ትህነግና ተረኛ ተጋላቢ ፈረሶቹ (ክፍል አንድ) – ቹቹ አለባቸው

አለባቸው
ቹቹ አለባቸው

እንደአንድ የኢትዮጵያ ፖለቲካ ታዛቢ በተለይም ደግሞ እንደአማራ የትህነግን ውሎና አዳር ለመከታተል ጥረት ባደረኩ ቁጥር ሁሌም ግርምትን የሚጭርብኝ ብልጣብልጥ አካሄዱ ነው፡፡ አቻነትን የማይቀበልና የብልጫ ድርሻ ልውሰድ ባይ በመሆኑ የፖለቲካ አጋርነትና ትብብር ታሪኩ በክፋት እንጅ በበጎ የሚነሳ አይደለም፡፡ ይህ ከደደቢት በረሃ እስከ ምኒልክ ቤተመንግሥት፤ ከመቀሌ ግዞት እስከ አሸባሪነት ዘመኑ የታየና በመታየት ላይ ያለ እውነታ ነው፡፡

ጦረኛ ተፈጥሮ ከበላይነት እና ቀዳሚነት (እኔነትኢጎ) የተጠናወተው ትህነግ በጫካ ዘመኑ

በአጋርነትና በትብብር እንስራ ብሎ የጠራቸውን ግንባር ገድሊ ሓርነት ትግራይ (ግገሓት) አመራሮች በሌሊት እስከማረድ የደረሰ አረመኔ ቡድን ነው፡፡

ከጀብሓ፣ ከሻቢያ ጋር ያደረጋቸው የትግል አጋርነቶችም ቢሆን የጊዜ ጉዳይ ካልሆነ መጨረሻቸው አላማረም፡፡ የበላይነት ፍላጎቱንና የብቻ ሥልጣን ጠቅላይነቱን ለማረጋገጥ 80 ከመቶ የትግራይ ተወላጆች የሞሉት ‹ኢዲዮ› ጋር ያደረገው ተደጋጋሚ ጦርነት የአንድ ቋንቋ ተናጋሪዎች የእርስ በርስ እልቂት አሳዛኝ ትዕይንት ሆኖ በታሪኩ ሲጠቀስ ይኖራል፡፡ ድርጅቱ የበላይነቱን በማያስረግጥ የትግል መድረክ ላይ የመገኘት ዝንባሌ እንኳ የሌለው ‹እኔ ብቻ› ቀዳሚ እና የበላይ ልሁን ባይ ነው፡፡

1983 ሰኔ ወር ላይ ለይስሙላ ባዘጋጀው የሽግግር ምክር ቤት፣ በአንድ ዓመት ልዩነት የነበሩትን ድርጅቶች በማባረር የበላይነትና ቀዳሚነቱን የሚያስጠብቁ አጋሮችን በራሱ እንደፈጠረ የሚታወስ ነው። ኦነግ፣ የኦጋዴን ብሔራዊ ነፃ አውጭ ግንባር (ኦብነግ)፣ የአፋር ነፃነት ግንባር (አነግ)፣ የሲዳማ አርነት ንቅናቄ (ሲአን)፣ የቤኒሻንጉል ህዝቦች ነፃነት ንቅናቄ (ቤህነን)፣ የምዕራብ ሶማሌ ነፃነት ግንባር (ምሶነግ)፣ የጋምቤላ ህዝቦች ነፃነት ንቅናቄ (ጋሕነን)፣ የኦሞ ሕዝብ ዴሞክራሲያዊ ግንባር (ኦሕዴግ)፣ የኦሮሞ እስላማዊ ነፃነት ግንባር (ኦእነግ)፣… ወዘተ እንደትህነግ ብሔር ተኮር ፓርቲዎች ቢሆኑም (የጃራ አባ ገዳን ፓርቲ በልዩነት ይዘን) የፓርቲዎቹ አጋርነት ከጅምሩ የበላይነቱን የማያስጠብቅ በመሆኑ የሽግግሩ አብሮነት በአሳዳጅ ተሳዳጅ ድራማ እንዲፈጸም አድርጓል፡፡

