ለቸኮለ! የዛሬ ዐርብ ጥር 1/2012 የዋዜማ ዐበይት ዜናዎች

4. የታላቁ ሕዳሴ ግድብ የመጨረሻ የሦስትዮሽ ድርድር ትናንት ያለ ውጤት መበተኑን ውጭ ጉዳይ ሚንስቴር በፌስቡክ ገጹ አስታውቋል፡፡ ተደራዳሪዎች ካልተስማሙ፣ 3ኛ ወገን አሸማጋይ ሊጠይቁ ወይም ጉዳዩን ለሀገሮቻቸው መሪዎች ሊመሩት እንደሚችሉ በ2015ቱ የመግባቢያ መርሆዎች አንቀጽ 10 ላይ ተጠቅሷል፡፡ ከዚህ በፊት ጥር 4 ውጭ ጉዳይ ሚንስትሮች በዋሽንግተን ይገናኛሉ፡፡

5. የአዲስ አበባ ባላደራ ምክር ቤት በቀጣዩ ምርጫ ዕጩዎቹን እንደሚያሳትፍ አስታውቋል፡፡ ከከተማዋ ውጭ ደሞ ከሌሎች ፓርቲዎች ጋር ቅንጅት ወይም ጥምረት ይፈጥራል፡፡ ለፓርቲ ቅድመ ዕውቅና ዝግጅት ለዕሁድ ስብሰባ ጠርቷል፡፡ ሰኞ ከምርጫ ቦርድ የዕውቅና መጠየቂያ ያስገባል፡፡ ከዚያም የምስረታ ጉባዔ እንደሚያደርግ ሰብሳቢው እስክንድር ነጋ ለሀገር ውስጥ ጋዜጠኞች ተናግሯል፡፡

6. በኢትዮጵያ የተከሰከሰው ቦይንግ 737 ማክስ አውሮፕላን ንድፍ ነዳፊዎችን እና የአሜሪካ ሲቪል አቬሽን ተቆጣጣሪ ተቋምን የሚያጋልጡ መረጃዎች እንደወጡ ቢቢሲ ዘግቧል፡፡ የኩባንያው ሠራተኞች ኢሜል ልውውጥ እንደሚያሳየው፣ የአውሮፕላኑን ንድፍ የነደፉት ባለሙያዎች ዋዘኞች ናቸው፡፡ በረራ ተቆጣጣሪ ተቋምም ችግር ላለበት እና አብራሪዎች በቂ ስልጠና ላልወሰዱበት አውሮፕላን የበረራ ፍቃድ የሚሰጥ ግዴለሽ ተቋም እንደሆነ በኢሜሎቹ ተጠቅሷል፡፡

7. የአሜሪካው ፕሬዝዳንት ዶናልድ ትራምፕ ኢትዮጵያን (በስም በቀጥታ አልጠቀሷትም) ከቀውስ ያዳንኩ ሁኜ ሳለሁ፣ የኖቤል ሰላም ሽልማቱ ግን ለሀገሪቱ መሪ መሰጠቱ አሳዝኖኛል ሲሉ ባንድ መድረክ ላይ ትናንት ሲናገሩ በMSNBC ቴሌቪዥን ተመልክተናል፡፡ ለሀገሪቱ ሰላም ምን ሚና እንደተጫወቱ አላብራሩም፡፡ አንድ የውጭ ጉዳይ ሚንስቴር ባለስልጣን ግን ትራምፕ የጠቀሱት በኢትዮጵያ እና ግብጽ መካከል የተጫወቱትን ሚና እንደሆነ ለአሶሼትድ ፕሬስ ተናግረዋል፡፡
8. የሱማሊያው ፕሬዝዳንት ሞሐመድ ፎርማጆ ለ2 ቀናት ጉብኝት ኤርትራ ይገኛሉ፡፡ የጉዟቸው ዐላማ ኤርትራ ባሰለጠነችላቸው ልዩ ሃይሎች ምረቃ ላይ ለመገኘት ነው ተብሏል፡፡ ሱማሊያ በያዝነው የፈረንጆች ዐመት ለምታካሂደው ምርጫ፣ ኤርትራ ተጨማሪ ወታደሮች እንድታሰለጥንላቸው ከፕሬዝዳንት ኢሳያስ ጋር እንደሚመክሩ ከሁለቱ ሀገሮች ዜና ምንጮች ተመልክተናል፡፡

(ይህን የዋዜማ ለቸኮለ ዜና በTelegram ቻናል በኩል Wazema Radio ብላችሁ ብትፈለጉንና ብትቀላቀሉን በየቀኑ ማግኘት ትችላላችሁ)