በምዕራብ ጎንደር ዞን የአማራና ቅማንት ወንድም ሕዝቦች መልካም ግንኙነታቸውን ለማስቀጠል መከሩ

1 Comment

1. የማይተማመን ባልንጀራ በየወንዙ ይማማላል ይላሉ አበው። አሁን ማን ይሙት አማራና ቅማንት የሚያለያያቸው ነገር አለ? ግን የወያኔን የክፋት ጽዋ የተጎነጨ ሁሉ ራሱን በሰውነት ደረጃ ማየት ረስቱ በዘሩ፤ በቋንቋውና በሃይማኖቱ መሰለፉ የሴራው ፓለቲካ ምን ያህል በሃበሻው ምድር ሰርጾ እንደገባ ያሳያል። የደነቆሮ ጩኸት መልሶ መላልሶ እንዲሉ ከተግባር ይልቅ ሁልጊዜ ስብሰባ ማድረግ የተለመደ ባህል ሆኗል። ማን ነው በአይከል (ጭልጋ) ቤት የሚያቃጥለው፤ ሃገር የሚያተራምሰው፤ ለወያኔ አዳሪ ሆኖ ከውጭ ሃይሎች ጋር በማበር የመንግስት መ/ቤቶች እንዲዘጉና የሰው የእለት እለት ኑሮ እንዲቋረጥ ያደረገው? እነማን ናቸው የተከመረ እህል አቃጥለው ተራብን የሚሉት? የእብድ ፓለቲከኞች አይደሉም እንዴ?
   ዛሬ ወያኔ ከአማራ ህዝብ ጋር የማወራርደው ሂሳብ አለኝ በማለት ሰነድ ይዞ እያተራመሰ ባለበት በዚህ ወቅት ከወያኔ ጋር ተሰልፎ አብሮ ወገኑን የሚገድለው የቅማንት፤ የአማራና የአገው ሰው አይደለም? ግን ወያኔ ለራሱ እኩይ ተግባር ተጠቅሞ መልሶ እነርሱን አፈር እንደሚያለብሳቸው እንዴት ሰው መረዳት ይሳነዋል? አሁን በወሎና በአፋር ወያኔ የሚያደርገው የግፍ ሥራ ከወያኔ ጋር ሰው የሆነ ይሰለፋል? አንድ ገበሬ ጓደኞቹ ከፊቱ ላይ በጥይት ተደብድበው የሞቱበት የወሎ ገበሬ ፈጣሪ የአሁኑ እንኳን አተረፈኝ እንጂ እንደ አመት በዓለ ፍየል ተይዤ ከምታረድ እየተዋጋሁ እሞታለሁ በማለት ነበር ቁርጠኝነቱን የገለጠው። የወሊድ የምጥ ጭኾት ለመካን ሴት አይገባትም አይነት ነው ነገሩ።
   ባጭሩ የኢትዮጵያ ፓለቲካ ሰፈርና ጎጥን ተገን ያረገ ጠባብነት የተጠናወተው፤ እልፍ ተናግሮ አንድ መተግበር የማይችል ሰው የሚንጋጋበት ነው። ነገርን መዝኖ፤ ከመናገር በፊት ጉልበትንና አቅምን ሰፍሮ መናገር መልካም ሆኖ እያለ በየሜዳው እያቅራሩ የጠላትን ሃይልና አሰላለፍ ለይተው ሳያውቁ ወያኔ አንድ የማይሰራ ክላሽን ጥሎ ያኑ ለማንሳት ሲሻሙ በጥይት የጨረሳቸው ስንቶች ናቸው? ሽባ አስተሳሰብ ይዘው ጠ/ሚሩን የስንዴ ማሳ ጎበኘ፤ የስቴዲዪም ሥራን አየ፤ በምርጫው ማግስት ድግስ ደገሰ፤ ወታደራዊ መሪዎቹ አዲስ አበባ ተቀምጠው ሰው አለቀ የሚሉ የሾተል ፓለቲከኞች እንደ አሸን የፈሩበት ሃገር ነው። ጠ/ሚሩንም ሆነ ጄኔራሎችን የሚያስወቅስ አንድም ነገር የለም። ጦርነት እየተካሄደ ልማት አይልማ የሚል ሰው እብድ እንጂ ጤነኛ አይደለም። ግን የወሬ ምንዛሬው ከፍ ስላለ ሰው ሰውን እያጥላላና የውሸት ጡሩንባ እየነፋ ገቢ ሰብሳቢ ሆኗል። እንደዛሬው ሰው በዘሩና በቋንቋው በክልሉ ሳይሰለፍ አንዴ ከእነማን ጎን ተሰልፈሃል ቢለኝ ካድሬው ከማንም ስለው መሃል ሰፋሪ ነህ ማለት ነው ይለኛል። አዎን የሚመቸኝ መንገድ እሱ ነው በማለት ትንሽ ተከራክረን ተለያየንና ይህን ግጥም ቀምሬ በቁራጭ ወረቀት ላይ ጽፌ ሰጠሁት በሌላ ቀን ሰጠሁት። ካነበበው በህዋላ ከት ብሎ ስቆ። ትገርማለህ በማለት ያለስንብት ትቶኝ ሄደ። ያ ሰው አሁንም በህይወት አለ። ግጥሙ እንሆ።
   ምንንም ደግፌ ለማንም አልቆምም
   ይህ ይሻላል ብዬ ሌላውን አልጠላም
   እኔ የምመርጠው የሚመቸኝ መንገድ
   በማህል መሄድ ነው ማንም ባልቆመበት።

   መቼ ይሆን የሃበሻው ፓለቲካ ያዘው ጥለፈው የሚለውን የተንኮል ገመድ ጠቅሎ ሰውን በሰውነቱ መዝኖ አህጉራዊና አለም አቀፋዊ እይታው ሰፍቶ የሚኖረው? ጠብቀን እንይ። በቃኝ!

   Reply