ከጅምሩ 19 የሚደርሱ የድርጅት ስም የተሰጣቸውን ታጣቂዎችን ከያሉበት አሰባስቦ ‹የኢትዮጵያ ህልውና አጣብቂ ውስጥ ገብቷል› ብሎ ምዕራባውያንን ለማሳመን ሰርቶበታል፡፡ ትሕነግ ከያዛቸው አላማዎች አኳያ፣ አገር ለመያዝ የሚያበቃ ስዕል እና ተቀባይነት መፍጠር አስፈላጊ በመሆኑ፣ ስትራቴጂካዊ ግንባር እና ታክቲካዊ አጋር ለመፍጠር አበክሮ ሲሰራ ቢቆይም፣ እርሱ የኢትዮጵያ አዳኝና ወኪል እንዳይሆን እንቅፋት ይሆኑብኛል ያላቸውን ኃይሎች፣ የሽግግር ም/ቤት ምስረታው የፊርማ ቀለሙ ሰይለቅ ከአዲስ አበባ አሳድዷቸዋል፡፡

ትላንት አጋሬ ናቸው ያላቸውን የፖለቲካ ኃይሎች በትረሥልጣኑ ላይ ራሱን ካደላደለ በኋላ፣ በጦርነት ሲዋጋቸውና ሲያስጨንቃቸው ኑሯል፡፡ በተለየ ሁኔታ ከኦነግ እና ኦብነግ ድርጅቶች እንቅስቃሴ ጋር በተያያዘ የኦሮሞና የሱማሊ ወጣቶችን በጥይት አረር ለብልቧቸዋል፡፡ በከተማም ሆነ በገጠር የአገሪቱን ወጣቶችና የተማረውን የህብረተሰብ ክፍል ሲያሳድድና ሲያስገድል ኖሮ በሽብርተኛነት አስፈረጇቸዋል።

በመጋቢት 2010 ሥልጣን ከእጁ ሲወጣ ‹አጋር ሁኑኝ እያለ› ከወደመቀሌ ሲያላዝን ከረመ፡፡ ከ1984/85 ጀምሮ ለመግደል ሲያሳድዳቸው የነበሩትን የፖለቲካ ኀይሎች 2011 ላይ ‹‹የፌዴራሊስት ኃይሎች›› በሚል የዳቦ ስም ለአጋርነት ለመለመን እንደትህነግ ሞራል አልባ መሆንን ይጠይቅ ነበር፡፡ በዚህ ሳያበቃ የለየለት አሸባሪ ከሆነ በኋላ ከጦር ውረራው ጎን ለጎን ፀረአማራና ፀረኢትዮጵያ ቡድኖችን በአሜሪካ ድጋፍ ሰጭነት አደራጅቶ የአጋርነት ውድቀት ታሪኩን ሊደግመው ተረኛ ተጋላቢ ፈረሶችን አዘጋጀቷል፡፡ አፋርን እየወጋ የአፋር አጋር፣ አገውን እያሳደደ የአገው አጋር፣… ወዘተ የሚፈልግ ፖለቲካ ብቻ ሳይሆን፣ ይሉኝታም ሆነ ነውር የማያውቅ ስለመሆኑ እያሳየን ነው፡፡

ተጨማሪ ያንብቡ:  ኦሮምያና "ልማታዊ ሙስናዎቿ"

በርግጥ ትህነግ ታሪክን በመድገም ደረጃ ይሳካለት ይሆን? ለዚህ ጥያቄ ምላሽ ለማግኘት በዚህ በክፍል እንድ ጽሁፍ ተረኛ ተጋላቢ ፈረሶቹን የፖለቲካ ቁመናና ማህበራዊ መሰረት እንፈትሻለን፡፡

