የሰሜን ሸዋ ኮማንድ ፖስት ዓላማ፡ሰሜን ሸዋን ሰሜን ኦሮምያ ማድረግ – መስፍን አረጋ

ይህ ጦማር ሰባት ነጥቦችን ያካተተ ጦማር ነው፡፡images 10

አንደኛ ነጥብ፡፡  ዐብይ አሕመድ ለሰሜን ሸዋ የደገሰለትን ኦነጋዊ ድግስ፣ በሁለት ኦነጋዊ እንደራሴወች አማካኝነት የፓርላማን ደንብ በመጣስ በጥያቄ መልክ እንዲነበብ አደረገ፡፡  ጥያቄውም የአማራ ልዩ ኃይል አካባቢውን ለቆ እንዲወጣና በምትኩ መከላከያ እንዲገባ ነው፡፡  መከላከያ እንዲገባ የተፈለገበት ምክኒያት ደግሞ፣ በስሙ የሀገር መከላከያ ቢሆንም በግብሩ ግን የኦሮሞ፣ ለኦሮሞ በኦሮሞ የሆነ የኦነግ መከላከያ በመሆኑ ነው፡፡  ሁለቱም ደግሞ የኦነግ ወታደራዊ ክንፎች ናቸው፡፡  የኦነግ ፖለቲካዊ ክንፍ ደግሞ በራሱ በዐብይ አሕመድ የሚመራው በስሙ የተደገፈው መልከ ጥፉው ብልጽግና ነው፡፡

ሁለተኛ ነጥብ፡፡ ዐብይ አሕመድ የጫካውን ኦነግ (ማለትም ኦነግ ሸኔን) እና የከተማውን ኦነግ (ማለትም መከላከያን) በማስተባበርና በማቀናበር በሰሜን ሸዋ አማሮች ላይ ከፍተኛ ሽብር ከፈተ፡፡ ቀጠናው ከሞላ ጎደል ሙሉ በሙሉ ከአማሮች ነጻ እስኪሆን ድረስ በዝምታ ጠበቀ በኋላ፣ በቀጠናው ላይ የከተማው ኦነግ (ማለትም መከላከያ) አዛዥና ናዛዥ የሆነበትን ኮማንድ ፖስት አቋቋመ፡፡  በዚህም ሁለቱ አነጋዊ እንደራሴወች በፓርላማ ላይ እንዲጠይቁት ያደረጋቸውን ጥያቄ ወር ባልሞላ ጊዜ ውስጥ መልስ እንዲያገኝ አደረገ፡፡

ሦስተኛ ነጥብ፡፡  ቀጠናው በኮማንድ ፓስት ስም በከተማው ኦነግ (ማለትም በመከላከያ) ሙሉ ቁጥጥር ውስጥ ሲሆን፣ የጫካው ኦነግ (ማለትም ኦነግ ሸኔ) ወደቀጠናው እየገባ ሁከት እንዳይፈጥር ቀጭን ትእዛዝ ስለሚሰጠው ወደ ቀጠናው ዝር አይልም፡፡  ወደ ቀጠናው ለመመለስ የሚሞክሩ ዐማሮች (በተለይም ወጣቶች) ደግሞ አሸባሪወች እየተባሉ በተገኙበት በኮማንድ ፓስቱ ይረሸናሉ፡፡  ዐብይ አሕመድ ደግሞ ቀጠናውን በኮማንድ ፓስት በማስተዳደር ሰላም አሰፈንኩ እያለ ይታበያል፡፡  የመንግስት ሚዲያወችና ኢሳትን የመሳሰሉ ተደማሪ ሚዲያወች ደግሞ ታላቁ ሰላም አስከባሪ እያሉ ለዐብይ አሕመድ ውዳሴያቸውን ቀን ከሌት ያዘንቡለታል፡፡  ፕሮፌሰር አለማየሁ ገብረማርያም ደግሞ ዐብይ አህመድ ለሰሜን ሸዋ ላደረገላት፣ እያደረገላት ላለውና ወደፊት ለሚያደርግላት ሁሉ ከፍተኛ ምስጋናውን በመግለጽ (THANK YOU, PM ABIY AHMED FOR EVERYTHING YOU HAVE DONE, Al Mariam) በቃላት ጭውውት የተሞላ፣ በሸክስፒር ጥቅስ አርኬወች የተከፋፈለ አርባ ገጽ ስንክሳር ይጽፍለታል፡፡  ኮማንድ ፖስቱ ደግሞ ሰላም ስላሰፈነ እድሜው ይራዘምልን ብለው እነዚሁ ሁለት ኦነጋዊ እንደራሴወች ፓርላማውን ይጠይቃሉ፡፡  የይስሙላው ፓርላማ ደግሞ ጥያቄውን ወዲያውኑ ይቀበላል፡፡

ዐራተኛ ነጥብ፡፡  የኮማንድ ፓስቱ እድሜ ሥራውን እስኪያጠናቅቅ ድረስ ይራዘማል፡፡  ይህ ሥራው ደግሞ (የመተከል ኮማንድ ፓስት እንደሚያደርገውና ሽመልስ አብዲሳ እንደተናገረው) በተነቀሉት አማሮች ምትክ ኦሮሞወችን እየተከለ፣ የሕዝብ አሰፋፈርን በመቀየር ሰሜን ሸዋን ሰሜን ኦሮምያ ማድረግ ነው፡፡  የሰሜን ሸዋ ኮማንድ ፖስት ዓላማ ይሄውና ይሄው ብቻ ነው፡፡

