አንድ ጊዜ የአስቸኳይ ጊዜ አዋጅ ሌላ ጊዜ ኮማንድ ፓስት እያቋቋመ ዐማሮችንና ኦሮሞዎችን የሚጨፈጭፈው? ወያኔ የምርጫ ኮሮጆ በገለበጠበት የ1997 ምርጫ ማግስት በብዙ ሺ የሚቆጠሩ ጀግኖች ኢትዮጵያውያንን ገብረናል።ብዙ አካለስንኩላንን አፍርተናል። ወደ አረቡ አለም ተሰደው የበረሃ ሲሳይ ሆነዋል። አሁንም እየሆነ ያለው ይሀው ነው።

ተጨማሪ ያንብቡ:  ትህዴን በሺህ የሚቆጠሩ ታጋዮችን ማስመረቁን አስታወቀ (የሠራዊቱን ቪድዮ ይዘናል)

ያለፈው ታሪክ ለትምህርታችን ያሁኑ ለጋራ ሕይወታችን ቀጣዩ ለመጪው ትውልድ መሆኑን ተረድተን በብልሃትና በጋራ አገራችንን ልንመራ ነባራዊው ሁኔታ ግድ ይለናል። ይህ ካልሆነ መሪነትን ለራስና ጽንፈኝነትን እንደግብና መታገያ ስልት አድርገን ከያዝን ነገም በተራችን አመጽ ጊዜውን ጠብቆ የምናገፈጠው ጭራቅ መሆኑ ሳይታለም የተፈታ ነው።ላንዴና ለመጨረሻ የዲሞክራሲን ስርአት ተክለን ሕዝባችንን ቀጣይነት ያለው እፎይታ እናጎናጽፈው።

የድርጅቶች የነጠላ ፓለቲካ ጉዞ የሰለቸው የኢትዮጵያ ሕዝብ በ 1997 ምርጫ ወቅት «ተባበሩ ወይም ተሰባበሩ» ማለቱን እናስታውሳለን። አሁንም ያልተመለሰው ጥያቄ ይሀው የተባበሩ ጉዳይ ነው። በውስጥ ያሉት የፓለቲካ ድርጅቶች በወያኔ ደህንነትና ፍርፋሬ ተቋዳሾች ለትብብር ስንክሳር ቢበዛባቸው አይገርምም። ከውጭ ያለነውን ወደ ሃላ የጎተተን ምን ይሆን? በሰለጠነው አለም እየኖርን በጠረፔዛ ዙሪያ ሆነን መነጋገርን ማን? ምን? ከለከለን። ለመሆኑ የባቢሎን ግንብ የሆነብን ቅጥር ምን ይሆን?

ለትብብርና አገርን ለማዳን በጋራ ለመስራት የተዘጋጀነውን ያህል ዐማራውን ካፈናቀሉ ፤ ዘመን ሊቀየር እንደሚችል ዘንግተው ከወያኔዎች ጋር ወግነው ዐማራውን ካጠፉት ጋር መተባበር ሳይሆን ሁኔታዎች በሚፈቅዱ ወቅት ለፍርድ የምናቀርባቸው መሆኑ መታወቅ ያለበት መሆኑን ሞረሽ ወገኔ ከውዲሁ ያስገንዝባል።

ዐማራን ከፈጽሞ ጥፋት እንታደጋለን!

ድል ምንጊዜም የሕዝብ ነው!

3 Comments

  1. The rise of racism and the fate of Ethiopia and Ethiopians has to be watched seriously. The shocking number of ethnic political organizations who vows to struggle for independence of their specific ethnic group put the present and future lives of other minor ethnic groups in danger. The idea of the ethnic politics to bring to power that groups to political power to govern the country. Even though if one group succeeds, the other ethnic groups will continue to wage war against the succeeded group. There fore , the ethnic war will continue from one ethnic political power to the other ethnic political power. Unless and otherwise Ethiopians unite together and live together with respect each other, we will never have peace and stability. Expect the worst that the small ethnic groups are moving finding their ethnic politicalgroups to wage their “freedom”from coming possible racial rule.
    To stop rscism in Ethiopia, the only way is to do things as Ethiopians. It is unforgivable mistake to destroy Ethiopia and Ethiopians by our own. Unless Ethiopians save themselves, no body will secure the sovereignity of the country. What is the problem to come together as Ethiopian? Can we exist aspeople and country if se continue ethnic politics? Even do not dream with this caner politics to succeed.

  2. https://www.youtube.com/watch?v=LaRNBqkhmQM

    To overthrow Woyane, we need to really investigate those corrupt Arada people that sold their soul to Woyane. These Arada people are the ones that go around selling information to Agazi. That is why you don’t see any big protest in Addis Ababa like you see at other parts of Ethiopia. Many Addis Ababa’s Arada people are making a luxurious living by being informants to Agazi . I am sure the recent fires in Addis Ababa were the works of Meles Zenawi’s friends who their benefits had been discontinued after Meles Zenawi’s death.
    Piazza/Arada , Habtegiorgis Dildiy and Gullele are full of Meles Zenawi’s childhood gangster friends.
    Meles Zenawi resided at his relatives house in Arada (Piazza) area while he was in high school and also while he was in college during Hailesseasie time. Meles also went to school at General Wingate school which is located in Gullele area. Many Piaza area Arada people got privileges that other people didn’t got just for the reason .These Arada people gangsters had similar background experiences with Meles Zenawi when they grew up as a child. Basically Meles favored them because they members of the same gang (the Arada/Gullele gang of the pre-Derg time).
    Many people that grew up in Arada and Gullele became powerful people, with many overnight becoming millionaires and billionaires when Meles Zenawi’s was in power. It is a known fact that Meles was the kind of person that only favors those people that had similar backgrounds like him.

    After Meles’s death many of his old friends that were members of the Arada/Gullele gang of the pre-Derg time had been disappointed because the recent protests had interrupted their usual luxurious lifestyle with no serious killing being done by the government in Addis Ababa as Meles would have done if he was still in power. So it is highly likely in the recent fires these members of the Arada/Gullele gang of the pre-Derg time were trying to burn down the areas in attempt to kill the student protestors .

  3. Cadre Tekle yehuala, while you are trying to bring TPLF killers to justice you have also to confess your derge era crimes that you torture and kill innocent Ethiopians just for having a political view other than the fascistic derge and its followers like you. Unless you do this you are just another hypocrite. TPLF killers are no different than you the derge cadre.

Comments are closed.

Share