1. የጥምረቱ አካላት ማንነትና ያላቸው ማህበራዊ መሰረት፡

በትላንትናው ዕለት በ Washington press club በአሜሪካ አርክቴክትነት፣ በትህነግ አጋፋሪነት የተመሰረተው ‹‹ጥምረት›› የሚከተለውን ዝርዝር ይዟል፡ትህነግ፣ የኦሮሞ ነጻነት ጦር (OLA-ኦነግ ሸኔ)፣ የአፋር አብዮታዊ ዴሞክራሲ አንድነት ግንባር፣ የቤኒሻንጉል ሕዝብ ነፃነት ንቅናቄ፣ የቅማንት ዴሞክራሲያዊ ፓርቲ፣ የአገው ዲሞክራሲያዊ ንቅናቄ፣ የሲዳማ ብሔራዊ ነፃነት ግንባር፣ የጋምቤላ ሕዝቦች የነፃነት ጦር፣ ሶማሊ ስቴት ሬሲስታንስ (Somali state resistance) ናቸው፡፡

252824375 10158927607069915 1707681250213576483 n 1

ከእነዚህ ስብስቦች ውስጥ በትናንቱ መድረክ ከታዩት ከትህነጉ ብርሃነ ክርስቶስ ውጭ አንዳቸውም በኢትዮጵያ ፖለቲካ ውስጥ በአደባባይ ተሳትፎ ሲያደርጉ ያልታዩ ፀጉረልውጦች ናቸው፡፡ ፀጉረልውጥ ስል አዲስ ተጋላቢ ጎፈር ፈረሶች ናቸው ማለቴ ነው፡፡

ስብስቡን አጠር አድርገን ስንመለከተው፡

ትህነግ በፍፁም ተስፋ መቁረጥ ውስጥ የወደቀ አጥፍቶ መጥፋትን ግቡ ያደረገ ኃይል ነው፡፡ የገዛ ሕዝቡን ጭዳ ማድረግን እንደትግል ግብ የቆጠረ ቀቢፀ ተስፋ ውስጥ የገባ በደም የሰከረ መሆኑን በተግባር በማስመስከር ላይ ነው፡፡

252966958 10219526762790667 6422953602235268644 n

ትልቁን የኦሮሞ ሕዝብ በማሳነስ የሚታወቀው ኦነግ ራሱን እንደአሜባ እያራባ ለአጠራር ቢያስቸግረንም፣ የአሁኑ ተረኛ የትህነግ አጃቢ የኦሮሞ ነጻነት ጦር (OLA-ኦነግ ሸኔ) ሁኗል። ስብስቡ የአብዛኛዉን የኦሮሞ ህዝብ አመኔታ ያገኘ አይደለም ፡፡ እስካሁን ባለው ታሪኩ ራሳቸውን መከላከል የማይችሉ ንጹሃን አማራዎችን አልፎ አልፎም የኦሮሞ ተወላጆችን ከመግደል ውጭ በወታደራዊ ኦፕሬሽን ከተማ ሲቆጣጠር አልታየም፡፡ ይሄም ሆኖ ዛሬም ትላንት ካሳደደዉ ትህነግ ጋር ጋብቻ ፈፅሟል።

የአፋር ስም የያዘው ‹‹ፓርቲ›› ስሙን ያወጣለት ራሱ ትህነግ ሳይሆን አይቀርም፡፡ በስሙ መካከል ‹አብዮታዊ ዴሞክራሲ› የሚል ይገኝበታል፡፡ ያም ሆነ ይህ ዲያቆን ዳንዔል ክብረት እንዳለው ኢትዮጵያ አፋርን መሆን የሚገባት ጊዜ ላይ በመሆኗ፣ አፋር የአሸባሪ ወኪል በስሙ እንዲጠራበት አይፈቅድም፡፡ በዚህ የህልውና ጦርነት የድል አብሪ ሁነው የተገኙት አፋሮች ናቸው፡፡ እንደኤርታሌ የማይደፈሩ ስለመሆናቸው ራሱ ትህነግ የሚያውቀው እውነታ ነው፡፡

