“የአማራ ህዝብ ተሸንፎ ወሎ ተያዘ የሚለው ፌዝ ነው” – ታዲዮስ ታንቱ

የተከበሩ ታዲዮስ ታንቱ እንዲህ ብለዋል:- “የአማራ ህዝብ ተሸንፎ ወሎ ተያዘ የሚለው ፌዝ ነው”::ከኝህ ሊቅ ጋር በጣም እስማማለሁ::

እና ታዲዮስ ታንቱ “የአማራ ህዝብ ተሸንፎ ወሎ ተያዘ የሚለው ፌዝ ነው” ለምን አሉ? ታዲዮስ ታንቱ በሰጡት ማብራሪያ ላይ አማራ ላይ እየተሰራ ያለዉን ደባ አብራርተዋል::

አማራዉ በደባ እንጂ በጦርነት ከቶም እንደማይሸነፍ አስረግጠዉ ገልጸዋል::

ታዲዮስ ታንቱ ይሄን ያሉት አማራ ጦር ሲገጥም ምን አይነት ባህሪ እንዳለዉ ስለሚያዉቁ ነዉ::አማራን በደባ እና በተንኮል እንዲሁም በክህደት በደንብ ታሸንፈዋለሁ::ፊት ለፊት በጦር ግን አታሸንፈዉም::

በጣም የሚገርም ሌላም ነገር አክለዉ ገልጸዋል:: “ጦርነት ባላስፈለገ ነበር:: ግን አንዴ ሆኖል” ሲሉ ገልጸዋል::

እዉነታቸዉ ነዉ::ጦርነት ባላስፈለገ ነበር ግን አንዴ ሆኗል:: እናም ሀይለኛ ተዋጊ ህዝብ ይዞ እንደ ህዉሃት አይነት ምናምንቴ እና አጭበርባሪ ሀይል አማራን አሸነፈዉ ማለት አይቻልም::ነዉርም ነዉ::

ህዉሃት ባንዳነት:ተላላኪነት: ጥላቻ መስበክ:ተንኮል መስራት:የሌሎች ነገዶችን ዘር ማጥፋት:አንዱን ነገድ ከሌላዉ ነገድ ማጋጨት ብሎም ወንድም የሆነዉን የትግራይ ህዝብ ከወንድሙ የአማራ ህዝብ ጋር ለዘለዓለም ደም ማቃባት የተካነበት ክህሎቱ ነዉ::

ህዉሃት ጦር ገጥሞ ግን በትክክለኛ ዉጊያ በታሪክ አሸንፎ አያዉቅም::ወደ ስልጣን ከሰላሳ አመት በፊትም የመጣዉ በሻዕቢያ ጀርባ ተንጠልጥሎ:በአረብ እና በምዕራባዊ ጸረ ኢትዮጵያዊነት ብሎም ጸረ ሻሊስትነት ደመና ተሳፍሮ ነዉ::

ከዚያ ዉጭ ግን ህዉሃት እንደ ዱር ዉሻ አይነት ባህሪ ያለዉ ፍጥረት ነዉ::

ስለዚህም ታዲዮስ ታንቱ እንዳሉት ጦርነት ባላስፈለገ ነበር ግን አንዴ ሆኗልና የህዝብ መሪ ነን የምትሉ ሁሉ ሚስጢሩን ጠብቃችሁ አማራዉን አዋጉት::ህዉሃትን እንደ ጉም ያተናታል::

ታዲዮስ ታንቱ እናዳሉትም ጦርነት ባላስፈለገ ነበር ግን ሆኗልና ጦርነቱን በአግባቡ ምሩት እንጂ ለዉጊያዉስ ህዝቡ ይጨርሰዋል:: የአማራ ህዝብ ተሸንፎ ወሎ ተያዘ የሚለው ፌዝ ነውና ይሄን ፌዛችሁን በቀናት ዉስጥ ቀልብሱት::

ይሄ ፌዝ የሚቀለበሰዉ ግን የሰራዊት አደረጃጀት እና አመራራ ጉዳዮችን በጥብቅ እና ዉስብስብ የተቋማት ቁልፍ ዉስጥ ስትከቱት ነዉ::ዝርዝሩን ለራሳችሁ ትቸዋለሁ::

