የቀጠለው ድርድር

June 2, 2022

282647322 2336782716478206 4932425828003934178 n

መቀሌ ላይ ከህወሃት ሊቀመንበር ዶክተር ደብረ ጽዮን ገብረ ሚካኤል ጋር የተነጋገሩት የአፍሪቃ ሕብረት ልዩ መልዕክተኛ የቀድሞው የናይጀሪያ ፕሬዝደንት ኦሊሴጉን ኦባሳንጆ የጀመሩት የሰላም ጥረት «በጣም ዝግ ብሎ ሆኖም ሳይዛባ» ለውጥ እያሳየ መሆኑን ተናግረዋል። አሁን ያለው ሁኔታ ከስድስት ወር በፊት ከነበረው የተሻለ ነው ያሉት ኦባሳንጆ የሚያደርጉት እና ማድረግ አለብን ብለው የሚያምኑት መተማመንን የሚፈጥሩ ርምጃዎች መቀጠል እንደሚኖርባቸው መሆኑንም ለቢቢሲ አፍሪቃ በሰጡት ቃለመጠይቅ ገልጸዋል። በውይይታቸውም ያልተገደበ ነጻ የሆነ የሰብዓዊ ርዳታ አቅርቦት እንቅስቃሴ እንዲኖር፤ እንዲህ ያለው አቅርቦትም በሚፈለግበት በየትኛውም የኢትዮጵያ ክፍል መድረስ እንዲችል፤ በሂደትም ቀደም ሲል የተወሰነውን ጥቃት የማቆም ውሳኔ ተከትሎም በድርድር የተኩስ አቁም ስምምነት ላይ ለመድረስ እንደሚፈልጉ መነሳቱን አመልክተዋል። የአፍሪቃ ሕብረት ኢትዮጵያ ውስጥ ያለውን ግጭት ከምር ወስዶታል ወይ በሚል የተጠየቁት ኦባሳንጆ፤ «ሰላም፣ ጸጥታ እና መረጋጋት በአፍሪቃው ቀንድ እንዲሰፍን እኔን በልዩ መልዕክተኛነት ስለሰየመኝ የአፍሪቃ ሕብረት ችግሩን ከምር እንደወሰደው ማሳያ ነው።» ነው ያሉት።

ለዚህም ሕብረቱን ማመስገን እንደሚገባም አመልክተዋል። የእሳቸው ሚና በተቀናቃኝ ኃይሎች ላይ ጫና ማድረግ ሳይሆን ያለውን ጫና ተመልክተው በየራሳቸው ወደ ጦርነት ሳይሆን ያንን የማቅለል ርምጃ እንዲወስዱ ማበረታታት መሆኑን የተናገሩት ኦባሳንጆ በህወሃት እና በፌደራል መንግሥት መካከል የሰላም ስምምነት ሊፈረም የሚችልበትን ጊዜ አሁን ለመግለጽ እንደሚቸገሩ ገልጸዋል። እንዲያም ሆኖ በሂደቱ ስኬቶችን እያስመዘገቡ በመቀጠል አሁን ያለው የሰብዓዊ ተኩስ አቁም ውሳኔ በድርድር ወደ ሚደረሰው የተኩስ አቁም እንዲሄዱ እንደሚፈልጉም ተናግረዋል።

ይኽ ስምምነት ደግሞ በይፋ ጸብን አስቁሞ በሁሉም የኢትዮጵያ ክፍሎች ትግራይ ክልልን ጨምሮ አገልግሎቶችን ወደ ነበሩበት የመመለስ እንዲያደርስ እንደሚጠበቅም አመልክተዋል። ይኽ በእንዲህ እንዳለም የአፍሪቃ ሕብረት ልዩ መልዕክተኛው ኦሊሴጉን ኦባሳንጆ በዛሬው ዕለት በጠቅላይ ሚኒስትር ዐቢይ አህመድ ከሚመራ የባለሥልጣናት ቡድን ጋር በመሆን ባሌ ሮቤ መግባታቸውን ኦሮሚያ ክልላዊ መንግሥት የኮምዩንኬሽን ቢሮ አስታውቋል። በዚህ ጉዞ ከኦባሳንጆ ሌላ በኢትዮጵያ የዓለም ባንክ ዳይሬክተር ኡስማን ዲዮን፣ የቀድሞው የኢትዮጵያ ጠቅላይ ሚኒስትር ኃይለ ማርያም ደሳለኝ እና የኦሮሚያ ክልል ፕሬዝደንት ሽመልስ አብዲሳ ከተካተቱት ባለሥልጣናት እንደሚገኙ የአገር ውስጥ መገናኛ ብዙኃን ዘግበዋል።

 

1 Comment

  1. What would negotiations between two of the most treasonous entities produce? The only thing they mutually agree on is the dismantling of the Horn of Africa nations to make way for new nations (Greater Tigray -Gondar to Massawa and Greater Oromia – Kombolcha to Mombasa).

Leave a Reply

Your email address will not be published.

Afar
Previous Story

ተቃዋሚው የአፋር ህዝብ ፓርቲ በብሔራዊ ምክክር ላይ ለመሳተፍ እንደሚቸገር አስታወቀ።

who am I I
Next Story

“… አላውቅም ! የወንድሜ ጠባቂው እኔ ነኝን … ? ” ባዮቹ ፤ ቃየንአዊያን እና ባቢሎናዊያን አኛ  አይደለንምን? – መኮንን ሻውል ወልደጊዮርጊስ

Latest from Blog

የአበባው ታደሰ እና የአረጋ ከበደ ፍርጠጣ | ስለአማራ ክልል ከነዋሪዎች የተሰማው | አበባው ጉ’ድ ሆነ – “አበባውን ሳትይዙ እንዳትመጡ”|“በባህርዳር ተከበናል፣ ከፍተኛ አዛዦች ተመተዋል” | “ፋኖ መንግ’ስት ሆኗል” ጄ/ሉ |

የአበባው ታደሰ እና የአረጋ ከበደ ፍርጠጣ አበባው ጉ’ድ ሆነ – “አበባውን ሳትይዙ እንዳትመጡ”|“በባህርዳር ተከበናል፣ ከፍተኛ አዛዦች ተመተዋል”| “እጅ ከመስጠት ውጭ አማራጭ አይኖረንም” ፊ/ማ “ፋኖ መንግ’ስት ሆኗል” ጄ/ሉ |

ከውጭ በተላከ ገንዘብ ሀብት አፍርቶ የተላከበትን ደረሰኝ ያላቀረበ ንብረቱ እንዲወረስ የሚደነግግ አዋጅ ቀረበ

ዮሐንስ አንበርብር በጥፋተኝነት ላይ ያልተመሠረተ ንብረት የመውረስ ድንጋጌም በአዋጁ ተካቷል አዋጁ የሚፀድቅ ከሆነ 10 ዓመት ወደኃላ ተመልሶ ተፈጻሚ ይሆናል ከውጭ በተላከ ገንዘብ ሀብት አፍርቶ የተላከበትን ደረሰኝ ያላቀረበ ሰው ወይም ሊታወቅ ከሚችል ገቢው በላይ ሀብት አፍርቶ ምንጩ ሕጋዊ መሆኑን ማረጋገጥ ያልቻለ ሰው፣ ንብረት በመንግሥት እንዲወረስ የሚፈቅድ ድንጋጌ የያዘ
Go toTop