የቤኒሻንጉል ሕዝብ ነፃነት ንቅናቄ የሚባለው ጉድ ፍጥረት ደግሞ ከኤርትራ እስከ መተከል የመጣ የሄደው ኃይል መጠቀሚያ ሁኖ ቆይቷል፡፡ አሜሪካን ሀገር አንዱን ስደተኛ ስብስቡ ውስጥ ጎተትው አስገብተውት ታይቷል፡፡

ተጨማሪ ያንብቡ:  ሰው አይጥፋ! ከሚሊዮን አንድም ቢሆን እውነተኛ ሰው አይጥፋ! እንደ ብፁዕ አቡነ ኤርሚያስ ያለ ሰው አይጥፋ!

 

የቅማንትና የአገው ወኪል ነን ያሉ ነጠላ ግለሰቦችም ቢሆን የሕዝብ ሳይሆን የትህነግ አጀንዳ ተሸካሚ ስለመሆናቸው ባለፉት ሦስት ዓመታት በተግባር አሳይተዋል፡፡ የአገውም ሆነ የቅማንት ሕዝብ በትህነግ ሲጠቃ የኖረ መሆኑ ብቻ ሳይሆን፣ በሁለንተናዊ አብሮነቱ ከወንድሙ የአማራ ሕዝብ ጋር ዕጣ ፈንታው የተቆራኘ ነው፡፡ በመሆኑም ከትህነግ ጋር ያበሩ ሁሉ ደመኛ ጠላቶቹ ናቸው፡፡

10ኛው የኢትዮጵያ ክልል ሁኖ የተመዘገበው ሲዳማ በህልውና ዘመቻው ቁልፍ ባለድርሻ ሁኖ ታይቷል፡፡ ትህነግን ለመደምሰስ የሰው ኃይል ከማዋጣት እስከ ሀብት ማሰባሰብ ድረስ የሀገረመንግሥቱ አለኝታ ሁኖ ተግንቷል፡፡ ነውር የማያውቀው ትህነግ፣ የሲዳማ ብሔራዊ ነፃነት ግንባር የሚል የዲያስፖራ አክቲቪስቶችን ይዞ በ Washington press club ትራጆኮሜዲ ትያትር አሳይቶናል፡፡ የሲዳማን ሕዝብ ግን ራሱን በራሱ ለማስተዳደር በታገለበት ወቅት ግንቦት 16/1994 ሎቄ ላይ በትህነግ መሪነት የተፈጸመበትን ጭፍጨፋ ያውቃል፡፡ የሎቄ ሰማዕታት የሚፋረዱት ስብስብ በሲዳማ ሕዝብ ልብ ውስጥ ቦታ የሚኖረው አይመስልም፡፡

በትላንቱ ተረኛ የተጋላቢ ፈረሶች ስብስብ ሌላኛው ገራሚ ትዕይንት የጋምቤላ ሕዝቦች የነፃነት ጦር የሚል ስያሜ የያዘው ነው፡፡ በመድረኩ ንግግር ሲያደርግ ‹በጋምቤላ ሕዝብ ላይ የዘር ማጥፋት ወንጀል ተፈጽሟል›› ሲል ተናግሯል፡፡ አዎ እውነት ነው ጋምቤላ ውስጥ የዘር ማጥፋት ወንጀል ተፈጽሟል፡፡ ፈጻሚውም ትህነግ ይባላል፡፡ በነገራችን ላይ ትህነግ በ1996 .. በጋምቤላ ክልል በአንድ ኦፕሬሽን ከአራት መቶ በላይ የአኝዋክ ተወላጆችን በጅምላ ሲጨፈጭፍ እና በሺህዎች ሲያሰር፣ አሜሪካ ምንም እንደማትጨነቅ በዝምታ አስመስክራለች። ዛሬ ደግሞ ገዳይና ሟችን ከያሉበት አገናኝታ ለግልቢያ እያመቻቸች ነው፡፡