አምስተኛ ነጥብ፡፡  ያማራ ልዩ ኃይል እስካፍንጫው የታጠቀውን የወያኔን ጦር በነፍስ ወከፍ መሳርያ ብቻ ድባቅ በመምታት፣ ያብይ አሕመድን አገዛዝ ከውድቀት ያዳነ ትልቅ ኃይል ነው፡፡  በመሆኑም ይህ ትልቅ ኃይል ተገቢው ስንቅና ትጥቅ ከቀረበለትና ከጀርባው ካልተወጋ፣  ሰሜን ሸዋን ቀርቶ ሙሉ ሸዋን ከኦነግ ሠራዊት ሙሉ በሙሉ ለማጽዳት ሳምንት አይፈጅበትም፡፡  ስለዚህም፣ ዐብይ አሕመድ ለሰሜን ሸዋ ያቀደውን ኦነጋዊ እቅድ ለማሳካት ካልሆነ በስተቀር፣ በብርሃኑ ጁላ የሚመራው የኦሮሙማ ጦር ሰሜን ሸዋን በኮማንድ ፓስት ስም የሚያስተዳድርበት ምንም ምክኒያት የለውም፡፡

ስድስተኛ  ነጥብ፡፡  ይህ ነጥብ ደግሞ የአማራ ክልል አስተዳዳሪ ነው ለሚባለው ለአቶ አገኘሁ ተሻገር ነው፡፡  ዐብይ አሕመድ ጀግንነቱን በተግባር ያስመሰከረው ያማራ ልዩ ኃይል እያለ፣ በብርሃኑ ጁላ የሚመራውን የኦሮሙማን ጦር በኮማንድ ፓስት ስም ሰሜን ሸዋ ላይ የሚያሰማራበት ምንም ምክኒያት ስለሌለው፣ ማናለብኝ ብለህ በገዛ ፈቃድህ አሰማራ እንጅ እኔ ግን እንድታሰማራ አልፈቅድልህም በለው፡፡  አለበለዚያ ያጼ ዳዊትን ምድር፣ አጼ አምደ ጽዮን ገድሉን በደሙ የጻፈበትን ቅዱስ ቦታ፣ አጼ ልብነድንግል አማራን በቱርክ ከሚታገዝ ጨፍጫፊ ለመታደግ የተንከራተተባቸውን ተራሮችና ሸንተረሮች፣ የኦነግ ጨፌ ታስደርጋለህ፡፡  ለዚህ ደግሞ ታሪክ መቸም ይቅር አይልህም፡፡  ዐብይ አሕመድ የሚታበየው ባንተ (ማለትም በብአዴን) ላይ ቁሞ ስለሆነ፣ አንድ ቀን ጀግነህ አሻፈረኝ ብትለው (ለማ መገርሳ በጌታቸው አሰፋ ፊት አደረገው እንደሚባለው)፣ ዐብይ አህመድም በቁሙ ሲሸና ታየዋለህ፣ ጨካኝ ሲባል ቀዝቃዛ ውሃ ውስጥ የሚያልበው ፈሪ ነውና፡፡

ሰባተኛ ነጥብ፡፡  ወያኔ ደደቢት ላይ የለኮሰውን፣ አማራን እየለበለበ የሚፈጀውን እቶን እሳት የሚያቀጣጥለው፣ አማራ ደሙን ገብሮለት፣ በጫንቃው አዝሎ ቤተመንግስት ያስገባው ዐብይ አህመድ ስለሆነ፣ ይህ ሰይጣናዊ ፀራማራ እስካልተወገደ ድረስ እሳቱ መቸም አይበርድም፡፡

መስፍን አረጋ
[email protected]

2 Comments

  1. ወገን ለኔ ብለህ ስማ፤ የፋሲካው በግ በገናው በግ መሣቅ የለበትም።
    አንድ መረሣት የሌለበት ዋና ጉዳይ እነዚህ ጭራቆች ሃሣብና ዕቅዳቸው ተሣክቶ አይጨርሱትም እንጂ አማራን ከጨረሱ በኋላ ወደሌላው ነገድና ጎሣ ዞረው በቀናት ውሥጥ ድምጥማጡን እንደሚያጠፉት ቅንጣት አንጠራጠር። አማራ ላይ እንዲህ የጨከኑ ሌላው ላይማ እንዴት ይከፉ??? ስለዚህ በግምባር ተጠናክሮ እንደሚቀጥል የሚጠበቀውን ከአራጅ ተረኛ ዘረኞች ነጻ የመውጣት ሀገራዊ ትግል ሁሉም ዘውግ – አማራ ትግሬ፣ ኦሮሞ ጉራጌ፣ ሃዲያ ከምባታ፣ አፋር ሶማሌ፣ ጋሞ ወላይታ፣ በርታ ሽናሻ፣ አገው ቅማንት … – ሣይል ሁሉም ለራሱ ኅልውና ሲል ሊረባረብ ይገባል።

ሀሃሳብ እና አስተያትዎን ይስጡ

Your email address will not be published.