ኮሎኔል ይርጋለም ፍቃዱ እና ሌተናል ኮሎኔል ተወልደ ብርሃን ሊሸሹ ሲሉ አፋር ላይ መያዛቸውን መርማሪ ፖሊስ ይፋ ገለፀ

Justice ኮሎኔል ይርጋለም ፍቃዱ እና ሌተናል ኮሎኔል ተወልደ ብርሃን ሊሸሹ ሲሉ አፋር ላይ መያዛቸውን መርማሪ ፖሊስ ይፋ ገለፀ
ባሕር ዳር፡ ታኅሣሥ 12/2013 ዓ.ም (አብመድ) ኮሎኔል ይርጋለም ፍቃዱ እና ሌተናል ኮሎኔል ተወልደ ብርሃን ሊሸሹ ሲሉ አፋር ላይ መያዛቸውን መርማሪ ፖሊስ ለችሎት ይፋ አረገ።
ይህን የገለጸው የፌደራል ፖሊስ ኮሚሽን ወንጀል ምርመራ አባል ተጠርጣሪዎቹ በዋስ እንዲወጡ ፍርድ ቤቱን መጠየቃቸውን ተከትሎ ነው።
የፌደራል የመጀመሪያ ደረጃ ፍርድ ቤት አራዳ ምድብ 2ኛ የጊዜ ቀጠሮ ችሎት እነዚህ ተጠርጣሪዎችን ጨምሮ 10 በመከላከያ በተለያዩ ዘርፎች ላይ ተመድበው ሲሰሩ የነበሩ መኮንኖችን ጉዳይ ተመልክቷል።
ተጠርጣሪዎቹ ኮሎኔል ሃረጎት በርሄ፣ ሌተናል ኮሎኔል ሙሉ አለሙ፣ ብርጋዴል ጄኔራል ይልማ ከበደ፣ ኮሎኔል በረከት ወልደአብየዝጊ፣ መቶ አለቃ ገብረጎርጊስ፣ ሌተናል ኮሎኔል ግደይ ገብረእየሱስ፣ ሻለቃ ሃሳቡ መሃመድ፣ መቶ አለቃ ጸሃየ ሃይሉ፣ ኮሎኔል ይርጋለም ፍቃዱ እና ሌተናል ኮሎኔል ተወልደ ብርሃነ ናቸው።
ተጠርጣሪዎቹ በአገር መከላከያ ሰራዊት ውስጥ በስራ ላይ ሆነው ወንጀል ለመፈጸም የሥራ ክፍፍል አድርገው ሢሠሩ እንደነበር በማስረጃ አረጋግጫለው ሲል መርማሪ ፖሊስ በተሰጠው ጊዜ የሠራውን ስራ ለችሎት ገልጿል።
ውጭ ሀገር ላሉ አካላት ሀሰተኛ መረጃ ሲያቀብሉ ነበር ያለው መርማሪ ፖሊስ በወቅቱም በመከላከያ ሰራዊት ችግር እንዲስፋፋ ሲያባብሱ ነበር ብሏል ፖሊስ ለችሎቱ።
በዚህ ተሳትፏቸውም በሰሜን እዝ ላይ ጥቃት እንዲፈጸም ሲሰሩ እንደነበር ባገኘሁት ማስረጃ አረጋግጫለው ሲል ተናግሯል።
ተጠርጣሪዎቹ በተለያዩ ቦታዎች በስራ ላይ እንደነበሩ ገልጸው ፤ የወንጀል ተሳትፏችን ሊገለጽ ይገባል ፤ ከወንጀሉ ጋር ግንኙነት የለንም ሲሉ በነጻ አልያም በዋስ እንዲወጡ ችሎቱን ጠይቀዋል።
መርማሪ ፖሊስ በበኩሉ ኮሎኔል ይርጋለም ፍቃዱ እና ሌተናል ኮሎኔል ተወልደ ብርሃን ሊሸሹ ሲሉ አፋር ላይ መያዛቸውን ለችሎት ገልጿል።
ተጠርጣሪዎቹ የወንጀል ግብረአበሮቻቸው ስላሉ ከዚህ ቢወጡ ጉዳት ሊያደርሱና ሊሸሹም ይችላሉ ሲል ዋስትናውን ተቃውሞ ተከራክሯል።
የሁለቱን ክርክር ያዳመጠው ችሎቱ የእያንዳንዳቸውን ተሳትፎ ከመዝገቡ ተመልክቶ ትዛዝ ለመስጠት ለታኅሣሥ 15 /2013 ዓ.ም ተለዋጭ ቀጠሮ መስጠቱን ኢዜአ ዘግቧል።
ተጨማሪ መረጃዎችን ከአብመድ የተለያዩ የመረጃ መረቦች ቀጣዮቹን ሊንኮች በመጫን ማግኘት ትችላላችሁ፡፡
በዌብሳይት amharaweb.com
በቴሌግራም https://bit.ly/2wdQpiZ

ሀሃሳብ እና አስተያትዎን ይስጡ

Your email address will not be published.