የትህነግ ሰምንተኛው ፈረስ ለስሙም እንግዳ የሆነው ሶማሊ ስቴት ሬሲስታንስ (Somali state resistance) ነው፡፡ መረጃዎች እንደሚያመለክቱት፣ ሙሀመድ ኡጋስ በሚባል የታክሲ ሹፌር የተወከለው ይህ ጉድ ፍጥረት ለስሙ የኮንፌዴሬሽን አቀንቃኝ ቢሆንም መዳረሻ ፍላጎቱ (ቢያስን በምናብ) የሲያድባሬ ቅዥት ‹ታላቋ ሶማሊያ› ነች፡፡ ይህ ደግሞ ከኢትዮጵያ ሱማሌ አልፎ ጅቡቲንና ሁለቱን (ሶማሊላንድና ፖንትላንድ) ራስ ገዝ አስተዳደሮችን የሚያስቆጣ ብቻ ሳይሆን ጦር የሚያማዝዝ አጀንዳ ነው፡፡ የሞቃዲሾው መንግሥትም ቢሆን ውስጣዊ ፈተናዎቹን ማለፍና ቀጣነዊ ህብረት እንጅ ለዚህ መሰሉ ቅዥት ቦታ ያለው አይመስለኝም፡፡ Somali state resistance የሙስጠፌን አስተዳደር የሚቃወም ብቻ ሳይሆን የሚሻገር ፍላጎት ያለው እንደሚሆን መሰማቱ የተደገሰውን ጥፋት ያሳያል፡፡

ትህነግ ከ1990ዎቹ አጋማሽ ጀምሮ በሶማሌ ክልል ኦጋዴን አካባቢ፣ በኦብነግ ስም በሺዎች የሚቆጠሩ ሰዎችን በጅምላ ሲጨፈጭፍ እና ሲያስር አሜሪካ ምንም እንደማትጨነቅ የጅምላ ግድያዎቹን በዝምታ በማለፍ አስመስክራለች። ዛሬ ድግሞ የቀጠናው makers and breakers ሁና ለመቀጠል አራጅና ታራጅን በአንድ ለማሰለፍ ላይ ታች እያለች ነው፡፡

በአጠቃላይ ትህነግ Washington press club ውስጥ በአሜሪካ አመቻማችነት ሊያሳየን የሞከረው ትዕይንት በጥንቃቄ ካልተያዘ በንቀት ብቻ ማለፉ ዋጋ ሊያስከፍል የሚችልበት ሁኔታ አለ፡፡ ‹የተናቀ ምን…› እንዲሉ ሁኔታዎች በእንጭጩ እንዲቀጩ ካልተደረገ ለኢትዮጵያ ብቻ ሳይሆን ለአፍሪቃ ቀንድም አደጋ ሊሆን ይችላል፡፡ ምክንያቱም በጉዳዩ ላይ አሜሪካ እና ጥቂት ግን ደግሞ የማይናቁ የምዕራቡ ዓለም ሀገራት እጃቸውን ያስገቡበት ጉዳይ ነውና፡፡

ተጨማሪ ያንብቡ:  እኔ ስለአንድነት/መድረክ እከራከራለሁ

የዲሞክቶቹ ነገር…

ትህነግ በሰሜን እዝ ላይ ጥቃት በመሰንዘር በኢትዮጵያ ላይ ጦርነት ሲያወጅ፤ በአስር ሺህዎች የሚቆጠሩ የመከላከያ ሠራዊት አባላት እና በሺዎች የሚቆጠሩ ሲቪሎች ሲጨፈጭፍ ዲሞክራቶቹ ገና ከመመረጣቸው፣ በባይደን ቡራኬ፣ በሱዛን ራይስ አርክቴክትነት