እንግዲህ የአማራ ህዝብ መሪነኝ የምትል ሁሉ ከመቁረጥ ዉጭ ምን አማራጭ አለህ? ሚስጢርህን የምትጠብቅበት አደረጃጀት ፈጥረህ ከመዋጋት ዉጭ ምን አማራጭ አለህ? ምንም አማራጭ የለህም::

ወደቀኝም ወደ ግራም ማዬት አትችልም::ወደ ምስራቅ ወይም ወደ ምዕራብ ማዬት አትችልም::ጦርነት ዉስጥ ገብተሃል እና ጦርነቱን እሰይ እያልክ እንደ ሀያላኖች ነገስታት በጦር መሪነት ከዉነዉ::

ከመጀመሪያዉም ኦህዴዳዉያንን አምናችሁ ወደ ጦርነት የአማራን ህዝብ አትክተቱ ብለን ብዙ ጮህን ነበር::ግን ማን ይሰማል?የአማራ ህዝብ መሪ ነን ብላችሁ የአማራን ህዝብ እጦርነት ዉስጥ ማግዳችሁታል እና አሁን ጦርነቱን እንደ ኩሩ እና ጀግና የጦር መሪ ሆናችሁ ምሩት::

ማንኛዉንም ምድራዊ ሀይል ከበላያችሁ ላይ አሽቀንጥራችሁ በመጣል የራሳችሁ የጦር እዝ ሰንሰለት ከፈጠራችሁ ብቻ እራስችሁንም ህዝባችሁንም ትታደጋላችሁ::

ሞት ጌጥ ነዉ::ምን ትፈራላችሁ? በዉበት እና በጀግንነት ሲሞቱት ሞት ዉበት አለዉ:: በተለይም ከምድረ ገጽ እንዲጠፋ ለተበዬነበት ህዝብህ መሞት በራሱ ልዩ ዉበት ያለዉ ሞት ነዉ::

ስለዚህ መጀመሪያ የአማራ ህዝብ መሪ ነን የምትሉ በራሳችሁ ህይወት ላይ ጨክናችሁ ቁርጥ ያለ: ሚስጢር የጠበቀ እንዲሁም በራሳችሁ ህዝብ ላይ ብቻ የቆመ የጦር አመራር ስጡ::

አቢይ እንደሆነ በአንድኛዉ ሳምንት “ታጠቅ !” በሁለተኛዉ ሳምንት “ትጥቅ ፍታ” የሚል የጦር ሀይሎች አዛዥ ነዉና ከዚህ መሰል የጦር ሀይል አዛዥ እራሳችሁን ነጻ በሆነ የእዝ ሰንሰለት በማደራጀት እና ህዝቡን በመምራት ህዝቡን አዋጉ::

ከዚያ ብኋላ ብቻ የአማራን ህዝብ የጦርነት ባህሪ ጠንቅቀዉ የሚያዉቁት ታዲዮስ ታንቱ “የአማራ ህዝብ ተሸንፎ ወሎ ተያዘ የሚለው ፌዝ ነው” ለምን እንዳሉ ይገባችኋል::

የግባችሁ መዳረሻም በወያኔ ህሳቤ የተፈጠረዉ የአማራ ክልል የሚባለዉ ቅያስ ሳይሆን የአባቶቻችሁ ሀገር መላዉ ኢትዮጵያ ይሁን::መላዉ ኢትዮጵያ የሁሉም ኢትዮጵያዊ መሬቱ እና ምድሩ ነዉ::

ይሄን ከተገበራችሁ ብቻ አሸናፊ ትሆናላችሁ::ኢትዮጵያን ለማዳን ከተነሳችሁ ብቻ ኢትዮጵያዊ ሁሉ ከናንተ ጋር ይሆናል::

ይሄን ሁሉ ሚስጢር አመሳጥረዉ እና አሰናስነዉ ነዉ ታዲዮስ ታንቱ “የአማራ ህዝብ ተሸንፎ ወሎ ተያዘ የሚለው ፌዝ ነው” ያሉት:: ይሄ መራራ እዉነት ነዉ::

——————–

ሸንቁጥ አየለ