በኢትዮጵያ የመኪናው አምራች ድርጅት ሃገሪቱን ባመሳት የውጭ ምንዛሪ እጥረት የተነሳ በምርት ላይ ችግር እንዳጋጠመው አስታወቀ

መንግሥት በተለይም ብሔራዊ ባንክ የውጭ ምንዛሪ አቅርቦት ላይ ያለበትን ችግር ቢቀርፍለት፣ በአጭር ጊዜ ውስጥ ሞተር ብስክሌቶችን እዚሁ ለመገጣጠም እንደሚችል የሊፋን ሞተርስ ምክትል ሥራ አስኪያጅ ማ ኩን (ማርክ) ለሪፖርተር አስታውቀዋል:: ማርክ እንዳብራሩት ከሆነ በኢትዮጵያ ሞተር ብስክሌት ለመፈብረክ የሚያስችል አቅም እንዳለው ቢገልጹም፣ አውቶሞቢሎችን ለመገጣጠም ግን በርካታ መሟላት ያለባቸው ነገሮች እንዳሉ ተናግረዋል:: ያልተቋረጠ የኤሌክትሪክ ኃይል አቅርቦትን ጨምሮ ሌሎች መሠረተ ልማቶች ግብዓቶች በአንድ ጊዜ ተሟልተው መቅረብ እንዳለባቸው አብራርተዋል:: ይሁንና እንዲህ ያሉ አቅርቦቶችን ያለምንም ችግር ሁሉንም በአንድ ጊዜ

ማግኘት ባለመቻሉ እንጂ መኪኖችን ከመገጣጠም ወደ ማምረቱ ለማቅናት ሊፋን ዝግጁ መሆኑን ይገልጻሉ::

የገጠመውን የውጭ ምንዛሪ እጥረት ለመቅረፍ አማራጭ አድርጎ የወሰደው የተገጣጠሙ መኪኖችን ለውጭ ገበያ ማቅረብ እንደሆነ የተናገሩት ማርክ፣ በተለይ ወደ ግብፅ ለመላክ የሚያስችሉትን ጥናቶች አጠናቆ ገበያውን ለመቀላቀል መቃረቡን አስታውቀዋል:: የመንግሥት ተቋማትን ጨምሮ ግለሰብ ደንበኞች መኪኖቹን እንደሚገዙት ያስታወቀው ሊፋን፣ በዓመት በአማካይ ከ500 እስከ 1,000 መኪኖችን ገጣጥሞ እየሸጠ እንደሚገኝ አስታውቋል:: ኩባንያው ዱከም ከተማ በሚገኘው የቻይና ኢስተርን ኢንዱስትሪ ዞን ውስጥ 20 ሺሕ ካሬ ሜትር የማምረቻ ቦታ በመግዛት ማምረት ከጀመረ ሰንበትበት ብሏል:: ከሆላንድ ካር ጋር በመኪና አካላት መለዋወጫ