በነ ብላይኬን ፊት አውራሪነት፣ በጀፍሪ ፊልት ማን እግረኝነት፣ በአምባሳደር ጌታ ፒቲ መረጃ አቀባባይነት “ትግራይ ላይ እልቂት ታውጇል!” እያሉ መጮህ ጀመሩ፡፡ ከአንድ ዓመት በኋላ ዓለማቀፍ የምርመራ ሪፖርት ይፋ ሲደረግ በትግራይ ጀኖሳይድ እንዳልተፈጸመ አረጋገጠ፡፡ በርግጥ ይህ ሪፖርት የራሱ ፍላጎቶች ቢኖሩትም፣ አሜሪካኖቹና የምዕራቡ ሚዲያ ኢትዮጵያን ለመወንጀል ሲጓዙበት የነበረውን የተሳሳተ መንገድ ያጋለጠ ሁኗል፡፡

ብሌንኬን እና ሱዛን ራይስ ከአሸባሪው ትህነግ ጋር “ድርድር” እንዲደረግ ሲያስፋራሩ መቆየታቸው አልሳካ ቢል ኢትዮጵያ ላይ ማዕቀብ እስከመጣል ደርሰዋል፡፡ እስከ 2025 ድረስ ከቀረጥ ነጻ ተጠቃሚ ከሆንበት African Growth and Opportunity Act (AGOA) ሰርዘውናል፡፡ ይህ በትንሹ በመቶ ሺህ የሚቆጠሩ ዜጎችን ከሥራ የሚያሰናብት በመሆኑ በኢትዮጵያ ላይ የተከፈተው ጦርነት ቅይጥ (hybrid warfare) ስለመሆኑ፣ በጦርነቱ ውስጥ የአሜሪካ እጅ እየረዘመ ስለመምጣቱ አመላካች ነው፡፡

ከአሸባሪና ወራሪ ኃይል ጋር ተደራደሩ የሚሉት አሜሪካኖች ዛሬ ደግሞ ይባሱኑ የ1983ቱን ሁኔታ የሚያስታውስ ‹‹የሽግግር ድልደላ›› ላይ ገብታለች፡፡ ነገሩ እኔ ያቀረብኩላችሁን አስገዳጅነት ካልተቀበላችሁ የሚል ማስፈራሪያ መሆኑ ነው፡፡ ይህን ነው “የአሜሪካ ዲፕሎክርሲማለት። የአሜሪካ ዲፕሎማሲያዊ አጭበርባሪነት ከግብዝነታቸው የሚመነጭ በሽታቸው ስለመሆኑ ከመካከለኛው ምስራቅ እስከ ካሪቢያን እና አፍሪቃ ድረስ በውጭ ጉዳይ ፖሊሲዎቻቸው ላይ ታይቷል፡፡ ከሰሞኑ የአሜሪካ የውጭ ጉዳይ ልዩ መልዕክተኛ (የኢትዮጵያ ጉዳይ ተከታታይ የተደረገው) ጀፍሪ ፊልት ማን ያመጣው ወያኔያዊ አጀንዳ በኢትዮጵያ መንግሥት ተቀባይነት በማጣቱ አሜሪካ ዜጎቿ ከኢትዮጵያ ለቀው እንዲወጡ ማስጠንቀቂያ በመስጠት ላይ ነች፡፡ ይህ ጥሪ የተላለፈው ከፊልት ማን የመልስ ጉዞ ጋር መሆኑ ማስጠንቀቂያው ኢትዮጵያን በሌላው ዓለም የማሳጣትና ሽብር ውስጥ የመክተት ስልት መሆኑ ነው፡፡ መቼውንም ቢሆን ከአሸባሪውና ወራሪው ትህነግ ጋር ድርድር የማይታሰብ ነገር ነው፡፡

እኛ ኢትዮጵያውያን የውስጥ ጉዳያችን በራሳችን መንገድ እንወጣዋለን። ኢትዮጵያ መቼም ቢሆን የማይገረሰስ ልዖላዊነት ያላት ሀገር ነች። ምንም እንኳ የቁስ ደሀ ብንሆንም ክብራችን አሳልፈን አንሰጥም። ነጻ ሀገር ነጻ ሕዝብ ነን!!

(ጽሑፉ ይቀጥላል… በቀጣይ የጥምረቱ ዓላማ/ግብ ምንድን ነው? የጥምረቱ ግብ የመሳካት ዕድሉ ምን ያክል ነው? ይሄን ሴራ በማክሸፍ ከኢትዮጵያዊያን ምን ይጠበቃል? በሚሉ ርዕሰ ጉዳዮች ላይ እይታየን አጋራለሁ)

 

3 Comments

  1. Well, it is the right thing to try to put the general crisis the country is facing in a perspective that makes sense and contribute to the movement of making things right!
    However, the very political thinking of not questioning and blaming and making oneself responsible for what terribly went wrong but just questioning and blaming those who are determined to go with getting their beast- like political and economic interests by doing any dirty and criminal action is terribly nonsensical and self-defeating!
    I do not understand how the very political mentality of just keep talking and wetting and theorizing the very self-evident dirty and deadly political behavior and action of others without being courageous enough to hold one’s very stupid way of doing politics responsible and accountable can make any real sense of being educated!
    I do not know how the very clumsy political rhetoric and mentality of telling the very clear purposes of those highly deceptive and brutal merchants of the politics of ethnocentrism, but not being able to see one’s horrible mistakes and make necessary correction can make sense! Okay, we got your critique on the very brutal behavior and action of those guys of TPLF, OLF, and all other members of the tragic political path and action. But what about and how about those compatriots who do cry about the very endless and untold sufferings of the people? Painfully sad!

    • ቹቹ አለባቸው ድንቅ ነው በዚህ የዘመቻ ወቅት ባይሆን ቅጠልያ ነገር ይለበሳል እንጅ አገር አማን እንደሆነ ሁሉ ……. መከራችን በዝቷል ዋናው ሰው የነጩ ቤተ መንግስት አጋፋሪ ዮሀንስ አብረሀም የተባለው ለክፉ ቀን የተዘጋጀ ትግሬ ነው ይላሉ።

      ታክሲ ማህበሩ ውስጥ ህዝቅኤል ጋቢሳና መራራ ጉዲናን አየሁ ልበል? ለነዚህ ሰዎች እንደ ብርሀኑ ነጋ ወጥተው የሚገቡበት ስራ ቢሰጣቸው እኛም እናርፍ ነበር። ዛሬ አረጋዊ በርሄ ሌንጮ ለታ ዲማ ነገዎ እንደ ሰው ለመጀመሪያ ጊዜ ስማቸው ደሞዝ መክፈያ ዝርዝር ውስጥ ሲካተት የተሰማቸው ደስታ ይህ ነዉ አይባልም። ትግሬ ምነው ከፋ ምን አደረግነው? ለምንስ የክፋት ምሳሌ ሁኖ Oxford dictionary ውስጥ ይገባል።

  2. ጠግነው ነገርህ ግራ ገባ ትሁን አማርኛን ከጠላህ በምታውቀው ቋንቋ ብትጽፍ አስተርጉመን እንረዳው ነበር መልእክት ግን አወሳስበህ እኛም ተወሳስበን ጊዜው አላግባብ ባከነ ለማንኛውም ቋንቋ ማለት እንደ ቤህር የሰፋውን አስተሳሰብ ስርአት ብለው ድምጽ ሀሳብን ለሌላው ማድረስ ነው ጽሁፍም እንደዛው። በተረፈ ቹቹም በዚህ ሊረዳህ ይችላል እውቀት ላይ ንፉግ አልመሰለኝም።

ሀሃሳብ እና አስተያትዎን ይስጡ

Your email address will not be published.